7/23/2015

මෛත්‍රී ගුණ පිරි මහින්ද යුගයක්

කතෘ:යුතුකම     7/23/2015   2 comments

මේ රටේ බොහෝ පිරිසක් අන්තවාදීහු නොවෙති. ඔවුන්ට පක්ෂ පාට භේදයක් නැත. රටට යහපතක් වන්නේ කුමකින්ද රටේ අනාගතය ශක්තිමත් වන්නේ කුමකින්ද ඔව්හු ඒ වටා එක් රොක් වෙති.

ජාතියක් වශයෙන් අප දූෂණයෙන් තොර රටක්, සදාචාරවත් සමාජයක් පතන්නේ අද ඊයේ නොවේ. විජාතිකයෙකු වුවද එළාර රජුට අනුරාධපුර යුගයේදී ස්ථාවර ලෙස වසර 44ක් වැනි අති දීර්ඝ කාලයක් රජකම් කිරීමට ඉඩ ලැබෙන්නේ කෙසේද? මහාවංශයට අනුව ඔහු ඉතා ධර්මිෂ්ඨ රජ කෙනෙකි. නීතියට පිටින් කටයුතු කළ තම පුතුට පවා මරණ දඬුවම දීමට ඔහු නොපැකිලව ක්‍රියාත්මක වේ. ඒ අර්ථයෙන් ගතහොත් මෙරට මුලින්ම වචනයේ පරිසමාප්ත අර්ථයෙන්ම යහපාලනය ක්‍රියාත්මක කළ, නීති රීති අනුන් වෙත නොව තමන්වෙත බල පැවැත්වෙන ලෙසින් ක්‍රියාත්මක කළ පාලකයා එළාර රජතුමාය. එවන් රජෙකුට ඔහුගේ ජාතිය ආගම නොතකා වසර 44ක් අපව පාලනය කිරීමට අපි ඉඩ දී ඇත්තෙමු. බුද්ධ ශාසනයට වන හානිය නොවන්නට ඔහුව පළවා හැරීමේ කිසිඳු කරුණක් නොතිබිනි.

අප වටහාගත යුත්තේ එය අප ජාතිය සතු ලක්ෂණයක් ලෙසටය. එය දුර්වලකමක් ලෙස සළකා අවමන් කිරීමෙන් හෝ එම ගුණය පදනම් කරගෙන අපව ගොනාට අන්දවා තම තමන්ගේ බල වුවමනාවන් ඉටු කරගැනීමෙන් හෝ රටට වන යහපතක් නැත. රටක් ලෙස අපට ඉදිරි ගමනක් සහතික කළ හැක්කේ රට ජාතිය සම්බුද්ධ ශාසනය ආරක්ෂා කරන දුටුගැමුණු ප්‍රතිපත්තිය මෙන්ම වසර 44ක් රට පාලනය කිරීමට අවස්ථාව විවර කළ එළාර රජු සතු වූ යහපාලනය එකට සංකලනය කරන දේශපාලන පරිවර්ථනයක් වෙත රට මෙහෙයවීමෙනි.

බුද්ධ ශාසනයේ චිරස්ථිතිය සළකා එළාර පාලනය අවසන් කරන දුටුගැමුණු රජතුමා අනුගමනය කළ ප්‍රතිපත්තිය පිළිබඳව සංකේතාත්මකව මහාවංශය සඳහන් කරන්නේ, එතුමා එළාර රජුගේ සොහොනට පවා ගරු කරන ලෙස ජනතාවට නියෝග කළ බව පවසමිනි. ඉන් පැහැදිලි වන්නේ රුවන්වැලි මහා සෑය, ලෝවාමහාපාය වැනි මහා නිර්මාණ කරමින් බුදු දහම සුපෝශිත කළ දුටුගැමුණු රජ සමය එළාර රජුගේ යහපාලන අත්තිවාරම මත ගොඩනැගුනු බවයි.

