මොහාන්ගේ අනවරථ මාධ්‍ය මෙහෙයුමක නිමාව.

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)

මෙවර ස්වර්ණ පුස්තක සමීක්ෂක මණ්ඩලය විසින් මොහාන් රාජ් මඩවලගේ ආදරණීය වික්ටෝරිය කෘතිය අවසන් වටයේ පොත් 05 අතරට තේරීමට තරම් නොවැදගත් සේ සලකා ප්‍රතික්ෂේප කර තිබේ. ඒ සමග ඔහු අවුරුද්දක් පුරා අන් කිසිදු ලේඛක ලේඛිකාවක් නොකරන අන්දමට සිය කෘතිය ඔසවා තැබීමට ගෙන ගිය මාධ්‍ය මෙහෙයුමද අර්ථශුන්‍ය වී තිබේ. තමාට මාධ්‍ය සබදතා තිබු පමණින්, ඒවායේ සිය වෘත්තීය සගයන් සිටිය පමණින්, හෝ සිවිල් සබඳතා ප්‍රයෝජනයට ගනිමින් අනිසි ලෙස සිය කෘති පුම්බා ව්‍යාජ ප්‍රතිරුප තනාගැනීමට දගලන දැගලිල්ල මත කෘති නොතෝරන බව සමීක්ෂකයින් නැවත වතාවක් ඔහුට මතක් කර දී තිබේ.

ඇත්ත වශයෙන්ම වෙන කිසිම ලේඛක ලේඛිකාවක් පොතක් පළකළ පසු මොහු තරම් සීමාව ඉක්මවා දගලන්නේ නැත. යම් ලේඛක ලේඛිකාවක් සැලකිය යුතු පරිශ්‍රමයකින් පොතක් ලියා පළ කළ පසු එය සමාජ අවධානයට ලක් කිරීමට යම් ප්‍රචාරයක් ලබාගත්තාට වරදක් නොවේ.සෑම නිර්මාණකරුවෙකු විසින්ම එය කරනු ලබන්නෙකි. නමුත් එය මොහාන් රාජ් මඩවල තරම් හිරි ඔතප් බිඳ ගෙන කරන මොනර නැටුමක් නොවේ. ඔහු තරම් වෙන කිසිම ලේඛක ලේඛිකාවක් පුවත්පත් සාහිත්‍ය පිටු අවභාවිත කරන්නේ හෝ අපහරණය කරන්නේ නැත. සිය පොත් ඔසවා ගැනීමට වෙහෙසෙන්නේ නැත. ඔහු ගෙනයන මේ මාධ්‍ය මෙහෙයුම් වල ගොදුරක් බවට මෙවර සමීක්ෂකයින්ද පත් නොවීම සැබවින්ම අගය කල යුත්තකි. එය ඔහුට තරම් හයියක් නැති ආධුනික නිර්මාණකරුවකුට ලැබෙන අවකාශය ඉතිරි කර දීමකි. මෙරට සාහිත්‍ය පිටු සංස්කාරකවරුන් පවා මේ දවස් ටිකට හෝ ඔහුගේ හිංසනයෙන් නිදහස් කරදීමකි. නොඑසේනම් ඔහුගේ ගේ දෙවන ඉනිම පටන් ගන්නේ කෘති 5 ප්‍රකාශයට පත් කළ දින සිටය.

ඔහුගේ දෘෂ්ටිවාදී මිතුරන්ට පවා මෙය ගැරඩින්ට භුමිතෙල් බදු ප්‍රකාශයක් වුවත් තිත්ත ඇත්ත මේකයි.

-රත්තනදෙණියේ මේධානන්ද හිමි.
යුතුකම සංවාද කවය
www.yuthukama.com

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)
https://www.facebook.com/yuthukama