3/06/2015

ශ්‍රිලනිපය, ජාතිකවාදය හා නව අභියෝග

කතෘ:යුතුකම     3/06/2015   3 comments

ජාතිකවාදය හා ජාතිවාදය අතර වෙනස ඇත්තේ ‘ක’ යන්නක පමණ ද? බොහෝ සිංහලෙන් හෝ දෙමළෙන් පමණක් කියවන අයට නම් එය එසේ ය. එහෙත් ඉංග්‍රීසි බසෙහි ඉහත සංකල්ප දෙක වෙන් වෙන් ව හඳුනා ගැනීම සඳහා වෙන ම වචන දෙකක් ඇත. එනම් ජාතිකවාදය යන්න Nationalism ලෙසත් ජාතිවාදය යන්න Racism ‍ලෙසත් ය. රනිල් වික්‍රමසිංහ මෙම වචන දෙකෙහි අරුත හොඳ හැටි දනිතත් ඔහු එය සිය අනුගාමිකයින්ගෙන් සඟවන්නේ ඔවුන් තමන්ගෙන් බිඳී යැතැයි යන බිය නිසා ය. සිංහලෙන් පමණක් කියවන ලංකාවේ ලිබරල් යැයි කියා ගන්නා පිරිස් හා මාධ්‍ය ද ඇත්ත වශයෙන් ම ජාතිකවාදය හා ජාතිවාදය පිළිබඳ සිතන්නේ ‘ක’ යන්නකින් පමණක් වෙන්ව තිබුණ ද එකම අන්තර්ගතයක් සහිත සංකල්ප දෙකක් ලෙස ය. අදාළ සංකල්ප දෙක අතර වෙනස තේරුම් ගන්නා විට සිංහලෙන් පමණක් සිතීම මෙම භයානක වැරදි අවබෝධයට තිබෙන ප්‍රධානතම සාධකය බව මේ අනුව කිව යුතු ය. පසුගිය දා අගමැති රනිල් වික්‍රමසිංහ ‘ජාතිවාදය’ අවුස්සන බවට ප්‍රකාශ කරමින් මුද්‍රිත මාධ්‍යයට පහර ගැසූයේ ද, ජාතිකවාදය හා ජාතිවාදය අතර වෙනස නොදන්නා තම පාක්‍ෂිකයින් ‘චූන්’ කරන්නට හා මහින්ද වටා ගොනු වී සිටින ජාතිකවාදී පිරිස් ජාතිවාදීන් (racist) ලෙස හංවඩු ගසා පැත්තකින් තබන්නට ය. රනිල්ගේ ප්‍රකාශය අනුමත කළ ඔහුගේ ම අනුගාමිකයින් පිළිබඳ රනිල්ට ම දුක හිතෙන්නට ද ඇත.

ජාතිකවාදය යනු අනෙකක් නොව කෙනෙකුගේ අන් සියළු වෙනස්කම් (ජනවර්ගය, ආගම, කුලය වැනි) පසෙකින් තබා තමා ජීවත් වන ජාතික රාජ්‍ය සමග අනන්‍ය වීම හා එය නැංවීම සඳහා පෙනී සිටීමයි. මෙහි දී තම ජනවර්ගය උදෙසා ම වෙන් වූ අභිලාෂ (නිජබිම් හෝ ප්‍රදේශ) පිළිබඳ තැකීමක් ජාතිකවාදියාට නැත. ඔහුට සුළුතර බහුතර යනාදී මානසිකත‍්වයක් ද නැත. ලංකාවේ සිටි අග්‍රගන්‍යතම විදේශ ඇමතිවරයෙකු වූ ලක්‍ෂමන් කදිරගාමර් ජාතිකවාදියෙකි. එමෙන් ම තරුණ දේශපාලඥයෙකු වන මොහොමඩ් මුසම්මිල් ද ජාතිකවාදයෙකු ලෙස සැලකිය හැකි ය. ඔවුන් තම ආගම් හා ජනවර්ගවලට ඔබ්බෙන් සිතීමට හැකියාම තිබූ හා තිබෙන වුන් ය.

ඇත්ත වශයෙන් ම ලොව බොහෝ රටවල් සංවර්ධනයේ ඉනි මං නැග්ගේ ජාතිකවාදය ඔස්සේ ය. ඇමරිකාව හා බ්‍රිතාන්‍ය වැනි රටවල් සිය ක්‍රියාමාර්ග සැලසුම් කරන්නේ ක්‍රියාවට නංවන්නේ ජාතිකවාදී දැක්මකිනි. මෑත ඇමරිකානු ඉතිහාසය ගතහොත් සැප්තැම්බර් 11 ප්‍රහාරයෙන් පසු ඇමරිකාව හා බ්‍රිතාන්‍ය විසින් ඇෆ්ගනිස්ථානය හා ඉරාකය වැනි රටවල් ආක්‍රමණය කරන්නේ එම රටවල් තම ජාතික අභිලාෂ වලට, විශේෂයෙන් ම ඇන්ග්ලෝ-සැක්සන් වටිනාකම්වලට අභියෝගයක් වූ නිසා ය. එපමණක් නොව වර්තමානයේ ඇමරිකාව වැනි රටවල් වෙනත් රටවලට අත පොවමින් කරන්නේ ඇමරිකානු ජාතික ඉලක්කයන් වෙත යන ගමනට බාධා කරන පුද්ගලයින් හා සංවිධාන ඉන් ඉවත් කිරීමට කටයුතු කිරීම ය. ලංකාවෙන් මහින්ද ඉවත් කරන්නට ඇමරිකාවට අවශ්‍ය වන්නේ මහින්ද ඇමරිකාවට පක්‍ෂපාතී ප්‍රතිපත්තියක් අනුගමනය නො කිරීම නිසා ය. ඇමරිකාව ලොව පුරා තවත් මෙවැනි බොහෝ මෙහෙයුම් සිදු කොට ඇත. මෙම කරුණ ඉතා දීර්ඝ වශයෙන් අප අපගේ ‘විකිලීක්ස් හෝරාව’ කෘතිය හරහා සාකච්ඡා කොට තිබේ. කෙසේ වෙතත්, මේ සියල්ලෙන් ම පෙනී යන්නේ ඇමරිකාව තම ව්‍යාපෘථිය තුළ අතිශයින් ම ජාතිකවාදී වූ බව ය. සෙසු බටහිර රටවල් ද එසේ ය.

එහෙත් අවාසනාව වන්නේ, ඇමරිකාව වැනි රටවල් ස්වකීය ජාතිකවාදී ඉලක්ක වෙනුවෙන් කරන අනවරත අරගලයට උල්පන්දම් දීමට අප වැනි රටවල ඇතැම් පිරිස් නොමිළයේ ඉදිරිපත් වීමයි. එසේ කොට ඒ වෙනුවෙන් ආඩම්බර වීමට ද හැකි ශ්‍රී ලාංකික පිරිස් අප වැනි රටවල සිටීම ඇමරිකානු ජාතිකවාදී ව්‍යාපෘථියේ සාර්ථකත්වය මොනවට පැහැදිළි කරයි. ලංකාවේ වෙනස කළේ තමන් බව ජෝන් කෙරී කියන විට ඇතැම් ලාංකිකයෝ අත් පොළසන් දුන්හ. අප රටට මෙම ඉරණම අත් වූයේ කෙසේ ද? මේ අපේ මිනිසුන්ගේ තමා හඳුනා ‍නොගැනීම පිළිබඳ උග්‍ර ප්‍රශ්නයකි. ජාතික වශයෙන් අනාත මෙවන් පිරිස් මෑති ඉතිහාසයේ ලංකාව තුළ නිෂ්පාදනය කොට බෙදා හැරියේ ජේ ආර්ගේ සිට (ප්‍රේමදාස හැර) රනිල් දක්වා වූ එක්සත් ජාතික පක්‍ෂ නායකත්වයයි. මීට එරෙහි ව ක්‍රියාත්මක වන්නට සජිත් ප්‍රේමදාසට ඕනෑකම තිබුණ ද ඔහුට ශක්තිය නැත. චන්ද්‍රිකා විසින් ශ්‍රි ලංකා නිදහස් පක්‍ෂය තුළ ද මෙවැනි ම පිරිසක් නිර්මානය කළ ද මහින්ද රාජපක්‍ෂ විසින් ඔවුන් තාවකාලික ව පුනරුත්ථාපනය කොට නැවත භාවිතයට ගනු ලැබිණි. පුනරුත්ථාපනයට අකමැති වූ මංගල වැනි අය සිය චන්ද්‍රිකානුරාගය එජාපය තුළ සොයා ගත්හ.

ජනවාරි 08 දින ශ්‍රීලනිපයෙන් මහින්ද සාධකය ගැලවුණු පසු එය නැවත ගොස් හේත්තු වූයේ චන්ද්‍රිකාගේ කොටි ගැති, බටහිර ගැති තවලම් චින්තනයට ය. දේශපාලනික ව වෙනස් වූව ද මහින්ද නැති ශ්‍රිලනිපය මූලික (fundamental) වශයෙන් එජාපයෙන් වෙනස් වන්නේ නැත. මේ වන විට එජාපය සමග එකගෙයි කෑම සඳහා ජාතික ආණ්ඩු සැදීමට යෑම ම මීට කදිම නිදසුනකි. ශ්‍රිලනිපයෙන් ජාතිකවාදය ගැලවීම රටට භයානක බව සිහිකට යුතු ය. ශ්‍රිලනියේ තවලම්-සුදුනෙළුම් චින්තනයේ රඟ ඒ දිනවල චන්ද්‍රිකා විසින් උතුර හා නැගෙනහිර දෙපළාත ම සුනාමි සහන මණ්ඩලය හරහා වසර 10 කට කොටින්ට සින්නක්කර ලබා දීමට කළ උත්සාහයෙන් පැහැදිළි වේ. මහින්දගේ ජාතිකවාදයෙන් මිදුණු ශ්‍රිලනිපය දැන් නැවත එන්නේ එකී විජාතික කොඩිය අතැතිව ය. මහින්දගේ ජාතිකවාදය තුළ, වසර 30 යුද්ධයේ උරුමයෙන් ලද සමාජීය ඛාදනය හේතුකොට ගෙන ඇති වූ ඇතැම් ක්‍ෂුද්‍ර මට්ටමේ අඩුපාඩු තිබුණ ද සාර්ව වශයෙන් ගත් කළ එය ජාතිය ගොඩ නැගීම සඳහා වන එක ම ව්‍යාපෘතිය බව අප අවබෝධ කටයුතු ය. එහෙත් ශ්‍රිලනිපයේ වත්මන් ක්‍රියාකාරිත්වය අපට පෙන්වන්නේ අසුබ ලකුණු ය. මෙය බැරෑරුම් තත්වයක් ලෙස සලකා වැඩ නොකළහොත් රටට ද ජාතියට අත්වන ඉරණම පිරිමැසිය නොහැකි තරම් වනු ඇත.

මහින්ද පතිරණ
කතිකාචාර්‍ය - සබරගමුව විශ්ව විද්‍යාලය
යුතුකම සංවාද කවය
www.yuthukama.com

නිවැරදිව හරවත්ව කියවන්න අපගේ ෆේස්බුක් පිටුව සමඟ එක්වන්න. https://www.facebook.com/yuthukama

, , ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

3 comments :

  1. සුනන්ද3/06/2015 1:44 PM

    අනගි විග්‍රහයක්

    ReplyDelete
  2. This comment has been removed by the author.

    ReplyDelete
    Replies

    1. This is a great article. This should circulate among wider readership. Usually nationalists in our country are falsely and sometimes criminally branded as racists! In some "professors" like Nirmal ranjith, Desmond Mallikarachchi I could see this tendency. The latter had compared ex Ukrainian president Yakukovitch with ex president Mahinda Rajapaka and said that both plundered the countries economy. This Marxist can be very satisfied when John Kerry says that they ousted Mahinda Rajapaksa. This so-called communist didn't know or didn't want to know that Ukrainian president was ousted by a coup d'état masterminded by the U.S.! Patricia Nuland declared that they had spent $5 billion for this purpose! So-called anti-imperialists are finally licking boots of imperialists! They are anti-nationalist and pro-imperialist. Many have forgotten the fact that FUTA paid salaries to all striking lecturers during its "Arab Spring" type agitation against the former government. Nobody questioned from where that money came! Today a so-called Marxist or Trotkyst can easily be pro-imperialist and anti-nationalist than being socialist. JVP role exposes this tendency very well. Anura Kumara is very content to attack Moscow and Beijing while worshiping the west.


      Sent from my iPad

      Delete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions