හයිබ්‍රිඩ් උසාවිය රටේ ස්‌වෛරීත්වයට හානියක්...

විදෙස්‌ විනිසුරුවන්ගෙන් සමන්විත හයිබ්‍රිඩ් උසාවිය රටක ස්‌වෛරීත්වයට විරුද්ධ එකක්‌
- ආචාර්ය දයාන් ජයතිලක

•විදෙස්‌ විනිශ්චයකාරවරුන් වෙනත් රටවල කටයුතු කළේ යටත් විජිත සමයේ. ස්‌වාධීන රටවල විදෙස්‌ විනිශ්චයකාරවරුන් කටයුතු කරන්නේ නැහැ.

•එවැනි අධිකරණයක්‌ පසුගිය සමයේ පැවතියේ කාම්බෝජයේ තිබුනා. එහෙත් එහිදී විභාග කළේ පරාජිත සමූලඝාතන හමුදාවක්‌ වූ පොල්පොට්‌ගේ රතු කෙමරූඡ් ගරිල්ලා ව්‍යාපාරයේ ඝාතන ගැන.

•මෙරට රජය විසින් යුද අපරාධ කළ බව සාමකාමී රටක සිටින අප ගැන පරණ තුවාල පෑරීමට ජාත්‍යන්තර උසාවියක්‌ ගෙන ඒමට ඔවුන් කටයුතු කරමින් සිටිනවා. මෙම සෙල්ලම තේරුම් ගත යුතුයි.

•සෙයිඩ් අල් හුසෙන් ලංකාවේ ගෙල සිඳින්න ඕනෑ යෑයි කියද්දී ඇමෙරිකාව නෑ නෑ ගෙල සිඳින්න නොව බඩ කපාගන්න කියනව.

•විදේශ ඇමැති මංගල සමරවීර මහතා ජිනීවා වල පසුගියදා කළ කථාවේදී අලුත් උසාවි පිහිටුවන්න, අලුත් නිලධාරියෝ පත් කරන්න අප අපරාධ යුක්‌තිය සම්බන්ධයෙන් අලුත් නීති ගෙන ඒමට සූදානම් බව කියා සිටියා. මේ අලුත් නීති කුමකටද?

•අපගේ පවතින නීතියට නොහැකිවන්නේ විදේශිකයන් සම්බන්ධ කරගත් උසාවි පිහිටුවන එක.

•මෙම නව නීති ගෙන එන්නේ එක්‌සත් ජාතීන්ගේ මානව හිමිකම් කොමිසමට අවශ්‍ය දේ ඉටු කර දීමටයි.

•ත්‍රස්‌තවාදය වැළැක්‌වීමේ පනත අහෝසි කරන බව මංගල සමරවීර මහතා එම කථාවේදී ප්‍රකාශ කර තිබෙනවා.
•හයිබ්‍රිඩ් උසාවියකට වෙස්‌මුහුණක්‌ දමා දේශීය පරීක්‍ෂණ යාන්ත්‍රණය කියා ඇමරිකාවත් සමග එක්‌වී යෝජනාවක්‌ සම්මත කරවා ගතහොත් මිත්‍රශීලී රටවලට පවා අප බේරා ගැනීමට නොහැකි වෙනවා.

•අන්තිමට අප වෙනුවෙන් කථා කරන්න කිසිවකු ඉතුරු නොවනු ඇති.

- ආචාර්ය දයාන් ජයතිලක
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama