10/28/2015

කොටි සැකකරුවන්ට දඬුවම් මිස නිදහස නොදිය යුතුය

කතෘ:යුතුකම     10/28/2015   No comments

දරුණු ගනයේ එල්ටීටීඊ සැකකරුවන් නිදහස්‌ කිරීම සඳහා මේ වන විට සියල්ල සුදානම්ය. පොදු සමාවක්‌ ලෙස මුලින් සිදුකරන්නට ගිය මේ කටයුත්ත සමාජයේ විවිධ පාර්ශව මෙන්ම ආණ්‌ඩුවේ යම්යම් කණ්‌ඩායම්වල බලපෑම් ද හමුවේ ඇප ලබාදීම් ලෙස හඳුන්වමින් සිදුකරන්නට නියමිතය.

බන්ධනාගාරගතව සිටින එල්.ටී.ටී.ඊ සැකකරුවන් ඇතුළු දෙමළ රැඳවියන් පොදු සමාවක්‌ යටතේ නිදහස්‌ නොකිරීමටද, ඔවුන් නීත්‍යනුකූලව ඇප මත කඩිනමින් නිදහස්‌ කිරීමේ වැඩපිළිවෙලක්‌ ක්‍රියාත්මක කිරීමටද රජය තීරණය කර ඇතැයි ජාතික සංවාද පිළිබඳ අමාත්‍ය මනෝ ගනේෂන් මාධ්‍ය වෙත පවසා තිබේ.

බන්ධනාගාර ගතව සිටින එල්.ටී.ටී.ඊ සැකකරුවන් ඇතුළු දෙමළ රැඳවියන් නිදහස්‌ කිරීම සම්බන්ධයෙන් මීට පෙර කැබිනට්‌ මණ්‌ඩලයට යෝජනා ඉදිරිපත් වුවද එහිදී විවිධ පාර්ශව වලින් එල්ලවූ විරෝධතා මත ඒවා අඩපණ විය. එහෙත් තම උත්සාහය අත්නොහැරි දෙමළ පක්‌ෂ හා දෙමළ ඩයස්‌පෝරාව අවසානයේ කෙසේ හෝ ජයගෙන තිබේ.

ජිනීවා සමුළුවේදී මානව හිමිකම් පිළිබඳ ශ්‍රී ලංකාවට නොයෙක්‌ චෝදනා එල්ල කරමින් එල්.ටී.ටී.ඊ. ඩයස්‌පෝරාවේ සහ ඊට පක්‌ෂපාතී විජාතික බලවේග උත්සාහ කළේ මේ දරුණු ත්‍රස්‌තවාදීන් කෙසේ හෝ නිදහස්‌ කරවා ගන්නටය. පරාජයට පත්වූ එල්.ටී.ටී.ඊ. සංවිධානයට යළි පණ පෙවීමට එල්.ටී.ටී.ඊ. ඩයස්‌පෝරාව යළි උත්සාහ දරමින් සිටී. ඒ සඳහා ඔවුන්ට මේ සිරගතව සිටින ත්‍රස්‌තවාදී සැකකරුවන් අත්‍යවශ්‍ය පිරිසකි. එල්.ටී.ටී.ඊ. ඩයස්‌පෝරාව විවිධ ත්‍රස්‌ත ක්‍රියාවලට සැකපිට බන්ධනාගාරගතව සිටින එල්.ටී.ටී.ඊ. සාමාජිකයන්ට නීති හා මූල්‍ය ආධාර ලබාදෙන බවද රහසක්‌ නොවේ. වේළුපිල්ලේ ප්‍රභාකරන් නැති වුවද නව නායකත්වයක්‌ යටතේ එල්.ටී.ටී.ඊය ප්‍රති නිර්මාණය කිරීම එල්.ටී.ටී.ඊ. ඩයස්‌පෝරාවේ අරමුණ බවට සැක නැත. මේ දෙමළ ඩයස්‌පෝරාවට එල්.ටී.ටී.ඊ. සංවිධානය යළි ක්‍රියාත්මක වීම අත්‍යවශ්‍ය වන්නේ ඒ තුළ ඔවුන්ගේ පැවැත්ම මුළුමනින්ම රැඳී ඇති නිසාය. ලොව පුරා දෙමළ ප්‍රජාවෙන් හා ජාත්‍යන්තරයෙන් ආධාර එකතු කිරීමට නම් එල්ටීටීඊ යළි නිර්මාණය විය යුතුය. එසේ නොමැතිව කිසිවකුත් මේ දෙමළ ඩයස්‌පෝරාවට ආධාර ලබාදෙන්නේ නැත.

