2009 දී ලද ජයග්‍රහණයෙන් පසු ගතවූ වසර 5 තුල දේශ හිතයිශි ජාතික ව්‍යාපාරයේ නායකයින් පවත්වන ලද පුවත්පත් සාකච්චා, නිකුත්කළ නිවේදන, සම්මුක සාකච්චා ආදිය මගින් රාජපක්ෂ මහතාගේ පාලනය කෙරෙහි ජනතාව තුළ ඇති කලේ ප්‍රසාදයක් ද?
එම ව්‍යාපාරයේ ප්‍රමුකයෙකු වන ගුණදාස අමරසේකර මහතා සෑමවිටම වාගේ ජනතාවට පෙන්වා දුන්නේ මහින්ද රාජපක්ෂ මහතාගේ පාලනයෙහි දුෂණ හා වැරදි ප්‍රතිපත්ති ක්‍රියාත්මකවන බව යැයි යන්න මගේ වැටහීමයි. මුලින්ම ආර්ථික ඝාතකයෙකු ගැන කතා කලේ විමල් වීරවංස මහතායි. එස් එල් ගුණසේකර මහතා ද රාජපක්ෂ පාලනයෙහි නීතියේ ආදිපත්‍ය බිඳවැටීම , දුෂණ හා වෙනත් අඩුපාඩු ඇති බැවින් තමන් ආණ්ඩුව කෙරෙහි කලකිරී සිටින බවක් පළකළේය. සුරිය ගුණසේකර හා හරිශ්චන්ද්‍ර විජයතුංග යන මහත්වරු නිහඩ පිළිවෙතක් අනුගමනය කළහ.
නමුත් කෝටි ත්‍රස්තවාදය ක්‍රියාත්මක වූ කාලයේ දී එය අවසන් කිරීමට රාජපක්ෂ මහතා ගත් ක්‍රියාමාර්ග මෙ සියළු නායකයෝ අනුමත කළහ.ඊට ප්‍රසංසාව පල කරමින් හා ධෛර්ය දෙමින් ලිපි ලියුවෝය. ත්‍රස්තවාදය අවසන් කළද බටහිර යටත් විජිතවාදීන්ගේ අනුග්ග්‍රහයෙන් ක්‍රියාත්මක වන දෙමළ ජාතිවාදය හා බෙදුම්වාදය පරාජය කල යුතු විය. තවද, ත්‍රස්තවාදය විනාශ කිරීම නිසා මහින්ද රාජපක්ෂ මහතාට දඩුවම් කිරීමට බටහිර රටවල් පෙළ ගැසිණි.
මෙ අභියෝග වලට රාජපක්ෂ මහතා සාර්ථකව මුහුණ දෙමින් සිටියේය. එතුමා දෙමළ ජාතිවාදී ඉල්ලීම් වලට යටත් වුයේ නැත. බටහිර රටවලින් දිගින් දිගටම එතුමාට විශාල පීඩනයක් එල්ලවෙමින් තිබිණි. ජීඑස්පී සහනය අහිමි වීම, මසුන් අපනයනයට ඇතිවූ ගැටළු, මානව හිමිකම් චෝදනා ආදිය එහි ප්‍රතිපලයන්ය. මෙවැනි අවස්ථාවක රාජපක්ෂ මහතා රටට දුන් දේශපාලන නායකත්වය අගය කළ යුතු උවද ජාතික ව්‍යාපාරයේ බොහෝ නායකයින් අතින් එය ඉටු නොවීය. ඇත්තෙන්ම මෙ ගැන ජනතාවට කරුණු ඉදිරිපත් කලේ ආචාර්ය නලින් ද සිල්වා මහතා පමණි. එතුමා හුදකලාවම ජනතාවට මගපෙන්වුවේය. නමුත් ජාතික ව්‍යාපාරයේ බහුතරයක් නායකයින් සන්දානයේ දොස් දැක්වුවා මිසක රාජපක්ෂ මහතා බටහිරයන්ගේ පීඩනයට මුහුණ දෙමින් දෙමළ ජාතිවාදය පරාජය කිරීමේ දිසාවට රට ගෙනෙයමින් සිටි බව ඉඳ හිට හෝ ජනතාවට පෙන්වා දුන් බවක් අපට මතක නැත.
මෙ සියල්ලෙහි ප්‍රතිඵලය වුයේ අලුත් චන්ද දායකයින් සන්දානයෙන් ඈත්වීමයි. රටෙහි ප්‍රධාන ගැටලුව යහපාලනයක් නොමැතිකම යැයි ඔවුන්ට ඒත්තු ගැන්වීමට යමපාලන නඩයට පහසුවිය. සින්හල බෞද්ධ විරෝධී රාජ්‍යන් මෙ අවස්ථාව යොදා ගනිමින් මහින්ද රාජපක්ෂ මහතා බලයෙන් පහකිරීමට සමත්විය.
අපට ඉදිරි අවුරුදු කීපයේ දී ආර්ථික ඝාතකයින් ඇත්තේ කොහිද? , යහපාලනය යනු කුමක්ද? ප්‍රධාන ප්‍රශ්නය කුමක්ද? යනාදිය ගැන දැනගැනීමට ලැබෙනු ඇත. එවිට ජනතාවට වෙනසක් අවශ්‍ය වනු ඇත. එම වෙනස ජාතිකත්වය ශක්තිමත් වන දිසාවට යොමුකරවිමේදී අලුත් චන්ද දායකයින්ගේ දායකත්වය වැදගත්වේ යැයි සිතමි. ඒ නිසා දරුවන් තුල ජාතිකත්වය ශක්තිමත් කිරීමට අවශ්‍ය පියවර ගත යුතුය. මෙ සඳහා පංච මහා බලවේගයන්ගෙන් ප්‍රධානම බලවේගය වන හාමුදුරුවරු දහම් පාසල් මගින් විශාල බලපෑමක් කරනු ඇතැයි ප්‍රර්ථනා කරමි. සඟ හා ගුරු යන බලවේග ජාතිකත්වයේ බලවේග බවට පත්කර ගැනීමෙන් අභියෝග වලට සාර්ථකව මුහුණ දීමට අපට හැකිවනු ඇත.
උදයංග සුමතිපාල
යුතුකම පාඨක ලිපියකි.
[ සංවාදයට විවෘත්තයි ]
යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)
ReplyDeleteඅනිවාර්යෙන්ම මෙයයි ඉදිරියෙහි සිදු විය යුතුතේ....
නමුත් මීට පෙර ලිපිය තුල පෙන්වා ඇති සත්‍ය නම් මෙරට අලුත් පරපුර "සරත් විජෙ" ල වැනි දෙශපාලන හොර තක්කඩියන්ගේ "පර" අදහස් තිලෝගුරු බුදු බණ මෙන් පිලිගැනීමට සැදී පැහැදී සිටීම වෙනස් නොවෙන බවයි..