6/09/2015

ත්‍රස්ත වියරුවෙන් රටත් දැයත් අපේ පණත් රැක දුන් විජයග්‍රණය සැමරීමේ අවුල කුමක්ද?

කතෘ:යුතුකම     6/09/2015   1 comment

ශ්‍රී ලාංකිකයන් වූ අප මීට වසර 6ට පෙර ඉතා බියෙන් ජීවත් වූ අවදියක් විය. බෝම්බයක් කොහේ පුපුරා යාවිදොයි නොදන්නා අවදියක්ද අපට විය. උතුරු නැගෙනහිර ත්‍රස්තවාදීන් පරාජය කිරීම වෙනුවෙන් තම දිවි පරදුවට තබා සටන් කල ත්‍රිවිධ හමුදාවක් ශ්‍රී ලාංකිකයන්ට සිටියි. දේශපාලන උවමනා එපාකම් වලට ඇති වූ අමිහිරි යුද්ධයක් මීට හය වසරකට පෙර නිමා විය. ත්‍රස්තවාදීන් ඔවුන්ගේ හුදු ආත්මාර්ථකාමී අරමුණු උදෙසා සටන් වදිද්දී අපගේ උදාර රණ විරුවන් රට බේරා ගැනීම සඳහා යුධවැදුණහ . ඔවුන් ත්‍රස්තවාදය පරාජය කළ නිසා අද සාමාන්‍ය ජනතාවට ජීවත් වීමට රටක් ඉතිරි වී ඇත.

යුද්ධය ගැන අද වැඩිපුරම කතා කරන්නේ යුද්ධය සිදු වූ ප්‍රදේශවල ජීවත් වුවන් නොව යුද්ධය සිදු වූ අවදියේදී අත පය අකුලා ගෙන තමන්ගේ බඩවියත ගැන පමණක් සිතමින් යුද්ධයෙන් පටු වාසි ලබා ගත්තවුන්ය. නැති නම් යුද්ධය පිළිබඳ කිසිඳු නිවැරදි මතකයක් නැති අද ඊයේ මාතෘකාවට පිවිසි අන්ධ රූකඩ ය. අපට යුද්ධය ගැන කතා කරන්නට අයිතියක් ඇත. අපි යුද්ධය සියැසින් දුටිමු. ත්‍රස්තවාදය පරාජය වන දිනය තෙක්ම බියෙන් ජීවත් වුණෙමු . බෝම්බයක් පිපුරුණ හොත් දත කට පූට්ටු වීම වැලක්වීමට පැන්සලක් හපා ගෙන කන් දෙකේ ඇබ ගසාගෙන අපේ ගුරුවරුන් අපව මේස පුටු යට හන්ගද්දී දකුණේ උන් අපේ කුඩා සිත් වලට දැනුන ඒ බිය උතුර නැගෙනහිර යුද්ධයෙන් පීඩාවට පත් වූවන් ට කෙලෙස දැනෙන්නට ඇත්දැයි අද මට සිතේ. අපේ වීරෝධාර රණවිරුවන් ත්‍රස්තවාදයට එරෙහිව සටන් කරද්දී ත්‍රස්තවාදීන් සිංහල දෙමළ මුස්ලිම් භේදයකින් තොරව සාමාන්‍ය ජනතාව මරා දැම්මෝය. කොලොන්නාවේ තෙල් ටැංකි පිපිරෙව්වේය.මහ බැංකු බෝම්බය , අරන්තලාවේ භික්ෂු ඝාතනය , දෙහිවල දුම්රිය ස්ථානයේදී පිපිරුණු බෝම්බය, කොටුව දුම්රිය ස්ථානයේදී පිපිරුණු බෝම්බය , තොට ළඟ බෝම්බය , මරදානේ දී පිපිරුණු බෝම්බය අමතක වුණු පිරිසක් අද ත්‍රස්තවාදය පරාජය කල දිනය පිලිබඳ විවිධ විවේචන එල්ල කරමින් සිටීම හාස්‍යට කරුණකි.

අද හර්තාල් කරමින් මුහුණු පොතේ කාඩ්බෝඩ් වීරයන් වී දැඟලීම ට ඔවුන් වාසනාවන්ත වී තිබෙන්නේ යුද්ධයෙන් ඔවුන්ගේ ජීවිතයට හානි නොවුණු නිසාය.ඔවුන්ගේ පවුල්වල කිසිවෙකු යුද්ධයෙන් අහිමි නොවූ නිසාය. ඔවුන්ට යුද්ධය කිසිවක් අහිමි කර නැති නිසා ඔවුන් තමන්ට රිසි අයුරින් කෙස් පැලෙන තර්ක විතර්ක කරමින් ත්‍රස්තවාදයටම ආවඩයි. යුද්ධය නිසා උන් හිටි තැන් අහිමි වූවන් , තමන්ගේ පවුල් වල ආදරණීයයන් අහිමි වූවන් සිංහල , දෙමළ , මුස්ලිම් යන හැම ජන වර්ගයකම පවුල් වලින් සොයා ගැනීමට හැකි වනු ඇත. ආබාධිත රණවිරුවන්ගේ රණවිරු සෙවණක ගෙවෙන ජීවිතය ගැන ඔවුන් කතා කරන්නේ නැත. එය ඔවුන්ට එතරම් ජනප්‍රියත්වයක් ගෙන එන මාතෘකාවක් නොවිය හැකිය. නමුත් ඔවුන් මැයි 18 මහා ජන සංහාරයක් වූ දිනයක් ලෙස උලුප්පන්නට තැත්කරති. කනගාටුවට කරුණ නම් ඊට පෙර සාමන්‍ය වැසියන් ලක්ෂසංඛ්‍යාත ප්‍රමාණයන්ගේ බෝම්බ වලට හසු වී මිය යද්දී ඒවා මිනිස් සංහාරයන් ලෙස ඔවුන් නොදැකීමයි .
කියන්නා කෙසේ කීවත් අසන්නා සිහි බුද්ධියෙන් ඇසිය යුතුය. ප්‍රභාකරන් කීවා නිවැරදිය . සිංහලයාට ඕනෑම දෙයක් මතක තිබෙන්නේ සති දෙකකි. රණවිරුවන් අපේ රට ත්‍රස්තවාදයෙන් ගලවා ගත්අතර ඔවුන්ට අපගේ උත්තමාචාරය හිමි විය යුතුය. ඔවුන් තම දිවි පුදා අපට රටක් ඉතිරි කර ඇත. ඔවුන් තම තාරුණ්‍ය අනාගත පරපුරක යහපත වෙනුවෙන් කැප කළහ. ඔවුන් බේරා ගත් රට එහි වාසය කරනා සියලුම ජනතාව වෙනුවෙනි.
එබැවින් අන්ධ ලෙස අනුකරණය නොකරන්න. අන්ධ ලෙස අනුගමනයද නොකරන්න. අද අප නිදහසේ හුස්ම ගනිමින් හිඳිමු. ඒ 2009 මැයි 18 කොටි ත්‍රස්තවාදය පරාජය කළ නිසාය.

කාංචනා ප්‍රියකාන්ත
-යුතුකම සංවාද කවය- 
www.yuthukama.com

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

1 comment :

  1. විජයග්‍රහනය ගැන කාලීන විග්‍රහයක්

    http://prathiwadhiya.blogspot.com/2015/05/blog-post_24.html

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions