ද්‍රෝහී හවුල හමුදා බුද්ධි අංශ නැවතත් පාවා දී වනසයි.[Video]

එදා
[මිලේනියම් සිටි මහා පාවාදීම]

2001 දෙසැම්බර් පැවැති පාර්ලිමේන්තු මැතිවරණය මගින් එතෙක් පැවැති පොදු ජන එක්සත් පෙරමුණ රජය පෙරලා එක්සත් ජාතික පෙරමුණ බලයට පැමිණීයා පමණි.
2002 ජනවාරි 2 වන දින, මහනුවර නිල සුනඛ අංශයේ සහකාර පොලිස්‌ අධිකාරි කුලසිරි උඩුගම්පල යටතේ ක්‍රියාත්මක වූ විශේෂ පොලිස් කණ්ඩායමක් විසින්, හමුදා බුද්ධි අධීක්ෂණ මණ්ඩලය යටතේ පවත්වාගෙන යන ලද අතුරුගිරයේ මිලේනියම් සිටි හී අංක 844හී ස්ථානගත කොට තිබූ LRRP බලකායට අයත් ස්ථානය වටලන ලදී. එහිදී LRRP අණදෙන නිලදාරී කැප්ටන් ශහුල් හමීඩ් නිලාම් ඇතුළු හමුදා නිළදාරීන් පස් දෙනෙකු සහ පැරා මිලිටරි සමාජිකයෙකුද, LTTE සංවිධානයේ හිටපු සාමාජිකයෙකුද අත්අඩංගුවට ගන්නා ලදී.

වටලන ලද ස්ථානය එවක අගමැති රනිල් වික්‍රමසිංහ මහතා ඇතුළු එක්සත් ජාතික පක්ෂයේ ඉහල නායකයින් ඝාතනයට සැළසුම් කල තිප්පොලක් වශයෙන් මහජනයාට හුවා දැක්විණි.

එදා මිලේනියම් සිටි පාවාදීමෙන් කොටින්ට බිලි දුන් විරුවන්

මෙම සිදුවීමෙන් අනතුරුව LRRPට අදාල ඉතා වැදගත් තොරතුරු රැසක් මාධ්‍ය වෙත කාන්දු වී තිබුණි. මෙම සිදුවීමෙන් පසු වහාම ක්‍රියාත්මක වූ එල්ටීටීඊ සංවිධානය, LRRP බලකායට සහය දුන් හා සහය දෙන බවට සැකකරන ද්‍රවිඩ චරපුරුෂයන් ඝාතනය කිරීමට පියවර ආරම්භ කරන ලදී. එල්ටීටීඊ බුද්ධි අංශ නායක පොට්ටු අම්මාන් මීට ප්‍රධාන වශයෙන් මැදිහත් වන ලදී. රජය මගින් මෙම ඝාතන වැළැක්වීම සඳහා ප්‍රමාණවත් පියවරක් නොගත් අතර රජයේ බුද්ධි අංශ විසින් කල ඉල්ලීම්ද, යුධ විරාමය සඳහා බලපෑම් එල්ල කරනු ඇතැයි සැලකූ නිසා නොසලකා හරින ලදී.
අවසානයේ එවකට ආරක්ෂක ඇමතිව සිටි තිලක් මාරපන මහතා විසින් මෙය මහා පාවාදීමක් බව වටහා ගෙන පරීක්ෂණ කටයුතු අත් හිටවූවත් ඒ වන විට සියල්ල සිදුවී හමාරව තිබිණ.
බුද්ධි අංශය නැවත ගොඩ ගත නොහැකි මට්ටමට වට්ටවා වනසා දමා තිබිණ.

අද
[Operation Double Edge බුද්ධි අංශ හෙළිදරව්ව]

2015 මහමැතිවරණයෙන් එක්සත් ජාතික පක්ෂය ප්‍රමුඛ හවුල් ආණ්ඩුවක් පිහිටවූ විගසම සියල්ලටම ප්‍රථම සිදුකල ප්‍රධාන කාර්‍යවූයේ යුධ හමුදා බුද්ධි අංශ සාමාජිකයන් පිරිසක් අත් අඩංගුවට ගැනීමයි. අතුරුදහන් වූ වෙඩ් අඩවි මාධ්‍යවේදියෙකු හා සම්බන්ධ පරීක්ෂණයකටැයි කියමින් සිදුකල ඒ අත් අඩංගුවට ගැනීමත් සමගම මෙතෙක් කලක් ඉතාමත් රහසිගතව පැවති කොටි ත්‍රස්තවාදීන් සමග සිටි කොටි බුද්ධි අංශය වැනසීම ඉලක්ක කරගෙන ක්‍රියාත්මක වූ හමුදා බුද්ධි අංශ ක්‍රියාවලිය නිරාවරණය විය.

සිංහල කොටින් යොදා ගන්මින් කොටි සංවිධානය සිදු කල මෙහෙයුම් රැසක් අනාවරණය කර ගැනීමට සහ තවත් දහස් ගණන් බෝම්බ පිපිරීම් ආදී ව්‍යසන වලකා ගැනීමටත් උපකාරී වූ හමුදා බුද්ධි අංශ ක්‍රියාන්විතය එදා 2002දී සිදු කලාක් මෙන් දේශපාලන ලේබලයක් ගසා හෙළිදරව් කෙරිණ.

එදා ඒ හෙළිදරව්වෙන් පසු බුද්ධි අංශ විරුවන් සිය ගණනක් තැනින් තැන කොටි ප්‍රහාර වලින් ඝාතනයට ලක් වූ නමුත් අද මේ කරන හෙළිදරව්ව හරහා සමස්ථ බුද්ධි අංශයම බිඳ වැටීමේ අතිශය අවාසනාවන්ත ඉරණමකට ගොදුරු වෙමින් ඇති බව ජාතික එකමුතුව විසින් පසුගියදා පැවත්වූ මාධ්‍ය හමුවේදී අවධාරණය කෙරිණ. ආයුධ වලින් කරන සටන අවසන් කර ඇති මේ වකවානුවේ ආරක්ෂාව සම්බන්ධව සැලකූවිට අතිශය වැදගත් වන්නේ මේ බුද්ධි අංශ ක්‍රියාදාමයයි.
නමුත් රටේ අවාසනාවටදෝ දේශපාලන උවමනාවන් සඳහා ඒ බුද්ධි අංශය සමග සමස්ථ ආරක්ෂක අංශ යාන්ත්‍රණයම පාවා දෙමින් ඇති අතර අනාගතයේ යුධ අපරාධ චොදනා හරහා ඔවුන් දං ගෙඩියට දැක්කවීමට මේ පාවාදීම මහඟු රුකුලක් වනු ඇති.

ජාතික එකමුතුවේ මාධ්‍ය හමුවේදී මාදුරුඔයේ ධම්මිස්සර හිමියන් බුද්ධි අංශ පාවාදීම පිළිබඳ පැවැත්වූ කතාව.

 

එහිදී දේශ හිතෛෂී ජාතික ව්‍යාපාරයේ මහ ලේකම් වසන්ත බණ්ඩාර මහතා දැක්වූ අදහස්...

-සටහන  : යටියන ප්‍රදීප් කුමාර
යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.
(Like us on facebook)
https://www.facebook.com/yuthukama