12/09/2015

රනිල්ගේ හොර පොලිසිය

කතෘ:යුතුකම     12/09/2015   1 comment

2015 ජූලි මස රනිල්ගේ බෑණනුවන් වන වත්මන් ආරක්ෂක නියෝජ්‍ය ඇමති තැන්පත් රුවන් විජයවර්ධන මැතිදුන්ට අයත් විජය පුවත්පත් සමාගමෙන් පළවන ඩේලි මිරර් ඉංගිරිසි පුවත්පතේ පහත ප්‍රවෘත්තිය පළවිය.
FCID to be legalised -Ranil

ඒ වන විට මහ මැතිවරණයට පෙර ශ්‍රිලනිපයේ මහින්ද පෙරමුණෙන් නැගුනු ප්‍රධානම චෝදනාවක් නම් යහපාලන ආණ්ඩුව තම දේශපාලන විරුද්ධවාදී දඩයම් කිරීමට යොදා ගත් FCID නම් පොලිස් ඒකකය නීත්‍යානුකූල නොවන බවය. ඊට ප්‍රතිචාර ලෙස රනිල් එජාපයේ විශේෂ සමුළුවක් අමතමින් ප්‍රකාශ කළේ මහ මැතිවරණයෙන් පසු FCID එක නිත්‍යානුකූල කරන බවය. එනම් ඒ වන විටත්
FCID එක නිත්‍යානුකූල නොවූ බව ඔහු පිළිගත්තේය. තත්වය එසේ නම් විමල් වීරවංශ, උදය ගම්මන්පිල, ප්‍රසන්න රණතුංග වැනි අයගෙන් ප්‍රශ්න කිරීමට සහ බැසිල් රාජපක්ෂ අත්අඩංගුවට ගැනීමට මේ නිත්‍යානුකූල නොවන හොර පොලිසියට එකල තිබූ වලංගුභාවය ගැන ප්‍රශ්නයක් උපදී.

කෙසේ වෙතත් මහ ඡන්දය අවසන් වී ඇතත් තවමත් රනිල් තමන් යටතේ පාලනය වෙන නම් ගෙස්ටාපෝ වර්ගයේ FCID පොලිසිය නිත්‍යානුකූල කරන පාටක් නැත. එනම් එය තවමත් නීත්‍යානුකූල නොවන හොර පොලිසියකි. එහි නවතම බිල්ල යහපාලන ආණ්ඩුවේ බැදුම්කර වංචාවට විරුද්ධව ප්‍රබල හඩක් නැගූ ආචාර්ය නාලක ගොඩහේවාය. ඔහු පසුගිය දිනවල මේ ආණ්ඩුවේ අයවැයටද ප්‍රබල විවේචනයක් එල්ල කරේය. ප්‍රතිපලය ඔහු FCID එක මගින් හිරබාරයට පත්වීමය.

යහපාලන බබාලා තවමත් හිතාගෙන සිටින්නේ රනිල් හාමුගේ FCID එකෙන් රාජපක්ෂවරුන්ගෙ හොරකං අල්ලන බවය. ප්‍රශ්නය ඒ හොරකං අල්ලන පොලිසිය රනිල්ගේ හොර පොලිසියක් වීමය. හොර පොලිසියකින් හොරු ඇල්ලීමද විනෝද ජනක වැඩකි.

-දර්ශන කස්තුරිරත්න
යුතුකම සංවාද කවය
www.yuthukama.com

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama

,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

1 comment :

  1. ලාංකික දේශපාලනයේ වර්තමාන "රනිල් හැසිරීම" සහ හින්දි චිත්‍රපට සටන් ජවනිකා

    හින්දි චිත්‍රපටවල සටන් ජවනිකාවල චිත්‍රපටයේ ප්‍රේක්ෂකයාගේ ආකර්ෂණය දිනාගත් චරිතය මුලින්ම සතුරාගෙන් හොඳ හැටි ගුටිකනු ලබයි. ප්‍රේක්ෂකයාට ආසනයෙන් නැගිට ගොස් සතුරාට ප්‍රතිප්‍රහාර දීමට තරම් සිතෙනතුරු මෙය සිදුවනු ලබයි. එක්වනම පන ලබන වීරයා සතුරාට එක දිගට පහර දීමට පටන් ගන්නා විට ප්‍රේක්ෂකයාගෙන් ඔල්වරසන් සහ "චියර්" එක ලැබෙන්නේ එවිටයි.
    රනිල් සිදු කරමින් ඉන්නේ තමන් නියෝජනය කරන බටහිර නවලිබරල් ආර්ථික ආධිපත්‍යයේ නියෝජිතයින්ගේ වීරයා වෙමින් එම අධිරාජ්‍යවාදී ප්‍රේක්ෂක සමූහයාගේ පොදු සතුරාවූ ජාතිකවාදී වූද සමාජප්‍රජාතාන්ත්‍රිකවූද මහින්ද සහ එම කන්ඩායමට අතිනාටකීය ලෙස ප්‍රතිප්‍රහාර දීම මගින් පහුගිය වකවානුවේ සිදුවූ ජාතිකවාදී සහ සමාජයීය යහපත පිනිස වෙළඳපල පාලනය කිරීම මෙන්ම ත්‍රස්ත විරෝධී ක්‍රියාදාමයන් හමුවේ පීඩාවට පත්ව සිටි බටහිර අධිරාජ්‍යගැති මානසිකත්වයෙන් හෙබි කොළඹ ලුම්පන් පැලැන්තිය සහ එන්ජීඕ ප්‍රේක්ෂකයින්ගේ "චියර් එක" දිනාගැනීමේ බෛාළඳ ක්‍රියාවෙහිය. එහිදී ඔහුට සිතෙන්නේ ප්‍රතිප්‍රහාරය අතිනාටකීය වන්නට වන්නට විසුළු සහගත වන්නට වන්නට චියර් එකද බලවත් වන බවයි. හින්දි සිනමාවේ නම් මෙවන් අතිනාටකීය සහ විසුලු රංගනයකට ප්‍රසිද්ධම පුද්ගලයා සල්මාන් ඛාන් ය. ඒ අන්දමින් බලනවිට රනිල් මේ රඟපාමින් සිටින්නේ දේශපාලන සල්මාන් චරිතය ඇර වෙන එකක් නොවේ.

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

කිණිහිරය

හීන් සැරය

කෙටි සටහන්

මාධ්‍ය ගබඩාව

ප්‍රවර්ග

1505 2015 BBS NGO Theory අනගාරික ධර්මපාල අනුර කුමාර අමරසේකර ආචාර්ය දයාන් ජයතිලක ආමන්ඩ් ද සූසා ඉන්දු ලංකා ඊළාම් ඊළාම්වාදී එජාප කවි කවි විචාර කාලය කෙටි කතා ගම්මන්පිල ගැමුණු චම්පික චිත්‍රපට විචාර චින්තනය ජනපතිවරණය ජනාධිපතිවරණය ජයග්‍රහණය ජවිපෙ ජාතික බලවේග ජාතිකවාදය ජාතිය ජිනීවා තිස්‌ස තී‍්‍ර රෝද රථ ත්‍රීකුණාමලයේ ආනන්ද දකුණු අප‍්‍රිකානු දහතුන දේශපාලන නසරිස්‌තානය නිදහස නෝනිස් පොත් ප්‍රකාශකයන් පොදු අපේක්‍ෂයා බම්බුව බලු කතා බුදු දහම බෙංගමුවේ නාලක බෙදුම්වාදය බෙදුම්වාදී බෞද්ධයා භාෂාව මරක්කල මහ නාහිමි මහින්ද මහින්ද රනිල් මානව හිමිකම් මුස්‌ලිම් මෛත්‍රිපාල යටත්විජිතකරණය රණ විරුවා රනිල් වික්‍රමසිංහ රන් කරඬුව රාජතාන්ත්‍රික රාජපක්‍ෂ ලේකම් වහාබ් විජේවීර විධායක බලය විමුක්ති වනිගසේකර වෙනස සැපද සංගීතය සජින් සමාජ විචාර සරච්චන්ද්‍ර සාහිත්‍ය හා විචාර සිංහල සිංහල බුද්ධාගම සීපා ස්වර්ණ පුස්තක හෙළ උරුමය

පාඨක අදහස්

© 2014 www.yuthukama.com