5/08/2015

කාර් පැදීම

කතෘ:යුතුකම     5/08/2015   1 comment

දැන් නගරයේ ජීවත්වන මිනිස්සු බොහොමයකට කාර් ඇත. නමුත් මිනිස්සුන්ට කාර් ගැනීමේ ආර්ථික හැකියාව පෙරට වඩා වැඩිවී ඇත්දැයි සැක සහිතය. මන්ද පුංචි කාරයක් වුවත් මිලදී ගැනීමට ලීසිං එකක් දැමුවොත් එහි මාසික වාරිකය ගෙවීමට විශ්ව විද්‍යාල ගුරුවරයෙකුගේ පඩියෙන් භාගයක් පමණ වැය වෙන බැවිනි. දශක දෙකකට පමණ ඉහතදී කොළඹ නගරයේ ජීවත්වුනු මධ්‍යම පංතියේ මිනිස්සු පඩියෙන් එතරම් ප්‍රතිශතයක් වාහනයක් ගැනීම සඳහා යෙදවීමට තරම් එඩිතර(?) වූයේ යැයි මම නොසිතමි. දැන් කාර් ගැනීම සඳහා පෙරට වඩා සාමාජයීය පෙලඹවීමකුත් ලේසියෙන් ලීසිං ගැනීමට හැකියාවකුත් ඇති බව නම් පෙනේ. නගරයට එන කාර් ගණන වැඩිවී තිබුනත් බස්වල යන මිනිසුන්ගේ අඩුවක් වී නැති බවත් කිව යුතුය.

නමුත් මගේ උනන්දුව කාර් ගැනීම ගැන නොව කාර් පැදීම ගැනය. පෙර දිනක නගර මධ්‍යයේ මම ත්‍රී වීලයක් අමුණා ගතිමි. මගේ වාහනයට වූ හානිය සුළු වුවද සාපේක්‍ෂ වශයෙන් ත්‍රී රෝද රථයට වූ හානියට වඩා වැඩිය. ත්‍රී රෝද රථ රියදුරා දැන් මොකක්ද කෙරෙන්න ඕනේ යැයි මගෙන් විමසීය. ඇත්තටම ගතහොත් කිසියම් මාර්ග නීතියක් ඒ සිදුවීමට බලපානවාදැයි හරියටම කීමට නොහැකිය. නමුත් මගේ මතයට අනුව අනිත් රියදුරා සිය වාහනය පැදවූයේ චාරයක් නැතිවය. ඔහුගේ හැදියාව ගැන වාද කිරීමට මට පදනමක් නැතිවූ නිසා මම පාඩූ විඳගෙන යන්ට ගියෙමි. ඒ අවසාන වතාවට විය හැකිය.

මීට වසර විස්සකට පමණ පෙර කොළඹ නගරයේ වාහන තද බදයක් නොතිබිනි. නමුත් දැන් නිවසින් එලියට බැස්සොත් දවසෙන් වැඩි කාලයක් ගත කරන්නට සිදුවෙන්නේ මහ මගය. වාහන ප්‍රමාණය වැඩි වීම හැරුණු කොට වාහන තද බදයට දායකවන එක් වැදගත් කාරණයක් නම් රියදුරන්ගේ නො-හැදියාවය. නමුත් සියලු රියදුරන්ගේ හැදියාව එක හා සමාන නොවේ. උදාහරණයක් වශයෙන් සාමාන්‍යයෙන් උගත් යැයි සැලකෙන මිනිසුන් වැඩිපුර ගැවසෙන නැත්නම් එවැනි මිනිසුන් ජීවත්වන ප්‍රදේශ හරහා වැටී ඇති මර්ගවල රියැදුරන්ගේ හැදියාව අනිත් මාර්ගවල රියදුරන්ගේ හැදියාවට වඩා හොඳ බව පෙනේ. වාහන තදබදය වැඩියෙන්ම ඇත්තේ පාසල් සහ කාර්යාල ඇරෙන වැහෙන වේලාවලටය. වාහන තදබදය වැඩි වුවද උදේ හය හමාරට පමණ වාහනය පැදවීම එම මහා මාර්ගයේම දහවල් දොලහට පමණ පැදවීමට වඩා පහසු බවද මම අත්දැක ඇත්තෙමි. සමහරවිට උදේ හය හමාරට පදින රියදුරන්ගේ හැදියාව එම පාරේම දහවල් දොලහට පදින රියදුරන්ගේ හැදියාවට වඩා හොඳ නිසා විය හැකිය. හය හමාරේ රියදුරන් බහුතරයක් කාර්යාලවල සේවය කරන උගත් අය වීමත් දහවල් දොලහේ රියදුරන් බහුතරයක් රියදුරු කම රස්සාවට කරන සාපේක්‍ෂ වශයෙන් අඩු උගත් කමක් ඇති අයවීමත් ඊට හේතුවක් විය හැකිද?

පැහැදිලිවම මෙහි කථා කරන්නේ ගමේ උපාසක මහත්තයෙකුට තිබිය හැකි හැදියාවක් ගැන නොව උගත්කම හා බැඳූනූ හැදියාවකි. කාර් පැදවීමට එතරම් උගත් කමක් අවශ්‍ය නැත. නමුත් අනුන්ට කරදරයක් නැතිව වාහන පැදවීමට ඇති හැදියාව උගත්කම හා බැඳුනු එකකි. අනුන්ට කරදරයක් නොවී වාහන පැදවීමට හැකිවුනද උගතාට අර උපාසක මහත්තයාගේ හැදියාව නැතිවෙන්නට පුළුවන. ඒ වගේම උපාසක මහත්තයාගේ හැදියාව අනුන්ට කරදරයක් නොවී වාහන පැදවීමට උදව් නොවෙන්නටද පුළුවන.

කාර් පදවන හැදියාව අධ්‍යාපනයෙන් ලැබෙන්නේ කෙසේද?

බටහිර අධ්‍යාපනයෙන් කෙරෙන එක් වැදගත් කාර්යයක් නම් පුද්ගලයා සමාජයෙන් වෙන් කෙරීමය. එසේ වෙන් කෙරුනු පුද්ගලයාට පුද්ගල අයිතීන් ලබාදී අනිත් පුද්ගලයින්ගේ අයිතීන් උල්ලංඝනය නොවෙනසේ හැසිරීමට කියා දෙන්නේද ඒ අධ්‍යාපනයමය. භෞතිකමය වශයෙන් සැලකූවිට පුද්ගල අවකාශයද (පර්සනල් ස්පේස්) පුද්ගල අයිතියකි. කාර් පදවන හැදියාව තමන්ගේත් අනුන්ගේත් පුද්ගල අවකාශ වලට ගරු කිරීම හා සම්බන්ධය.

අපසමාජයේ කාරයක හිමි කරුවෙකු වීම මමත්වය වඩවන්නකි. කාරයේ සුක්කානම අතට ගත්විට කාරය මමත්වයේ දිගුවක් වෙයි. මිනිසුන් පංචි කාර් වලට වඩා ලොකු කාර් වලට කැමතිවීමට එයද හේතුවකි. කාරය පාරට දැමූවිට දැන් පාරේ සිටින්නේ කාර් නොව තමන්ගේ තරමට වඩා විශාල මිනිසුන් (බොහෝවිට පිරිමින්) පිරිසකි. එහිදී අවශ්‍ය වන්නේ ඒ ඒ අයගේ පුද්ගල අවකාශ ගරු කරමින් ගමන් කිරීමය. එසේ ගමන් කිරීමට බටහිර අධ්‍යාපනය හරහා පූරුදු කරවයි.

බුදු දහමින් පෝශණය වුනු අප සමාජයට අනෙක් මිනිසුන්ට පමණක් නොවේ සතා සිව්පාවන්ටත් පරිසරයටත් කරදරයක් නොවෙන සේ ජීවත්වීමට හැදියාවක් ඇත. ඒ හැදියාවට අනුව කාර් පැදීම උගතුන්ගේ පුද්ගල අවකාශයට ගරු කරමින් කාර් පැදීමට වඩා උසස් විය යුතුය. ප්‍රශ්ණය අපි කාර් පැදීම අපේ සංස්කෘතියට හරිහැටි අවශෝෂණය කරගෙන නොමැතිවීමය. එය හරිහැටි අවශෝෂණය කර ගත හැක්කේ උගතුන්ට නොව නූගතුන්ටය.

[පසුගිය ලිපි කිහිපයේ මෙන්ම මේ ලිපියේද මම උත්සාහ කරන්නේ මෙරට නාගරික සමාජය පිළිබඳව විවරණයක් කිරීමටය. එහි යම් විශේෂත්වයක් ඇත්නම් ඒ මා සතු මගේ පරණ කණ්නාඩියය. කාලයක් විදේශගතව සිටි මා මෙහි පදිංචියට පැමිණියේ ලඟදීය. තවමත් මගේ සංස්කෘතිය මීට දශක දෙකකට පමණ ඉහතදී ලංකාවේ පැවති නාගරික සංස්කෘතියය. මා වත්මන් සමාජයට අනුගතවෙත්ම ඒ පරණ කණ්නාඩිය මට අහිමවන බැවින් ඒ දැක්ම මෙහි ලියා තැබීමට සිත්විනි. ]

වංශපුර දේවගේ ජානක 
[මගේ රට]

යුතුකම සංවාද කවය
www.yuthukama.com

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

1 comment :

  1. I think the first think Janaka has to do is tell us what kind of car he drives.

    Because he accuses people of buying big cars to "show off".

    "අපසමාජයේ කාරයක හිමි කරුවෙකු වීම මමත්වය වඩවන්නකි. කාරයේ සුක්කානම අතට ගත්විට කාරය මමත්වයේ දිගුවක් වෙයි. මිනිසුන් පංචි කාර් වලට වඩා ලොකු කාර් වලට කැමතිවීමට එයද හේතුවකි."

    So, Janaka please tell us the what kind of car you drive. Is it a small car which you say shows no "මමත්වය", or a big car which you say shows "මමත්වය"??

    So, suppose there a person who earns 5,6 lacks a month. He can easily afford a big car like a BMW 5 series. Are you saying that just because somebody buys a big car he can afford, he is showing "මමත්වය", which you imply to be a negative quality??

    Does a person who earns 5,6 lacks a month have to buy a TATA Nano, because as Buddhist we must lead simple lives and hence should buy simple cars, even if we can afford to buy complex big cars??

    Does a middle class person who earns 2 lacks a month, assuming his wife also earns about 1.5 lacks a month, who can afford to buy Toyota Prius, should go for a Honda Fit small hatchback instead, because Buddhists should always lead simple lives, so that means buying "simple" (meaning small less sophisticated) cars?

    Should all Buddhists buy Maruti Altos or TATA Nano's because Buddhism requires you to live a "simple" life, even if they can afford to buy a bigger car?

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions