විග්නේශ්වරන්ට නොරැවටෙමු - දමිළ ජනතාවට සෙනෙහසින්

~ඉසුරු රන්දෙනිකුමාර~විග්නේශ්වරන්ට නොරැවටෙමු - දමිළ ජනතාවට සෙනෙහසින් යුද්ධය පැවති දශක තුන තුල උතුරේ දමිළ ජනතාව වන ඔබලා නිවීසැනසිල්ලේ සිටි එකදු දවසක් හෝ ඇත්දැයි සැකසහිතය. එක්කෝ ඔබ නිදා සිටින විට ඇසෙන වෙඩි හඬට තිගැස්සී අවදි වූයේය. එක්කෝ ඔබලාගෙන් කෙනෙක් ගවයන් තණ කෑමට දක්කාගෙන යන අතරමග බිම්බෝම්බ වලට ගොදුරුව ඇස් කන් පාද අහිමි කරගත් හ. නැතහොත් පැතිබෝම්බයකට, බස් බෝම්බයකට ගොදුරු වූ තම අසල්වැසියාගේ මළ ගෙදරට සහභාවීමට සිදුවිය. එසේත් නැතිනම් ගමින් ගමට ඇති මුරකපොලු වලට තම ගමන් මල්ලේ පුපුරණ ද්‍රව්‍ය නොමැති බව පෙන්වන්නට සිදුවිය. 

2009 මැයි මස 19 වෙනිදායින් පසුව අද වෙනතුරු ඔබලා සුවසේ නිදති, ගමන් යති, ජීවනෝපායන්හි යෙදෙති. විනෝදවෙති . 

ජාතිවාදය අලු යට ගිනි පුපුරු වැනිය. ඒ ගින්න නැතිව යාමට කාලයක් ගතවේ. ඔබ බුද්ධිමත්නම් කලයුත්තේ ඒ අලුයට ගිනි නිවීයාමට ඉඩහැර එවැනි අවස්ථා වලට ඉඩ ලබා නොදීමය.
යුද්ධය නිසා උතුරේත් දකුණේත් තරුණ ජීවිත දහස් ගණනක් මිය ගියේය. ඒ පිරභාහරන් විසින් මෙහෙයවන ලද කැරැල්ල හේතු කොට ගෙනය. ඔබගේ ගැලවුම්කාරයා ලෙස පෙනී සිටි ඒ ඊනියා වීරයා ඔබේ ඔලුවට විස පෙවීමට උත්සාහකොට , ඔබේ දරුවන්ගේ, සහෝදරයින්ගේ ළමා කාලය බිලිගත්තේය. නමුත් අවසන් සටනේ ඔබව මිනිස් පලිහක් ලෙසින් තබාගෙන බියසුල්ලෙකු සේ මියගියේය. ඔබ ඒ අවස්ථාවෙහි තේරුම් ගත යුතුව තිබුනේ ඒ ත්‍රස්ථවාදීන් සටන් වදින්නේ ඔවුන්ගේ බලය වෙනුවෙන් මිස ඔබ වෙනුවෙන් නොවන බවයි. එය ඔබ තේරුම්ගෙන නැති සෙයකි.

ඔබේ ජන මනස ක්‍රියාකරන ආකාරය ගැන ඔබ හොඳින් බැලුවහොත් එය ක්‍රියාත්මක වන්නේ උඩ සිට පහලට බව ඔබට මනාව පෙනෙනු ඇත. ඔබේ බහුතරය පිලිගන්නේ ඔබේ නියෝජිතයායැයි කියාගන්නා ඔබේ ඊනියා ගැලවුම්කරු පවසන දෙයයි. ඔබේ නියෝජිතයින් ඔබේ මේ විශ්වාසයෙන් අයුතු ප්‍රයෝජනයක් ගන්නා බව ඔබට නොපෙනනවා ඇත. නමුත් අපට එය වැටහෙන්නේ නිතැතිනි.

පසු ගිය සැප්තැම්බර 24 වන දින උතුරු පළාත් මහ ඇමති විග්නේශ්වරන් "එළුඟ තමිල්" නැමති විරෝධතාව දියත් කරමින් සිංහලයින්ට, බෞද්ධයින්ට තම භූමියෙන් ඉවත්වන ලෙස බල කරන ලදී. එවැනි පෝස්ටර ප්‍රදර්ශනය කරන ලදී. ඔවුන් ඔබහට කීවේ කුමක් අරභයා නැගීසිටීමටද යන්න අපි නොදනිමු . අපට පෙනෙන්නේ විග්නේශ්වරන් මහතා ඔබව රවටමින් අගාධයකට ඇදගෙන යන බවකි. නැවත වරක් ඔබගේ රුධිරය මතින් තම බඩ වියත රැක ගැනීමේ උපායකි. තම ජනතාවට සේවය කිරීම පසෙකලා වෙනත් රටවල ඩොලර්, ෆ්‍රෑන්ක් මත යැපෙමින් නැවත බලය ගැනීම උදෙසා පමනක් ඔබට සින්තටික් සිහිනයක් පෙන්වා ඔබව උසිගැන්වීමකි.

දමිළ ඔබ බුද්ධිමත් ජනකොටසකි. යුද්ධය පවති වසර 30 ඔබේ ජනයාට උරුම වූ ඒ දැනුම, තාක්ෂණය, නිදහස පිරබාහරන් විසින් උදුරාගන්නා ලදී. අවසානයේ උතුරේත් දකුණේත් බිඳුනු හිත් පමණක් ඇති කරමින් ඒ උන්මත්තකයා පරලොව ගියේයය. පසුගිය වසර 6ක කාලය තුල ඔබ නැවත ඒ නැති වූ නිදහස ලබාගෙන නව ලොවට පියමන් කිරීම ඇරඹුවා පමනකි. යාල් දේවී උතුර දකුණ යා කෙරෙමින් ගමන ඇරඹුවා පමණකි.

ඔබ යලිත් විග්නේශ්වරන් වෙසින් එන පිරබාහරන් අදස්වලට යට වනවාද? නැතහොත් එයින් මිදී ශ්‍රී ලාංකියන් ලෙස සංස්කෘතික මුහුවක් ඔස්සේ එක්ව ගමනක් යනවාද? තීරණය ඔබට භාරයි !

පිරබාහරන්ගේ සිහිනය ගොඩනැගීමට තැත්දරන බලකාමීන්ගෙන් ඔබට ගැලවුමක් නැතිවන්නට පුලුවන. ඔබට එසේ සිත්වන්නේ නම් එන්න දකුණට! ඔබේ සහෝදර සිංහල ජනතාව ඔබහා ජීවත්වීමට, ඔබේ සංස්කෘතිය විඳීමට, තෛපොංගල් බතෙහි රස බැලීමට බලා සිටිති ! දකුණේ දී හමුවෙමු

යුතුකම සංවාද කවය
www.yuthukama.com
Like us on facebook : https://www.facebook.com/yuthukama

පැරීසිය, ත්‍රස්තවාදය සහ කිඹුල් කඳුලු

පැරීසියට එල්ලවූ ම්ලේච්ඡ ත්‍රස්ත ප්‍රහාරය තරයේ හෙලාදැකිය යුතුය. මේ ලෝකයේ දරුණු ත්‍රස්තවාදීන් හා අහිංසක ත්‍රස්තවාදීන් කියා දෙකොටසක් නැත. සියලුම ත්‍රස්තවාදීහු දරුණු වෙති. ම්ලේච්ඡයෝ වෙති. පරපීඩකයෝ වෙති. ඔවුන් සන්නිවේදනය කරනුයේ සංවාදයෙන් නොව තුවක්කුවෙනි. බෝම්බයෙනි. අහිංසක ජනතාවගේ රුධිරය මතින් තම මාවත සඵල කරගන්නට කැසකවන ඔවුන් මනුශ්‍යත්වයටද නිගාවකි.

මීට වසර කිහිපයකට උඩදී අප රටතුලද ත්‍රස්තවාදයක් පැවතුනි. බස් රථ වල ,දුම්රියේ, පන්සලේ, පල්ලියේ මස්ජිදයේ ,පොලේ, බැංකුවේ සෑම තැනකම බෝම්බ පුපුරා ගියේය. දහස් ගනන් මිනිස්සු සතුන් සේ මහමග මියගියහ.භේදයකින් තොරව සිංහල, දෙමළ මුස්ලිම් සියල්ලෝම ලක්මව මත ලේ වගුරවමින් මියැදුනහ. වාසනාවකට අද අපි සාමයෙන් සුවසේ දිවි ගෙවමු. ඒ ත්‍රස්තවාදයෙන් රට බේරාගැනීමට දැඩි තීරණ ගත් සේනාධිනායක, ආරක්ෂක් ලේඛම් තුමන්ලාටද, දිවිහිමියෙන් යුධ වැදුනු ත්‍රිවිධ හමුදාවේ සියලුම නිලධාරීන්ටද අප හිසනමා ආචාර කළ යුතු ය.

ලංකාවේ මානවහිමිකම් හා ප්‍රංශය

ත්‍රස්තවාදයේ රඟ දැනෙන්නට එයට මුහුන දිය යුතුය.බොහෝ විට තමාගේ එකෙකු නිරපරාදේ මැරීවැටුනතුරු ත්‍රස්තවාදය යන්න කුමක්දැයි කිසිවෙකුට නොතේරේ. ප්‍රංශය වනාහි ලංකාවේ යුධ අපරාධ සිදුවූවායැ‍යි කියමින් මානව හිමිකම් කවුන්සිලයේ අප රටට එරෙහිව ප්‍රකාශ නිකුත් කළ , අප නියෝජිතයින්ට දේශපාලන තර්ජන එල්ල කළ රටකි. ඔවුන් සැබෑලෙසම ගනු ලැබුවේ ත්‍රස්තවාදි පක්ෂපාති කඳවුර මිස ත්‍රස්තවාදී විරෝධී කඳවුර නොවේ.

ත්‍රස්තවාදය තමාගේ මවු රටද ගොදුරු කරගන්නට කැසකවන විට, තමාගේ අහිංසක රටවැසියන් අහේතුකව මවු පොලව මත අවසන් හුස්ම හෙලන විට ප්‍රංශයට "ත්‍රස්තවාදය" යනු කුමක්දැයි අවබෝධවන්නට ඇත. එහෙව් වූ සත්‍යය ඔවුනට පසක්වේවා යැයි පතමි.

කිඹුල් කඳුළු

යුද්ධයේ පිහිටෙන් දිවිගෙවූ උපන් බිමට බරක් වූ අමනයින් ද, අපව මරණයෙන් බේරාගත් යුධවිරුවන් ජාත්‍යන්තර දෙමුහුන් අධිකරණයට දක්වන තැන දක්වා ක්‍රියාකළ යහපාලන අමන රැලද ,ත්‍රස්තවාදය කරපින්නාගත් ඒ යහපාලනය ගැන පාරම්බාමින් සමාජ ජාලා වල පම්පෝරි ගැසූ ඊනියා විදග්ධ දේශපාලන විචාරකයින්ද පැරීසියේ සිදුවූ ම්ලේච්ඡ ත්‍රස්තවාදි ප්‍රහායට එරෙහිවනු දැක මට සිනා පහලවිය. ඒ එම ප්‍රහාරයට එරෙහිවීම නිසා නොවේ.

තමන්ගේ රට දෑස් ඉදිරියේ අගාධයට ඇදී යනු දැක දැකම, යුධහමුදාවේ සෙබලුන් අත්ඩංගුවට ගෙන ත්‍රස්තවාදීන් ට පොදු සමාවක් දීම පිලිබඳ මුවින් කෙල බිඳුවකුදු නොසලා , දෙමුහුන් උසාවි නොදුටුවා සේ සිට ප්‍රංශයේ සිදුවූ ත්‍රස්තවාදී ප්‍රහාරය පමනක් හෙලාදැකීම විහිලු සහගත නොවන්නේ ද?මෙවන් පුද්ගලයින් මේ මවුබිමේ උපන් මිනිසුන් විය හැකිද? තමන්ගේ එකා කෙරේ නැති අනුන් ගැන ඇති මේ අමුතු වූ සෙනෙහස කුමක් ද? තම මෑණියන් වුවද මුදලට විකුනන්නේ එහෙව් අජාසත්තලා, චිංචිමානවිකාවන් නොවේද?

මිනිසුන් හඳුනාගැනීමට අප තවමත් ප්‍රමාද නැත!
~ඉසුරු රන්දෙනිකුමාර~
 

යුතුකම සංවාද කවය
www.yuthukama.com 

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 

(Like us on facebook)
https://www.facebook.com/yuthukama

ජවිපෙ ලවා කොස් ඇට බෑවීම

ඔබේ කතාව

ඔබ මුදල් අපහසුතාවයකින් පෙලෙයි. ඔබට ණයක් ලබාගැනීමට අවැසිය. ඒ සඳහා ඔබ සතුව විකල්ප තුනක් පවතී.
1) පසු ගිය දශකය පුරාම ණය ලබාදුන් පුද්ගලයා
2) මීටකලින් ඔබට ගිනිපොලියට ණය ලබාදී වංචා කර අසුවී ගමෙන් පන්නන ලද පුද්ගලයා
3) ණය ලබා දී පුරුද්දක් නොමැති නමුත් ඉහත (2)ගිනි පොලී කාරයාගේ ගජ මිත්‍රයෙකු ලෙසට සැලකෙන ඔහුව රැක ගැනීමට වක්‍රව සහය දෙන ගිනිපොලි කරුවාගේ මුදලින් දිවි ගෙවන පුද්ගලයා

ඔබට විකල්ප තිබීමට පුලුවන. නමුත් ඔබ තෝරා ගත යුත්තේ "හොඳම" විකල්පය මිස ඔබව රවටන විකල්පයක් නොවේ. ඔබව රැවටූ ගිනි පොලීකරුවා වෙනුවට ඒ ගිනිපොලී කරුවා රැකගැනීමට කටයුතු කරන, ඒ ගිනිපොලී කරුවාගෙ මුදල් මත යැපෙන හොර රහසේ ගිනිපොලී කරුවා සමග බාල් නටන පුද්ගලයාගෙන් ඔබ ණය ගන්නේනම් ඔබ තරම් මුග්ධයෙක් තවත් සිටීද?

ඔබේ කතාව නිමි

වත්මන් දේශපාලන තත්වය දෙස බැලීමේදී උක්තාකාරයේ සංසිද්ධියක් අපට පැහැදිලිව දැකගන්නට ලැබී ඇත. එනම් එක්සත් ජනතා නිදහස් සංධානයට එරෙහිව කටයුතු කරන එක්සත් ජාතික පක්ෂය හා ජනතා විමුක්ති පෙරමුණ දැකීමෙනි.

බැලූ බැල්මට ඔබට එකිනෙකට වෙනස් මාවත් ඔස්සේ යන පක්ෂ දෙකක් ලෙස එජාපය හා ජවිපෙ පෙනීමට ඉඩ ඇත. නමුත් මේ දේශපාලන පක්ෂ දෙකෙහි ඇති සබඳතාව අද වනවිට දේශපාලන විඥ්ඥානයක් සහිත ඕනෑම පුද්ගලයෙකුට රහසක් නොවේ. එජාපය යනු පසුගිය 30 වසර ඇතුලත රටට ද්‍රොහී කම් කල රට වැනසීමට කටයුතු කල රට බෙදීමට කටයුතු කල පක්ෂයකි. හැට දහසක් තරුණයන් මරා දමමින් රාජ්‍ය ආයතන විකුනා කමින්, රට පුරා පාතාලය මගින් ස්ව ආධිපත්‍යය පතුරවමින් කටයුතු කල පක්ෂයකි. ඒ නිසා ඒ පක්ෂයේ කුප්‍රකට කම ගැන කතාකිරීම කාලය අපතේ යැවීමකි.

ජනතා විමුක්ති පෙරමුනේ ගමන්මග පිලිබඳ කතිකා ඇති බැවින් ඒ පිලිබඳ ඉතිහාසයේ සිට සරලව විමසා බලමු
ජනතා විමුක්ති පෙරමුණ යනු "අධිරාජ්‍යවිරෝධී අරගලය ඔස්සේ සමාජවාදය" යන සංකල්පය පෙරදැඩිව ගමන්ගත් පක්ෂයකි. කුමන විවේචන ඇතත් රෝහණ විජේවීර සහෝදරයා ශ්‍රී ලංකාවට ඇති අධිරාජ්‍යවිරෝධී බලපෑම හොඳින් දුටු, ඒ මත තම පක්ෂය ගොඩ නැගූ අයෙකි. අනෙක් වමේ ව්‍යාපාර වලින් ජවිපේ වෙන් වන ප්‍රධාන කාරනය වන්නේ දේශප්‍රේමයයි. රටේ ඒකීයභාවය වෙනුවෙන් ජවිපේ කොන්දේසි විරහිතව පෙනීසිටි යුගයක් ද විය. ඒ වෙනුවෙන් ජවිපේ එදා තම දිවි පරදුවට තබා කටයුතු කරන ලදී. 60,000ක් තරුණ තරුණියන් ව එජාප අන්ඩුව විසින් සෙත්සිරිපාය, මත්තෙගොඩ,බටලන්ද ආදි වධකාගාරයන්ට ගෙන ගොස් දස වධ දී අමු අමුවේ මරා දමනු ලැබුඒ මේ 88/89 භීෂණ සමයේදීයි. අත් අඩංගුවට ගත් රෝහණ විජේවීර සහෝදරයාගෙන් අවි බිම තබා යටත් වෙන ලෙස ප්‍රකාශයක් සටහන් කොටගෙන ඔහුව බොරැල්ල කනත්තට ගෙන ගොස් දසවධ දී වෙඩි තබා පණ අදින සිරුර ටයර් සෑයකින් වසාලූයේද එසමයෙහි එජාප ආන්ඩුව මගිනි.

මෙසේ මර්ධනයට ලක්වූ ජවිපේ නිදහස් පක්ෂය මූලික කරගත් පොදුජන එක්සත් පෙරමුණ කාලකාල වකවාණුවේ නැවත තම දේශපාලන ගමන ඇරඹූහ. ස්ථානෝචිතව ද තම ප්‍රධාන සතුරා වන අධිරාජ්‍යවාදය හඳුනාගනිමින් ද ඔවුන් ගෙනගිය සටන රටේ ජනතාව සිත්ගත්තේය. දේශ්ප්‍රේමියෝ ජවිපේ වටා එක්වූහ.
2004 මහ මැතිවරණය ජවිපේ ප්‍රජාත්‍රන්ත්‍රවාදීව ගත් ඉහලම ජයග්‍රහණය විය. එක්සත් ජනතා නිදහස් සංධානයෙන් මැතිවරණ සටනට බට ජවිපෙ ආසන 39ක් ලබා ගැනීමට සමත් විය. මහින්ද රාජපක්ෂ ජනාධිපති කිරීමෙහි ලා ප්‍රධාන ජනබලමුලු රොදගැන්වීම සිදුකරන ලද්දේත් ජවිපෙ විසිනි.

2005න් පසු ජවිපේ හැසිරීම කෙමෙන් කෙමෙන් වෙනස් වන්නට විය.
මෙතෙක් කල් සිට ලැබුනු බලයත් සමග තමන්ගේ නායකයා වන රෝහණ විජේවීර පෙන්වන ලද දේශප්‍රේමය පිලිබඳ කාරනා ජවිපේ ශබ්දකෝශයෙන් ගිලිහෙන්නට විය. තමා වටා සිටි දේශප්‍රේමී කඳවුරු වලට කොකම්පාන්නට විය. ජාතිකවාදි ව පෙලගැසුනු ජවිපේම නායකයින්ව හා සමාජ බුද්ධිමතුන්ව කොන්කරන්නට විය.
මිනීමරු අමන කොටි ත්‍රස්තවාදීන්ගේ පරාජය ඇස් ඉදිරිපිට පෙනෙන මොහොතක හුදෙක්ම තමාගේ බල අරමුණු වස් වැඩවර්ජන සංවිධානය කරන්නට විය.

අවසානයේ සියල්ල පුපුරා යන්නේ ජවිපෙ පර්ලිමේන්තු කණ්ඩායම් නායකයා වන විමල් වීරවංශ ඇතුලු 11 දෙනෙකු පක්ෂය හැරයාමත් සමගයි. ඉන්පසුව ජවිපෙ අධිරාජ්‍යවිරෝධී තම මූලෝපායන් හා අභිමත ඉවත දමා අධිරාජ්‍යවාදි ගැත්තන් සමග කෙලිදෙලින් යහන් ගතවන්නට විය. තම සාමජිකයින් සිය දහස් ගණනක් මරා වධ බන්ධනයන්ට ලක්කිරීමට අණ දෙන ලද රනිල් වික්‍රමසිංහ හා එක්ව ඒකීය රාජ්‍යය රැකගැනීමට වෙර දරන ලද මහින්ද රාජපක්ෂ පරාජය කිරීමට කුප්‍රකට උත්සාහයක් දරන ලද අතර ජනතාව විසින් එය ප්‍රතික්ෂේප කරනු ලැබුවේ මහ මැතිවරණයේදී කලින් 39ක්ව තිබූ ආසන 3 කට අඩු කරවමිනි.

එතැන් පටන් ජවිපේ මූලෝපායන් අධිරාජ්‍යගැති වූ අතර මේ තත්වය නායකයාට පවා පාලනය කරගත නොහැකි වූ බව එකල නායකයා වූ සෝමවංශ අමරසිංහ මහතාට අවසානයේදී හෙලි කිරීමට සිදුවිය. අධිරාජ්‍යවාදයේ ග්‍රහනයට රටේ ප්‍රභලතම සමාජවාදි පක්ෂ‍ය පවා හසුවීම ඉතා දුක්ඛිත තත්වයක් වූ අතර අවසානය වනවිට ඇමරිකාවේ ශ්‍රී ලාංකික කුක්කා වන එජාපයේ කුක්කා බවට පත්වීමට ජනතා විමුක්ති පෙරමුණට සිදුවිය.වත්මන වනවිට පක්ෂය හසුරවන 4 දෙනාගේ කල්ලිය පිලිබඳව සෝමවංශ මහතා හෙලි කොට අවසානය. තමා ජවිපෙට මුදල් ආධාර කල බව එජාපය විසින් ද ප්‍රසිද්ධියේ පවසා ඇත.දැන් එම පක්ෂයේ පාවා දෙන්නට වස්ත්‍රයක් හැඳ සිටීමට හැකියාවක් නැති වුවද, එජාපයේ පිහිටෙන් ඔවුන් ජනයා මුලා කරමින් රංගනයේ යෙදෙනු දක්නට ලැබේ. කෙසේ හෝ අවසානයේ එජාපයෙන් ගිලිහෙන ඡන්ද සංධානයෙන් උදුරාගෙන එජාප+ජවිපෙ+ දෙමළ සංධාන ජාතික ආන්ඩුවක පිහිට පැතීමට මේ වෙනවිටත් කුමන්ත්‍රන දියත් වී අවසන්ය. රට හමුවේ ඇති මේ අභියෝගය ඔබ හඳුනා ගතයුතුව ඇත. නැතහොත් සිදුවන ඓතිහාසික වරදට ඔබේ දරුවන්ගේ ලෙයින් පවා වන්දිගෙවීමට සිදු වනු ඇත.

ජවිපේ එදා සහ අද වෙනස ඔබේ අවධානයට යොමු කල යුතුය

ජවිපෙ එදා අධිරාජ්‍යවාදීන්ගේ මූලෝපායන්,උපක්‍රම ගැන කතා කලහ. අද අධිරාජ්‍යවාදය පිලිබඳ ඔවුන්ට මතකයක් නැත
එදා ජවිපෙ ඒකීය රාජ්‍ය සංකල්පය නොමැතිව සංධාන මැතිවරණ ප්‍රකාශයකට පවා අත්සන් නොකලහ. අද ඔවුන්ගේම මැතිවරණ ප්‍රකාශයෙන් ඒකීය භාවය හැලී ගොසිනි.
වෙනදා ජවිපෙ වටා එක්වූයේ රණවිරුවන් හට ගෞරව කල, සංස්කෘතියට සභ්‍යත්වයට ගරුකල දේශහිතෛශී ජාතික ව්‍යාපාරය වැනි ජාතික බලවේගයි. අද ජවිපෙ වටා සිටින්නේ ගණිකා වෘත්තිය නීතිගත කිරීමට කැසකවන, සංස්කෘතිය සභ්‍යත්වය පසෙක තබා සමලිංගිකත්වය කරපින්නා ගත් යුධවිරුවන් "අටපාස් නැති මෝඩයින්" යැයි හඳුන්වන "අලුත් පරපුර" ලෙස මුහුනු දමාගත් සංස්කෘතික ඝාතක පැරණි "X" කණ්ඩායම් ය
එදා ජවිපෙ වෙනුවෙන් නඩු වලට පෙනී සිටියේ රටේ ඒකීයභාවය වෙනුවෙන් දිවි හිමියෙන් කැපවූ එස් එල් ගුණසේකර වැනි දේශමාමක නීතීඥවරුන් ය. අද ජවිපෙ වෙනුවෙන් පෙනී සිටින්නේ ඩොලර් ෆ්‍රැන්ක් ක්‍රෝන උදෙසා තම මෑනියත් වුවද ගණිකා වෘත්තියේ යොදවන ජේ සී වැලිඅමුණ වැනි පාදඩ එන්ජීඕ බත් බැලයින් ය
එදා ජවිපෙ මුලසුන හොබවන ලද්දේ ගුණදාස අමරසේකර වැනි ජාතිකවාදි ප්‍රාඥයන්ය. අද ජවිපෙ මුලසුන හොබවන්නේ සංගීත සංදර්ශන වල කාන්තාවන් නිරුවතින් නැටවූ සුනිල් පෙරේරා වැනි ඇමරිකන්වාදියෝය.

මෙලෙස ජවිපෙ එදා සහ අද තත්වය සන්සන්දනය කලහොත් ඔබට ජවිපෙ වත්මන් දේශපාලන මන්දබුද්ධිකභාවයත් මුලෝපායන්ගේ පාවාදීමත් ජනතාව රැවටීමත් සක්සුදක් සේ හඳුනාගත හැකිය.
මේ කරුණු දැක දැක යම් කෙනෙක් ජවිපෙට ඡන්දය ප්‍රකාශ කරයි ද එක්කෝ ඒ එකසත් ජාතික පක්ෂයට ඡන්දය දීමට ලැජ්ජාවෙන් සිටින එජාප සාමාජිකයෙකි. නැත්නම් කැපුවත් රතු මානසිකත්වයෙන් සිටින කාඩර්වරයෙකි

ඔබ සැබෑ ජවිපෙ සාමාජිකයෙක්නම් ඔබ කලයුත්තේ රෝහණ විජේවීර සහෝදරයා ඔබට පෙන්වන ලද මාර්ගය අවබෝධකොටගෙන සැබෑ අධිරාජ්‍යවිරෝධී කන්ඩායම වෙත ඔබේ ඡන්දය ලබාදීමයි. හුදෙක් වෙනසක් වශයෙන් ජවිපෙ කරා ඔබේ විශ්වාසයක් ඇතිනම් මේ ඔබට ඒ විශ්වාසය අලුයම ලූ කෙලපිඩක් මෙන් ඉවත් කිරීමට කාලයයි..!
ගිනිගන්නා ඡන්ද භූමියෙහි ඔබේ ඡන්දය ජවිපෙ බළල් අතින් එජාපයට බා ගැනීමට කැසකවන මේ අවස්ථාව ඔබ හඳුනාගත යුතුව ඇත. නැතහොත් ඔබ පසුපස එන හැටදහසක් වූ ඒ ජාතික විමුක්ති අරගලය වෙනුවෙන් දිවිපිදූ තරුණ තරුණියන්ගේ ආත්ම වලින් ඔබට නිදහසක් නැතිවනු ඇත. ඔබ මියගිය පසු ඔවුන් ඔබේ සොහොන් වලට පවා සාප කරනු ඇත !!

සතුරා හඳුනාගනිමු ! රටේ ඒකීයබව, නොපෙනෙනා සින්තටික් වචන වෙනුවෙන් පාවා නොදෙමු !
මාතෘ භූමියට ජයවේවා! ලක් මාතාව යෙහෙන් දිගුකල් රැකේවා !!

~ඉසුරු රන්දෙනිකුමාර~
යුතුකම සංවාද කවය

www.yuthukama.com

සනස්ගලගේ "අම්මා" මතක්වීම සහ EMINEM

අපේ රටේ සියල්ලන්ම පාහේ සංස්කෘතියට අඩු වැඩි වශයෙන් අනුගතව සිටිති.සිංහල බෞද්ධ සංස්කෘතික රාමුව තුල එකිනෙකා ආගමික හා ජාතික වශයෙන් උපසංස්කෘති වල සිටියද ආසියාතිකයින් ලෙස වසර දහස් ගණනක් පිලිපැදි එකඟතා රැසක් අප සතුය. අන් මත ගරු කිරීම, ආගන්තුක සත්කාරය ,වැඩිහිටියන්ට සැලකීම,මවු පියන් රැකබලාගැනීම එකී මෙකී නොකී කාරණා රැසක් ගැන අපි අලිඛිත ව බැඳී සිටිමු.. ඒවා අපේ සියලු උපසංස්කෘති වල සාධු සම්මත හර පද්ධති ලෙස යොදා සිටිමු..

මේ සංස්කෘතියට වෛර කරනාවූද , බැහැර කරනාවූද සම්ච්චල් කරනාවූද පිරිසක් අප දැක ඇත්තෙමු කලින් කලට එක් එක් මුහුණුවලින් ඔවුන්ව අපට දැකගත හැක. කාලයක් "X කන්ඩායම" ලෙසද වත්මන වන විට "අලුත් පරපුර" ලෙසද මොවුන් කලින් කලට තම කන්ඩායම් නාමයන් වෙනස් කරමින් පැමිනෙනු අපි දැක ඇත්තෙමු. අලුත් පරපුර නටවන පරන "X" මුහුණුද අපි දැක ඇත්තෙමු. අලුත් වේවා පරණ වේවා සංස්කෘතික කාබාසිනියාකරුවන් දුටු තැන හඳුනාගැනීමේ නොහැකියාවක් අපට නැත. උන්ගේ "මම පොර" කතන්දර පිටුපස ඇති දුර්ජන අමන අවජාතක ඉලක්ක අපි හඳුනාගත යුතුය..

උපුල් ශාන්ත සන්නස්ගල තමාගේ මෑනියන් පිලිබඳව කෘතියක් රචනාකල බවට මුල්වරට ඇසූ දිනයේ මා ඉමහත් පුදුමයට පත්වුනෙමි. මේ අබුද්ධස්ස කාලය දැයි මොහොතකට හෝ ඒ මොහොතේ මට සිතෙන්නට ඇත. මක්නිසාදයත් සන්නස්ගල යනු මා දන්න පරිදි එහෙවු පුතෙක් නොවන බැවිනි.
සන්නස්ගල ගැන මගේ පලමු මතකය ඉතා ඈතට දිවයන්නකි. මෙම සිදුවීම සිදුවී මීට වසර දහයකට වැඩි මිස අඩු නොවන බව මම දනිමි.සන්නස්ගල "පුතා" හඳුනාගැනීමට එය අදටත් ප්‍රමානවත් වනු ඇත. ඒනිසා එම සිද්ධිය මෙහි සඳහන් කිරීම වටී ‍යැයි සිතිනි.

මගේ පියා පොත් පිපාසාව ඇති පාඨකයෙකි. ඕනෑම ආකාරයේ පොතක් කියවීමට ඔහු මැලි නොවන බව මම දනිමි. දිනක් ඔහු පොතක් අතට ගෙන මිනිත්තු කිහිපයකින් ඉතා කෝපයෙන් පොත නැවත තැබුවේ "මීට වඩා හොඳයි අම්මගෙයි තත්තගෙයි තැන් නම් කොරලාම පිදුවනම්" යැයි කියමිනි. මේ අරුමය කුමක්දැයි බැලීමට කෘතිය අතට ගෙන පිටු දෙක තුනක් හැරවීමේදී හේතුව සොයාගැනීමට මම සමත්වීමි. ඒ පොතේ පිදුමයි. "පිදුම -මා මෙලොවට බිහිකල ශුක්‍රානුවට හා ඩිම්බයට" යනුවෙන් එහි සඳන්ව තිබින . කතුවරයා උපුල් ශාන්ත සන්නස්ගල නම් විය.

මේ පිදුමේ ඇති සාහිත්‍යමය ගතිය හා රැඩිකල් ගතිය හැර දේශපාලනමය ගතිය ගැන දැනීමක් මට ඒ සමයෙහි නොතිබුන බව මම දනිමි.නමුත් කල් යද්දී මේ පිදුමෙහි ඇති සංස්කෘතික පහරදීම මම සක්සුදක් සේ දුටුවෙමි.
මවුපියන් යනු අපට ඇති උතුම් ම සම්පත් වෙති.එය ආසියාතික සංස්කෘතිය තුල අවිවාදාත්මකය. ඔවුන් කෙරේ ඇති භක්තිය, සෙනෙහස සංකේතාත්මක නොව හරයාත්මක ආධ්‍යාත්මික එකකි. නමුත් තම මැනියන් ඩිම්බයකට ද පියානන් ශුක්‍රානුවකට ද උපමා කරමින් ඊනියා රැඩිකල් බවක් පෙන්වන මේ "පුතා" අර අඳින්නේ බටහිරයන් තුල දෙමවුපියන් කෙරේ ඇති 'සංකේතාත්මක මවුපියන්' යන අදහස අපේ ඔලුවට එබීමට බවත් මේ"පුතා" ගේ ජනප්‍රියම මාතෘකාවක් වන ලිංගිකත්වය පිලිබඳ අදහස් සමාජයේ ස්ථානගත කිරීමට බවත් අද මට වටහාගැනීමට අපහසු නැත.

නමුත් සන්නස්ගල ගේ "අම්මා" කෘතිය රචනය මට වටහාගත නොහැකි දෙයක් විය. ඒනිසාම මෙය කියවා බැලිය යුතුයැයි මට සිතිනි. මම එය කියවීමි. කෘතිය කියවා අවසානයේ මට මෙම සන්නස්ගල "අම්මා" කෘතිය ලිවීම හා සමාන කල හැකි තවත් සිදුවීමක් අසුරු සැනින් මතකයට නැගිනි.

ඒ "EMINEM" ගේ 8Mile චිත්‍රපටියේ කතාන්දරයයි.. කතාව සරලය මෙසේය .EMINEM ගතකරනුයේ දුක්ඛිත ජීවින තත්වයකි. ඔහුගේ පියා ඔවුන් හැරගොසිනි. ඔහුගේ මව ඔහුගේ මිතුරෙක් සමග යහන් ගතවෙයි.ඔහු සතුව මුදල් නැත. EMINEM රැප් සටන් වලට ඉමහත් කැමත්තක් දක්වයි. ඔහුට ඒ සඳහා හැකියාවක් ද ඇත. අවසාන රැප් සටනේදී ඔහුගේ මිතුරෙකු ඔහුට අනතුරු හඟවන්නේ ඔහුගේ සියලු ජීවන තොරතුරු ඔහුගේ ප්‍රතිවාදියා දන්නා නිසා ප්‍රතිවාදියාට ජයග්‍රහන කිරීමට පහසු බවයි. EMINEM රැප් සටනේදී කරනුයේ කවුරුත් නොසිතනා දෙයකි. අනෙකාට බැන වැදීම වෙනුවට ඔහු තමන්ගේ ජීවිතයේ ඇති කාලකන්නි බවත් තමා අවජාතකයෙකු බවත් හෙළිකරයි. තමන්ගේ පවුල පිලිබඳවද, මවගේ අනාචාරය පිලිබඳවද EMINEM කියාදමයි. අවසානයේ EMINEM තරගය ජයග්‍රහනය කරනුයේ ඔහුට එරෙහිව කිසිවක් කියාගත නොහැකිව ප්‍රතිවාදියා නිරුත්තර වීම තුලය..

ඒ EMINEM එසේ කරද්දී ළමුන්ට සිංහල පාඩම් කියා දෙන සන්නස්ගල තමාගේ නීරස ජීවිතයේ ආගිය තොරතුරු, දුබලතා හෙලිකරන්නේ ඇයි දැයි මම සිතන්නට පටන්ගතිමි. මක්නිසාදයත් සන්නගල මේසය මත තබන්නේ එසේ මෙසේ තුරුම්පු නොවන නිසායි. ප්‍රශ්නය වන්නේ තමා කුඩාකාලයේ විරූපීව සිටි බව, පියාගේ බේබදු කම,දුගී බව පමනක් නොව පවුල තුල ඇති වූ ව්‍යාභිචාරි ක්‍රියා පවා හිරිකිතකින් තොරව හෙලි කරමින් අම්මා ඇතුලු පවුලේ සියල්ලන් සමාජය ඉදිරියේ නිරුවත්කොට සන්නස්ගල සුදු ඇඳුම හැඳගෙන මේ සැරසෙන්නේ කුමක් සඳහාද යන්නයි...

මගේ මොලයට ආවේ එකම පිලිතුරකි. ඒ "දේශපාලනය" යන වචනයයි.සන්නස්ගල තමාගේ පවුලේ අය නිරුවත් කරන ලද්දේ ද තමාගේ සමාජ පන්තිය , හීනමාන තුවාලය තමා විසින්ම පාරගන්න ලද්දේද අනාගත දේශපාලන පොරපිටියේදී එල්ලවිය හැකි සතුරු ප්‍රහාර වලට "EMINEM" පලිහක් ලෙස බව මට අවසානයේ වැටහින.
සන්නස්ගල ප්‍රසිද්ධ දේශපාලනයට එනු ඇතැයි මම මගේ යෙහෙලියකගේ මවකට කියූවිට ඇය අවධාරනය කලේ සන්නස්ගල "මහතා" එසේ නොකරන බවයි. නමුත් එදිනෙන් අට මසකට පසුව එලැඹෙන මැයි මස එක්සත් ජාතික පක්ෂයේ රත්මලාන ආසන සංවිධායක ලෙස අභිනවයෙන් තේරී පත්වන්නේ සන්නස්ගල මහතා ‍යැයි ඇය මොහොතකට හෝ නොසිතන්නට ඇත.

මා මේ උත්සාහකරනුයේ මිනිසුන් කවුරුන්දැයි හඳුන්වාදීමටය. තම ජීවිකාව ලෙස සිංහල උගනවන අතර කෙල්ලන් හා කොල්ලන් එකම බංකුවේ වාඩිකර , ඇඟට නොදැනෙන්නට අසැබි වචන කියමින් උන්ගේ භාව තමාගේ උවමනාවන්ට ප්‍රකෝපනය කරවන ලද, තමාගේ හිතේ ඇති බටහිර සංස්කෘතික විකෘති ලිංගිකත්වයන් තනි තටුවෙන් පියාඹවන ලද, දිනකට ලක්ෂ ගණනක් උපයමින් සුපිරි වාහන වල ගමන් කරමින් සිටියද තමා මෙලොවට බිහි කල "අම්මා" දෙස ඇහැක් ඇර නොබලන ලද සන්නස්ගල නැමති ඊනියා විදග්ධ සංස්කෘතික ඝාතක කයිවාරුකාරයා අවසානයේ සියලු ඇඳුම් උනා පසෙකින් තබා තම "අම්මා" විකුනා දේශපාලන ප්‍රවේශය සාදාගත් අයුරු පිලිකුලෙන් යුතුව වුවද මෙසේ හෙළිකල යුතුව ඇත.

ඔබ කුමන ජාතියක සිටියත්, කුමන ආගමක සිටියත් ඔබේ මුතුන්මිත්තන් වසර දහස් ගණනක් රැකගත්තාවූ ඒ හරපද්ධතිය රැක ගැනීමට නම් මෙවන් අවස්ථාවාදී "EMINEM සන්නස්ගල" වැනි නරුමයින්ට ලබා දිය යුතු පිළිතුර කුමක් ද? "අම්මා" කතාව දෝලාවෙන් ගෙන ආවත් ඒ අම්මා මැරෙන්න විට වතුර පොදක් දීමට ලඟ නොසිටි "අමුතු" පුතාලා මවා පෙන්වන සින්තටික් ලෝකවල ඔබ තනි විය යුතු ද? ඔවුන් දේශපාලනයට විත් ඔබේ සංස්කෘතිය රකිනු ඇත්ත ද? ඔබේ සභ්‍යත්වයට ගරු කරනු ඇත්ද? ඔබට තබා ඔබේ දරුවාටවත් යහපත් හෙටක් තනනු ඇත් ද?
ජූරිය ඔබයි !

~ඉසුරු රන්දෙනිකුමාර~
යුතුකම සංවාද කවය

www.yuthukama.com

විජයග්‍රහණය අමතක වීම හා අමතක කරවීම

වසර 30ක යුද්ධය නිමාවුනි. ඒ කොටි ත්‍රස්තවාදය රටින් තුරන් කිරීම මගිනි. ත්‍රස්තවාදය තුරන් කොට සාමයේ කිරුල අප හට ලැබුනේ රන් බන්දේසියක තබා නම් නොවේ. ත්‍රස්තවාදයට එරෙහිව දහස්ගණන් රණවිරුවෝ රටේ ස්වෛරීභාවය වෙනුවෙන් දිවිපිදූහ. දිනාගත් සෑම බිම් අඟලක්ම අප රණවිරුවන්ගේ ලෙයින් තෙත් වී ඇත. රත්පැහැ තල් ගෙඩි බැබලෙන්නේ ද, ඉදුනු මිරිස් කරල් රතට දිලේන්නේ ද උතුරුකරයේ සෞභාග්‍යය උදා කරවූ ඒ රණවිරුවන් සිහිපත්කරනු වස් මෙනි. සොබාදහමට අමතක නොවූ මේ වෙනස අපට අමතක විය යුතුද ද? අප අමතක කරවිය යුතු ද?

ඒ දෙදහස් නවයේ මැයි මස 18 වනදායි. පන්සල් ,පල්ලි වල ඝන්ඨා නද දෙන්නට විය. ආගම් ජාති කුලමල භේදයකින් තොරව ශ්‍රී ලාංකික ජනතාව ප්‍රීතියෙන් ඉපිලෙමින් ප්‍රීතිඝෝශා නැගූහ. සිංහල මුස්ලිම් දමිල භෙදයකින් තොරව ජාතික කොඩිය අතට ගෙන ජයඝෝශා කරමින් පාරවල් වල සැරිසැරූහ. මහ පාරේ කිරිබත් ඉවූහ. මෙම සිදුවීම් හුදෙක්ම අව්‍යාජ විය. හදවතට අමතක නොවූ මේ වෙනස අපට අමතක විය යුතුද ද?  අප අමතක කරවිය යුතු ද?

වැදු මවත් දිනූ රටත් ස්වර්ගයට වඩා උතුම්ය යනුවෙන් කියමනක් ඇත. ඔබ මවු කුසින් උපන් මිනිසෙක්නම් , ඔබ ඉපදුනු පොළවට ආදරය කරන්නෙකි. ඔබෙන් අහිමිවුනු , බෙදී වෙන් වුනු ලක්මාතාව ඔබ සැම එක්වී ලබා ගත් දිනය අමතක කරන්නේ කෙසේද? ඔබට එසේ අමතක කල හැකිනම් ඔබ මනුෂ්‍යයෙක් ද යන ප්‍රශ්නය නිතැතින් නැගෙනු ඇත.

සමහර ඊනියා විදග්ධ විද්වතුන් රට මුදාගැනීමේ දිනය සැමරීම වෙනුවෙන් කිඹුල් කඳුලු හෙලනු දක්නට ලැබිනි. සමහරුන් පවසන්නේ මෙය සැමරීම මගින් එක් ජනකොටසක හිත රිදෙන බවයි. මෙම ජයග්‍රණය යම් පිරිසකට ලඝු කොට යුධ ජයග්‍රහණය ලැබුවේ මේ අය පමනකැයි දක්වා, රටේ සමස්ථ ජනතාවම ලැබූ මේ ජයග්‍රහණය බෝඩ් ලෑලි කිහිපයකින් දිය කර හරින්නට කැස කවන ඩොලර් කාක්කන් දුටුවිට මොවුන් පොලවට ජනිතවූයේ ඕපපාතිකවදැයි ඇසීමේ කිසිදු වරදක් නැත. යුධ සමයේ සීත කාමරවල සිට සින්තටික් රූප පෙට්ටි නරඹා රෑට බටහිර තානාපතිකාරයින් සමග බාල්නටා සවුදිය පිරූ මහත්වරුන්ගෙන් යුධ සමයේ ත්‍රස්තවාදයෙන් පීඩිත අප ගැන එදා නැති කැක්කුමක් අද බලාපොරොත්තු වන්නේ නම් අප තරම් මුග්ධයින් රැලක් තවත් නැත.

පසුගිය දශක කිහිපයේ සිංහල හා දමිල අපගේ සිත් රිදෙන්නට ඇත. ඒ රිදුනු සිත් තුල දෙමළ ජාතිවාදය පෝෂණය කරන්නට දමිළ ජාතිවාදීන් සමත්වන්නටද ඇත. නමුත් අප තුල ශ්‍රී ලාංකිකයින් ලෙස ඇතිවී තිබෙන එකමුතුව, ඒ මිතුදම වේලුපිල්ලේ පිරබාහර්න්ගේ දෘශ්‍ය මායාවන්ට වඩා බලවත් බව කෙදිනක හෝ වටහාගත හැකිවනු ඇත. කාලයා විසින් එය විසඳනු ඇත. ඒ මායාවන් අමත වී යනු ඇත.

නොබෝ දිනකින් ඒ සැමරුම් දිනය උදාවනු ඇත. එය අපගේ විජයග්‍රහණයේ සැමරුමයි. විජයග්‍රණය ලබාගත්තේ සිංහල අප වෙනුවෙන් හෝ මුස්ලිම් අප වෙනුවෙන් හෝ දමිළ අප වෙනුවෙන් හෝ නොවේ. ශ්‍රී ලාංකික අප වෙනුවෙනි. ලක්මවගේ දරුවන් වන අපට රටක් ලෙස රොද බැඳගැනීමට ජවයක් ජනිත කලාවූ මේ දිනය අමතක නොකරමු ! අමතක කරවීමට ඉඩ නොදෙමු !

~ඉසුරු රන්දෙනිකුමාර~
යුතුකම සංවාද කවය
www.yuthukama.com

--------------------------------------------- 
"නිවැරදිව හරවත්ව කියවන්න අපගේ ෆේස්බුක් පිටුව සමඟ එක්වන්න.
https://www.facebook.com/yuthukama
ෆේබුක් පිටුවට Like  කර එකතු වන්න "
---------------------------------------------

දුවන මුවන් දැක නොදමන් නෙළුව පලා

2015 ජනවාරි 8 වනදා ඔබ භාවිතා කරන ඡන්දයෙන් රටේ ඉදිරි අනාගතය තීරණය වන බව ඔබ අප සියලු දෙනාම දන්නා කරාණයකි. එය ධනාත්මකව හෝ ඍනාත්මකව අප රටේ දේශපාලන පසුබිම වෙනස් කරනු ඇත. ඒ හා අනුරූපව සංස්කෘතික,සමාජයීය වෙනසක් ද බලාපොරොත්තු විය හැකිය.
 

යුද්ධය අතීතය, වත්මන හා අනාගතය 

සමාජවිද්‍යාවේ හා දේශපාලන විද්‍යාවේ සඳහන් වන බෙදා පාලනය (divide and rule) මගින් යටත් විජිත සමයේ ඇතිකලා වූ බෙදුම්වාදය මුකුරා යාමේ ප්‍රතිඵලයක් ලෙස වසර 30ක යුද්ධයක් ඇතිවිනි. මෙම යුද්ධය නිසා ජීවිත දහස් ගණනක් අහිමිවී ගොස් රට අරාජික වී තිබිනි. මෙයට යුධමය විසඳුමක් හෝ සාමකාමී විසඳුමක් ලබාදීමට විවිධ රාජ්‍යනායකයින් ගත් විවිධ උත්සාහය ව්‍යක්ථ වී ගියෙය. මෙම ගැටලුවට මැදිහත් වීමේ ප්‍රතිඵලයක් ලෙස දෙස් විදෙස් රාජ්‍ය නායකයින් , රාජ්‍ය තාන්ත්‍රිකයින් තම ජීවිතවලින් වන්දි ගෙවූහ. මෙවන් සමයක 2005 දී බලයට පත් වූ ජනාධිපති මහින්ද රාජපක්ෂ මහතා ගේ දේශපාලන නායකත්වය යටතේ 2009 මැයි මස 19 වෙනි දින කොටි ත්‍රස්තවාදීන්ව යුධමය වශයෙන් පරාජය කරන ලදී. නමුත් අප පැහැදිලි කරගතයුතු දෙයක් නම් දෙමළ නිජබිම් සංකල්පය තවමත් ශ්‍රී ලංකාව තුල යහමින් පවතින බවයි. ඒ පිලිබඳ එල්.ටී.ටී.ඊ සංවිධානයේ දේශපාලන අංශය වන දෙමළ ජාතික සංධානයේ ප්‍රකාශ , දමිළ ඩයස්පෝරාවේ ප්‍රකාශ සලකා බැලීම ප්‍රමානවත්ය. වසර සිය ගණනක්, පරම්පරා ගණනක් දමිළ ජනතාවට පොවන ලද බෙදුම්වාදී විස අද කෙමින් වියැකී යමින් තිබුනත් එය අළු යට ගිනිපුපුරු මෙන් තවමත් මතු කල හැකි කාරණයකි. දෙමළ ජාතීන්ට දෙමළ වීම නිසා අප රට තුල ප්‍රශ්නයක් නැත. එහෙයින් බෙදුම්වාදය පරාජය කිරීමටනම් කල යුතුව ඇත්තේ මේ බෙදුම්වාදී දේශපාලන කන්ඩායම් පරාජය කොට ඔවුන්ට අරමුදල් සපයන ඊනියා දෙමළ හිතවාදී ඩයස්පෝරා අකර්මන්‍ය කිරීමයි. එවිට බෙදුම්වාදී විස තවත් ඔවුන් තුලට නොයනු ඇත. ඔවුන් පෙර මෙන් සංස්කෘතිය හා මුහුව සාමකාමීව දිවි ගෙවන ඇත.

2005 න් පසු ලංකාවේ දේශපාලන පසුබිම 

සමානුපාතික ඡන්ද ක්‍රමය මත ගොඩන්ගෙන්නේ අස්ථාවර පාර්ලිමේන්තුවකි.ඒතුල ජනාධිපතිවරයා විධායක ජනාධිපතිවරයෙකු වූ පමණින් රටේ දේශපාලනය ස්ථාවර නොවේ. එම පාර්ලිමේන්තුවද ශක්තිමත් විය යුතුය. 2005 න් පසු ලංකාව තුල ඇතිවූ පාර්ලිමේන්තු ස්ථාවර පාර්ලිමේන්තු විය. අවසන් පාර්ලිමේන්තු මැතිවරණයෙන් පිහිටවූ පාර්ලිමේන්තුව ආණ්ඩුවේ 2/3 ක බහුතරය සහිත ශක්තිමත් පාර්ලිමේන්තුවක් වන අතර පිල් මාරු මගින් සෙලවිය හැකි හැකි පාර්ලිමේන්තුවක් ද නොවිනි. ඒ තුල බෙදුම්වදයට පාර්ලිමේන්තුව තුල ඉඩක් නොවුනි.

අස්ථාවර පාර්ලිමේඅන්තුව හා බෙදුම්වාදය

අස්ථාවර පාර්ලිමේන්තුව බෙදුම්වාදීන්ගේ රස බොජුනකි. පාර්ලිමේන්තුවේ බහුතරය තීරනය වන්නේ මන්ත්‍රි ආසන සුළු ගණනකින් නම් බෙදුම්වාදී දේශපාලන පක්ෂවලට මුලු පාර්ලිමේන්තුවේම පාලක බලය ලැබේ. එමගින් තම බෙදුම්වාදී අදහස් මුදුන්පත් කරගැනීම ඔවුන්ගේ සිරිතයි.මේ තුල ගොඩ නැගෙන දේශපාලන අස්ථාවරභාවය; සමාජීය, අර්ථිකමය හා සංස්කෘතික අවපාතයක් ඇතිවීම දක්වා උඩුදිවීම නැවැත්විය නොහැක. මේ සඳහා සජීවී උදාහරණ අපි දැක ඇත්තෙමු. එවන් අරාජික රටක් බිහි කිරීමේ වරද නොකර සිටීමට අපි සියලු දෙනාට බල කොට සිටිය යුතුව ඇත්තෙමු

විදෙස් කුමන්ත්‍රන බොරුවක් ද?

විදෙස් කුමන්ත්‍රන වලින් රට ආරජික කිරීම හුදෙක් සටන් පාඨයක් ලෙස සමහරක් ඊනියා බුද්ධිමතුන් විචාරය කරයි. නමුත් පසුගිය දශකය දෙස හැරී බැලීමේදී මෙම ඊනියා විචාරය විහිළුවක් බව පෙනීයයි. ඇමරිකාව , එංගලන්තය ,එක්සත් ජාතීන්ගේ සංවිධානය , දෙමළ ඩයස්පෝරාව, තමිල්නාඩුව එකී මෙකී නොකී සියලු අභියෝග අපි හොඳින් දැක ඇත්තෙමු. රටේ ඇති ස්ථාවරභාවය හමුවේ බල විරහිතව සිටින බටහිර තානාපති කාර්යාල අස්ථාවරභාවය ඇති කිරීමට ඩොලර්, පවුම් ක්‍රෝන විසිකිරීම අද ඊයෙක සිදුවූවක් නොවන බව අප දනිමු. අප ඡන්දය ප්‍රකාශ කල යුත්තේ මෙවන් පසුබිමක බව මතකතබා ගත යුතුව ඇත

ප්‍රාධන අපේක්ෂකයින් හා රටේ අනාගතය 

මහින්ද රාජපක්ෂ මහතා හා මෛත්‍රීපාල සිරිසේන මහතාගේ ජයග්‍රහන අනුව රටේ අනාගතය කෙබඳු වනු ඇතිද? මහින්ද රාජපක්ෂ මහතා ජයග්‍රනය කලහොත් රටේ ස්ථාවරභාවය නොනැසී අඛන්ඩව පවතිනු ඇත. ඒතුල ස්ථාවර පාර්ලිමේන්තුවක්ද ඒහා බැඳුනු ස්ථාවර සමාජයක්ද ගොඩනැගෙනු ඇත. අප වැඩියෙන් අවදානය යොමු කලයුතුව ඇත්තේ මෛත්‍රීපාල සිරිසේන මහතා ජයගතහොත් කුමක් සිදුවනු ඇතිද කියායි. මක්නිසාදයත් ඔහු ජයගතහොත් ආණ්ඩුව විසින් "අශුද්ධ සංධානය " ‍යැයි හඳුන්වන පක්ෂ එකතුව බෙදී වෙන්වී යන බැවිනි.ඉන්පසු සිදුවනු ඇත්තේ කුමක්ද ? අනිවාර්‍යයෙන් මෛත්‍රීපාල සිරිසේන මහතාට ආණ්ඩුව විසුරවා හැරීමට සිදු වනු ඇත. මක්නිසාද යත් දැනට පවතින මහින්ද හිතැති ශක්තිමත් ආණ්ඩුව අඩපණ කිරීමටයි. ඉන්පසු බිහිවන ආණ්ඩුව නිසැක වශයෙන්ම අස්ථාවර බෙදී වෙන්වී ගිය ආණ්ඩුවක් වනු ඇත. බලය ස්ථාවර කරගැනීමට සුළු ජාතික බෙදුම්වාදී පක්ෂවල සහය ගැනීමට ජනාධිපතිට සිදුවනු ඇත.ඔවුන්ගේ සහය ලබාගැනීමට ඔවුන්ගේ බෙදුම්වාදී උවමනා ඉටුකරදීමට සිදුවනු ඇත. ඒ තුල 13න් එහා යන ෆෙඩරල් පාලනයක් සිහිනයක් නොවනු ඇත . රට අස්ථාවර වනු ඇත කැරලි කෝලාහල , කලු ජූලි අතර අරාබි වසන්ත ලංකාවට ගෙන ඒමේ තානාපති කාර්යාල වල සිහිනය සැබෑවනු ඇත. එදිනට අද කෑමොර දෙන තමා ජාතිකවාදීන් යැයි කියාගන්නා කිසිදු නායකයෙක් ඉදිරිපත් නොවනු ඇත. ලොව කොතැනකවත් නැති යහපාලනයක් ගැන සපථ කරමින් නන් දොඩමින් එන මිස්ටර් පිරබාහරන් අමතන බෙදුම්වාදී නඩය තම කොටස් බෙදාගෙන පසෙකට වනු ඇත. වසර 30ක් තිස්සේ බෙදුම්වාදයට තුඩුදුන් ,ලේ කඳුලු දහඩිය වගුරා දිනාගත්තාවූ ශ්‍රී ලංකා මාතාව බෙදුම්වාදයට යට වනු ඇත.

අසීමිත වෙහෙසක් දරා ලක් මාතාව දිනාගත් මේ ස්ථාවරත්වය රැක ගැනීම අප සැමගේ වගකීමකි. දිනූ රට සුරකිනවා ද නැතිද යන්න තීරණය කරනුයේ අපයි. ඊනියා යහපාලනයේ සිහිනය වෙනුවෙන් රටේ ගමන හරවනවාද නැද්ද යන්න තීරනය කරන්නේ අපයි. බෙදුම්වාදී මනසින් දමිළ ජනයා ගලවා ගන්නවාද නැතිද යන්න තීරණය කරන්නේ අපයි. ඒ තීරනය ගෙන 8 වෙනිදාට ඔබේ ඡන්දය භාවිතා කරන්න. සියයට සියයක් දූෂණය නැති යහපාලනය ඇති රටක් ලොව නැත. එයට හේතුව එය කල නොහැකි වීමයි. එනමුදු ශ්‍රී ලාංකීය අප බලාපොරොත්තු වන ඒකීය රටක් බෙදුම්වාදයෙන් තොර රටක් කරා අපි යමින් සිටිමු. අවසාන වශයෙන් හෙළ උපමාවක් ඔබේ මතකයට නංවමි   
"දුවන මුවන් දැක නොදමන් නෙළුව පලා " 

-ඉසුරු රන්දෙනිකුමාර 1/3/2015

යුතුකම සංවාද කවය

www.yuthukama.com