බළලා මල්ලෙන් එළියට ! දැන් ආචාර්ය නිර්මාල්ට තියෙන ප්‍රශ්නය අන්තරය ඔහුගේ යහපාලන ආණ්ඩුව රජකම් කරන කොට ශිෂ්‍ය සටන් කිරීම. හැබැයි මහින්ද ආණ්ඩු කරනකොට ඔවුුන් මොනම සටනක් කළත් ප්රශ්නයක් නෑ.ඒවා සුප්‍රබුද්ධ සටන්. කඳුළු ගෑස් බැටන් පොලු ගහනකම් බලාන ඉන්නේ ෆේස්බුක් එක අප්ඩේට් කරන්න. ඔබ දන්නවා මීට මාස කීහිපයකට ඉහත දී විශ්වවිද්‍යාල ආචාර්යවරුන්ගේ වැටුප් අරගලය තුළ මහත් කැප කිරීම් කළ කණ්ඩායමක් තමා අන්තරය. ඔවුන් මෙම අරගලයේ දී සිය ක්‍රියාකාරීන් දෙදෙනෙකු පවා අහිමි කරගත්තා කඩවත ප්‍රදේශයේ සිදු වූ හදිසි අනතුරකින්. 2012 සැප්තැම්බර් 30 වෙනිදා අන්තරේ කැඳවුම්කරු දිවයිනට මෙහෙම කියනවා:
"අපි දකිනවා මේක හුදු වැටුප් ප්රශ්නයක් මත නෙවෙයි කියන එක. වැටුප් ප්‍රශ්නය පවා විශ්වවිද්‍යාලවල අනාගතයට බලපානවා. මේ මොහොතේ ගත්තොත් මේ වැටුප් සඳහා පමණක්‌ මේ අරගලය දියත් වෙන්නේ නෑ."
ඇත්තට ම සටන දියත් වුණේ වැටුප වැඩිකර ගන්න. අනිත් කරුණු ගෙනාවේ සටනට කාටත් රස අයිසින් එකක් දාන්න. ඒ බව විටෙක අන්තරයත් දන්නවා. එහෙත් ඒ අවස්ථාවේ දී සංජීව බණ්ඩාර ආචාර්ය සම්මේලනයේ රෙදි කදිමට හෝදනවා. ප්‍රශ්න වන්නේ මෙහෙම ක‍ඩේ ගිය අන්තරය තමයි අද හිටපු ෆූටා සභාපති තැන රොමැන්තික මාර්ක්ස්වාදීන් කියල හෑල්ලුවට ලක් කරන්නේ. එහෙව් අන්තරේ සටන් තමා දැන් අපරිණත කියල කියන්නේ. දැන් පෙරටුගාමීන් අන්තරය මෙහෙයවූවාට අන්තරය තුළ ඉන්නේ එදත් හිටින සරසවි සිසු සිසුවියන්. ඔවුන්ගේ දේශපාලනය කවදත් එහෙමයි. ඒ නිසා තමන්ගේ වත්මන් පුද්ගලික දේශපාලන මතය අනුව දැන් අන්තරය දෙස මෙසේ බැලීම මොනතරම් කුහකත්වයක් ද? සිසුන් ආචාර්යවරුන් පිළිබඳ දැන් කෙසේ සිතනු ඇති ද? මේ ආණ්ඩුව පත් වුණු ගමන් අධ්‍යාපන අමාත්‍යාංශයෙන් චක්‍රලේඛයක් නිකුත් කළා පාසැල්වල දෙමාපියන්ගෙන් සල්ලි එකතු කිරිම නීත්‍යානුකුල කරල. මේක ෆූටා සටනට ගහපු දැවැන්ත පා පහරක්. ඒත් ෆූටා මීක් නෑ. ලෝකය ගැන ෆුකුයාමා කිව්වා වගේ ෆූටා ඉතිහාසය මේ ආණ්ඩුවෙන් අවසන්. ඒත් අන්තරය තමන්ගේ සටනේ දිගට ම ඉන්නවා. ඒත් එම අරගල හිටපු ෆූටා (දැන් ඉන්න අයටත් විටෙක) සභාපතිට අපරිනත ඒවා. විටෙක ඊළඟ වැටුප් සටන හෝ මහින්ද ආණ්ඩුවක් එනකං.
-මහින්ද පතිරණ
යුතුකම සංවාද කවය
www.yuthukama.com
0 comments :
ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .