10/02/2015

දූෂකයන්ට පෙර දඩුකදේ ගැසිය යුතු තිරිසන් පොලිස් මාෆියාව

කතෘ:යුතුකම     10/02/2015   No comments

අපරාධකරුවෙකු අතින් සිදුවූ සේයා දැරියගේ ඝාතනයට වඩා බලවත් ලෙස සමාජ අවධානයට ලක්විය යුතු ප්‍රශ්නයක් ඒ ඝාතනය ආශ්‍රිතවම මේ වනවිට පෙරට විත් තිබේ. ඒ පොලිස් පාදඩයන් අතින් අහිංසකයන් දෙදෙනෙකුට සිදුවූ වන්දි ගෙවිය නොහැකි අපරාධයයි. සේයා ඝාතනයට ලක්වන්නට ඇත්තේ සමාජීය ශික්ෂණයක් හෝ වගකීමක් නොමැති අපරාධකාරයෙකු අතිනි. නමුත් දෙවැනි අපරාධය සිදුව ඇත්තේ අපරාධ මැඩලීමට හා යුක්තිය පසිඳලීමට ක්‍රියාකරන බව කියන ලංකාවේ පොලීසිය අතිනි. ඒ අපරාධයේ තරම වටහා ගැනීම සඳහා සේයාගේ ඝාතනයේ සැකකරුවන් ලෙස නිකරුණේ අත්අඩංගුවට පත්වූ පුද්ගලයන් දෙදෙනා මාධ්‍යය වෙත කළ ප්‍රකාශ සලකා බැලිය යුතුය. දිවයින පුවත්පත එය වාර්තා කර තිබුණේ මෙසේය.

මෙහිදී තමන්ට සිදුවූ අසාධාරණය පිළිබඳ වැඩිදුරටත් අදහස්‌ දැක්‌වූ කැලුම් නමැති එක්‌ දරු පියා මෙසේද සඳහන් කළේය.

“මාව පොලිසිය අරගෙන ගියේ 16 වැනිදා පාන්දර 2.00 ට විතර. පොලිසියේ ඕඅයිසී මහත්තයා ගෙදරට ඇවිත් පොඩ්ඩක්‌ එළියට එන්න කිව්වා.. මම ගියා.. පස්‌සේ මාව මගට එක්‌කගෙන ඇවිත් ජීප් එකට දාගත්තා.. ඒ සමගම තට්‌ටය තිබුණු සුදු මහත පොලිස්‌ නිලධාරියෙක්‌ බෙඩ් ෂීට්‌ එකක්‌ වගේ රෙද්දක්‌ මගේ ඔලුවට දාලා තද වෙන්න බැන්දා.. එතන ඉඳන් කිසි දෙයක්‌ පෙනුනේ නැහැ..

ඔවුන් මාව අරගෙන ගියේ කාමරයක්‌ වගේ තැනකට.. ඒ ගෙනිහින් ඇඳුම් සියල්ල ඉවත් කර මාව නිරුවත් කරලා හොඳටම පහර දුන්නා.. සේයා ඝාතනය කළේ උඹ ඒ නිසා ඒක භාර ගනින් කියලයි ඔවුන් මට පහර දුන්නේ.. මගේ නිරුවත් ඡායාරූප ගත්තා.. පස්‌සේ අත් දෙක පිටුපස්‌සට තියලා බැඳලා බාල්කයක එල්ලලත් ගැහුවා.. පහුවදා තමයි මාව පොලිසියට ගෙන ආවේ.

මට බිරිඳයි දරුවයි මතක්‌ වෙලා ඇඬුනා.. විශාල බයක්‌ දැණුනා මිනිස්‌සු ඔවුන්ට මොනවා හරි කරදරයක්‌ කරයි කියලා..”

මෙහිදී “දිවයින” සමග කතා බහට එක්‌වූ නිදහස ලබා පැමිණි පාසල් සිසුවා අදහස්‌ දක්‌වමින් තමන්ට සිදුවූ දෙය පැහැදිලි කරනු ලැබුවේ මෙසේය.

“මාව පොලිසියෙන් අරගෙන ගියේ 16 වැනිදා උදේ නවයට විතර.. ගෙදරට ආපු පොලිසියේ මහත්තුරු මගේ අම්මට බැණ බැණ මාව කාමරයකට දාගෙන ගොඩක්‌ වෙලා ප්‍රශ්න කළා.. “ෆේස්බුස්‌ ” එකේ තිබුණ සේයා දැරියගේ පොටෝ එකක්‌ මම මගේ “ෆේස්බුස්‌ ” මිතුරන් අතරේ ෂෙයා කළා.. සේයා මැරුණට පස්‌සේ කවුරු හරි ඒක”ෆේස්බුස්‌ ” බුක්‌ එකට දාලා තිබුණේ.. පොලිසිය ඒ “ෆේස්බුස්‌ ” එක පෙන්න පෙන්න මම සේයාගේ පිංතූර තියන් හිටියේ ඇයි කියලා ඇහුවා.. ඒක “ෆේස්බුස්‌ ” එකේ තිබුණේ කිව්වම ඔවුන්ට මම කියන දේ වටහා ගන්න බැරි වුණා..

පස්‌සේ මගේ අම්මා හඬා වැටෙද්දී මාව පොලිසියට අරගෙන ආව.. පොලිසියට ගෙනාවට පස්‌සේ දණ ගස්‌සලා මට හොඳටම ගැහුවා.. ගහන අතර කිව්වා කැලුම් අයියා ඔක්‌කොම පිළි අරගෙන තියෙන්නෙ.. එයාව පෑලියගොඩ පොලිසියේ තියාගෙන ගහනකොට සේයා මැරුව විදිහ ඔක්‌කොම කියලා.. ඒ නිසා දැන් ඇත්ත පිළිගනින් කියලා.. මට කියන්න දෙයක්‌ තිබුණේ නැහැ.. ඒත් පොලිසිය මට ගැහුවා..

මගේ ඇඳුම් ගලවලා පහර දුන්නා.. ඒ අතරේ මගේ නිරුවත් පිංතූර අරගත්තා.. සම්පූර්ණයෙන්ම ඇඳුම් ගලවලයි පහර දුන්නේ.. 17 වැනිදා මාව සීඅයිඩී එකට භාර දුන්නා. එදාත් ඔවුන් මගෙන් ප්‍රශ්න කරන ගමන් දණගස්‌සවලා මට හොඳටම ගැහුවා..

ඔවුන් දෙදෙනාගේ මේ කෙටි ප්‍රකාශවලින් පවා අපට පෙනී යන ඇත්ත කෙතරම් බියකරුද?

අපරාධයකදී සාධාරණ සැකයක් මත පුද්ගලයෙක් අත්අඩංගුවට ගෙන ප්‍රශ්න කිරීමට පොලීසියට පූර්ණ අයිතියක් ඇති බව ඇත්තකි. කොටදෙනියාව පොලීසියේ තක්කඩියන් මේ සිදුකර ඇත්තේ ඒ අයිතිය ක්‍රියාවට නැගීමද? අනෙක් අතින් අත්අඩංගුවට ගැනීමකදී අදාල සැකකරුවන්ගේ බාහිර ලක්ෂණ, සමාජ පසුබිම, ඔවුන්ගේ හැසිරීමේ ස්වභාවය ආදිය මත ඔවුන් පිළිබඳ දළ නිගමනයකට එළඹීම පොලීසියට ඉතා ලේසි දෙයකි. මේ ප්‍රශ්නයේදී පොලීසිය ඒ අවම සාධකය පවා සැලකිල්ලට ගෙන නැතිවා පමණක් නොව නීති විරෝධී ලෙස සැකකරුවන්ට පහර දීමෙන් නොනැවතී අදාල අපරාධය සිදුකළ බව පිළිගන්නා ලෙසට සැකකරුවන්ට බල කර ඇති බවද පෙනේ. තමන්ගේ ඇඟ බේරා ගැනීම සඳහා අපරාධ කාගේ හෝ ඇගේ ගැසීම ශ්‍රී ලංකා පොලීසියේ පුරුද්දක් විය හැකි වුවද ඔවුන් මෙවර ඒ සඳහා තෝරාගෙන ඇත්තේ කිසිදු අපරාධකාරී පසුබිමකින් පවා තොර අහිංසකයන් දෙදෙනෙකි. සැකකරුවන් වීම සඳහා ඔවුන්ට ඇති එකම සුදුසුකම ඔවුන් සේයා දැරියගේ අසල්වාසීන් වීමය. මේ සියල්ල මෙසේ තිබියදී පසුගියදා පැවති මාධ්‍ය හමුවකදී පොලීසිය අතින් සිදුවූ වරද කුමක්දැයි එහි වගකිව යුතු නිළධාරියෙක් විමසා සිටියේය. ඒ නොදරුවාගේ දැනගැනීම සඳහා එය අපි සැකෙවින් මෙසේ සඳහන් කරමු.

– සාධාරණ සැකයකින් තොරව අත්තනෝමතික ලෙස පුද්ගලයන් දෙදෙනෙක් අත්අඩංගුවට ගැනීම.

– සැකයට හේතු ලෙස පරිඝණකයේ අසභ්‍ය දර්ශන තිබීම වැනි අන්ත තකතීරු ප්‍රකාශ නිකුත් කිරීම.

– අත්අඩංගුවට ගෙන ප්‍රශ්න කිරීම වෙනුවට අත්අඩංගුවට ගත් මොහොතේ සිටම සැකකරුවන්ට අමානුෂික ලෙස හිංසනයට ලක්කිරීම. (රෑ මැදියමේ පැමිණ ඇස් බැඳ රැගෙන යාම, නිරුවත් කිරීම, බාල්කවල එල්ලා පහරදීම, නිරුවත් ඡායාරූප ලබා ගැනීම, බන්ධනාගාර ගත කිරීම.)

– වරදකරුවන් තමන් බව පිළිගන්නා ලෙසට සැකකරුවන්ට බලපෑම් කිරීම

– සැකකරුවන්ගේ තොරතුරු මාධ්‍ය වෙත ලබාදීම හරහා ඔවුන් හා ඔවුන්ගේ ඥාතීන් විශාල අපකීර්තියකට, හා අනතුරුදායක තත්ත්වයකට පත්කිරීම.

සැකකරුවන්ගේ ප්‍රකාශ ඇත්ත නම් පොලීසිය රටේ නීතිය පමණක් නොව මනුෂ්‍යත්වයේ අවම සදාචාර සීමාවන් පවා බරපතල ලෙස උල්ලංඝනය කොට තිබේ. පොලීසියේ අන්ත තකතීරු හා නීති විරෝධී ක්‍රියාකලාපය මෙසේ සැකෙවින් වචනවලට නැංවිය හැකි වුවද ඒ පසුපස ඇති මානුෂීය අර්බුදයේ තරම කිසිසේත්ම වචනයට නැඟිය හැක්කක්ද? මේ ප්‍රශ්නයේ ගොදුරු බවට පත් අහිංසකයන් දෙදෙනා සහ ඔවුන්ගේ මවුවරුන්, පියවරුන්, බිරින්දෑවරුන්, දරුවන් අත්විඳි අපරිමිත මානසික පීඩාව, අවමානය, හා ඔවුන්ගේ බිංදුවට වැටුණු ආත්මාභිමානය වෙනුවෙන් පොලිස් පාදඩයන්ට ගෙවිය හැක්කේ කවර නම් වන්දියක්ද? නීති පොත්වල වගන්තිවලින් ගත නොහැකි මේ මනුෂ්‍යත්වයේ ඛේදවාචකය වෙනුවෙන් පාරට බැසීමට සූදානම් වන්නේ කවුද?

අපරාධකරුවන්ට එරෙහිව නැගෙන ජනතා විරෝධයට වඩා සිය ගුණයක ජනතා විරෝධයක් අද පාදඩයන්ගේ පොලීසියට එරෙහිව ගොඩනැගිය යුතුව තිබේ. ඒ මන්ද යත් පොලීසිය යනු අපරාධ මැඩලීමේ නිල ආයතනය වන බැවිනි. ඒ නිල ක්‍රියාවලියද තවත් එක අපරාධ රැල්ලක් බවට පත්වූ රටක හෙට දවසේ එකී පොලිස් මාෆියාවේ ගොදුරක් බවට පත්වන්නේ ඇතැම් විට ඔබ විය හැකිය. ළමා අපචාරයක් සම්බන්ධව අත්අඩංගුවට පත්වීමට ඔබ අදාල දරුවාගේ අසල්වාසියකු වීම ප්‍රමාණවත්ය. මේ අනුව රටේ පුරවැසියන් ඕනෑම මොහොතක සැකකරුවන් වීමේ සූදානමකින් සිටිය යුතුය. එතැනින්ද නොනැවතී පොලිස් බල්ලන්ගෙන් ඇති පදම් ගුටි කෑමට හා නොකළ අපරාධ කළ බව පිළිගැනීමටද ඔබ සූදානමින් සිටිය යුතුය. බඩල්ගම සිදුවීමත් සමඟ අද නැවතත් ඉස්මතු වී පෙනෙන පොලිස් මාෆියාවෙන් රට ගලවා ගැනීමට අප අසමත් වන්නේ නම් ඉදිරියේදී මේවා ළමා අපචාරවලටත් වඩා සුලබ හා සාමාන්‍ය දේවල් වීම පුදුමයක් නොවේ.

අවසාන වශයෙන් මේ සිදුවීම මෙරට මානව හිමිකම් ක්‍රියාධරයන් යැයි කියාගන්නා පිරිස්වල අවංකභාවය මැන ගැනීම සදහා කදිම අවස්ථාවක් බව නොකිව මනාය. වැරදීමකින් හෝ මේ සිදුවීම පසුගිය රජය සමයේ සිදුවූවක් නම් මිට එරෙහිව මතුවන මානව හිමිකම් ඝෝෂාව මීට වඩා සිය ගුණයක් බලවත් විය හැක්කකි. එසේ වූයේ නම් පොලීසියෙන් හෝ රාජපක්ෂ රෙජීමයෙන් නොනැවතී සිංහල බෞද්ධ අධිපතිවාදී හිංසනය ඔස්සේ දුටුගැමුණු රජතුමා දක්වාම මේ ව්‍යසනයේ වගඋත්තරකාරයන් ලැයිස්තුව පෙල ගැසෙන ආකාරය ගැන අපූරු නාටක අපට දැකබලා ගන්නට තිබිණි. එවන් අසීරු ඇකඩමික් තර්කවලින් තොරව අද ඒ සියලු දෙනාට පොලිස් මාෆියාවට එරෙහි විය හැකිව තිබේ. අද බලයේ සිටින්නේ එවැනි දේ සදහාම ඔවුන් විසින් පත් කරගත් බව කියන යහපාලන ජනාධිපතිවරයෙකි. ඒ නිසා එම වගකිවයුත්තන් අතින් අදාල පුද්ගලයන්ට යුක්තිය ඉටුවනු ඇතැයි අපි සද්භාවයෙන් අපේක්ෂා කරමු.

-ඉසුරු ප්‍රසංග
[Lankaleadnews.com]

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 
(Like us on facebook)
https://www.facebook.com/yuthukama

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions