11/21/2015

ජිනීවා පාවාදීමේ රඟ පෙනේ - ත්‍රී'මලේ හමුදා මූලස්‌ථානයට එ.ජා කණ්ඩායමක් පනී

කතෘ:යුතුකම     11/21/2015   No comments

එක්‌සත් ජාතීන්ගේ දූත මණ්‌ඩලය ජාතික ආරක්‍ෂාවට මැදිහත් වෙයි

ලොව කිසිම රටක්‌ සිය ආරක්‍ෂක හමුදා මූලස්‌ථානයක්‌ විදේශීයන්ට විමර්ශනය කිරීමට ඉඩ දෙන්නෙ නැත.
එහෙත් ශ්‍රී ලංකා ආරක්‍ෂක හමුදා ඉතිහාසයේ මුල්වරට එක්‌සත් ජාතීන්ගේ කණ්‌ඩායමක්‌ ත්‍රිකුණාමල නාවික හමුදා මූලස්‌ථානයට පැමිණ වධ කඳවුරක්‌ තිබේදැයි පරීක්‍ෂා කළහ.

මෙම එක්‌සත් ජාතීන්ගේ දූත කණ්‌ඩායම ත්‍රිකුණාමල නාවික හමුදා මූලස්‌ථානයට ගෙන ආවේ රහස්‌ පොලිසියයි.
එකී දූත කණ්‌ඩාම නාවික හමුදා මූලස්‌ථානයේ පරණ ගොඩනැඟිල්ලක්‌ පරීක්‍ෂා කර කොළඹට ගොස්‌ බරපතළ ප්‍රකාශයක්‌ කරනු ලැබීය. අපි බිම්මහලක තිබූ රහසිගත වධකාගාරයක්‌ සොයා ගත්තා. මෙහි කුටි 12 ක්‌ පමණ තිබූ බව අපි දුටුවා යෑයි දූත කණ්‌ඩායමේ සාමාජික ඒරියල් ඩ්‍රලිම්ස්‌කි පළ කළේය.
ශ්‍රී ලංකා හමුදාව රහසිගත වධකාගාර පවත්වාගෙන යන බවට ද්‍රවිඩ සන්ධාන හිටපු මන්ත්‍රී සුරේශ් ප්‍රේමචන්ද්‍ර චෝදනා කර තිබුණි. රජය එම චෝදනාව ප්‍රතික්‍ෂේප කළේය. මේ පසුබිම මැද එක්‌සත් ජාතීන්ගේ දූත කණ්‌ඩායම ත්‍රිකුණාමල නාවික කඳවුරට ගොස්‌ පරීක්‍ෂා කර ඉහත කී බරපතළ ප්‍රකාශය කළේය.
නාවික හමුදා කඳවුරක්‌ යනු ජාතික ආරක්‍ෂාවට සම්බන්ධ කේන්ද්‍රස්‌ථානයකි. එවන් කඳවුරක්‌ පරීක්‍ෂා කිරීමට එකී දූත කණ්‌ඩායමට ඉඩ ලැබුණේ කෙසේද?
ඇමරිකානු රජය කියුබාවේ පිහිටි ත්‍රස්‌ත සැක කරුවන් රඳවා ඇති ගුන්තනාමෝබේ කඳවුර පරීක්‍ෂා කිරීමට කිසිවකුටත් ඉඩ දී නැත.
ඇමරිකානු සී. අයි. ඒ. සංවිධානය වධකාගාර පවත්වාගෙන ගිය බවට වාර්තාවකින් හෙළි විය. එහෙත් එක්‌සත් ජාතීන්ගේ දූත කණ්‌ඩායමක්‌ ඇමරිකාවට හෝ පෝලන්තයට ගොස්‌ වධකාගාර පරීක්‍ෂා කිරීමට ක්‍රියා කර නැත.

එහෙත් ශ්‍රී ලංකාවේ ජාතික ආරක්‍ෂාවට පවා එක්‌සත් ජාතීන්ගේ සංවිධානය මැදිහත් වන අයහපත් තත්ත්වයක්‌ මතු වී තිබේ.
මේ අන්දමට ඉන්දීය හමුදාව එරට රැඳවුම් මධ්‍යස්‌ථාන හෝ නාවික හමුදා කඳවුරු පරීක්‍ෂා කිරීමට එක්‌සත් ජාතීන්ගේ දූත මණ්‌ඩවලට ඉඩ දෙනු ඇතැයි කිව හැකිද?

ප්‍රභාකරන් විසින් සිරකරුවන් රැසක්‌ වන්නියේ රහස්‌ රැඳවුම් කඳවුරුවල සිරගත කර සිටියදී කිසිදු එක්‌සත් ජාතීන්ගේ කණ්‌ඩායමක්‌ මෙරටට පැමිණියේ නැත.
එහෙත් රටේ නාවික හමුදා කඳවුරු පවා එක්‌සත් ජාතීන්ගේ දූත කණ්‌ඩායම් විසින් පරීක්‍ෂා කරන තත්ත්වයක්‌ අද උදා වී ඇත.
මෙරටට පැමිණි එක්‌සත් ජාතීන්ගේ දූත කණ්‌ඩායම මෙරට ජාතික ආරක්‍ෂාවට කෙතරම් බරපතළ ලෙස මැදිහත්වුවද කිවහොත් උතුරු නැඟෙනහිරින් ආරක්‍ෂක හමුදාව අඩු කරන ලෙසද ඉල්ලා ඇත.
උතුරු නැඟෙනහිර ආරක්‍ෂක තත්ත්වය ගැන තීන්දු ගන්නේ ජාතික ආරක්‍ෂක මණ්‌ඩලයයි. එවැනි විටෙක එක්‌සත් ජාතීන්ගේ දූත මණ්‌ඩලයට උතුරින් හමුදාව අඩු කරන්න යෑයි ඉල්ලීමට හිමි කමක්‌ තිබේද?

මේ අන්දමට මුළු ලොව පුරා ඇති ඇමරිකානු හමුදා කඳවුරු 1000 කට වැඩි ප්‍රමාණයක්‌ අඩු කරන ලෙස එක්‌සත් ජාතීන්ගේ දූත මණ්‌ඩලය ඇමරිකාවෙන් කිසි විටෙක ඉල්ලන්නේ නැත.
එසේම මෙරටට පැමිණි එක්‌සත් ජාතීන්ගේ දූත මණ්‌ඩලය තවදුරටත් පවසා ඇත්තේ රටේ අනිකුත් ස්‌ථානවල ඇති වධකාගාර ගැනද තොරතුරු හෙළි කරන ලෙස රජයෙන් ඉල්ලා සිටින බවයි. මේ පසුබිම මැද පැරිසියට එල්ල වූ ත්‍රස්‌ත ප්‍රහාරය නිසා අත්අඩංගුවට ගනු ලැබූවන් රහසිගත ස්‌ථානවල රඳවා තිබේ.

මේ ස්‌ථාන හෙළි කරන ලෙස එක්‌සත් ජාතීන්ගේ දූත මණ්‌ඩල ප්‍රංශ රජයෙන් ඉල්ලා නැත. අද මෙරට සිදු වන්නේ කුමක්‌ද යන බරපතළ ප්‍රශ්නය ජනතාව හමුවේ පවතී. මිනීමරු කොටි ත්‍රස්‌තයෝ නිදහස ඉල්ලා උපවාස කරති. එම තත්ත්වය මැද එක්‌සත් ජාතීන්ගේ දූත මණ්‌ඩලය නාවික හමුදා කඳවුර පරීක්‍ෂා කර වධකාගාරයක්‌ තිබූ බව මුළු ලොවටම ප්‍රකාශ කර ඇත.

ඉන් අවමානයක්‌ ඇති වූයේ නාවික හමුදාවට නොවේද?

ශ්‍රී ලංකාවේ යුද හමුදාවට එරෙහිව යුද අපරාධ චෝදනා එල්ල වී ඇති අවස්‌ථාවක ඊළම්වාදීන් හා ද්‍රවිඩ දේශපාලකයන් එල්ල කරන චෝදනා විමර්ශනය කිරීමට පැමිණි එක්‌සත් ජාතීන්ගේ දූත මණ්‌ඩලයට රටේ ජාතික ආරක්‍ෂාවට මැදිහත් වීමට ඉඩදීම බරපතළ වැරැද්දකි.

කීර්ති වර්ණකුලසූරිය

-දිවයින

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama

, , ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions