මහණ වීම මානව අයිතිවාසිකමක් නොවේද ?

සසරෙන් එතෙර වීම මානව අයිතිවාසිකමකි
මානව අයිතිවාසිකමක් යනු කවරෙක්දැයි මෙහිදී සංවාදයට ලක් නොකරමු. මහන වීම මානව අයිතිවාසිකමක් නොවන්නේ බෞද්ධ නොවන්නන්ට යැයි අප ප‍්‍රකාශ කරමු.

අප ජීවත්වන්නේ කිනම් බලපෑම් යටතේද ? සැබවින්ම අප "සිංහල බෞද්ධ ” ලෙස හඳුන්වාගත් යුදෙව් ක්‍රිස්තියානි සමාඡයක ජීවත්වන්නෝ වෙමූ. අප එවන් සමාඡයක ජීවත්වෙමින් සිංහල බෞද්ධ අර්ථයන් විවේචනය කරනුයේ කවර අර්ථයකින්දැයි මට නොවැටහේ. එය කාගේ උවමනාවකටද ? එමගින් සිංහල බෞද්ධ නොවන්නෝ උද්ධාමයට පත් නොවන්නේ ද ? වැටත් නියරත් ගොයම කා නම් ? අප සිංහල බෞද්ධ ලෙස සිතන්නේ මොනවාද ? අප ඉපදුන පසුව ප‍්‍රථමයෙන්ම පෙර පාසල ලෙස හඳුන්වන මොන්ටිසෝරි සංස්කෘතියකට හුරුවී පසුව සැනින් පාසැල් අධ්‍යාපනය සහ විශ්වවිද්‍යාල අධ්‍යාපනය නම් සම්පූර්ණයෙන්ම විදේශීය අධ්‍යාපනයක් ලබා ගන්නෝ වෙති. එසේ ප‍්‍රකාශකරනුයේ දේශීය වූ ක්‍රමවේදයක් මගින් කිසිඳු දැණුමක් අප ලබාගෙන නැති බැවිනි. අප දැනට ලබන මෙම අධ්‍යාපන ක්‍රමයේ දැණුමක් නිර්මාණය කරන්නෝ විදේශ රටවල සිටිති ඹවුන් නිර්මාණය කරන දැණුම අප විශ්වවිද්‍යාල අධ්‍යාපනය හරහා ප‍්‍රධාන වශයෙන් ලබා ගත යුතුය, නැතිනම් ජන මාධ්‍ය හරහා ලබා දෙනු ඇත.

එහෙවූ අපට සිංහල බෞද්ධ සංස්කෘතියේ අර්ථයක් විවේචනය කිරීමට ඇති අයිතිය කුමක්ද ? අප සිදු කළ යුත්තේ සිංහල බෞද්ධ සංස්කෘතිය විවේචනය කිරීම හෝ විවේචනය කිරීමට පාර කැපීම නොවේ.අද සිංහල බෞද්ධයින්ද ලමුන් මහණ කිරීම පිළිබඳව කතා කිරීමටපටන් ගෙන ඇත්තේ සැබවින්ම අප බෞද්ධ සමාඡයක ජීවත්වන්නෝ නොවේ යැයි පසක් කරමිනි. දැනට අවුරුදු දෙකකට පමණ පෙර යොහෝවා සාක්ෂිකරුවෙකුද ප‍්‍රකාශ කළේ ලමුන් මහණ කිරීම සිදු නොකළ යුතු ක්‍රියාවක් බවයි. එමගින් ලමුන්ගේ මානව හිමිකම් උල්ලංඝනය වන බව ඔහුද ප‍්‍රකාශ කළේය.
අප මේ භවය සැසඳිය යුත්තේ සංසාරයට සාපේක්ෂව නම් , මේ භවයේදී අප කළ යුත්තේ කුමක්ද ?
ළමුන් මොන්ටිසෝරි යැවීමද ? තව තවත් සසරේ සැරි සැරීමට මගපාදා දීමද ? නැතිනම් ළමුන්ට පිරිවෙන් අධ්‍යාපනයක් ලබා දීමට කටයුතු කිරීමද ? මහණ කිරීම ?

අද මහණ වන දරුවා ඔහු යම් අවබෝධයක් ලබාගත් පසු ගෞරවයෙන් යුතුව නැවත ගිහිගෙයට
පිවිසමට කිසි බාධාවක් නැත. අදටත් දරුවන් මහණ වී සිටින සහ පසුව නැවත ගිහිගෙයට පිවිසෙන
සංස්කෘතීන් සහිත රටවල් තිබේ. එසේනම් ශ්‍රී ලංකාවට ” එසේ කිරීමට ඇති බාධාව කුමක්ද ?
මහන වී සිට නැවත ගිහිගෙයට පිවිසිය නොහැකි වන්නේ ඇයි ? ශ්‍රීමත් අනගාරික ධර්මපාල තුමාද මහණ  වී සිටියා නොවේ ද ?ගැමුණු රඡුු දවස සිවුර අතහැර ගිහිගෙයට පිවීස ගැමුණු රඡුුගේ සේනාව සමග සටනට පිවීස සතුරන් පරදා මවුබිමද නැවත පැවිදි වී සසර ද දිනූ තෙරුන් ගැන අසා නැත් ද ?

අප බෞද්ධවීම කි‍්‍රස්තියානි ක්‍රමයට” සිදු වූවක්ද ? අප කි‍්‍රස්තියානි ක්‍රරමයේ සිටිමින් බෞද්ධ අර්ථයන් අත පත ගාන්නෝ වෙති. එනම් මෙවන් සාකච්ජා හරහා අප ක්‍රිස්තියානි බෞද්ධයෝ නොවන්නේ ද ?අද රට පත් වී ඇති අභියෝග හමුවේ බෞද්ධ සංස්කෘතියේ අර්ථයන් විවේචනය නොකර එහි අර්ථයන් ශක්තිමත් කරමු.
 

-ජගත් ප‍්‍රනාන්දු
[යුතුකම පාඨක ලිපියකි ]


ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama