පෙබරවාරි 10 : ආණ්ඩුවත් පරාදයි , නිල විපක්ෂයත් පරාදයි - මනෝහර ද සිල්වා

• පෙබරාවරි 10 රටවැසි ප්‍රකාශය : රට බෙදන ව්‍යවස්ථාවට , රණවිරු දඩයමට , පාර්ලිමේන්තුව බලහත්කාරයෙන් අල්ලාගැනීමට එරෙහිවයි.

-ජනාධිපති නීතිඥ මනෝහර ද සිල්වා,

"පෙබරවාරි 10 තිබුණේ අමුතු තාලෙ ඡන්දයක්. මේ ඡන්දයෙන් ආණ්ඩුව පක්ෂයත් පරාදයි. නිල විපක්ෂයත් පරාදයි. මේ රටේ නිල විපක්ෂයේ නායකයා ගෙනියන සෑම දේශපාලන පක්ෂයක්ම සෑම දේශපාලන මතකයක්ම පරාදයි. මේ ආණ්ඩුව 2015 අගෝස්තු මාසේ තේරී පත් වූ දවසේ ඉඳලා එක පෙළට මේ රටට කරපු දේවල් අපි දන්නවා.

මේ රටේ ජනතාව පෙබරවාරි 10 වැනිදා තීරණය දුන්නේ බඩ ගැන කල්පනා කරලා නෙමෙයි. මේ ඡන්දය ආණ්ඩුව පරාද වුණේ ගොවියාට පොහොර ටික නොදුන්න නිසා නම් බයිසිකලයෙන් ඉල්ලපු මහරගම දිනන්න විදියක් නැහැ.
ආයෙනම් මේ රට බෙදන ව්‍යවස්ථා ගේන්න එපා කියලා අපි පක්ෂ විපක්ෂ දිනපු, පරාජය වුණු සියලු දෙනාගෙන්ම ඉල්ලනවා. මේ රටේ ජනතාව රට බෙදන ව්‍යවස්ථාවලට ඉඩ දෙන්නේ නැහැ කියලා අපි අවධාරණය කරනවා. පෙබරවාරි 10 ජනතාව ආණ්ඩුවට දුන්නෙත් ඒ උත්තරේ තමයි. අනාගතයේදී පත්වෙන අයටත්, මේක හොඳ පාඩමක්."

යුතුකම සංවාද කවය
www.yuthukama.com
Like us on facebook - https://www.facebook.com/yuthukama

රට බෙදන ව්‍යවස්ථා මර උගුල පරදවන්න ආණ්ඩුවට එරෙහිව චන්දය දෙන්න - මනෝහර ද සිල්වා

රට බෙදන ව්‍යවස්ථා මර උගුල පරදවන්න ආණ්ඩුවට එරෙහිව චන්දය දෙන්න

-ආණ්ඩුක්‍රම ව්‍යවස්ථාව පිළිබඳ විශිෂ්ඨයාගේ හඬට සවන් දෙමු

ජනාධිපති නීතීඥ මනෝහර ද සිල්වා


යුතුකම සම්මන්ත්‍රණය
කොළඹ මහජන පුස්තකාල ශ්‍රවනාගාරයේදී
2018-01-18

යුතුකම සංවාද කවය
www.yuthukama.com

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)
https://www.facebook.com/yuthukama

‘Unitary’ several Govts in ‘United’ - Manohara R. De Silva

BY PANCHAMEE HEWAVISSENTI

Although, Sri Lanka's Constitution declares that the country is a 'Unitary State' some are of the view that the country should be a 'United State'. Legal experts say that 13th Amendment would affect the sovereign power of the people and it annuls and destroys the unitary nature of Sri Lanka by devolving authority such as Land and Police to regional governments (provinces) and abating the authority of the Central Government, paving way to a Federal State.

At a time when arguments and debates over 'Unitary State' and 'United State' concepts are being spoken of, Ceylon Today conversed with President's Counsel and Constitutional Lawyer Manohara R. De Silva to obtain his opinion on the Constitutional Reforms the Government is attempting to bring in.

De Silva said that many separatist groups are of the notion that Sri Lanka should be a United State rather than a Unitary State and said that United State is also another term for a Federal State, "In compliance with the objective of separatist groups, this Government is attempting to bring in reforms to the Constitution. Separatists at present endeavour to win an Eelam State by means of the 13th to 19th Amendments to the Constitution," he noted.

De Silva reproached the Government for imperilling the unitary status of the country, sovereign power of the people, territorial integrity and national security. He added that the Government contravenes the rights of people and breaches the trust of the public by bringing in unsuitable Amendments to the Constitution.

Below are excerpts of the interview:

There is a huge debate taking place in the country over 'Unitary' and 'United' concepts. The ordinary public is finding it difficult to comprehend these two terms. Could you explain the terms?
A: If I put it in a simple form, Unitary State is where you find one government, but there are several governments in a United State. In a Unitary State there is one supreme legislator and there are no subsidiary bodies which are sovereign. The executive is also supreme in a Unitary Government. In a United State the sovereignty is divided between several States. United State is another term for a Federal State.

Between Unitary and United, what is more appropriate for a country like Sri Lanka?

A: Certainly Unitary State. This is a small country and there is already a movement for separation. Therefore, United State concept should not be encouraged, at all. United State of federalism can be approved and embraced for a country where it is already divided and wanting to reunite. It is the opposite case in Sri Lanka. Those who are obsessed with obtaining federalism want to separate. They now have come up with a new term 'United State'.

Creating a separate State is one of the objectives of certain groups of people, so, federalism or the United State concept will certainly pave the way for separation. Hence, there is no doubt that Sri Lanka should remain as a Unitary State.

What do you think is the reason for some politicians, politically motivated individuals and movements to be so obsessed with 'United State' concept?
A: Separatists were preoccupied with creating a background for a Federal State so that they can one day form an Eelam State.

The strategy of the separatists is to promote federalism or the United State concept and to weaken the Central Government. That is why they clamoured to bring in the 13th to 19th Reforms to the Constitution.

Even prior to independence, the primary objective of the separatists was a separate State. The Chavakachcheri and Vaddukoddai Resolutions of 1976 and also the Batticaloa Declaration aimed for a separate Eelam State. Those movements have not given up their fight for a separate State yet. Federalism is only a stepping stone to separation. However, the 6th Amendment prevents the separation of the country. So, according to the 6th Amendment these groups cannot directly demand a separate State. That is why they craftily encourage a 'United State' concept that is another term for Federal State.

Is there any provision in the Constitution to preserve the Unitary State concept?

A: Speaking in favour of separation or promoting separatism is an offence as per the 6th Amendment to the Constitution.

Will the 13th Amendment to the Constitution pave the way for a 'United State'?

A: The 13th Amendment facilitates a federal or United State structure. There were certain inbuilt provisions in the 13th Amendment which will safeguard the country from being federal. Due to these safeguards, it cannot serve the separatists objectives. Separatists for instance wanted devolving of Police and Land authority to Provincial Chief Ministers and provisions for the amalgamation of North and East provinces.

There were certain provisions to safeguard the unitary status of the country in the 13th Amendment such as - the President is vested with the power to appoint a governor for the provinces and under article 154 B2 the governor should act in accordance with the executive power of the President. The President and the Government are vested with the power to have control over the Provincial Chief Minister in cases of misbehaviour or if they act in conflict with the interests of Sri Lanka.

So, the separatists wanted to do away with this provision. They proposed that the governor should be appointed by the CM and be his choice. If this happens there will be not be any control over the Provincial Councils by the centre.

There are proposals to the 13th Amendment, which are in support of implementation of provisions which were hindered due to the safeguards that were present in the 13th Amendment. The separatist groups want to dismantle the safeguards that are in the 13th Amendment.

If you carefully study new proposals, their sole purpose is to remove the safeguards. If the safeguards are removed it can lead to separatism.

It is said that the mere intention of the 19th Amendment is to prevent the former President Rajapaksa's regime coming to power.

Do you agree that there is an ulterior motive in implementing 19th Amendment?

A: Yes. There are provisions in the 19th Amendment which prevent former President Rajapaksa coming to power again. Addition of 31 (2) clause aims at preventing a person from contesting presidential election if he has contested, the latter, twice already.

This deprives people of their democratic rights because they cannot appoint the former President again even if they want him to be the President of the country. According to 31 (2) clause of the 1978 Constitution, a person cannot contest presidential elections on more than two occasions. However, that hindrance was eliminated by the 18th Amendment.

Many people objected to the 18th Amendment saying that it will enable a President who is already in power to abuse his power to be re-elected as the President.

My personal opinion is that a former President, who is not in power, can contest again, in future, because he has no power to abuse. If the people of the country prefer such a person to become the President preventing it is a blow to the democratic rights of the people.

By bringing in changes to 91 Clause in the 19th Amendment, the present Government intends to prevent those who hold dual citizenship to contest the Presidential Election. That is also aimed at the Rajapaksa family. It is a known fact that former President Rajapaksa's brothers hold duel citizenships.

The Tamil National Alliance (TNA) consists of only 16 MPs and represents only a minority ethnic group in Sri Lanka. Why didn't the Government recognize the JO as the true Opposition?

A: This Government appointed R. Sampanthan of TNA as the Opposition Leader. Many political analysts and experts are of the view that a person who can form a government in the future should be appointed as the Leader of the Opposition. It is difficult to predict that TNA, with only 16 MPs can form a government on its own. Hence, it is unconstitutional and undemocratic to appoint Sampanthan as the Leader of the Opposition and the TNA as the Opposition. After the 17th and 19th Amendments, Leader of the Opposition is vested with a vast gamut of responsibilities. As a member of the Constitution Committee, the Leader of the Opposition is vested with the power of electing people of his volition to high positions in Government, as well as to the special Commissions. He has executive powers. Although the leader of TNA is the Leader of the Opposition, he is in support of the Government. This is not good governance, appointing Sampanthan as the Opposition Leader and not recognizing JO as the true Opposition, the Government contravenes the democratic rights of the majority ethnic group.

President Chandrika Bandaranaike attempted to bring in the Constitution Draft Bill in 2000. Is this Government too bringing it?
A: Yes. But this will be worse than what President Chandrika wanted to bring in. The Draft Bill that was introduced in 2000 was also to facilitate Federalism. What PM Ranil Wickremesinghe has brought this year also facilitates a Federal State under a 'United State' label.

යුතුකම සංවාද කවය
www.yuthukama.com
Like us on facebook : https://www.facebook.com/yuthukama

ව්‍යවස්‌ථා මගඩියෙන් නැතිවෙන්නෙ රටම

"බැඳුම්කර මගඩියෙන් ජනතාවට නැති වුණේ සල්ලි විතරයි
ව්‍යවස්‌ථා මගඩියෙන් නැතිවෙන්නෙ රටම"

-ජනාධිපති නීතිඥ මනෝහර ද සිල්වා

වර්තමාන ව්‍යවස්‌ථාවෙන් සහතික කොට ඇති රටේ ඒකීයභාවයටත්, බුද්ධාගමට ලබා දී ඇති ප්‍රමුඛතාවටත් නව ව්‍යවස්‌ථාවෙන් කිසිදු හානියක්‌ සිදු නොවන බවට ආණ්‌ඩුව දිවුරා කිව්වත් යෝජිත නව ව්‍යවස්‌ථාව රටේ ඒකීයභාවයත් බුද්ධාගමට හිමි ප්‍රමුඛතාවත් නැතිකර රට කෑලිවලට බෙදා වෙන්කිරීමට සකස්‌ කරන ලද්දක්‌ බව ජනාධිපති නීතිඥ මනෝහර ද සිල්වා කියයි. මනෝහර ද සිල්වා මහතා මේ අදහස්‌ ප්‍රකාශ කළේ උතුර නැගෙනහිර යළි ඒකාබද්ධ කළ යුතු බවටත් ශ්‍රී ලංකාව අනාගමික රාජ්‍යයක්‌ ලෙස ව්‍යවස්‌ථාවෙන්ම ප්‍රකාශ කළ යුතු බවටත් දෙමළ ජාතික සංධානය කර ඇති ප්‍රකාශය පිළිබඳ අප ඒ මහතාගෙන් කළ විමසුමකදීය.

රටේ ඒකීය භාවයත් වර්තමානයේ බුදුදහමට හිමිව ඇති ප්‍රමුඛස්‌ථානයත් නව ව්‍යවස්‌ථාවෙන් අහිමි වන බව ඇතැමුන් චෝදනා කළත් එවැන්නක්‌ සිදුවීමට තමා ඉඩ නොදෙන බව අගමැතිතුමා පාර්ලිමේන්තුවේදී ප්‍රකාශ කළා?

පසුගිය 21 දා ආණ්‌ඩුව ඉදිරිපත් කළ ශ්‍රී ලංකා ආණ්‌ඩු ක්‍රම ව්‍යවස්‌ථා මණ්‌ඩලයේ මෙහෙයුම් කමිටුවේ අතුර වාර්තාවේ තිබෙන එක නිර්දේශයක්‌ තමයි උතුරු නැගෙනහිර යළි ඒකාබද්ධ කිරීම. ඒකීය රාජ්‍යය සංකල්පය වෙනස්‌ කිරීම තවත් නිර්දේශයක්‌.

ඒකීය රාජ්‍යය සංකල්පය වෙනස්‌ නොකරන බවත් වර්තමාන ව්‍යවස්‌ථාවෙන් බුද්ධාගමට හිමි තැන වෙනස්‌ නොකරන බවත් අගමැතිතුමා පාර්ලිමේන්තුවේදී කිව්වට ඔහු ඉදිරිපත් කළ මෙම වාර්තාවේ ඉතා පැහැදිලිව විකල්ප යෝජනාවක්‌ හැටියට බුදුදහමට දැන් හිමිව තිබෙන ප්‍රමුඛතාව නැතිවන විදිහේ වර්තමාන වගන්තිය සංශෝධනය කළ විධිවිධාන තිබෙනවා. ඒකීය රාජ්‍ය සංකල්පයත් සම්පූර්ණයෙන්ම විනාශකිරීමට අවශ්‍ය විධිවිධානත් එහි ඇතුළත් කර තිබෙනවා. එබැවින් රටේ ඒකීය භාවයටත් බුදුදහමට හිමි ප්‍රමුඛතාවටත් කිසිදු හානියක්‌ නොකරන බවට අගමැතිතුමා කළ ප්‍රකාශය අසත්‍යයක්‌. රට නොමග යෑවීමට කළ ප්‍රකාශයක්‌.

ඔබ කොහොමද එහෙම කියන්නෙ?

මේ වාර්තාවෙ ඇමුණුම් හැටියට විවිධ පක්‌ෂවල අදහස්‌ දාල තියෙනව. ජනාධිපතිතුමාගෙත් ශ්‍රීලනිපයෙත් ඒකාබද්ධ විපක්‌ෂයෙත්, ජාතික හෙළ උරුමයෙන්, දෙමළ ජාතික සංධානයෙන් අදහස්‌ වෙනම ඇමුණුම් හැටියට ඉදිරිපත් කරල තිබෙනව. නමුත් එක්‌සත් ජාතික පක්‌ෂයෙ කියල වෙනම ඇමුණුමක්‌ නෑ. මූලික වාර්තාව එජාප නායක අගමැතිතුමා ඉදිරිපත් කිරීම එයට හේතුවයි. ඒ නිසා එය වෙනම ඇමුණුමක්‌ ලෙස ඉදිරිපත් කිරීමේ අවශ්‍යතාවකුත් නෑ. එජාපයේ මතය හැටියට අපට පිළිගන්න වෙන්නෙ එයයි.

ඔය ඒකීය රාජ්‍යය කියන සංකල්පය ආණ්‌ඩුක්‍රම ව්‍යවස්‌ථාවෙ 2 වැනි වගන්තියෙයි තියෙන්නෙ. ශ්‍රී ලංකා ජනරජය ඒකීය රාජ්‍යයකි ලෙස වර්තමාන ව්‍යවස්‌ථාවෙ තිබෙන වාක්‍යය වෙනුවට මේ අතුරු වාර්තාවෙන් මේ අය යෝජනා කරන්නෙ වෙන අදහසක්‌ තිබෙන වාක්‍යයක්‌. ශ්‍රී ලංකාව නිදහස්‌ ස්‌වෛරී ස්‌වාධීන ජනරජයක්‌ වනු ඇති අතර ව්‍යවස්‌ථාවෙන් නියම කර ඇති බලතල ක්‍රියාත්මක කරන මධ්‍යම හා පළාත්බඳ ආයතනවලින් සමන්විත වන ඒකීය/ඔරුමිත්තනාඩු වනු ඇත. ඒකීය රාජ්‍යය/ඔරුමිත්තනාඩු යන්නෙන් අදහස්‌ වන්නේ නොබෙදූ සහ බෙදිය නොහැකි රාජ්‍යයකටය. රටේ ඒකීයභාවය ගැන වර්තමාන ව්‍යවස්‌ථාවේ ඇති වගන්තියට වඩා මෙය සම්පූර්ණයෙන්ම වෙනස්‌ වගන්තියක්‌.

මේ වගන්තිය තුළ අපේ අවධානයට යොමු විය යුතු වැදගත් කරුණු කීපයක්‌ තිබෙනවා. ඒකීය යන වචනය අසලින් සිංහල පිටපතේ ඔරුමිත්තනාඩු යනුවෙන් ඒකීය යන වචනය දෙමළ බසින් විග්‍රහ කර තිබීම එකක්‌. මෙහි ඉංග්‍රීසි පිටපතෙත් යුනිටරි යන වචනය ඉවත් කර එතැනටත් සිංහලෙන් මෙම ඒකීය/ඔරුමිත්තනාඩු කියන වචන දෙක දාල තියෙනව. යුනිටරි කියන්නෙ ඒකීය වන වචනයට අන්තර්ජාතික වශයෙන් ව්‍යවස්‌ථා නීතියේ පැහැදිලි නිර්වචනයක්‌ ඇති ඉංග්‍රීසි වචනය. අපේ රටට ඒකීය රාජ්‍යයක්‌ ලෙස අන්තර්ජාතික ලෙස පිළිගැනීමක්‌ ලැබෙන්නේ යුනිටරි යන වචනය ව්‍යවස්‌ථාවේ තිබුණොත් පමණයි. අපේ ව්‍යවස්‌ථාවෙන් එය ඉවත් නොකොට රට ෆෙඩරල් කරන්න බෑ. මේ මෙහෙයුම් කමිටුවේ අය අතුරු වාර්තාවෙ ඉංග්‍රීසි පිටපතින් යුනිටරි යන වචනය ඉවත් කළේ ඒ නිසයි. සිංහල පිටපතෙත් ඉංග්‍රීසි පිටපතෙත් ඒ වෙනුවට මේ අය දැම්මෙ ඒකීය/ඔරුමිත්තනාඩු කියන වචන දෙකයි.

ඒකීය යන වචනයත් සමග ඔරුමිත්තනාඩු කියන දෙමළ වචනය ලියල තියෙන්නෙ ඇයි කියලත් අපි විමසල බලමු. වර්තමාන ආණ්‌ඩුක්‍රම ව්‍යවස්‌ථාවේ ඒකීය වචනයට වෙනුවට යොදා තිබෙන දෙමළ වචනය ඔරුමිත්තනාඩු නෙමෙයි. ඔට්‌ටි්‍රයක්‌චි කියන වචනයයි. ඔට්‌ටි්‍රයක්‌චි කියන්නෙ ඒකීය රාජ්‍යය. ඔරුමිත්තනාඩු කියන්නෙ එක්‌සත් රාජ්‍යය කියන එකයි. ඒකීය යන වචනය වෙනුවට මෙතෙක්‌ කල් ව්‍යවස්‌ථාවෙ තිබුණු ඔට්‌ටි්‍රයක්‌චි යන දෙමළ වචනය වෙනස්‌ කරල සිංහල ඒකීය වචනය ළඟින් එක්‌සත් යන දෙමළ තේරුම දෙන ඔරුමිත්තනාඩු යන වචනය යෙදුවේ සිංහල බෞද්ධයො රවට්‌ටන්නයි. හාමුදුරුවරු රවට්‌ටන්නයි. ඔරුමිත්තනාඩු කියන්නෙ ඒකීය රාජ්‍යය නෙමෙයි එක්‌සත් රාජ්‍යය.

සාමාන්‍ය අයට තේරෙන විදියට කිව්වොත් මෙතෙක්‌ කල් ඒකීය රාජ්‍යයක්‌ කිව්වෙ එක ආණ්‌ඩුවක්‌ තිබෙන රටකට. මේ අලුත් ව්‍යවස්‌ථාවෙත් මහජනයාට පේන්න ඒකීය කියන වචනය තියෙනව. හැබැයි ඒකෙ තේරුම එක ආණ්‌ඩුවක්‌ තිබෙන එක රටක්‌ නෙමෙයි, සන්ධීය නැත්නම් ආණ්‌ඩු කිහිපයක්‌ තිබෙන ෆෙඩරල් රාජ්‍යයක්‌. උදාහරණයක්‌ විදිහට වස බෝතලයක වස කියල ලොකුවට ගහල තියෙන ලේබලය ගලෝල ජෑම් කියල ලේබලයක්‌ අලෝල, 'ඉස්‌සර මේකට වස කිව්වට දැන් කියන්නෙ ජෑම්' කියල පෙන්නනව වගේ වැඩක්‌. අපේ රටේ සිංහල ජනතාව වැඩි දෙනා මෝඩයෝ. එහෙම නෙමෙයි නම් මේවගේ පිරිසක්‌ රටේ පාලනයට පත් කරගන්නෙත් නෑ. කෙසේ වෙතත් ආණ්‌ඩුක්‍රම ව්‍යවස්‌ථා මණ්‌ඩලයේ මෙහෙයුම් කමිටුව මේ කරල තියෙන්නෙ මේ රටේ සිංහල ජනතාවගේ බුද්ධියට බරපතළ නිග්‍රහයක්‌.

බුද්ධාගම සම්බන්ධයෙනුත් ආණ්‌ඩුව කියන කතාව ඔය විදිහටම ජනතාව නොමග යෑවීමක්‌ද?

බුද්ධාගමට දැන් තිබෙන ප්‍රමුඛතාව නව ව්‍යවස්‌ථාවෙන් අහිමි වෙන්න දෙන්නෙ නෑ කියන එකත් ඒකීය කතාව වගේම තක්‌කඩි කතාවක්‌. 'ශ්‍රී ලංකා ජනරජය බුද්ධාගමට ප්‍රමුඛස්‌ථානය පිරිනමන්නේය' යනුවෙන් වර්තමාන ව්‍යවස්‌ථාවේ තිබෙන වගන්තිය වෙනුවට මේ අතුරු වාර්තාවෙ සඳහන් වෙන්නෙ මෙහෙමයි. ශ්‍රී ලංකාව බුද්ධාගමට ප්‍රමුඛස්‌ථානය පිරිනමන්නේය. අතුරු වාර්තාවෙ 'ජනරජ' කෑල්ල හැලිල. එහෙම හැලුනෙ නිකම්ම නෙමෙයි. ශ්‍රී ලංකා ජනරජය බුද්ධාගමට ප්‍රමුඛස්‌ථානය පිරිනමන්නේය යන වාක්‍යයේ අර්ථය ශ්‍රී ලංකාවේ ආණ්‌ඩුව බුද්ධාගමට මුල්තැන ලබාදෙන්නේය කියන එකයි. ශ්‍රී ලංකාව පමණක්‌ ගත් විට එයින් අර්ථ ගැන්වෙන්නෙ ශ්‍රී ලංකාවේ ජනතාව කියන එකයි. එනම් අතුරු වාර්තාවෙන් කියන්නෙ ශ්‍රී ලංකාවේ ජනතාව බුද්ධාගමට ප්‍රමුඛස්‌ථානය ලබාදෙන්නේය කියන එකයි. එනම් මේ අතුරු වාර්තාවෙන් බුද්ධාගමට ප්‍රමුඛස්‌ථානය ලබාදීමට ආණ්‌ඩුව බැඳී නෑ. ඒ වගකීමෙන් ආණ්‌ඩුව නිදහස්‌ වී තිබෙනවා. අතුරු වාර්තාවෙ ප්‍රමුඛස්‌ථානය කියන වචනය දාල තියෙන්නෙ හාමුදුරුවරු රවට්‌ටන්නයි. බුද්ධාගමට ප්‍රමුඛස්‌ථානය දෙන බව කියන ගමන්ම අනෙක්‌ ආගම්වලටත් වෙනස්‌ කොට නොසලකන්නේය කියල කියනව. මේ නොකියා කියන්නෙ බුද්ධාගමට තිබෙන ප්‍රමුඛස්‌ථානය නැතිකරනවා කියන එකයි.

මම මේ විස්‌තර කළේ මේ අතුරු වාර්තාවේ දෙවැනි සහ නවවැනි වගන්ති ගැන පමණයි. සමස්‌තයක්‌ වශයෙන් ගත්විට මේ අතුරු වාර්තාවෙන් උත්සාහ ගන්නේ මේ රටේ ඒකීය භාවය හා බුද්ධාගමට හිමි ප්‍රමුඛස්‌ථානය නැතිකොට රට ෆෙඩරල් කිරීමටයි.

පළාත් අග්‍රාණ්‌ඩුකාරවරයා පත්කිරීමට ජනාධිපතිවරයා සතු බලතල ඉවත් කර එම බලතල පළාත් සභාවල ඇමැතිවරුන්ට ලබාදීමට කර ඇති යෝජනාව පිළිබඳ ඔබේ අදහස කුමක්‌ද?

13 වැනි ව්‍යවස්‌ථා සංශෝධනයෙන් ශ්‍රී ලංකාවේ ඒකීය භාවය අහෝසි වන බවට මතයක්‌ පැතිරුණු අවස්‌ථාවේ ශ්‍රේෂ්ඨාධිකරණයේ සිටි ශර්වානන්ද දෙමළ ජාතික විනිසුරුතුමා ප්‍රකාශයක්‌ කරමින් කියාසිටියේ ව්‍යවස්‌ථාවෙන් පැහැදිලිවම ශ්‍රී ලංකාව ඒකීය රාජ්‍යයක්‌ ලෙස අර්ථදක්‌වා ඇති බැවිනුත් ආණ්‌ඩුක්‍රම ව්‍යවස්‌ථාවේ 154 ආ වගන්තියේ දෙවැනි උප වගන්තියේ දැක්‌වෙන ආණ්‌ඩුකාරවරයා පත්කිරීමට ජනාධිපතිවරයා සතු බලතලත් නිසා 13 වැනි ව්‍යවස්‌ථා සංශෝධනයෙන් ශ්‍රී ලංකාවේ ඒකීය භාවයට හානියක්‌ නොවන බවයි. ජනාධිපතිවරයා විසින් ආණ්‌ඩුකාරවරයා පත්කරන නිසා පළාත් සභාවල මැති ඇමතිවරුන්ට තමන්ට ඕනෑදේවල් කරන්න බැරිවුණා. මේ යෝජනාවල විදිහට ඇමති මණ්‌ඩලයේ උපදෙස්‌ මත අග්‍රාණ්‌ඩුකාරවරයා පත් කළොත් අද බුදු පිළිමයක්‌වත් උතුරෙ නිරුපද්‍රිතව තබන්නට බැරි, සිංහලයකුට අයිතියක්‌ නැති තත්ත්වයක්‌ තුළ රට එකක්‌ විදිහට පවතින්නේ නෑ.

අපේ රටේ ඒකීයභාවයට හානිවන, බුද්ධාගමට තිබෙන ප්‍රමුඛස්‌ථානය නැතිවන විදිහේ මෙවැනි කරුණු ආණ්‌ඩුක්‍රම ව්‍යවස්‌ථාවට ඇතුළත් විය යුතු යෑයි යෝජනා ඉදිරිපත් වන්නේ ඇයි?