දුටුගැමුණු රජ සමය අපගේ දෙදහස් පන්සිය වසක ඉතිහාසයේ ස්වර්ණමය යුගය ලෙස සනිටුහන් වන්නේත්, එතුමා ඉතිහාසයේ අසහාය නායකයා ලෙසින් සැමදා වැජඹෙන්නේත් එහෙයිනි. අපගේ ජාතිය එක් ධජයක් යට ඒකරාශී කිරීමටනම් රටේ සංවර්ධනය, ජාතික ආරක්ෂාව, ඒකීයත්වය සුරැකිය යුතුවාක් මෙන්ම ධාර්මික පාලනයක්ද රට තුළ ස්ථාපිත කළ යුතුය. අප එම යතාර්ථය තේරුම්ගත යුතුය.

තිස් අවුරුදු මිනීමරු ශාපයෙන් රට මුදවාගෙන වසර 600කට පසු රට එක්සේසත් කළ මහින්ද රාජපක්ෂ මහතා ගෙදර යන්නේ අපේ ජාතිය සතු මෙම ලක්ෂණය ක්‍රියාත්මක වීමේ ප්‍රතිඵලයක් ලෙසටය. මහින්ද රජය තුළ දූෂණය, නාස්තිය, වංචාව පැවතියේද? පැවතියෙනම් ඒ කවර ප්‍රමානයකටද වැනි ප්‍රශ්න විවාදසම්පන්න වුවද එතුමා ගෙදර යන්නේ අපේ ජාතිය සතු වසර දහස් ගනනක් පැරනි ලක්ෂණයක් උද්දීපනය වීමේ ප්‍රතිඵලයක් ලෙසටය. ඒ සමගම පැවසිය යුත්තේ මෙයට වසර 5කට පෙර වැඩි ඡන්ද දහ අට ලක්ෂයක අතිමහත් බහුතරයකින් එතුමා ජයග්‍රහනය කරන්නේ අපේ ජාතිය සතු අනෙක් ලක්ෂණය වන ජාතිකාභිමානය, දේශයේ, ශාසනයේ ආරක්ෂාව තහවුරු කරීම යන ලක්ෂණය ඉස්මතු වීමේ ප්‍රතිඵලයක් ලෙසටය.

වසර පහක් තුළ මේ ලක්ෂණයන් දෙකම ක්‍රියාත්මක වීමෙන් පෙන්නුම් කරන්නේ ඒ දෙකටම එක හා සමාන ශක්තියක් පවතින බවය. ඉන් එකක් හෝ අමතක කිරීමෙන් දේශපාලන වියවුලක් ඇති වීම නොවැලැක්විය හැකිය.

ඉදිරි මහ මැතිවරණයෙන් රටට ජයග්‍රහණයක් අත් කරගත හැක්කේ කෙතෙක් දුරට ජාතිය සතු මෙම ලක්ෂණයන් දෙකට තැනක් ලැබෙන දේශපාලන පරිවර්ථනයක් සිදුකරගත හැකිද යන කාරනය මතය. ඒ සඳහා ජනාධිපති මෛත්‍රීපාල සිරිසේන, හිටපු ජනාධිපති අගමැති අපේක්ෂක මහින්ද රාජපක්ෂ, අග්‍රාමාත්‍ය රනිල් වික්‍රමසිංහ යන අයගේ දේශපාලන භූමිකාව මෙනම ඔවුන් මුහුණදෙන අභියෝග පිළිබඳ තුළනාත්මක විවරණයක් කළ යුතුය.

පසුගිය ජනාධිපතිවරණයේදී මෛත්‍රීපාල සිරිසෙන මහතා ජයග්‍රහණය කරන්නේ යහපාලන ප්‍රතිපත්තීන් ක්‍රියාත්මක කිරීමට සපත කරමිනි. දූෂණයට, වංචාවට, නාස්තියට, හොරකමට, අවනීතියට තිතක් තැබීමට ජනතාවට අවශ්‍ය විය. ජාතිය සතු එම ලක්ෂණය ක්‍රියාත්මක වීමේ ප්‍රතිඵලයක් ලෙස ජයග්‍රහනය කරන එතුමා සහ ජනතාව අතර ඇති ගිවිසුම යහපාලනයයි. එම ගිවිසුම ක්‍රියාත්මක කිරීමට පසුගිය හයමාසය තුළ පැවති රජය කෙතෙක් දුරට සමර්ථ වීද යන්න මෛත්‍රීපාල මහතාගේ පාලනය මැන බලන මිනුම් දණ්ඩ වී ඇත.

නමුත් එම කරුණ සම්බන්ධයෙන් ජනතාවට සතුටු විය නොහැකි බව සාධාරණ වශයෙන් පිළිගත යුතුව ඇත. ඇමති තනතුරු 30කට සීමා කිරීමට පොරොන්දු වුවද එය ඉටුකිරීමට ඔවුහු අපොහොසත් වූහ. ව්‍යවස්ථා සංශෝධන සිදුකරගැනීම, පක්ෂ දෙක අතර බලය තුළනය කරගැනීම වැනි හේතු මුල් අවස්ථාවේදී ජනතාව පිලිගත්තේය. නමුත් 19 වැනි ව්‍යවස්ථා සංශෝධනය සම්මත වන්නේ කිසිඳු විරුද්ධවාදියෙකු නොමැතිව ඒකමතිකව මෙන්ය. එසේනම් ඇමති තනතුරු 30කට සීමා කර එය කරගැනීමට ඉඩක් නොතිබිනිද? එමෙන්ම 20වැනි සංශෝධනය සම්මත කිරීම පසෙකින් තබා පාර්ලිමේන්තුව විසුරුවා හැරියේ ඇයි? ඇමති තනතුරු දීම වැනි ක්‍රියා 20 වැනි සංශෝධනය සම්මත කරවාගැනීම ඉලක්කගත කර සිදු කළේනම්, පාර්ලිමේන්තුව විසුරවාහැරීමට තිබුනේ එය සම්මත කිරීමට සාධනීය උත්සාහයක් දැරීමෙන් අනතුරුවය.

අද වන විට වෙලේ සුදා අධිකරණයෙන් නිදොස් වී නිදහස් වීමට ඇත්තේ කාලය පිළිබඳ ප්‍රශ්නයක් පමනි. රටම හඳුනාගෙන සිටි කුඩු කාරයන් ලෙස නම්දරා සිටි දේශපාලන ප්‍රභලයන් අදත් කිසිඳු අපහසුවකින් තොරව නිදැල්ලේ සිටී. ඒ සියල්ල තිබියදී රේගු අධ්‍යක්ෂකවරයා තනතුර හැර යන්නේ යහපාලනය නිලධාරීන්ට නිදහසේ රාජකාරිය කිරීමට ඉඩ නොදෙන බවට ජීවමාන සාක්ෂියක් සපයමිනි. ගිය වසරේ ආනයනය කළ මුළු එතනෝල් ප්‍රමානය හා සමාන ප්‍රමානයක් මෙම රජය මගින් මේ හය මාසය තුළ මෙරටට ගෙන්වා ඇත.

මේ සියල්ල අමතක කළද පාර්ලිමේන්තුව විසුරවීම පිළිබඳව ජනාධිපතිවරයාගේ පැහැදිලිකිරීම අමතක කළ හැකිද? ඔහු නොකියා කියන්නේ මහබැංකු බැඳුම්කර වංචාවේ චූදිතයන් ආරක්ෂා කිරීමට පාර්ලිමේන්තුව විසුරුවාහැරීමට සිදුවූ බවයි. යහපාලනය නාමයෙන් බිහිවූ රජයකින් එවැන්නක් බලාපොරොත්තු විය යුතුද? යහපාලන රජය ගත් ඉහලම දේශපාලන තීන්දුව ගනු ලබන්නේ කෝටි 6000ක් පමන වන මෙරට ඉතිහාසයේ දැවැන්තම මූල්‍ය මංකොල්ලය සිදුකළ අපරාධකරුවන් ආරක්ෂා කිරීමටනම් තවදුරටත් ඉන් බලාපොරොත්තු විය හැකි යහපාලනය කුමක්ද? ජනතාව මෙම සිදුවීම තේරුම්ගත යුත්තේ ප්‍රජාතන්ත්‍රවාදයේ ඓතිහාසික ඛේදවාචකයක් ලෙස නොවෙයිනම් වෙන කුමන අයුරින්ද?

මා ඉහත විස්තරය සිදුකළේ මෛත්‍රීපාල සිරිසේන මහතා වටා ගොඩනැගී ඇති දේශපාලන අභියෝගය පිළිබඳ අවබෝධයක් ලබාගැනීමටයි. එතුමාතුළ යහපාලනය පිළිබඳ හැඟීමක් නැතැයි මම නොකියමි. නමුත් ඔහුට ක්‍රියාත්මක වීමේදී මුහුණ දීමට ඇති අභියෝග විසින් ඔහුව ජනතාව වෙතින් ඈත් කරමින් සිටියි. අප මෙය තේරුම්ගත යුත්තේ සිරිසේන ජනාධිපතිවරයා ජනතාව සමඟ එළඹි යහපාලන ගිවිසුමට වඩා එතුමා එම තනතුර තෙක් ඇදගෙන ගිය එතුමා වටා සිටින රනිල් වික්‍රමසිංහ ප්‍රමුඛ දේශපාලන හිතවතුන්ගේ බලපෑමට යටත්වීමට සිදුවූ අවස්ථාවක් ලෙසටය.

හිටපු ජනාධිපතිවරයාද ජනවාරි 8 පරාජයෙන් පසු ස්වයං විවේචනයක් සිදුකරමින් පවසන්නේ තමන්ට වැරදිකරුවන් ආරක්ෂා කිරීමට සිදුවූ බවයි. මාස හයක් ගතවීමට මත්තෙන් නව ජනාධිපතිවරයාද ඉතා බරපතල ලෙසින් එම අභියෝගය විසින් යටකර දමනු ලැබ ඇත. එසේනම් ජනතාව ගත යුතු තීරණය කුමක්ද? ජනාධිපතිවරයා සහ ඔහුගේ දේශපාලන හිතවතුන් අතර පවතින සම්බන්ධය කඩා බිඳ දමන තුරු ජාතියේ යහපාලන සිහිනය සාක්ෂාත් කරහැනීමට නොහැකිය. අනෙක් පැත්තෙන් ජනාධිපතිවරයා ශ්‍රී ලංකා නිදහස් පක්ෂයේ සභාපතිවරයා ලෙසින් ඇති බැඳියාවෙන් නිදහස් වන ලෙසටද එතුමාට බල කළ යුතුය. ඔහු ස්වාධීන පුද්ගලයෙක් වන තරමට ඔහුට ජනතාව සමඟ ඇති යහපාලන ගිවිසුම ක්‍රියාත්මක කිරීමට පහසු වනු ඇත.

එසේනම් යහපාලනයේ නාමයෙන් මෛත්‍රීපාල මහතා රනිල් වික්‍රමසිංහ ප්‍රමුඛ පිරිසෙන් ඉවත් කිරීමට රනිල් වික්‍රමසිංහ පරාජය කළහොත් සිදුවිය හැක්කේ කුමක්ද? එවිට නිතැතින්ම මහින්ද රාජපක්ෂ මහතා මෛත්‍රීපාල සිරිසේන මහතා යටතේ අගමැති තනතුරට පත්වී රජයක් පිහිටවනු ඇත. එවන් තත්ත්වයක් යටතේ යහපාලනයට කුමක් සිදු වේද යන බිය ඇතිවීම ස්වභාවිකය. මන්ද ගිය වර ජනතාව මහින්ද රාජපක්ෂ මහතාට එරෙහිව ඡන්දය භාවිතා කලේ ඔහු තුල යම් දුර්වලතාවක් දුටු බැවිනි. ඒ දුර්වලතාව යහපාලනය සම්බන්ධයෙන් එතුමා පෙන්වූ අසමත්කම ලෙස මම සිතමි. එසේනම් ඒ මහින්දම නැවතත් බලයට ගෙන ඒමෙන් යහපාලනයට කුමක් වේද යන්න සිතා බැලිය යුතුමය.

නමුත් මෙවර වෙනසක් වෙයි. ඔහු මෙවර බලයට පත් වන්නේ ජනාධිපතිවරයා ලෙසින් නොව අගමැතිවරයා ලෙසිනි. ජනාධිපති තනතුරේ සිට කළ පරණ සෙල්ලම් දැන් ඔහුට කළ නොහැකිය. ඔහුව අධීක්ෂනය කිරීමට ඊට ඉහලින් යහපාලනය වෙනුවෙන් ජනතාව සමඟ ගිවිසුමකට එළඹි මෛත්‍රීපාල සිරිසේන මහතා සිටී. මෙවර යහ පාලනය වල්මත් වූයේ මෛත්‍රීපාල මහතාටද තම හිතවත් රනිල් වික්‍රමසිංහ ප්‍රමුඛ පිරිසට වරදාන වරප්‍රසාද දී ඔවුන්ගේ හොරකම් යටපත් කිරීමට සිදුවූ බැවිනි. නමුත් මහින්ද සහ මෛත්‍රී අතර එවන් හිතවත්කමක් නැත. එබැවින් මහින්ද අගමැති වූ තත්ත්වයක් තුළ මෛත්‍රීපාල මහතාට වඩාත් ස්වාධීනව තම අභිමතය පරිදි කටයුතු කිරීමට හැකියාව ලැබෙනු ඇත. පක්ෂ සභාපතිකමෙන් ඉවත් වුවහොත් මැති ඇමතිවරුන්ගෙන්ද ස්වාධීනව කටයුතු කිරීමේ හැකියාව ලැබේ. ඔවුන් දෙදෙනා අතර පවතින දේශපාලන එදිරිවාදිකම රටේ යහපත වෙනුවෙන් භාවිතා කිරීමට ජනතාව සබුද්ධික විය යුතුය.

මෛත්‍රීපාල සිරිසේන මහතා යටතේ ජාතියේ එක් අපේක්ෂාවක් වන යහපාලනය එළෙසින් සුරක්ෂිත කළ හැකි අතර අනෙක් අපේක්ෂාවන් වන ජාතික ආරක්ෂාව, නිදහස, සාමය, සංවර්ධනය වැනි ඉලක්ක සපුරාගන්නේ කෙසේද?

ජාතික ආරක්ෂාව, භෞමික අඛන්ඩතාව, ඒකීයත්වය යන කරුණු සම්බන්ධයෙන් මහින්ද රාජපක්ෂ මහතා සිටින්නේ රනිල් වික්‍රමසිංහ මහතාට වඩා ගවු ගනනක් ඉදිරියෙන් යන්න අවිවාදිතය. එය ඔවුන් දෙදෙනාගේ දේශපාලන භාවිතාව තුළින් ඔප්පු වී හමාරය. රනිල් වික්‍රමසිංහ මහතා කොටි සංවිධානය සමඟ ගිවිසුම් ගසමින්, ඔවුන්ට වෙනම පාලන ප්‍රදේශ ලබා දෙමින් ක්‍රියාත්මක වන විට මහින්ද රාජපක්ෂ මහතා ඍජු ලෙස ත්‍රස්තවාදය අවසන් කර තිස් අවුරුදු යුද්ධයෙන් රට මුදා ගැනීමට සමත් විය. නමුත් පසුගිය මාස හය තුළදී නැවතත් විදේශයන්හි විසුරුනු කොටි සාමාජිකයන් සමඟ සාකච්ඡා පවත්වමින්, ඔවුන්ගේ වෙනම රටක් පිළිබඳ සිහිනය දේශපාලනික වශයෙන් ඉටුකරදීමට රනිල් වික්‍රමසිංහ රජය ක්‍රියාත්මක වෙමින් සිටියි. ඔහු අගමැති තනතුරේ කාර්යයන් ආරම්භ කරන්නේම උතුරු නැගෙනහිරට වෙනම ස්වයං පාලන බලතල ලබාදීමට තමන් සූදානම් බවට එන්ඩීටීවී ආයතනය වෙත සාකච්ඡාවක් ලබා දෙමිනි. පසුගියදා පැවති එජාප සම්මේලනයෙන් තම ඡන්ද සටන අරඹන්නේද උතුරු නැගෙනහිරට බලය බෙදා හැරීමට කැපවන බවට මැතිවරණ පොරොන්දුවක් දෙමිනි.

