තමන්ට ඡන්දය දුන්නේ එන්රික් වැනි ගායකයින්ට පමණක් නොව, කැබරේ ඩාන්ස් සුනිල් පෙරේරා වැන්නන්ට පවා වශීවී බ්රෙසියරය මතු නොව සෙසු යට ඇඳුම් වුව උනාලීමට තරම් පරල වෙනසුළු දුබල පෞරුෂැති පිරිසක් විසින් බව ජනපති මෛත්රීපාල අමතක කොට ඇති සෙයකි. ඔහුගේ ප්රකාශය හමුවේ ඔහු ව පත් කිරීමට උල්පන්දම් දුන් බොහෝ පිරිස් දැන් කරකවා අතහැර දමා තිබීමෙන් ම ඒ බව පැහැදිළි වේ. මේ අතර, මේ ප්රකාශයත් සමග මෛත්රීපාල කඳවුර තුළ ස්වභාවික ව තිබුණු තරමටත් වඩා භයානක තරමේ අනන්යතා අර්බුදයක් හට ගැනීමට නියමිත අතර මේ හරහා රටට වන හානිය නම් මෛත්රි හා ඔහුගේ අනුගාමිකයින් තුළ අනවබෝධය පළල් වී රට කරවීම පිළිබඳ දෙපාර්ශවය ම තුළ ම අවිනිශ්චිතතාවන් ඇති වීම ය.
මේ තමා විසින් වැපිරූ ඵල නෙලන කාලය බව සිරිසේන මහතා සිහිකට යුතු ය. වයස පහළොව දාසයේ කෙල්ලන්ට ටියුෂන් පන්තිවල කුණුහරුප කියන අතරතුර මෙරට තිස් වසරක් තිස්සේ විනාශයට ඇද දැමූ ප්රභාකරන්ගේ ශුක්රාණු සොයමින් නන්දිකඩාල් පීනූ සන්නස්ගල, ලෝක පූජිත ජය ශ්රී මහා බෝධිය අසල අඩියක් ගැසීමට සිහින දකිමින් සිටින ඩබ්ලිව්. ජයසිරි හා එම මානසිකත්වයෙන් ම කල්ගෙවන රස්තියාදුකාර අලුත් පරපුර හා පුරවැසි බලය මතු නොව, මෙරට බෞද්ධ සංස්කෘතික පදනම නැතිකළ යුතු බව ප්රසිද්ධියේ කිවූ රෝසි සේනානායක වැන්නන්ගේ විනාශකාරී අදහස් ය ජනපති මෛත්රීපාලගේ මැතිවරණ වේදිකාව දෙසින් මුළු රටට ම මීට වසරකට පෙර ඇසුණේ හා තාමත් ඇසෙන්නේ. ජනපති ධුරයට පත්වීමෙන් ද සන්නස්ගලගේ පොත් එළිදැක්වීමකට සහභාගී වෙමින් මෛත්රීපාල විසින් කිය වූ ඔහුට ලියාදුන් පු# වැනි වචන ජනපතිවරයෙකු තබා සාමාන්ය පුරවැසියෙකු විසින් වුව ප්රසිද්ධියේ නොකියනසුළු ඒවා ය. ඒවාහි එක ම අරමුණ නම් මෙරට පුරවැසියාගේ අතින් සදාචාර මාලිමාව ඉවත දැම්මවීම ය. අපි දැන් මග නොමග නොදැන සදාචාර වංකගිරියක වසන්නෙමු. මෛත්රී ජයග්රහණය කොට ඇත.
ජනපතිවරයා හා ඔහුගේ අනුගාමිකයින් සැම විට ම කතාවෙන් හා ක්රියාවෙන් රටට පෙන්වා දුන්නේ තමන් මෙරට වටිනාකම් පද්ධතිය තඹ දොයිතුවකට මායිම් නොකරන බව ය. ජනපති මෛත්රීපාල විසින් කිවූ මහින්ද විසින් එන්ගලන්තයෙන් ගෙනා රත්තරන් අශ්වයින් හා හෙලිකොප්ටර් වැනි නීලකාස කෙබර මෙරට ජනයාගේ බොරුකීම පිළිබඳ යම් විළිබියක් තිබුණේ නම් එය ද නැතිකර දැම්මේ ය. මේ අතර, දේශපාලන එදිරිවාදිකම වෙනුවෙන් සිය මිතුරා හා නායකයාට එරෙහිව කුමන්ත්රණය කිරීම හා පසුව පාවාදීම තුළින් ඒවාට සුජාතබවක් දීම මෙන් ම කළගුණ සැලකීම වැනි මහාර්ඝ ගුණාංග පිළිබඳ ජනතා විස්වාසය අවුල් කිරීම ද මෛත්රීපාල කඳවුර විසින් ගත් ස්වයංවිනාශකාරි.පියවරයන් ය.ඉදින්, එවැනි දෘෂ්ටිවාදයක් දේශපාලනික ඔළුගෙඩි ප්රමාණයෙන් ජයග්රහණය කොට තිබෙන අවස්ථාවක දුබල කෙල්ලක උම්මත්ක ව සිය යට ඇඳුම් ඉණිම කැලණි පාලමෙන් ගලා ගිය පොල් ලෙල්ලක් වැනි ය.
ඇත්ත වශයෙන් ම මේ තරුණිය විසින් සිය බ්රෙසියර ගලවා විසි කළේ එන්රික් වෙත නොව ජනපති මෛත්රීපාල වෙත ය. ඒ හරහා මෙම තරුණිය විසින් සංකේතාත්මක ව පෙන්වා දුන්නේ යහපාලය යටතේ අප ජයග්රහණය කළේ මේ කාමවාදය බව ය. එනම් රනිල්-මෛත්රී දේශපාලන භාවිතයේ තාර්කික අවසානය මෙය බව තරුණිය මොනවට පෙන්වා දුන්නේ ය. එය ස්වභාවික ය. අපට තේරුම්ගත නොහැක්කේ මේ පිළිබඳ ජනපතිවරයාගේ උදහස් වීම ය.
- ජේෂ්ඨ කතිකාචාර්ය මහින්ද පතිරණ >>
යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama
https://www.facebook.com/yuthukama
විල්පත්තු රක්ෂිතය විනාශ කරන බදියුඩීන් කියන හම්බයගෙ වැඩ නවත්තලා ඒ වගෙ උන්ව හිරේ දාන්න බැරි පරිසර ඇමතිකම හොබවන සිරිසේන කෙල්ලෙක්ගෙ තනපටයට කලබල වෙන්නෙ මොකටද? 8 පාස් වෙලා දේශපාලනේට ඇවිත් රටක් පාවාදෙන මේ වගේ එකෙක්ට රටක් පාලනය කරන්න පුලුවන්ද? තිස්ස අත්තනායක කියපු කොටිය එක්ක තිබ්බ ගිවිසුමෙන් දැන් 90% කටවඩා දැන් ඉටුකරල නේද?
ReplyDeleteUncivil people. Still these MR buggers don't understand what happened on Jan 8 2015. Still they are completely shell-shocked. Not willing to respect the vote of their fellow countrymen. Telling people that their fellow countrymen are inferior in intellect and was deceived by the CIA and RAW. How can these countries develop when there is no mutual respect among people??? How???
ReplyDelete