කොළඹ - මැගසින්, අනුරාධපුරය සහ මඩකලපුව බන්ධනාගාරවල සිටින එල්.ටී.ටී.ඊ. සැකකරුවන් ඇතුළු දෙමළ රැඳවියන් පිරිසක්‌ තමන් නිදහස්‌ කරන ලෙස ඉල්ලා පසුගිය දිනවල උපවාසයකද නිරත වූහ. මෙය පසුපස සිටියේද දෙමළ ඩයස්‌පෝරාව සහ මෙරට දෙමළ දේශපාලනඥයන් පිරිසකි. ඔවුන්ගේ ගැටලුවලට කඩිනම් විසඳුම් ලබාදෙන බවට අදාළ දෙමළ දේශපාලනඥයන් මැදිහත්වී රජයෙන් පොරොන්දුවක්‌ ගත් අතර ඒ මත එය තාවකාලිකව අත්හිටුවන ලදී.

බන්ධනාගාරගතව සිටින හිටපු කොටි ක්‍රියාකාරීන් මුදා ගැනීම සඳහා ද්‍රවිඩ සන්ධානය ඇතුළු විවිධ සංවිධාන දැඩි උත්සාහයක යෙදී ඇත්තේ ජීනීවා යෝජනාවෙන් නිර්දේශ වූ දේශීය යාන්ත්‍රණය මගින් ඔවුන්ට එල්ල වන යුද අපරාධ චෝදනාවලින් බේරා ගැනීමට බව පැවසේ.

දේශීය යාන්ත්‍රණය පිහිටුවීමට පෙර මෙම කොටි ක්‍රියාකාරීන් මුදා ගැනීම, ද්‍රවිඩ සන්ධානය ප්‍රමුඛ සෙසු සංවිධානවල අරමුණ වී තිබේ.

යුද අපරාධ සිදුකළ කොටි ක්‍රියාකාරීන්ටද චෝදනා ඉදිරිපත් කර දඬුවම් කළ යුතු යෑයි ජිනීවා මානව හිමිකම් කොමසාරිස්‌වරයා පවා සිය වාර්තාවේ සඳහන් කර තිබියදී මෙසේ මෙම පිරිස්‌ කවරාකාරයෙන් හෝ නිදහස්‌ කරන්නට කටයුතු කිරීම පුදුම සහගතය.

අනෙක්‌ අතට මෙසේ ඇප ලබාදීමෙන් පසු යම් කලක්‌ ගතවෙද්දී නීතිපති දෙපාර්තමේන්තුව හරහා ඔවුන් වෙනුවෙන් කළ යුතු ඕනෑම දෙයක්‌ අවශ්‍ය නම් සිදු කරන්නට හැකිය. අනෙක්‌ අතට මේ දරුණු ගනයේ කොටි සැකකරුවන් රටින් පලායැමේ දැඩි අවදානමක්‌ද තිබේ.

පසුගිය කාලය තුළ රජයේ විවිධ තනතුරු දැරූ රජයේ නිලධාරීන් තුන්දහස්‌ ගණනක්‌ මේ වන විට මුල්‍ය අපරාධ කොට්‌ඨාසය මගින් ප්‍රශ්න කිරීම්වලට ලක්‌කර තිබේ. මේ වන විටත් තවත් දහස්‌ ගණනක්‌ සම්බන්ධයෙන් පරීක්‌ෂණ පැවැත්වේ. මේ අය අතරින් ඇතැමුන් යම් යම් දුෂණ ක්‍රියාවන්ට සම්බන්ධ අය වන්නට පුළුවන. එහෙත් බහුතරයක්‌ නිල මට්‌ටමින් රාජකාරී සිදුකළ නිලධාරීන්ය. මේ නිලධාරීන් බහුතරයක්‌ දැන් සිටින්නේ කවර අවස්‌ථාවක හෝ තමන්ට සිරගෙදර තපින්නට වේ යෑයි බියෙනි. අද මේ දරුණු ගනයේ එල්.ටී.ටී.ඊ. සැකකරුවන් වෙනුවෙන් කතා කරන කිසිදු ඇමැතිවරයෙක්‌ හෝ දේශපාලනඥයෙක්‌ මේ රජයේ සේවකයන් වෙනුවෙන් පෙනී සිටින්නේ නැත. එවන් තත්ත්වයක්‌ තුළ කොටි සැකකරුවන් නිදහස්‌ කිරීම බරපතළ තත්ත්වයකි.

[කතුවැකිය -දිවයින  2015-10-28]

යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 
(Like us on facebook)

https://www.facebook.com/yuthukama

,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions