අපේ රජුන් රජ කරන්න

කදිරපුරේ නාගදීපෙ
බියක් හැකක් නැතිව හිතේ
පෙරළි පෙරළි බදුන් වැන්දෙ
සිත සුපහන් බෝසත් කැළ

උණවටුණට ගිය විලසම
පාසිකුඩා වලටත් ගිය
හොඳ පදමට විනෝදවුනු
අපේ ම සෝයුරන්ය උන්

සුරපුර වන් කොළොමිපුරේ
මන් තීරුවෙ ඇවිදන් යන
ටොයියන් බයියන් ඔක්කොම
අපේ සුහද මිතුරු කැළ ය

මරණ බියෙන් මුසුපත් වී
ඇවිදින මළ කඳන් වගේ
මුළු ගැන්වී සිටිය උන්ට
හුස්ම ගන්න ඉඩ සැළසුව

යුගය සැණින් කෙළවර කර
ඉගිලූනි කණකොකා යළිත්
හිවුඩු පිපෙන දුරුතු මහේ
අබාගයක් සළකුණු කර

විලාප දෙන දන රළ පෙළ
මැදමුලනට ගලා ගියේ
සිදු වු විපත යළි නිවැරදි
කරනා මඟ දැනං නොවෙි

දුක සැප කෙලෙසද විමසන
තමන් දන්න එකම රජුන්
මුහුණ බලා දෙපා වැළඳ
සිපගෙන හිත සනහ ගන්න

බුදුන් තුන් වරක් වැඩි රට
පින් බලයෙන් සපිරුණු බිම
අහසෙ පොළොවෙ ගස් වල වැසි
දෙවියෝ නිතියෙන සුරකින

නුගේගොඩින් අනුරපුරට
රුවන්පුරෙන් මහනුවරට
රැස්වුනු මහ සෙනඟ කැළට
යෝද බලය දුනි නිතියෙන

දාහත් වැනි දා උදයේ
මේ ජන ගඟ ගලනු නිසැක
ඔටුනු නොමැති අපේ රජුන්
යළි රජ කරවන්න බලං

ලස්ස පනස් අටේ සෙනඟ
දෙගුණ තෙගුණ වී ජන ගඟ
යුගයේ අසිරිය නිමවන
මාවත සාදා දෙනු ඇත

සුරකිනු වස් මුනිඳු සසුන
අපට උරුම යුතුකම ලෙද
බියෙන් සැකෙන් තොරවුනු රට
සාදා දෙනු ඇත එ නිරිඳු

-විශේෂඥ වෛද්‍ය වසන්ත දේවසිරි
යුතුකම සංවාද කවය
2015-08-14