මහබැංකු බැඳුම්කර වංචාව හරහා ඔහු ප්‍රකට කළේ ජාතියේ එක් ප්‍රධාන අපේක්ෂාවක් වන එළාර රජ සමය තෙක් දිවයන යහපාලන සිහිනය යථාවත් කිරීමට ඔහු සූදානම් නැති බවයි. ඔහු එළිපිටම පෙන්වන බෙදුම්වාදී නැඹුරුව මගින් ප්‍රකට කරන්නේ ජාතියේ අනෙක් අපේක්ෂාව වන දුටුගැමුණු යුගය තෙක් දිවයන ඒකීයත්වය, භෞමික අඛන්ඩතාවය පිළිබඳ සිහිනය යථාවත් කිරීමටද ඔහු සූදානම් නොමැති බවයි. එසේනම් ඔහුට ඡන්දය දීමෙන් අප බලාපොරොත්තු විය යුත්තේ කුමක්ද? රටේ ආර්ථික සංවර්ධනයද?

මෙතෙක් කළක් පිළිගත් පොදු මතය වූයේ එජාප රජයක් ඇති විට රට සංවර්ධනය වන බවයි. නමුත් පසුගිය සමාසික රජය එම ආකල්පයද දෙපළු කර ඇට. මහින්ද සමයේ රට තුළ ක්‍රියාත්මක වූ සංවර්ධන ව්‍යාපෘති සියල්ලම පාහේ නතරවී ඇත. සේවකයන් ලක්ෂ ගනනකට රැකියා අහිමි වී ඇත. රජයේ ණය ගැනීම් වලද වැඩිවීමක් මිස අඩුවීමක් සිදුවී නැත. ණයට අරං කෑමේ ආර්ථිකයක් වෙත රට තල්ලු වී ඇට. කුමන චෝදනා එල්ල කළද මහින්ද රාජපක්ෂ මහතා 7.4% ක් ආර්ථික වර්ධනයක් පවත්වාගැනීමට සමත්ව ඇති බව අර්ජුන් මහේන්ද්‍රන් මහතාම ඉදිරිපත් කරන දත්ත අනුව පැහැදිලි වේ. රනිල් වික්‍රමසිංහ මහතා ඒ කරුනිනුත් අසාර්ථක වී ඇත.

එසේනම් පවතින දේශපාලන සන්ධර්භය තුළ රටට හිතැති රජයක් බිහි කළ හැක්කේ මහින්ද- මෛත්‍රී සුසංයෝගයෙන් බව පිළිගැනීමට සිදුවෙයි.

මේ අතර ජනතා විමුක්ති පෙරමුණ වැනි සුළු පක්ෂ පිළිබඳවද යමක් කිව යුතුය. තුන්වෙනි බලවේගයක් ලෙස මෙම වාමවාදි පක්ෂ ඉදිරියට ඒමට දරන උත්සාහයටද ප්‍රධාන පක්ෂ දෙක හා සමාන ඉතිහාසයක් ඇත. ජනතා විමුක්ති පෙරමුන 70 දශකයේ සිටම එම උත්සාහය දරමින් සිටියි. නමුත් ඉතිහාසයේ කිනම් කළකවත් ඔවුන් සාර්ථක වී නැත. පසුගිය සමයේ ජනතා විමුක්ති පෙරමුණට මන්ත්‍රී ආසන 39ක් ලබා දීමට මෙරට ජනතාව ක්‍රියාත්මක විය. එය සුළුපටු බලයක් නොවේ. නිසි පරිදි ජනතාවාදී ගමනක් ගියේනම් ඔවුන්ට අදවන විට ප්‍රධාන විපක්ෂය බවට පත්වීමට හැකිවිය යුතුව තිබිනි. නමුත් වල්මත් වී අවස්ථාවාදී දේශද්‍රෝහී තීන්දු තීරන මගින් එම 39 අතේ ඇඟිලි ගණනට අඩුකරගන්නේ ඔවුන් මිස අප නොවේ. මෙවරද උනුත් එකයි මුනුත් එකයි යන අවුරුදු 30ක් පමන පැරණි සටන් පාඨයට පණ පොවමින් බොරදියේ මාළු බෑමට ඔවුහු උත්සාහ දරමින් සිටිති. නමුත් ජනතාවගේ යහපාලන අපේක්ෂාව යථාවත් කිරීමට විධායක බලය අතින්ගත් සිරිසේන මහතා සිටී. ජාතික ආරක්ෂාව, සාමය සහ සංවර්ධනය පිළිබඳ සිහිනය යථාවත් කිරීමට මහින්ද රාජපක්ෂ මහතා සිටී. එසේනම් ජනතා විමුක්ති පෙරමුන බලය ඉල්ලන්නේ ජනතාවගේ කුමන අපේක්ෂාවක් සම්පූර්ණ කිරීමටද?

අවස්ථාවාදී ලෙස තම බඩවියත රැකගැනීමේ ඒකායන අරමුණින් කටුස්සන් මෙන් පැයෙන් පැයට ප්‍රතිපත්ති වෙනස් කරන චම්පක රනවක, බොදු බල සේනා වැනි සංවිධාන පිළිබඳව කුමන කතාද?

ඉතිහාසයේ විශිෂ්ඨතම දේශපාලන පදනම ගොඩනගාගැනීමේ අභිමුව රටම බලා සිටී. අවශ්‍ය වන්නේ ඡන්ද දායකයාගේ සබුද්ධික තීරණය පමනකි.

-විමුක්ති වනිගසේකර
යුතුකම සංවාද කවය
www.yuthukama.com

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

2 comments :

  1. ko oya kiyana dushana bhishana oppu karada?. dewal liyanna lehesi. karanna gihama threi apahasuthaawaya. cia/raw ajenda ekata nonami konda kelin thiyagena ratata wadak karapu mahinda mahaththayata abutha chodana karala panna gaththa. ewaa paw thamai adatath hetatath api gewanne. Ajan Brahm keewa wage wishaala thaapayak hadanawita gal kihipayak adawenna puluwan. namuth minisaata sanasuma thiyenne kelin athi gal diha balala sathutu unoth pamanai. mahinda mahaththaya wate dan ekathuwelaa inne samadaa ratata jaathiyata aadaraya karapu mathi amathiwaru. m3 me equation ekata genenna epa. ohu ace vairayen piri agnnaanawath drohiyek

    ReplyDelete
  2. ඉතිහාසයේ විශිෂ්ඨතම දේශපාලන පදනම ගොඩනගාගැනීමේ අභිමුව රටම බලා සිටී. අවශ්‍ය වන්නේ ඡන්ද දායකයාගේ සබුද්ධික තීරණය පමනකි.

    සම්පූර්ණයෙන් එකඟයි

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions