6/27/2015

එජාපය පරාජය කළ යුත්තේ ඇයි ?

කතෘ:යුතුකම     6/27/2015   No comments

අපට සාමාන්‍ය එජාප පාක්‍ෂියින් සමග කිසිම ආරෝවක් නැත. සාමාන්‍ය එජාප ඡන්ද දායකයා තාමත් එජාපයට ඡන්දය ලබා දෙන්නේ ඩීඑස්, ජේ ආර් හෝ ප්‍රේමදාස සිහිකරමින් ය. එහෙත් එසේ කිරීමේ දී ඔවුන් නොදන්නා දෙයක්, නොදන්නා වෙනසක් එජාපයට සිදුවෙමින් තිබුණි. ඒ හුදු පුද්ගල මාරුවක් නොව දෘෂ්ටි මාරුවකි. ලලිත්-ගාමිණි මරණවලින් පසු එජාපයේ බලය අල්ලාගත්තේ රනිල් වික්‍රමසිංහ මහතා විසිනි. එජාපයේ බලය ගත් රනිල් වික්‍රමසිංහ මීට පෙර එහි සිටි අන් කිසිදු නායකයෙකු කෙරෙන් දිස් නොවූ තරමේ මෙරට ජාතික විඥානයට හා සංස්කෘතියට අතිශයින් ම පටහැනි දේශපාලන මගක් ‍‍තෝරා ගත්තේ ය. මතුපිට දේශපාලන මතිමතාන්තර පසෙකින් තබන්න. රටක ජාතික අභිලාෂයන් පිළිබඳ විවාදයක් කිසිවෙකුට තිබිය නොහැකි ය. එහෙත් වික්‍රමසිංහ මහතා නම් මේ සෑම අංශයක දී ම තමා වෙනස් බව පෙන්වා ඇත. රනිල් වික්‍රමසිංහ මනිත හැකි පැහැදිළි ම උදාරහරණය නම් කොටි අඩවිය තුළ ම ප්‍රභාකරන් හා ඔහුගේ සමිපතමයින් විනාශ කිරීමේ අතිශය රහසිගත මෙහෙයුමක නිරත ව සිටි දිගුදුර විහිදුම් (මහසොහොන්) බලකාය, ජනපතිනිය, හමුදාපති හා තවත් බොහෝ අයගේ ඉල්ලීම් ඉවත ලා මුග්ධ ලෙස මහදවල් පාවා දීම ය. මින් ජාතික ආරක්‍ෂාවට සිදු වූ හානිය අමුතුවෙන් කිව යුතු නොවේ. මෙහෙයුම හෙළි වීම නිසා රටට අහිමි වූ දක්‍ෂ බුද්ධි නිලධාරීන් ගණන පමණක් 56කි. මෙය එල්ටීටියට ලබාදුන් විසල් ත්‍යාගයකි.

එජාප රජයක සියළු මූලෝපායික තීරණ ගනු ලබන්නේ රනිල්ගේ ම මතවාදය දරණ තවත් දෙතුන් දෙනෙකු විසිනි ඒ අතර, රවී කරුණානායක හා මංගල සමරවීර කැපී පෙනේ. යුධ සමයේ මොවුන්ගේ හැසිරීම මදක් නිරීක්‍ෂණය කරන්න. විවිධ අපහාසාත්මක ප්‍රකාශ හරහා යුධ සමයේ දී හමුදාවල හා රජයේ කකුලෙන් ඇදීමට අමතර ව මොවුන් විසින් මෙරට ජාතික අභිලාෂයන් නැංවීම සඳහා ගත් එකදු පියවරක් හෝ අපහසුවෙන් වුව අප මතකයට නගාගත නොහැක.

එජාපය යනු රනිල්, රවී හා මංගල පමණක් නොවන බව කෙනෙකු සිතනු ඇත. ජාත්‍යන්තරය යනු මුළු එක්සත් ජාතීන්ගේ සංවිධානයට අයත් රටවල් 192ක ම ද? කිසිසේත් ම නැත. ජාත්‍යන්තරය යනු ඇමරිකාව, බ්‍රිතාන්‍ය හා තවත් රටවල් කීපයකි. ඒ අනුව ජාත්‍යන්තරයේ මතය යනු මේ රටවල් කීපයක මතයයි. එජාපය ද එසේ ය. එජාපයේ මුදුන මෙ‍හෙය වන්නේ ඉහත තිදෙනා ඇතුළු තවත් නිශ්චිතව හඳුනා නොගත් දෙතුන් දෙනෙකු විසිනි. සාමාන්‍ය එජාප මන්ත්‍රිවරයාට හා ආසන සංවිධායකවරයාට ඇත්තේ දෙන දෙයක් කා වෙන දෙයක් බලා සිටින්ට පමණි. කොටින් ම ඇතැම් නායක මට්ටමේ ප්‍රභලයින් හා සාමාන්‍ය මන්ත්‍රිවරු ද ගමේ ගොඩේ එජාප පාක්‍ෂිකයා ද ඉහත පුද්ගලයින් කෙරෙහි දැඩි නොරිස්සුමෙන් සිටින බව ප්‍රසිද්ධ රහසකි. ඒ කෙසේ වෙතත්, මෛත්‍රී ජයග්‍රහණයෙන් පසු රජයේ ප්‍රබලත ම ඇමති ධුර (මුදල්, විදේශ) ගියේ මෙම පිරිසට වීමෙන් පෙනෙන්නේ, එජාප පාක්‍ෂිකගේ මතය තඹ දොයිතුවකට හෝ මායිම් නොකරමින්, අදාළ පුද්ගලයින් පක්‍ෂය තුල කොතරම් ප්‍රබල ද යන්න ය.

ඉහත තුන් කට්ටුව විසින් එජාපයේ පැරණි මදය සපුරා ඉවත් කොට නව විජාතික එකක් බද්ධ නොකරන්නට එජාප-ශ්‍රිලනිප භේදයක් මෙරට දේශපාලනය තුළ මෙතරම් පැහැදිළි ව පෙනෙන්ට නොතිබෙනු ඇත. අද එජාප-ශ්‍රිලනිප භේදය වඩාත් තීව්‍ර ලෙස කැපී පෙනෙන්නේ ආර්ථික ඈ කාරණා මත නොව මෙරට ඉතිහාසය හා සංස්කෘතික විඥානය පිළිනොගැනීම හා ඒ මතින් මෙරට ජාතික ආරක්‍ෂාව පිළිබඳ ප්‍රශ්නය දෙස බැලීම මත ය. ගාමිණි හෝ ලලිත් ජීවත් ව සිටින්නට මෙවැනි තත්වයක් එජාපය තුළ කිසි දිනෙක සිදු නොවනු ඇත. ඔවුන්ගේ මරණවල ද හේතු ව ඒ ය.

මේ සියල්ලෙන් ම පැහැදිළි වන්නේ එජාපය පරාජය කිරීම යනු එජාපය නැමැති එම පක්‍ෂය පරාජය කිරීම ම නොවේ. ඉහත විජාතික මතවාදය පරාජය කිරීම ය. මෙය පක්‍ෂ වශයෙන් සිතා ගත යුතු තීරණයක් නොව රටක් වශයෙන් ජාතියක් වශයෙන් එක් ව ගත යුතු තීන්දුවකි. ‍

-මහින්ද පතිරණ
යුතුකම සංවාද කවය
www.yuthukama.com

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

Labels

Copyrights © 2014 www.yuthukama.com Designed By : THISAK Solutions