විල්පත්තුව අඬ ගසයි

විල්පත්තු රක්‍ෂිතය පිලිබඳ මේ දිනවල උණුසුම් පුවත් මැවෙමින් තිබේ. එහෙත් මේ පිළිබඳ රජයේ හෝ විපක්‍ෂයේ දේශාපාලකයින් හෝ නිලධාරීන් කිිසිදු ප්‍රකාශයක් නිකුත් කර නැත. කෙසේ වෙතත්, පැන නැගී තිබෙන තත්වය සත්‍ය බව මේ පිළිබඳ අපට ලැබෙන ආරංචිවලින් තහවුරු වේ. එහෙත්, පවතින තත්වය හමුවේ මේවා පිළිබඳ කතා කිරීම දෙයාකාරයකට කෙනෙකුට අර්ථ දැක්වීය හැකි ය. එකක් අප ජාතිවාදය අවුස්සන බව කියන්මින් ය. අනෙක 'මරාගේ වහලුන්' ආණ්ඩුව විවේචනය කරන බව පවසමින් ය. ඊට හේතුව මෙම ගැටළුව මුස්ලිම් ජාතික ඇමතිවරයෙකුගේ ආශිර්වාදය මත සිදුවන දෙයක් ලෙස සැලකෙන හෙයිනි. එය එසේ වූව ද අපි ඊට බිය නොවෙමු.

කිව යුත්ත කිව යුතු ය. කළ යුත්ත කල යුතු ය. මේ අප සැමගේ රට ය. ජාතිය හා ආගම වැදගත් නොවේ. වන විනාශය හා ඒ හරහා රටට අහිමි කරන ජාතික වන සම්පතට ජාති හා ආගම් සීමා නැත. මතුවන විපාක සියළු සීමාවලින් එහා ගොස් අප සැමට විඳින්නට සිදුවන බවට සාක්‍ෂි ද අවශ්‍ය නැත. පොර්ටි සිටි වැනි ව්‍යාපෘති වෙනුවෙන් දිවා රැ වෙහෙසුන පරිසර සංවිධාන හා පැයකට වරක් පුවත් ගෙනා රුපවාහිනි චැනල දැන් නිහඬ ඇයි? මේ දේශපාලන කුහකත්වය දරාගත නොහැකි තැනකට රැගෙන නොයා යුතු ය. නැගී ඇති තත්වය පිළිබඳ සොයා බලා වත්මන් රජය විසින් වහාම ප්‍රකාශයක් කළ යුතු ය.

-මහින්ද පතිරණ
යුතුකම සංවාද කවය
www.yuthukama.com 

--------------------------------------------- 
"නිවැරදිව හරවත්ව කියවන්න අපගේ ෆේස්බුක් පිටුව සමඟ එක්වන්න.
https://www.facebook.com/yuthukama
ෆේබුක් පිටුවට Like  කර එකතු වන්න "
---------------------------------------------