6/03/2015

මෛත්‍රීපාල සිරිසේන මැතිතුමාට විවෘත සංදේශයක්

කතෘ:යුතුකම     6/03/2015   1 comment

මෛත්‍රීපාල ජනාධිපතිතුමා කොළඹ ප්‍රදේශයේ සපත්තු වෙළඳසැළකට ගිය ගමනට විශාල මාධ්‍ය ප්‍රචාරයක් ලැබෙමින් පවතී. එය යහපත් ප්‍රවනතාවයකි. ක්‍රමයෙන් ජනතාවගෙන් ඈත් වූ ප්‍රභූ චරිතයක් බවට පත්වී තිබූ දේශපාලකයා නැවතත් මහ මගට බැසීමට පටන් ගෙන ඇත. එසේ නොමැතිව දේශපාලනය කළ නොහැකිය යන මතය සමාජගත වෙමින් පවතී.

කලින් කලට ජනතාව දේශපාලකයාගෙන් බලාපොරොත්තු වන දෙය වෙනස් වෙයි. විටෙක ඔහු දූශනයට භීෂනයට එරෙහිව පෙනී සිටිය යුතුය. විටෙක රට සංවර්ධනය කළ යුතුය. අද වන විට ඔහු නිරහංකාර චරිතයක් විය යුතුව ඇත.

එක් අවස්ථාවක හිටපු ජනාධිපති මහින්ද රාජපක්ෂ මහතා මෙය මැනවින් විස්තර කලේය. එක් අවස්ථාවකදී ජනතාව බලාපොරොත්තු වන්නේ අඩි පාර වෙනුවට ලෙඩෙක් ගෙන යාමට පුලුවන් ගුරු පාරකි. එය ලැබුනු පසුව එයට කොන්ක්‍රිට් එකක් දමා ගැනීමට අවශ්‍ය වේ. එවිට දේශපාලකයා එය සැපයීමට සූදානමින් සිටිය යුතුය. ටික කලකින් කොන්ක්‍රිට් පාර වෙනුවට තාර පාරක් ජනතාව බලාපොරොත්තු වේ. එය ක්‍රමයෙන් කාපට් පාර මැදින් ඉරක් ගැසූ විශාල මාර්ගයක්, මාර්ගය දෙපසින් මනාව සැකසූ කාණු පද්ධතියක් ආදී ලෙසින් වෙනස් වෙයි. ඒ වෙනසට සාපේක්ෂව දේශපාලකයා වෙනස් විය යුතුය.

එතුමා එම විග්‍රහය කිරීමට දක්ෂ වුවද දෙපසින් කාණු කපා මැදින් ඉරි ගසා කාපට් දමා පාර සැකසූ පසුව ජනතාව බලාපොරොත්තු වන්නේ කුමක්ද යන්න එතුමා නොදුටුවා විය හැකිය. මෛත්‍රීපාල මහතා එය දැක ඇත. ඔහු එම පාරවල් දිගේ ගොස් කඩයකට ගොඩවී සපත්තු මිළදී ගනී. අවස්ථාවට අනුව එය අද ජනතාව බලාපොරොත්තු වන්නක් බවට පත් වී ඇත.

නමුත් හිටපු ජනාධිපතිවරයාට වැරදුනු තැන ගැන මෛත්‍රීපාල මහතා අවධානය යොමු කළ යුතුය. මිළදීගත් සපත්තුව පළඳින්නේ ඔබතුමා මිස තමන් නොවන බව ජනතාව වැඩිකල් නොගොස්ම වටහාගනු ඇත. ඒ වනවිට ඔවුන්ව සැනසීමට යමක් ඔබතුමා සතුව තිබිය යුතුය. ජනතාවගේ අභිලාශය රාජ්‍ය නායකයා සපත්තු මිළදී ගත යුතුය යන තැන දක්වා පල්ලම් බැස්සේ එක් රැයකින් නොවේ. එය ඇරඹුනේ අඩිපාර ගුරු පාරක් කරන තැන සිටය. කාපට් පාරේ වලවල් සැදෙන විට දෙපස කානුව ගොඩවන විට සංවර්ධන ඉලක්ක අසාර්ථක වන විට එයට සාපේක්ෂව මෙම ජනතා අභිලාශයන්ද තීව්‍ර වනු ඇත.

අද වන විට රුපියලේ අගය ඉතිහාසයේ දරුණුතම කඩාවැටීමට ලක්වී ඇත. බොහෝ සංවර්ධන යෝජනා ක්‍රම ඇනහිට ජනතාවට රැකියා අහිමි වී ඇත. තේ රබර් වැනි භෝගයන්ගේ මිළගනන් ඉතා දරුණු අන්දමින් කඩාවැටී ඇත. එක් අතකට ආර්ථිකය මෙලෙසින් බිඳවැටෙන විට සරල චාම් දිවියකට ජනතාව හුරු කිරීම් වස් පාලකයා පාරට බැසීම පැසසිය යුත්තකි.

නමුත් එමගින් ලැබෙන ජනප්‍රියත්වය ඉතා ඉක්මනින් වාෂ්ප වී යනු ඇත. විශිෂ්ඨ ජයග්‍රහණයක් ලබා බලයට පැමිනි, ඉන්දියාව පිරිසිදු කිරීමට තමන්ම ඉදලක් ගෙන පාරට බැසි මෝඩි මහතා ජනතාව පිළිගත්තේ ඉමහත් හරසරිනි. නමුත් මාස කිහිපයකට පසු පැවති මැතිවරණයකින් ප්‍රතිවාදියා ජයගන්නේ 98% ක වැඩි ඡන්දයකිනි. නැවතත් ඡන්දයකට නොයන බවට සපත කර ඇති ඔබතුමා එවන් අභියෝගයක් නොමැති වුවද ජනතාව මෙවන් සංදර්ශන මගින් රඳවාගත හැකි කාලය ඉතා කෙටි බව වටහාගත යුතුය.

ඔබතුමා මෙළෙසින් ජනතාව අතරට ගියද ඔබගේ අගමැතිවරයා වන රනිල් වික්‍රමසිංහ මහතා නෙළුම් කොලේ කිරිබත් කෑමට නොදන්නා අංක එකේ ප්‍රභූවරයෙකි. මහ බැංකුවේ බැඳුම්කර වංචාව හේතුවෙන් එතුමාගේ ආණ්ඩුව ජනතාවට අහිමි කර ඇති මුදල රුපියල් කෝටි 5200කට අධිකය. පසුගිය රජය සමයේ අංක එකේ කුඩු කාරයෙකු ලෙස හැඳින්වූ නිමල් ලාංසා අද ඔබතුමාගේ මීගමුව සංවිධායක වරයාය. රවි කරුණානායක මහතා මූල්‍ය වංචා චෝදනාවෙන් නිදහස් වන්නේ අධිකරණයේ ස්වාධීනත්වය බිළිබඳ ප්‍රශනයක් ජනතාවට ඉතිරි කරමිනි. හරීන් ප්‍රනාන්දු මහතා එජාප ආධාරකරුවන්ට පමනක් වැලි ගොඩදැමීමට ඉඩ දෙන ලෙස ප්‍රසිද්ධියේ ලිපි යොමු කරයි. ආණ්ඩුවේ බලධාරීන්ගේ බලපෑම් ඉවසිය නොහැකිව රේගුවේ ප්‍රධානියා ඉල්ලා අස් වේ. මෙලෙසින් ජනතාව බලාපොරොත්තු වූ යහ පාලනය රනිල් වික්‍රමසිංහ මහතාගේ රජය යටතේ මුළුමනින්ම සුනුවිසුනු වී ඇති විටෙක ඔබතුමා සපත්තු ගැනීමට කඩයට යයි.

ඉතා කෙටියෙන් ඉහතින් දක්වා ඇති අර්බුධවලට විසඳුම් දීමට ඔබතුමා අපොහොසත් වී ඇති බව ජනතාවට රහසක් විය නොහැකිය. එසේ වුවත් ඔබතුමාට ඉතා කාරුණිකව සිහිපත් කළ යුත්තේ තවමත් හංසයා ඉදිරිපිට කතිරය ගසා ඔබව තෝරාගත් ජනතාව සුභවාදී ආකල්පයකින් ඔබ දෙස බලා සිටින බවයි. මේ කුමන අක්‍රමිකතා ඔබතුමාගේ රජය තුළ පැවතියද ඔබ සපත්තු මිළදී ගැනීමට යාම දෙස බලා ජනතාව සතුටු වන්නේ තවමත් ඔබ කෙරේ තබා ඇති එම විශ්වාසය හේතුවෙනි. අද නැත්නම් හෙට අපේ නායකයා අපගේ බලාපොරොත්තු ඉටු කරාවිය යන පැතුම තවමත් එම ජනයාගේ සිත් සතන්හි රැඳී පවතී. නමුත් දැන් දින 100 නිකම්ම ගෙවී ගොස් අවසානය. එම ජනතා පැතුමටද දින 100ක් පැරණිය. මෙවන් සන්දර්ශන මගින් කෙතෙක් දුරට එම වියැකී යන සිහිනයට නව පණක් ලබා දිය හැකිද යන්න තම අනුශාසකයන් වෙතින් හෝ විමසා බැලීමට ඔබතුමාට කාලය එළඹ ඇත.

මහින්ද රාජපක්ෂ නමැති රට යුද්ධයෙන් මුදවාගත්, 7.4% ක ඉතිහාසගත සංවර්ධනයක් රටට අත් කර දුන් ප්‍රබල නායකයෙකු ගෙදර යවා ජනතාව ඔබගෙන් බලාපොරොත්තු වූයේ හුදෙක් මාධ්‍ය සංදර්ශන නොවේ. ජනතාව ඔබ මත පැටවූ යහපාලන වගකීම ඔබ වටා අද සිටින රනිල් වික්‍රමසිංහ ප්‍රමුඛ පිරිසෙන් ඉටුකරගත නොහැකිනම් ඔබ එයට ප්‍රතිකර්මයක් ජනතාවට ඉදිරිපත් කළ යුතුය. අද රටේ ඇති ප්‍රධානතම ප්‍රශ්නය මීලඟ අගමැතිවරයා වී රජයක් පිහිටුවා ජනවාරි 8න් ඇරඹි මෙහෙයුම ඉදිරියට ගෙන යන්නේ කවරෙක්ද යන්නයි. ඔබගේ බලාපොරොත්තුව එය රනිල් ප්‍රමුඛ රජයක් මගින්ම ඉටු කිරීමනම්, දින 100 තුලදී ඔවුන් අසාර්ථක වීමට හේතු මෙන්ම එම අසාර්ථකභාවයන්ට ප්‍රතිකර්මද ඔබ විසින් ඉදිරිපත් කළ යුතුය. මහ බැංකුවෙන් මාස තුනක් යාමටත් පෙර කෝටි 5200 හොරකම් කළ තැනැත්තෙකු සමග යහපාලනය ඉදිරියට කරගෙන යන්නේ කෙලෙසකද යන පැනයට ඔබ පිළිතුරු දිය යුතුය. පොලිස්පතිවරයාගේ බලතල තමන් වෙත පවරාගනිමින් ඍජුව පොලීසිය මෙහෙයවන රට පොලිස් රාජ්‍යයක් බවට පත් කිරීමට උත්සාහ කරන රනිල් වික්‍රමසිංහ යටතේ යහ පාලනයක් ඇති කළ හැකි අයුරු ඔබ ජනතාවට හෙළිකළ යුතුය. උතුරේ නැගීගෙන එන බෙදුම්වාදී අනතුර තවදුරටත් යටගැසිය නොහැකිය. ඔබ තුමාට වාර්ථා නොවුනද පසුගිය ජන ඒකරාශිවීම් වලදී උතුරේ කොටි කොඩිය එසවූ බව ජනතාවට රහසක් නොවේ. යහ පාලනය රැකගනිමින් එම බෙදුම්වාදී අනතුර පරාජය කර මහින්ද භාරදුන් රට ඉදිරියට ආරක්ෂා කරන අයුරු ඔබ ජනතාවට පෙන්වා දිය යුතුය. ජනවාරි 9දා මහින්ද භාරදුන් ස්ථාවර ආර්ථිකය අදවනවිට සිදුවී ඇති පරිහානියෙන් ගොඩගන්නේ කෙසේද යන්න ඔබ ජනතාවට පැහැදිලි කළ යුතුය.

ජනවාරි 8 දා රට භාරගත් නායකයා ලෙසින්, තවමත් ජනතාවගේ සිහින තුල ජීවත්වන නවක නායකයෙකු වශයෙන් ඔබ මෙම ප්‍රශ්නවලට නිසි විසඳුම් ඉදිරිපත් කළ යුතුය. එසේ නැතහොත් මෙම අභියෝගයෙන් රට මුදවාගත හැකි අගමැතිවරයෙකු යටතේ පිහිටවන රජයක් සමග ජනතාවගේ යහපාලන සිහිනය යථාර්ථයක් බවට පත් කිරීමට සිත සකසාගත යුතුය.

ඔබේ ආධාරකරුවන්ට සංග්‍රහ කිරීමට ප්‍රථම ඔබවෙත විශ්වාසය තැබූ සුවහසක් ජනයාගේ පැතුම ඉටුකිරීමට සිතට ගත යුතුය.

අද ඔබ විසින් ඉටුකල යුතු එම වගකීම හැරදමා සපත්තු කඩවලට ගොස් දිනාගතහැකි ජනතා ප්‍රසාදය ඉතා තාවකාලිකය. හමන සුළන් මකුළු දැළින් වැළැක්විය නොහැකිය.

-විමුක්ති වනිගසේකර
යුතුකම සංවාද කවය
www.yuthukama.com

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

1 comment :

  1. වයිරයෙන් දැවෙන වයිරී පාලට අවශ්‍ය රට විනාශ කිරීම සහ පලි ගැනීම පමණයි.

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions