ජාතික වීරයෙක් දුටිමි

ඉස්කෝලේ ගිය කාලේ
ජාතික වීරයන් දුටුවෙ
පොත්වල පිටු අතර මිසක
හැබැහින් අප අතර නොවේ

සිතින් මවා ගතිමි එකල
කැප්පෙටිපොළ නිලමෙගෙ රුව
සුද්දගෙ ආවුද යැවු හැටි
හිස දුන් රඟ දංගෙඩියට

නගරෙට ගිය හැම වේලෙම
මවිත කළා මා හද නිති
තෙදවත් බලවත් පෙනුමැති
සිත් පිත් නැති දමිපල් රුව

දින දින දැන ගන්නා කල
කළ මෙහෙවර දමිපල් හිමි
කතා කළා මාත් එක්ක
නිසසල දමිපල් පිළිරුව

හිතුවෙම නෑ මේ කාලෙත්
ජාතික වීරයො සිටිතැයි
දින දින තැන තැන මිය යන
සුරවිරු රණවිරු කැළ මිස

මියෙන දැයට යළි පණ දී
හිඟන රටක් විමනක් කළ
සොල්දාදුවො රණවිරුවන්
කළ විරුවෙක් යළි බිහි විය

සෙනේ පිරුණු සිනා මුවින්
අප ව වැළඳ පිළිගන්නා
අපගේ දුක සැප විමසන
ජාතික වීරයෙක් දුටිමි

පොත්වල පිටු අතරෙ නොවේ
සිවු මංසල අයිනෙ නොවේ
අප අතර ම අපත් එක්ක
අපගේ හද තුළ ම ඉන්න

රැකගමු මාහැඟි පිළිරුව
රනින් නොකළ රන් පිළිරුව
අදට වඩා හෙටට වටින
ලෙයින් මසින් කළ රන් රුව

-විශේෂඥ වෛද්‍ය වසන්ත දේවසිරි
2015 ඉල් මස 18 දා
මහින්ද රාජපක්‍ෂ මහතාගේ උපන් දිනය නිමිත්තෙනි
 
යුතුකම සංවාද කවය
www.yuthukama.com

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 
(Like us on facebook)
https://www.facebook.com/yuthukama