11/20/2015

ජිනීවා පාවාදීම හරහා ඊළමට පාර කපන හැටි.. - ජනාධිපති නීතීඥ මනෝහර ද සිල්වා [video]

කතෘ:යුතුකම     11/20/2015   2 comments


ජිනීවා යෝජනාවලිය හරහා රණ විරුවන් යුධ අපරාධ දං ගෙඩියට දක්කා ගෙන යන ත්‍රාඩ ක්‍රියාදාමයට අමතරව මෙරට දෙමළ ඊළමක් බිහි කරගත හැකි මාවතට අවශ්‍ය සියළු අවශ්‍යතා ඉටු කර දෙන යාන්ත්‍රණයක්ද අඩංගු යැයි ජනාධිපති නීතිඥ මනෝහර ද සිල්වා මහතා අවධාරණය කර සිටී.
ආණ්ඩුව තමන් නිසා ජිනීවා යෝජනාවලියේ සැර බාල වූයේ යැයි පැවසුවත් සැබෑව ඊට හාත්පසින්ම වෙනස් බවත් ජිනීවා අවසන් වාර්ථාව සමගම සම්බන්ධ කර ඇති මානව හිමිකම් කොමසාරිස් හුසේන් කුමාරයාගේ වාර්ථාව සහ ඔහු ජිනීවා හිදී පැවැත්වූ දේශනයේ අඩංගු කරුණු, එමෙන්ම ගිය වසරේ ඇමරිකාව ඉදිරිපත් කළ වාර්ථාවත් එලෙසම පිළිගැනීම හරහා රට දරුණු ව්‍යසනයකට ලක් කර ඇතැයි  මනෝහර ද සිල්වා මහතා පෙන්වා දෙයි.
යෝජනා සම්මතයේ හයිබ්‍රිඩ් යන වචනය අඩංගු නැතැයි ආණ්ඩුවේ පණ්ඩිතයන් ජනතාව නොමග යැවීමට ඉතා වංචනික උත්සාහයක් ගත්තත් මෙය තනිකර හයිබ්‍රිඩ් යාන්ත්‍රණයක් බව මනෝහරද සිල්වා මහතා සාධක සහිතව පෙන්වා දෙයි.ශ්‍රී ලංකාවේ පිහිටුවීමට එකඟ වී ඇති මානව හිමිකම් කාරයාලය හරහා ජාත්‍යන්තර නීතිඥයන් , අභිචෝදයකයන් ඇතුළු බටහිරයන්ට අවශ්‍ය ආකාරයේ යාන්ත්‍රණයක් හරහා ලංකාව යුධ අපරාධ වලට හසු කිරීම ස්ථිර යැයිද ඔහු පවසයි.

ජාත්‍යන්තර පිළිගැනීමක් ඇති නීතීඥයන්ගේ නිරීක්ෂණයන්ද සහිතව ඉදිරිපත් කර ඇති 'පරණගම වාර්ථාව' තුලින් අපේ හමුදා යුධ අපරාධ සිදු කර නොමැති බවට සාධක සහිතව පෙන්නුම් කර තිබියදී ජිනීවා සමුළුවට එය ඉදිරිපත් නොකර රටට හතුරු ඇමරිකන් යෝජනාවට සම යෝජකත්වය ගැනීම හරහා හවුල් ආණ්ඩුව ලෝක ඉතිහාසයේ මෙතෙක් වෙන කිසිඳු රටක් සිදු නොකළ පාවාදීමක් සිදු කර ඇති බවද ඔහු පෙන්වා දෙයි.

පසුගියදා ගම්පහ සණස ශාලාවේදී යුතුකම සංවාද කවයේ සංවිධායකත්වයෙන් පැවැත්වූ "බිල්ලො ඇවිත්" සම්මන්ත්‍රණයේදී මනෝහරද සිල්වා මහතා මේ බව අවධාරණය කළේය.

මනෝහර ද සිල්වා මහතා පැවැත්වූ සම්පූර්ණ දේශනය..>>
 

-සටහන - යටියන ප්‍රදීප් කුමාර
යුතුකම සංවාද කවය
www.yuthukama.com


ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)

https://www.facebook.com/yuthukama

, , , ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

2 comments :

  1. Sri Lanka is facing a serious situation as very correctly explained by Mr Manohara de Silva. All parliamentarians should now, if they truly love the country, join hands in a majority and save the country - it is their bounden duty.

    ReplyDelete
  2. මේ රටේ මෑතක ඉඳන් සිද්ධවෙන දේවල් හිතාගන්නවත් බෑ ඇයි එහෙම වෙන්නේ කියලා. හරියට ක්‍රිකට් මැච් එකක එක පිට එක ෆුල්ටොස් ලැබෙද්දිත් පිතිකරුවා ලෑල්ල අල්ලනවා (වැරෙන් පහරනොදීම) වගේ දේවල් වෙන කොට හිතෙනවා අපිත් ඇන්දිලාද කියලා. එක උදාහරනයක් දෙන්නම්.
    ජනාධිපති මැතිවරන කාලේ තිස්ස අත්තනායක මහත්තයා ලියවිල්ලක් ප්‍රසිද්ධ කලා. ඒක ව්‍යාජයි කියලා උන්නැහෙට කරන්න ඕන කරදර ඔක්කොම කරන්න යහපාලන කට්ටිය අමතක කලේ නෑ.
    ඒත් ඒ ලියවිල්ලේ තිියෙන බොහොමයක් දැං ඇත්ත වේගන එනවා. කොටි සැකකරුවන් නිදහස් කිරීම, තහනම් සංවිධානවල තහනම ඉවත්කිරීම ඊට උදාහරන. ඡන්ද කාලේ මේ දේවල් කිව්වාම යහපාලනලා කිව්වෙ බිල්ලො මවනවා කියලා. ඕන නම් ඒ කාලේ රෑපවාහිනි සංවාද බැලුවොත් පෙනෙයි මහපොලොවෙ අත ගහල දිව්රන විදිහ මේවා මෙහෙම වෙන්නේ නෑ කියලා. දැං ඒවා වෙනවා.
    පුදුම දේ ඒක නෙවෙයි. කව්රුවත් මේ කට්ටිය එදා කියපු දේවල් සහ අපි එදා කියපු දේවල් කියලා මේ දේවල් මතක් වෙන්න සෙංසන්දනයක් කරන්නෙ නෑනෙ.ඒ කාලේ රූපවාහිනී සංවාද ටිකක් යූ ටියුබ් එකෙන් අරං මේක ලේසියෙන් කරන්න පුලුවංනෙ. අපේ රටේ අයට ඉක්මනින් දේවල් අමතකයි.
    ජනාධිපතිවරනකාලේ සුමන්තිරම් මන්ත්‍රීවරයා මගේ මතකය හැටියට මින්නල් වැඩසටහනට ඇවිිත් පැහැදිලිවම මේ අද සිද්ධවන ටික සිද්ද වෙන බව කිව්වා. නිදහස් පෙරමුනේ ප්‍රවෘති සාකච්ඡාවකදි ඒක හෙලිදරව් කරා. ඒත් කිසිම මාධ්‍යයකින්ඒ හෙලිදරව්ව ඒ හැටි ප්‍රචාරය කලේ නෑ. ඒවයෙ ප්‍රතිඵල තමා අද අපි විඳින්නේ. දැන්වත් මේ දේවල් මතු කරලා ගන්න වෙනවා මේ රටේ මධ්‍යම පාංතිකයාට තේරුම් ගන්න ඒ අය රැවටුන බව.

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

කිණිහිරය

හීන් සැරය

කෙටි සටහන්

මාධ්‍ය ගබඩාව

ප්‍රවර්ග

1505 2015 BBS NGO Theory අනගාරික ධර්මපාල අනුර කුමාර අමරසේකර ආචාර්ය දයාන් ජයතිලක ආමන්ඩ් ද සූසා ඉන්දු ලංකා ඊළාම් ඊළාම්වාදී එජාප කවි කවි විචාර කාලය කෙටි කතා ගම්මන්පිල ගැමුණු චම්පික චිත්‍රපට විචාර චින්තනය ජනපතිවරණය ජනාධිපතිවරණය ජයග්‍රහණය ජවිපෙ ජාතික බලවේග ජාතිකවාදය ජාතිය ජිනීවා තිස්‌ස තී‍්‍ර රෝද රථ ත්‍රීකුණාමලයේ ආනන්ද දකුණු අප‍්‍රිකානු දහතුන දේශපාලන නසරිස්‌තානය නිදහස නෝනිස් පොත් ප්‍රකාශකයන් පොදු අපේක්‍ෂයා බම්බුව බලු කතා බුදු දහම බෙංගමුවේ නාලක බෙදුම්වාදය බෙදුම්වාදී බෞද්ධයා භාෂාව මරක්කල මහ නාහිමි මහින්ද මහින්ද රනිල් මානව හිමිකම් මුස්‌ලිම් මෛත්‍රිපාල යටත්විජිතකරණය රණ විරුවා රනිල් වික්‍රමසිංහ රන් කරඬුව රාජතාන්ත්‍රික රාජපක්‍ෂ ලේකම් වහාබ් විජේවීර විධායක බලය විමුක්ති වනිගසේකර වෙනස සැපද සංගීතය සජින් සමාජ විචාර සරච්චන්ද්‍ර සාහිත්‍ය හා විචාර සිංහල සිංහල බුද්ධාගම සීපා ස්වර්ණ පුස්තක හෙළ උරුමය

පාඨක අදහස්

© 2014 www.yuthukama.com