රටක ව්‍යවස්‌ථාවක්‌ හදන විට ඊට වැඩි නියෝජනයක්‌ ලැබිය යුත්තේ ඒ රටේ බහුතරයට. ලෝකෙ හැම රටකම එහෙමයි. එංගලන්තෙ චීන්නු, ඉන්දියානුවො, පකිස්‌තානුවො ඉන්නව. එංගලන්තෙ ව්‍යවස්‌ථාව හදන කමිටුවෙ චීනෙක්‌, පකිස්‌තාන් කාරයෙක්‌ ඉන්න පුළුවන්. හැබැයි ව්‍යවස්‌ථාව හදන්න චීනෙකුට දෙන්නෙ නෑ. අපේ රටේ වැඩිදෙනා සිංහල බෞද්ධ. හැබැයි මේ ව්‍යවස්‌ථා සම්පාදන කමිටුවේ ඒක නියෝජනය වෙන්නෙ නෑ. අපේ රටේ මේ ක්‍රියාදාමයේ මධ්‍ය පර්යන්ත කමිටුවේ සභාපතිකම දීල තියෙන දෙමළ ජාතික සංධානයේ මන්ත්‍රීවරයා ත්‍රස්‌තවාදී කටයුතුවල යෙදුනු ප්ලොට්‌ සංවිධානයේ හිටපු නායකයෙක්‌. ඒකට පත්කරල ඉන්න අනිත් අයත් ෆෙඩරල් මතවාද කරේ තියාගත්තු එන්ජීඕ සල්ලි මත යෑපෙන අය. මේ අය මේ හදන්නෙ මේ රටේ සිංහල බෞද්ධ ජනතාවට විරුද්ධ ව්‍යවස්‌ථාවක්‌. මෑතක සිදුවූ මහා ජාතික අපරාධය විදිහට කවුරුත් හඳුන්වන්නේ මහ බැංකුවේ බැඳුම්කර මගඩිය. මේක ඊට සිය දහස්‌ ගුණයකටත් වඩා විශාල ජාතික අපරාධයක්‌. මහ බැංකු මගඩියෙන් නැතිවුණේ ජනතාවගෙ සල්ලි විතරයි. මේ ව්‍යවස්‌ථා මගඩියෙන් ජනතාවට නැතිවෙන්නෙ රට. මහ බැංකු මගඩියෙන් කොල්ල කාගත්තු සල්ලි ජනතාවට කවදහරි හම්බකරගන්න පුළුවන්. රට නැතිවුණොත් නැතිවුණාම තමයි.

යුතුකම සංවාද කවය
www.yuthukama.com
Like us on facebook : https://www.facebook.com/yuthukama

මේ එන්නේ NGO කාරයන් හදන අමු ජාතිවාදී රට බෙදන ව්‍යවස්ථාවක් - මනෝහර [Video]

හවුල් ආණ්ඩුව විසින් ඉදිරිපත් කිරීමට යන නව ව්‍යවස්ථාව හරහා වසර දහස් ගණනක් පුරා පැවති රටේ ඒකීයභාවය අහෝසි වී ෆෙඩරල් රටක් බිහි වන බවත් ඒ බව ව්‍යවස්ථාව සැකසීමට ආණ්ඩුව විසින් පත් කළ කමිටු හය විසින් ඉදිරිපත් කළ යෝජනා වලින් ඉතාමත් පැහැදිලිව සනාථ වන බවත් ජනාධිපති නීතීඥ මනෝහර ද සිල්වා මහතා පෙන්වා දෙයි.

රට ෆෙඩරල් කර කෑලිවලට කඩනවාට අමතරව මෙතෙක් කලක් මෙරට පැවැති සියලු එකඟතා බිඳලමින් අපේ ආත්මය අපේ ගෞරවය, අපේකම සම්පූර්ණයෙන්ම නැති කිරීමට අවශ්‍ය යෝජනාද ඇති පදමට ඇති බව ඔහු අවධාරණය කරයි.

යුතුකම සංවාද කවය විසින් පසුගියදා සංවිධානය කරන ලද "ෆෙඩරල් සංහිඳියා නිරුවත" සම්මන්ත්‍රණයේ මුඛ්‍ය දේශනයක් සිදු කරමින් මේ බව පෙන්වා දුන් මනෝහරද සිල්වා මහතා මේ ව්‍යවස්ථා සැකසීමේ ක්‍රියාවලිය සම්පූර්ණයෙන්ම විදෙස් මුදල් මත යැපෙන රාජ්‍ය නොවන සංවිධානවල (NGO) මැදිහත් වීම හරහා සිදු වන අමු ජාතිවාදය වපුරන ක්‍රියාවලියක් බව අවධාරණය කර සිටියේය.

එබැවින් අනාගතයේ රට කෑලි වලට කැඩී එකිනෙකා මරාගන්නා අමු සොහොනක් බවටත් එනෙක් පසින් විජාතික කොළනියක් වීමත් මේ හරහා ස්ථිරවම සිදුවන බැවින් මේ ද්‍රෝහී ව්‍යවස්ථාව පරාජය කිරීමට හැකි සියළු දේ කිරීමට පෙරට එන ලෙසද ආරාධනය කර සිටියේය.

එහිදී වැඩිදුරටත් අදහස් දැක්වූ මනෝහරද සිල්වා මහතා
"ඉදිරිපත්විය හැකි ව්‍යයවස්ථාව කුමක්දැයි අප විසින් මින් පෙර සිටම අනතුරු අඟවපු සෑම කරුණක්ම කිසි වෙනසක් නැතුව මේ අලුත් කමිටු වාර්තා වල තිබෙනවා.

අපි හැමෝම දන්නවා මේ රට ෆෙඩරල් කරන්න දරන ප්‍රයත්නය. නමුත් ඒ විතරද? අපේ රට අපේ ජාතිය අපේ ආගම නැති කරනවා විතරක් නෙමේ. අපේ ආත්මය අපේ ගෞරවය, අපේකම සම්පූර්ණයෙන්මනැති කරනවා මේ මගින්.

මේ ව්යවස්ථාවේ තිබෙන ප්‍රබල කාරණයක් තමයි ලංකාවේ පුරවැසියන්ට විතරක් තිබෙන අයිතිවාසිම විජාතිකයන්ටත් ලබා දෙනවා. පුරවැසියා කියන වචනය ඉවත් කරලා ඒ වෙනුවට පුද්ගලයා කියන වචනය මේකට ඇතුලත් කරලා. එතකොට මොකද වෙන්නේ. මේ රටට එන විජාතිකයනට ඔවුන්ගේ සංස්ක්‍රිතිය මෙරට ප්‍රවර්ධනය කිරීමේ අයිතිය ව්යවස්ථාවෙන් අපි විජාතිකයන්ට ලබා දෙනවා. ඒ සංස්කෘතියට සමලිංගික විවාහ වලින් පටන් ගත්තහම අපට නොගැලපෙන විවිධ ආකාරයේ සංස්කෘතීන් ප්‍රවර්ධනය කිරීම අයිතිවාසිකමක් ලෙස ඔවුන්ට ඉඩ ප්‍රස්ථා සලසා දෙන උත්සාහයක් මේකේ තියෙනෙවා. ඒ විතරක් නොවේ. අපේ රටේ ලොකු ආන්දෝලනයක තිබුනා මේ අන්‍යාගමිකකරණය ගැන. මේ රටට තියෙන විශාල උවදුරක් තමා පිටරට, විශේෂයෙන්ම ඇමරිකානු මූලධරමවාදී ආගමික සංවිධාන මේ රටේසිංහල බෞද්ධ ක්‍රිස්තියානි, කතෝලික, මුස්ලිම් සෑම කෙනෙක්ම මේ අන්තවාදී ආගම්වලට හරවාගැනීමේ උත්සාහයක් තියෙනවා. එකපැත්තකින් අන්තවාදී මුස්ලිම් මූලධර්මවාදීන් මෙරටට එනවා මෙරට සාම්ප්‍රදායික ඉස්ලාම් ආගමෙන් බැහැරව, අනෙක් පැත්තෙන් ඇමරිකානු සහ වෙනත් විජාතික නවක්‍රිස්තියානි සංවිධාන මෙරටට එනවා. මෙතෙක් කලක් ලංකාවේ ව්යවස්ථාවේ කවදාවත් ආගම් ප්‍රවර්ධනය කිරීමේ අයිතිය දීලා තිබ්බේ නෑ. නමුත් මේකෙන් ඒකටත් ඉඩ දෙන්න නිර්දේශ කරලා තියෙනවා. අපෙ රටේ සහ බොහෝ රටවල ආණ්ඩුක්‍ර්ම ව්යවසථාවට අනුව ඕන කෙනෙකුට තම්න් කැමති ආගමක් අදහන්න පුලුවන්. නමුත් ආගම් ප්‍රකාශ කිරීම, ඒ කියන්නේ විවිධා චාරිත්‍ර පැවැත්වීම, පූජනීය ස්ථාන ගොඩ නැගිම, ආගමික ස්ථාන ගොඩනැගීම වැනි ක්‍රියාකාරම් සඳහා අයිතිවාසිකමක් දීලා තියෙනේ මේ රටේ පුරවැසියන්ට පමණයි. එහෙම නූනොත් වෙනත් ආගමික සංවිධාන වලට පුලුවන් මේ පුංචි දූපත ඩැහැ ගන්න. මේ යෝජනාවල තවත් එකක් තමයි අන්‍ය ආගම් ප්‍රවර්ධනය කිරීමේ අයිතිවාසිකම ලබා දෙනවා පමණක් නොවෙයි, අර ආගමික ක්‍රියාකාරකම් පිලිබදව මෙතෙක් කල් පුරවැසියාට පමණක් සීමා වෙච්චි අයිතිය සම්පූර්ණයෙන්ම ඕනම කෙනෙකුට ලබා දීලා මේ රට ආගමික ආක්‍රමණයකට ඉඩ සලසන ප්‍රතිපාදන මූලික අයිතිවාසිකම් පිලිබද අනුකමිටුව නිර්දේශ කරලා තියෙනවා.

ඒ නිසා මේ බලන බලන සෑම වගන්තියක් පාසාම අපට දකින්නට ලැබෙන්නේ මේ රට සම්පූර්ණයෙන්ම විනාශ කරන විජාතික ඕනෑ එපාකම් සපුරාලන ව්‍යවස්ථාවක් මේ රටට හඳුන්වා දීමට ඇති වුවමනාව.

ඒ විතරක් නෙමෙයි. ඔවුන් කියනවා මේ ලිංගික නැඹුරුතාවයන් මත කිසිම වෙනස්කමකට භාජනය කරන්න බෑ කියලා. මෙතන බරපතල සිංහල වචනයකින් හංගලා ඉංග්‍රිසි එකේ සරල ඉංග්‍රීසි වචනයකින් විස්තර කරලා තියෙනවා. මේ රට තුළ සමලිංගික විවාහ නීතිගත කරන්නට අවශ්‍යවනමූලික අඬිතාලම මේ අලුත් මුලික අයිතිවාසිකම් වගන්ති තුළින් ඇති කරලා තියෙනවා.

ඉතින් ඔබට පෙනෙනවා ඇති මේක කොතරම් පුලුල් විදියට අපේ රට ආක්‍රමණය කරන්න සැරසෙනවද කියලා.

මේකෙ තියෙනවා අපිට යුද්ධය ප්‍රවර්ධනය කරන්න බෑ කියලා. දැන් කවුරු හරි අපිත් එක්ක යුද්ධ කරන්න ආවොත් අපි යුද්ධය ප්‍රවර්ධනය කරන්නා ඔනා. ඇයි අපි ව්‍යවස්තාවට දා ගන්නේ අපිට යුද්ධය ප්‍රවර්ධනය කරන්න බෑ කියලා? ඒ කියන්නෙ අපේ ආගම සංස්කෘතිය විතරක් පාවාලා දෙනව විතරක නෙමේ, මේ රටේ ජාතික ආරක්ෂාවත් මේ රටේ ජනතාව,රට රකින්න ඉදිරියට එන රණ විරුවාත් මඬින්න හදන ව්‍යවස්ථාවක්. දැන් මේ සැරසෙන්නේ මොකටද?"

ජනාධිපති නීතීඥ මනෝහර ද සිල්වා මහතා පැවැත්වූ සම්පූර්ණ දේශනය පහත සබැඳියෙන්:

සටහන : යටියන ප්‍රදීප් කුමාර

යුතුකම සංවාද කවය
www.yuthukama.com
Like us on facebook : https://www.facebook.com/yuthukama

ලැජ්ජ නැති ආණ්ඩුව අතුරුදන් වූවන් පිළිබඳ පනත හරහා කොටි පදයට නටන හැටි.

මෙය ජුලි 19 වන දින පළකළ ලිපියකි.
හෙට (අගෝස්තු 11) මේ ද්‍රෝහී පනත පාර්ලිමේන්තුවට ඉදිරිපත් කරන දිනයයි.
රනිල් වික්‍රමසිංහට අගමැතිවරයාට නම් මේ පාවාදීම හංසයා දියට බසිනවා වැනිය.

සහජීවනයේ කඩතුරාවට මුවා වී ද්‍රෝහී පාවාදීමට සිරිසේන ජනාධිපතිවරයා හරහා ශ්‍රීලනිපය හීළෑ කරගෙන තිබේ..
සිරිසේන මහතාට ඒ වෙනුවට ජනාධිපති දොළ පිදේනිය ලැබී තිබේ..
දැන් ඉතින් රටට හෙණ ගැහුවත් කමක් නැත, තමන්ගේ පනං දෙක ලැබී අවසන්ය.
යුඇන්පී පාවාදීම් වලට එරෙහි වන්නට සිටි ශ්‍රීලනිප මන්ත්‍රීවරු සිරිසේන ජනාධිපතිවරයාගේ ජාතික ලැයිස්තු මන්කොල්ලය හා ඇමති කටුවලට මල පෙරේතකමින් රටට හෙණ ගැහුවත් කමක් නෑ ,ඇමතිකම වෙනුවෙන් ඕනෑම පාවාදීමකට අත උස්සන මන්ත්‍රීවරු බවට පත් කර තිබේ..
ඉතිරි වී ඇති ඒකාබද්ධ විපක්ෂයේ මන්ත්‍රීවරු ප්‍රමානයෙන් මේ ද්‍රෝහී පනත ආපසු හැරවීම අපහසුය...

වෙනදා මෙවැනි ද්‍රෝහී පාවාදීමක් දුටු සැනින් ජාතියට නිසි මග කියූ ජවිපෙ නායක කුලී හේවායා හරහා එජාපයටත් එහි මහ උන් වන බටහිර අධිරාජ්‍යවාදයටත් පක්කිලි කම් කරන නිවටයන් බවට පත් කර අවසන්ය.

මේ නුඹේ මාතෘභූමියේ අවසන් හුස්ම යන්නට ගෙල සිරකරන වේලාවයි...
දැන් වත් දෑස් හැර බලාපල්ලා...
==============================

අතුරුදන් වූවන් පිළිබඳව සෙවීමේ කාර්යාලයක්‌ පිහිටුවීමේ නීති කෙටුම්පත හැදුවේ
විග්නේශ්වරම්ද? ඩයස්‌පෝරාව ද?
- ජනාධිපති නීතිඥ මනෝහර ද සිල්වා

අතුරුදන් වූවන් පිළිබඳව සොයා බැලීම සඳහා කාර්යාලයක්‌ පිහිටුවීමට පාර්ලිමේන්තුවේ න්‍යායපත්‍රයට ඇතුළත් කර ඇති කෙටුම්පත පිළිබඳ ජනාධිපති නීතිඥ මනෝහර ද සිල්වා මහතා දැක්‌වූ අදහස්‌ පහත පරිදි වේ.

ප්‍රශ්නය - අතුරුදන් වූවන් පිළිබඳව සොයා බැලීම සඳහා කාර්යාලයක්‌ පිහිටුවීමට අවශ්‍ය කෙටුම්පත මේ වන විට පාර්ලිමේන්තුවේ න්‍යායපත්‍රයට ඇතුළත් කර තිබෙනවා. එම කෙටුම්පත පිළිබඳව විවිධ චෝදනා මේ වන විටත් එල්ල වී තිබෙනවා.
එම පනත පිළිබඳව ඔබගේ විග්‍රහය කුමක්‌ද?
පිළිතුර - මෙම පනත මැයි මාසයේ 27 වනිදා ගැසට්‌ කර තිබෙනවා. ඉන් අනතුරුව පසුගිය ජුනි මාසයේ 22 වැනිදා පාර්ලිමේන්තුවේ න්‍යායපත්‍රයට ඇතුළත් කරල තිබෙනවා. ආණ්‌ඩු ක්‍රම ව්‍යවස්‌ථාව අනුව යම් කෙටුම්පතක්‌ පාර්ලිමේන්තුවේ න්‍යායපත්‍රයට ඇතුළත් කර දින 7 ක්‌ ගතවීමට ප්‍රථම ඕනෑම පුරවැසියකුට එම කෙටුම්පත ශ්‍රෝෂ්ඨාධිකරණය හමුවේ අභියෝගයට ලක්‌ කිරීමේ හැකියාව තිබෙනවා. නමුත් කිසිදු පුරවැසියකු ඊට අභියෝග කළේ නෑ වගේම ඒකාබද්ධ විපක්‌ෂයත් එම කටයුත්ත කළේ නෑ. එම නිසා මෙම කෙටුම්පත නීතියට අනුකූලව ද නැද්ද කියන එක පවා ප්‍රකාශ වූයේ නෑ. එම පසුබිම තුළ මෙය පනතක්‌ ලෙස සම්මත වුවහොත් ඉතාමත් භයානක තත්ත්වයක්‌ උද්ගත වේවි කියල මම විශ්වාස කරනවා.

මෙම පනත අපගේ නීති කෙටුම්පත් දෙපාර්තමේන්තුවේ හදපු එකක්‌ද එසේත් නොමැති නම් විග්නේශ්වරම් මහතා හෝ දෙමළ ඩයස්‌පෝරා එක හදපු එකක්‌ද කියෙන සැකය මට තිබෙනවා. මම එහෙම කියන්නේ මෙහි අර්ථ නිරූපන වගන්තියේ අතුරුදන් වූවකු අර්ථ නිරූපණය කරල තිබෙන්නේ උතුර, නැගෙනහිර අතුරුදන් වූවකු ලෙස. ඒ අනුව දකුණේ අතුරුදන් වූ එය ඊට අයත් වන්නේ නෑ. මේ ආකාරයට උතුරේ අතුරුදන් වූ අය සහ දකුණේ අතුරුදන් වූ අය අතර වෙනසක්‌ කරන්න නීති කෙටුම්පත් නිලධාරියාගේ ඔලුව නරක්‌ වෙලා තිබෙනවා නම් හැර මෙහෙම පනතක්‌ හදන එකක්‌ නෑ. එම නිසා මම විශ්වාස කරනවා මෙම කෙටුම්පත එතුමා හදපු එකක්‌ නොවෙයි කියලා. ඒ අනුව තමයි මම කියෙන්නේ මෙම පනත විශ්නේෂ්වරම් මහතා හෝ දෙමළ ඩයස්‌ පෝරාව හෝ බටහිර රටවල් විසින් හදපු එකක්‌ කියන එක.

එම සැකය තවදුරටත් තහවුරු වනවා. මේ ආණ්‌ඩුව ඇමරිකානු ආණ්‌ඩුව සමඟ එක්‌ වෙලා ලංකාවට එරෙහිව ගෙන ආ යෝජනාවේ ක්‍රියාකාරි කොටසේ 4 වන වගන්තියේ අතුරුදන් වූවන් පිළිබඳව සොයා බැලීම සඳහා කාර්යාලයක්‌ පිහිටුවිය යුතු බවද සඳහන් වෙලා තිබෙනවා. එම කාර්යාලයට ජාත්‍යන්තර හවුල්කරුවන් ඇතුළත් කරගත යුතු බවත් එම වගන්තියේ සඳහන් වනවා. ඒ වගේම 6 වන වගන්තියේ යුද අපරාධ චෝදනා විභාග කිරීම සඳහා විදේශීය විනිසුරුවන්, නීතිඥයන්, බී චෝදකයන් ගෙන එම සඳහා ප්‍රතිපාදන සලසා තිබෙනවා. ඒ වගේම එහි ක්‍රියාකාරි කොටසේ පළමු වන වගන්තියේත් මේ ආණ්‌ඩුව හුසෙන් කුමාරයා අපට විරුද්ධව ඉදිරිපත් කළ වාර්තාව පිළිගෙන තිබෙනවා. එම වාර්තාවේ 36 වන නිර්දේශයේ තමයි යුද අපරාධ පිළිබඳව සොයා බැලීම සඳහා ගෝලීය අධිකරණ බලය ලබාදෙන බව සඳහන් වන්නේ. සර්ව ලෝක අධිකරණ බලය කියල කියන්නේ ලංකාවේ අධිකරණයෙන් තොරව ලෝකයේ ඕනෑම රටකට අපගේ අය පිළිබඳව නඩු ඇසීමේ බලය. ඒ අනුව මේ සූදානම් වන්නේ මේ ආණ්‌ඩුවයි, ඇමරිකාවයි එකතු වෙලා ලංකාවට එරෙහිව ගෙනා යෝජනා සම්මතයක්‌ අනුව පැහැදිලි වෙනවා මෙම කාර්යාලය පිහිටුවීමේ යෝජනාව ගෙන එන්නේ ඒ අයගේ වුවමනාවට කියන එක.

එම නිසා මෙම කාර්යාලයේ කටයුතු උතුර සහ නැගෙනහිරට සීමා කරන බවට තිබෙන අර්ථික නිරූපනය අනුව මෙම කෙටුම්පත අපගේ නීති කෙටුම්පත් දෙපාර්තමේන්තුවෙන් හදපු එකක්‌ බව පේන්නේ නෑ. නමුත් ඔවුන් එහෙම කරල තිබෙනවා නම් වහාම ඔවුන් දරන ධුර වලින් ඉවත් කළ යුතුයි. මොකද ඔවුන් උතුර සහ නැගෙනහිරට එක නීතියකුත් රටේ සෙසු ප්‍රදේශ වලට තවත් නීතියකුත් ක්‍රියාත්මක කිරීමට කටයුතු කරන නිසා පරමාර්ථ වශයෙන් බැලුවහම මෙම පනත ගෙනත් තිබෙන්නේ දෙමළ බෙදුම්වාදීන්ගේ අවශ්‍යතා ඉෂ්ට කිරීම සඳහායි.

ප්‍රශ්නය - යුද්ධය උතුර සහ නැගෙනහිර ප්‍රදේශයේ පැවැති නිසා අතුරුදන් වූවන් පිළිබඳව සෙවීමේ කාර්යාලයේ කටයුතු එම ප්‍රදේශයට සීමා කළ බව ප්‍රකාශ වුවහොත් ඒ පිළිබඳව ඔබගේ ස්‌ථාවරය කුමක්‌ද?

පිළිතුර- මෙම කාර්යාලය පිහිටුවන්නේ යුද අපරාධ පිළිබඳව සෙවීමට නම් ඒ පිළිබඳව සඳහන් කළ යුතුයි. නමුත් මෙම කෙටුම්පතේ එහෙම දෙයක්‌ පිළිබඳව සඳහන් වන්නේ නෑ. මෙම කෙටුම්පතේ සඳහන් කරලා තිබෙන්නේ අතුරුදන් වූවන් පිළිබඳව සොයා බැලීම සඳහා එය ගෙන එන බවයි. නමුත් එය උතුර සහ නැගෙහිරට සීමා කරල තිබෙන නිසා ඇමැතිවරුන්, මන්ත්‍රීවරුන් ඩිෆෙන්ඩර් වලින් මිනිසුන් පැහැරගෙන ගියපු එවා පිළිබඳව සොයන්න බැරි වෙනවා.

කෙසේ වුවත් යුද අපරාධ චෝදනා පිළිබඳව සොයා බලනවා නම් ඒ සම්බන්ධයෙන් පනතක්‌ ගෙන ආ යුතුයි. එහෙම පනතක්‌ ගෙන එනවා නම් අපට ඒ පිළිබඳව ශ්‍රෝෂ්ඨාධිකරණයට මතයක්‌ ප්‍රකාශ කරන්න පුළුවන්.

එහෙත් මෙම පනත දෙස බැලුවහම බොහෝ කරුණද නිරාවරණය කරගන්න පුළුවන්කම තිබෙනවා. මෙම පනත මගින් පිහිටුවීමට බලාපොරොත්තු වන අතුරුදන් වූවන් පිළිබඳව කාර්යාලයට ජාත්‍යන්තර ප්‍රජාවගේ මුදල් යෙදවීමේ හැකියාව තිබෙනවා. අවංකවම මේ රටේ ජනතාව අතුරුදන් වීම් පිළිබඳව සොයා බැලීම සඳහා මෙම කාර්යාලය පිහිටුවනවා නම් විදේශීය මුදල් අවශ්‍ය වන්නේ නැහැනේ. එහෙම දෙයක්‌ කරනවා නම් නීතිපති දෙපාර්තමේන්තුවට අනුබද්ධව හෝ පොලිස්‌ දෙපාර්තමේන්තුවට අනුබද්ධව වෙනම ඒකකයක්‌ ඇති කිරීමට පුළුවන්. නමුත් එසේ නොකර අපගේ අධිකරණ පද්ධතියෙන් සම්පූර්ණයෙන්ම ස්‌වාධීන, අපේ පොලිසියෙන් සම්පූර්ණයෙන්ම ස්‌වාධීන අන්තර් ජාතික ප්‍රජාවගේ මුදල් වලින් යෑපෙන කාර්යාලයක්‌ පිහිටුවන්නේ කුමට ද කියන එක ඉතා පැහැදිලියි.

ජාත්‍යන්තර ප්‍රජාවේ මුදල් පමණක්‌ නෙවෙයි මෙම කාර්යාලයට ඔවුන් සමග ගිවිසුම් ඇතිකර ගැනීමේ හැකියාවත් තිබෙනවා. එම ගිවිසුම් මගින් මෙම කාර්යාලයේ කටයුතු සඳහා ඇමරිකානු නොර්වීජියානු එංගලන්ත ජාතිකයන් පවා නිලධාරීන් ලෙස සම්බන්ධ කර ගැනීමේ හැකියාව තිබෙනවා. මේ අයට අපගේ ඕනෑම ආරක්‌ෂක ස්‌ථානයකට කඩා වැදිල, එම ආයතනයේ තොරතුරු ලබා ගැනීමේ හැකියාව තිබෙනවා. එම තොරතුරු ලබා ගැනීමෙන් අනතුරුව ප්‍රකාශ සටහන් කර ගැනීමේ අයිතියත් ඔවුන් සතු වෙනවා.

එසේ ලබා ගන්න තොරතුරු ඔවුන් පිටරටවලට රැගෙන යනවා. මේ දවස්‌වල දෙමුහුන් අධිකරණයක්‌ නොපිහිටුවන බවත් සඳහන් වනවා. සමහර විට එම ප්‍රකාශ සත්‍ය වන්නත් පුළුවන්. මොකද මේ ආණ්‌ඩුව හුසේන් කුමාරයාගේ වාර්තාවට එකඟ වී තිබෙන නිසා දෙමුහුන් අධිකරණයක්‌ අවශ්‍ය වන්නෙත් නෑ. එම වාර්තාව පිළිගෙන තිබෙන්නේ ස්‌තූති පූර්වකව. එසේ පිළිගත්ත වාර්තාවේ සර්ව ලෝක අධිකරණ බලය දිය යුතු බව සඳහන් වනවා. එම බලය ලබාදුන් පසු මෙම කාර්යාලය හරහා ලබාගන්නා තොරතුරු යොදා ගෙන වෙන රටවල් වලදී නඩු ඇසීමේ හැකියාව ලැබෙනවා.

එම තත්ත්වය තුළ යුද අපරාධ චෝදනා එල්ල වී ඇති අපගේ රාජ්‍ය නායකයකු හෝ හමුදා නායකයන් පිටරටකදී වුවත් අත්අඩංගුවට ගැනීමේ හැකියාව පවතිනවා. අපගේ රජයක මූලිකත්වයෙන් මෙබඳු තත්ත්වයක්‌ නිර්මාණය වීම ගැන අප ලැඡ්ජා විය යුතුයි. මෙබඳු තත්ත්වයක්‌ නිර්මාණය කිරීමට කටයුතු කළ අයට එරෙහිව අනාගත රජයකින් නීතිමය පියවර ගත යුතුයි.

අනෙක්‌ අතට මෙම කාර්යාලය පිහිටුවහොත් අපගේ ජාතික ආරක්‍ෂාව සම්පූර්ණයෙන්ම බිඳ වැටෙනවා.

ප්‍රශ්නය - දැනට පවත්නා නීතියට අනුව අපගේ රටේ දේශපාලන නායකයන් හෝ හමුදා නායකයන් ජාත්‍යන්තර අධිකරණයක්‌ හමුවට ගෙන යැම සඳහා එක්‌සත් ජාතීන්ගේ ආරක්‌ෂක මණ්‌ඩලයේ යෝජනාවක්‌ සම්මත කළ යුතු වෙනවා.
ඔබ සඳහන් කරන්නේ අතුරුදන් වූවන් පිළිබඳව සොයා බැලීම සඳහා කාර්යාලයක්‌ පිහිටුවීමට ගෙන එන එම පනත මගින් මේ සඳහා අවස්‌ථාව උදාවන බවද?
පිළිතුර - මෙම කාර්යාලය හරහා හදන බොරු සාක්‌ෂි යොදා ගෙන අපට විරුද්ධව එක්‌සත් ජාතීන්ගේ ආරක්‌ෂක මණ්‌ඩලයට වුවත් යෝජනාවක්‌ ඉදිරිපත් කිරීමේ හැකියාව තිබෙනවා. මෙම කාර්යාලයේ නිලධාරීන්ට හමුදා කඳවුරුවලට කඩා වැදිලා පමණක්‌ නොවෙයි නව තාක්‌ෂණය යොදා ගෙන පිටරට සිටින අයගෙන් පවා සාක්‌ෂි ලබා ගැනීමේ හැකියාව තිබෙනවා.

ඔවුන් බොරු සාක්‌ෂි ලබාදුන්නත් අපට කරන්න දෙයක්‌ නෑ. එම සියලු තොරතුරු යොදා ගෙන අපට විරුද්ධව හොඳ ලිපි ගොනුවක්‌ හැදීමේ අවස්‌ථාවට මෙම කාර්යාලයට ලැබෙනවා. එම ලිපි ගොනුව යොදාගෙන අපගේ රණවිරුවන්ට විරුද්ධව එක්‌සත් ජාතීන්ගේ ආරක්‌ෂක මණ්‌ඩලය හමුවට යැමේ හැකියාව තිබෙනවා. ඒක තමයි ඔවුන්ගේ සැලැස්‌ම.

එපමණක්‌ නොවෙයි අපගේ රණවිරුවන්ට අපහාස කිරීම සඳහාත් ප්‍රයත්නයන් දරන බව පෙනෙනවා. මෙම කාර්යාලයට ලැබෙන මුදල් යොදා ගෙන මරණයට පත්වී ඇති අය අනුස්‌මරණය කිරීමත් මෙම කාර්යාලයේ එක්‌ කටයුත්තක්‌ වනවා. මෙම කටයුතු වලින් පෙනෙනවා මෙම කාර්යාලය හරහා අපට තුවාල සිදු කිරීමට අමතරව එම තුවාල මත ලුණත් ගාන්න සූදානම් වන බව. මෙම පනත මගින් අතුරුදන් වූවන් ලෙස සඳහන් කරන්නේ කොටි සාමාජිකයන්. ඒ අනුව පැහැදිලි විය යුතුයි මොවුන් අපේ පොළවේ සිට ගෙන කොටි සමරන්න සූදානම් වන බව. මෙබඳු කටයුතු සඳහා පනතක්‌ ගෙන ඒමට සිදුවීම පිළිබඳව ආණ්‌ඩුව ලැඡ්ජා විය යුතුයි. ඒ වගේම විපක්‌ෂයේ සිටින මන්ත්‍රීවරුත් ලැඡ්ජා විය යුතුයි මෙම පනත ශ්‍රෝෂ්ඨාධිකරණය හමුවේ අභියෝගයට ලක්‌ කිරීමට නොහැකිවීම පිළිබඳව. රජය වගේම විපක්‍ෂයත් තම යුතුකම ඉටු කරල නෑ.

ප්‍රශ්නය - මෙම පනත ශ්‍රෝෂ්ඨාධිකරණ ය හමුවේ අභියෝගයට ලක්‌ කිරීමට නොහැකිවීමේ පසු බිම් තුළ මීළඟට ගතහැකි ක්‍රියාමාර්ගය කුමක්‌ද?

පිළිතුර- මේ වගේ විලිලැඡ්ජා නැති වැඩ කිරීමට රජයකට ඉඩ නොදිය යුතු බවට ජනතාව දැනුවත් කළ යුතුයි. වැට්‌ පිළිබඳව ජනතා මතයක්‌ ඇති වූවා වගේම මේ පිළිබඳවත් ජනමතයක්‌ ඇති කිරීමට කටයුතු කළ යුතුයි.
[Divaina]

-යුතුකම සංවාද කවය
www.yuthukama.com
Like us on facebook :https://www.facebook.com/yuthukama

"මේ එන්නේ රට බෙදන ෆෙඩරල් යක්ෂයායි" - ජනාධිපති නීතිඥ මනෝහර ද සිල්වා

==

මේ ආණ්ඩුව ඒකීයභාවය නැමති බෝඩ් ලෑල්ල පෙන්නා සිංහලයා මුලා කර රට බෙදන ව්‍යවස්ථා මර උගුලක රට හිරකරමින් සිටින බව ජනාධිපති නීතිඥ මනෝහර ද සිල්වා මහතා පෙන්වා දෙයි.
13 වන සංශෝධනය හරහා ෆෙඩරල් ආකෘතියකින් යුත් නාමිකව ඒකීය නමුත් බෙදුනු රටක් දැනටමත් බිහි වී ඇති තත්වයක ඒය යන්තම් හෝ වළක්වා ගෙන සිටින විධායක සහ මධ්‍යම ආණ්ඩුවේ බලතල දුර්වල කිරීම හරහා නියත වශයෙන්ම එකිනෙකා මරාගන්න සීසී කඩ බෙදී ගිය රාජ්‍යන් කිහිපයක් නිර්මාණය වනු ඇතැයිද අනතුරු අඟවයි.
පසුගියදා කුමන්ත්‍රණ , බිල්ලෝ සහ ව්‍යවස්ථාව යන මැයෙන් පැවති යුතුකම සම්මන්ත්‍රණයේ මුඛ්ය දේශනයක් පවත්වමින් ඒ මහතා මේ බව අවධාරණය කළේය.
එහිදී වැඩි දුරටත් අදහස් දැක්වූ මනෝහර ද සිල්වා මහතා

"වත්මන් ආණ්ඩුක්‍රම ව්‍යවස්ථාවේ වගන්ති 12ක් තියෙනවා .ඒ වගන්ති සංශෝධනය කරනවනම් විතරයි ජනමත විචාරණයක් අවශ්‍ය වෙන්නේ.ඒ වගන්ති 12 ඇරුණම වෙන ඕනෑම වගන්තියක් පාර්ලිමේන්තුවේ 2/3 ක බලයෙන් සංශෝධනය කරන්න පුළුවන්.

දැන් ආණ්ඩුව ජනමත විචාරණයක් තියෙනව කියල කියනවා. ඒකෙන් ගම්‍යමාන වෙන්නේ මොකක්ද? අර තීරණාත්මක වගන්ති 12 සංශෝධනය කරන්න යනවා කියන එකයි ඒකෙන් කියන්නේ.
මොකදේ ඒ වගන්ති 12 ඒ ආකාරයෙන් තියා ගන්නවනම් ජනමත විචාරණයකින් තොරව පාර්ලිමේන්තුවට ගෙනන යෝජනා මගින් සම්මත කරගන්න පුළුවන්.

මොවනද ඒ වගන්ති 12?
ඒවා තමයි අපේ රටේ නම , මේ රට ඒකීය රාජ්‍යක් කියන එක ,බුද්ධාගම සුරැකීම ආණුවේ වගකීමයි කියන එක , බුද්ධාගමට ප්‍රමුඛස්ථානය හිමි විය යුතුයි කියන එක,අපේ ජාතික කොඩිය , ජාතික ගීය , පාර්ලිමේන්තුවේ හෝ ජනාධිපතිවරයාගේ ඩ්ධූර කාලය වෙනස් කිරීම , ජනතා පරමාධිපත්‍යය ජනතාව සතුයි කියන එක වැනි අතිශය තීරණාත්මක කරුණු යි ඒ.
ආණ්ඩුව ජනමත විචාරණයකට යනවා කියන්නේ මේ වගන්ති 12 තියෙන දේවල් සංශෝඪ්Hඅනය කරනවා කියන එකයි. අප රෑ වැටුණු වලේ දවල් වැටෙන්න ඕන නෑ. පසුගිය අවුරුදු 30 තුලම සිද්ධ වුනු ව්‍යවස්ථා සංශෝධන ටික දිහා බැලුවම මේ අය අද ලෑස්ති වෙන්නේ කුමකටද කියන වග අපට ලේසියෙන් සිතා ගන්න පුලුවන්. 1987 13 වන ව්‍යවස්ථා සංශෝධනයෙන් තමයි ලංකාව පළමු වටය කොටස් 9 කට කැඩුවේ.පළාත් 9ක් හදලා ඒ වැඩේ කළා. දැන් එතකොට මේක ඒකීයද? නෑ මේක ෆෙඩරල් ආකෘතියක් තිබෙන රාජ්‍යයක්. "

"13 වන ව්‍යවස්ථාව සම්මත කරන වෙලාවේ ශ්‍රේෂ්ඨාධිකරණයේ වනසුන්දර මහතා ඇතුළු විනිසුරුවන් හතර දෙනෙක් කිව්වා මේකෙන් ඒකීයභාවය වැනසෙනවා කියලා. විනිශ්චකාරවරු පස් දෙනෙක් කිව්වා 2/3 දෙකක් තියෙනවනම් මේක වෙනස් කරන්න පුළුවන් නිසා මේක ඒකීය රාජ්යයක් කියලා. අප එක චන්දෙකින් එදා පැරදුනා.මොන තරම් අපරාධයක්ද අපට වුනේ මේ එක චන්දයක් නිසා. මේකයි අපට තියෙන බය.
අපේ රටේ අනාගතය අධිකරණයට භාර දෙන්න බෑ. මේ රටේ ව්‍යහුහය කුමක්ද කියල තීරණය කළ යුත්තේ මේ රටේ ජනතාවයි.

ව්‍යවස්ථා සංශෝධන කෙටුම්පත හදන ජයම්පති වික්‍රමරත්න මහත්මය අහල තිබ්බ තවම අප ඒක හදලත් ඉවර නෑ , ඇයි ඒකට විරුද්ධ වෙන්නේ කියලා.
එතුමා 95 ඉඳලා හදපු ව්‍යවස්ථා සංශෝධන යෝජනා බැලුවම අපට භය වෙන්න ඇති තරම් කාරණා තිබෙනවා.
95 පැකේජය , 97 පැකේජය ,2000 පැකේජය , 2010 APRC යෝජනා. මේ හැම එකකම යෝජනා හොඳින් කියවලා බැලුවම පේනවා මධ්‍යම අණ්ඩුවට පළාත් ආණ්ඩුවක් පාලනය කරන්න බැරි වෙන විදියේ රාජ්‍ය ව්‍යුහයක් කිර්මාණය කිරීම තමයි 95 සිට සෑදූ සෑම ව්‍යවස්ථා යෝජනාවකම අරමුණ වුනේ.ජයම්පති වික්‍රමරත්න මහත්මයා හදපු යෝජනවල තිබුණ විදියට රටේ විධායක ජනාධිපතිවරයා කැබිනට් මණ්ඩලය හරහා පාලනය විය යුතුයි කියල තිබුනා, නමුත් පළාත් මහ ඇමතිවරයා කැබිනට් මණ්ඩලයට යටත් නෑ. ඔහු පාලනය විය යුත්තේ පලාත් ඇමති මණ්ඩලය තුලින් කියලයි ඒ යෝජනාවල තිබුණේ.
ඒකෙන් කියන්නේ මොකක්ද? එහෙම නම් මේක තව දුරටත් ඒකීයද?
හැබැයි කියන්නේ නම් මේක ඒකීය රාජ්‍යයක්ලු. සිංහල මිනිහා ගොනාට අන්දවන්න පුලුවන් කියල හිතලා ෆෙඩරල් අන්තර්ගතයට ඒකීය රාජ්‍ය ලේබලය ගහනව . අප ප්‍රවේශම් විය යුත්තේ මෙන්න මේ උගුලෙනුයි. අපට ඕනෑ බෝඩ් ලෑලි නෙවෙයි.අපට ඕන සත්‍ය වශයෙන්ම ඒකීය ව්‍යුහයක්."


"පළාත් ඒකාබද්ධ කරන්න 13 වන ව්‍යවස්ථා සංශෝධනයේ ප්‍රතිපාදන තියෙනවා.අනාගතයේ සිදු වන සංශෝධනයකදි අනිවාර්‍යෙන් මේ ප්‍රතිපාදනය ඉවත් කරන්නයි ඔවුන් යෝජනා කරන්නේ.

ඒ වගේම ඉඩම් හා පොලිස් බලතල කිසි සේත්ම අන් සතු නොකළ යුතුයි. දැනට 13 වන ව්‍යවස්ථා සංශෝධනයේ තියෙනවා එක පලාතක පොලිසියකට අනෙත් පළාතට ඇතුළුවෙන්නවත් බෑ. උදාහරණෙක්කට හොරෙක් අල්ලන්න ගියොත් එක පළාතක ඉඳලා අනෙක් පළාතට යද්දි හොරා පැනල යනවා.මොකද පොලිසියට ඒ පළාතට ඇතුළු වෙන්න බෑ.ඕක තියෙන්නේ 13 වන ව්‍යවස්ථා සංශෝධනයට අදාළ සංවෘත වගන්තියේ "කේ" ලැයිස්තුවේ.

එහි තිබෙනවා ජාතික පොලිසියේ අය පළාත් සභාවල සිටිය යුත්තේ සාමාන්‍ය ඇඳුම් ඇඳගෙන. නිල ඇඳුම් අඳින්න බෑ. ඒ පොලිසිය පාලනය කළ යුත්තේ මහ ඇමතිවරයා විසින් කියල එහි තිබෙනවා.

19 වන ව්‍යවස්ථා සංශෝධනය ගෙන ආවේ මේ රටේ යහපාලනයක් ඇති කරන්න කියලා කියනවනේ. එහෙම කියලා ජනාධිපතිවරයාගේ බලතල කප්පාදු කළා. හැබැයි එහි ජනාධිපතිවරයාට වගේම පළාතේ මහ ඇමතිවරයාට හිමි වෙලා තිබ්බ බලතල ටික කප්පාදු කළේ නෑ. ඒකට අත තිබ්බේ නෑ ජයම්පති වික්‍රමරත්න මහත්වරු.
මිත්‍රවරුනි මෙහෙව් 13 වන සංශෝධනයත් ගෙනාවේ ඒකීය බෝඩ් ලෑල්ලත් එක්ක.

එහෙම බලද්දි වත්මන් ආණ්ඩුවත් මේ ව්‍යවස්ථා සංශෝධනයෙදිත් ඒකීයභාවය රකිමින් සිදු කරනව කිව්වත් අපට විශාල සැකයක් තිබෙනවා ඒ ගැන. මොකද මෙතෙක් කල් මේ සියලු විනාශයන් කළේ ඒකීය භාවය කියන නම විකුණලා.ඒකීය බෝඩ් ලෑල්ල සහිතව ෆෙඩරල් රාජ්‍ය ව්‍යුහයක් ඇති වීමයි සිදු කළේ.

ඒ නිසා ආණ්ඩුවේ මේ ප්‍රයත්නය පිළිබඳ ඉතාම විමසිලිමත් විය යුතුයි.
ජනාධිපතිධූරය නැති කරනවනම් මධ්‍යම ආණ්ඩුවේ විධායක බලයත් , මධ්‍යම ආණ්ඩුවේ ව්‍යවස්ථාදායක බලයත් පළාත් ආණ්ඩුවට වඩා ඉහළින් තිබිය යුතුයි.

ඒ කරුණු ඇතුළත් බුද්ධශාශන කාර්‍ය මණ්ඩලයේ යෝජනා ක්‍රියාත්මක කිරීමට අප රජයට බල කළ යුතුයි.
මේ රට එක්සේසත් කරලා මේ ජාතීන් එකතු කරන්න නම් අපට පළාත් වලට ස්වාධීනත්වය ලබා දෙන්න බෑ. එහෙම දුන්නොත් පළාත් වෙන් වෙන්ව ක්‍රියා කරලා මේ රට කෑලි කෑලි වලට කැඩෙන එක නවත්තන්න අපට බෑ. ආණ්ඩුව එක්සත් කියල යෝජනා කරන්නේ එවැනි උත්සාහයක්.

අන්න ඒ නිසයි අප මේ භයානක යෝජනාවලිය පරාජය කළ යුත්තේ. "

ඒ මහතාගේ දේශනයට මෙතනින් සවන් දෙන්න...

-ජනාධිපති නීතිඥ මනෝහර ද සිල්වා
2016 ජනවාරි 22 කොළඹදී
යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama

ජිනීවා පාවාදීම හරහා ඊළමට පාර කපන හැටි.. - ජනාධිපති නීතීඥ මනෝහර ද සිල්වා [video]

ජිනීවා යෝජනාවලිය හරහා රණ විරුවන් යුධ අපරාධ දං ගෙඩියට දක්කා ගෙන යන ත්‍රාඩ ක්‍රියාදාමයට අමතරව මෙරට දෙමළ ඊළමක් බිහි කරගත හැකි මාවතට අවශ්‍ය සියළු අවශ්‍යතා ඉටු කර දෙන යාන්ත්‍රණයක්ද අඩංගු යැයි ජනාධිපති නීතිඥ මනෝහර ද සිල්වා මහතා අවධාරණය කර සිටී.
ආණ්ඩුව තමන් නිසා ජිනීවා යෝජනාවලියේ සැර බාල වූයේ යැයි පැවසුවත් සැබෑව ඊට හාත්පසින්ම වෙනස් බවත් ජිනීවා අවසන් වාර්ථාව සමගම සම්බන්ධ කර ඇති මානව හිමිකම් කොමසාරිස් හුසේන් කුමාරයාගේ වාර්ථාව සහ ඔහු ජිනීවා හිදී පැවැත්වූ දේශනයේ අඩංගු කරුණු, එමෙන්ම ගිය වසරේ ඇමරිකාව ඉදිරිපත් කළ වාර්ථාවත් එලෙසම පිළිගැනීම හරහා රට දරුණු ව්‍යසනයකට ලක් කර ඇතැයි  මනෝහර ද සිල්වා මහතා පෙන්වා දෙයි.
යෝජනා සම්මතයේ හයිබ්‍රිඩ් යන වචනය අඩංගු නැතැයි ආණ්ඩුවේ පණ්ඩිතයන් ජනතාව නොමග යැවීමට ඉතා වංචනික උත්සාහයක් ගත්තත් මෙය තනිකර හයිබ්‍රිඩ් යාන්ත්‍රණයක් බව මනෝහරද සිල්වා මහතා සාධක සහිතව පෙන්වා දෙයි.ශ්‍රී ලංකාවේ පිහිටුවීමට එකඟ වී ඇති මානව හිමිකම් කාරයාලය හරහා ජාත්‍යන්තර නීතිඥයන් , අභිචෝදයකයන් ඇතුළු බටහිරයන්ට අවශ්‍ය ආකාරයේ යාන්ත්‍රණයක් හරහා ලංකාව යුධ අපරාධ වලට හසු කිරීම ස්ථිර යැයිද ඔහු පවසයි.

ජාත්‍යන්තර පිළිගැනීමක් ඇති නීතීඥයන්ගේ නිරීක්ෂණයන්ද සහිතව ඉදිරිපත් කර ඇති 'පරණගම වාර්ථාව' තුලින් අපේ හමුදා යුධ අපරාධ සිදු කර නොමැති බවට සාධක සහිතව පෙන්නුම් කර තිබියදී ජිනීවා සමුළුවට එය ඉදිරිපත් නොකර රටට හතුරු ඇමරිකන් යෝජනාවට සම යෝජකත්වය ගැනීම හරහා හවුල් ආණ්ඩුව ලෝක ඉතිහාසයේ මෙතෙක් වෙන කිසිඳු රටක් සිදු නොකළ පාවාදීමක් සිදු කර ඇති බවද ඔහු පෙන්වා දෙයි.

පසුගියදා ගම්පහ සණස ශාලාවේදී යුතුකම සංවාද කවයේ සංවිධායකත්වයෙන් පැවැත්වූ "බිල්ලො ඇවිත්" සම්මන්ත්‍රණයේදී මනෝහරද සිල්වා මහතා මේ බව අවධාරණය කළේය.
මනෝහර ද සිල්වා මහතා පැවැත්වූ සම්පූර්ණ දේශනය..>>
 

-සටහන - යටියන ප්‍රදීප් කුමාර
යුතුකම සංවාද කවය
www.yuthukama.com


ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)

https://www.facebook.com/yuthukama