"ව්‍යවස්ථාව හරහා රට බෙදීම වළකමු ! "- Online පෙත්සමට අත්සනක් තබන්න...

ශ්‍රී ලංකා ආණ්ඩුක්‍රමය සඳහා යෝජිත අලුත් ව්‍යවස්ථාව
ஒரு புதிய அரசியற்சாசனம் சம்பந்தமாக இலங்கை அரசாங்கத்திற்கு ஒரு முன்மொழிவு.

PROPOSAL OF A NEW CONSTITUTION FOR THE GOVERNMENT OF SRI LANKA

අලුතින් කෙටුම්පත් කිරීමට යෝජිත ව්‍යවස්ථාව පිළිබඳ කිසියම් කතිකාවක් ගොඩ නැගෙමින් තිබේ. ඒ පිළිබඳ මහජන අදහස් ද විමසා තිබෙනු දක්නට ලැබුණි. රටකට නව ව්‍යවස්ථාවක් හඳුන්වා දීම යනු ඉතා බරපතල කටයුත්තක් බව අමුතුවෙන් කිවයුතු නොවේ. මන්ද නිමවෙන නව ව්‍යවස්ථාව මගින් මුළු රටේ ම අනාගත ඉරණම තීරණය කරන බැවිනි.

නව ව්‍යවස්ථාව පිළිබඳ ගොඩ නැගෙන සංවාදයේ දී බොහෝ දෙනාගේ අවධානය යොමුවන කරුණක් වන්නේ රාජ්‍යයේ ස්වභාවය හා රාජ්‍ය හා බුද්ධාගම අතර පවතින සම්බන්ධය පිළිබඳ ස්වභාවයයි. ශ්‍රී ලංකා රාජ්‍ය ඒකීය රාජ්‍යයක් බව වත්මන් ව්‍යවස්ථාව මගින් තහවුරු කොට ඇත. එය මෙරට ඓතිහාසික ව පැවති රාජ්‍ය තන්ත්‍රය නිරූපණය වන ලෙස කළ අර්ථ දැක්වීමකි. කෙසේ වෙතත්, මෙම තත්වය ඉක්මවමින් වර්ගවාදී පදනමින් බලය බෙදාහරින ආකාරයේ ෆෙඩරල් ව්‍යුහයක් සහිත නව ව්‍යවස්ථාවක් හඳුන්වා දීමට වත්මන් රජයේ ප්‍රධානීන් මෙන් ම රජය බලයට පත්කිරීමට උල්පන්දම් දුන් ඊනියා සිවිල් සමාජ ක්‍රියාකාරීන් ද කටයුතු යොදමින් තිබෙන බව වාර්තා වේ. එවන් ‍ෆෙඩරල් ව්‍යවස්ථාවක අනතුර වන්නේ තාමත් අන්තර්ජාතික ව සක්‍රීය ව තිබෙන ශ්‍රී ලංකාව මූලික කරගත් බෙදුම්වාදී සංවිධාන මෙම තත්වය සිය බෙදුම්වාදී ව්‍යාපෘථිය ලෝක මට්ටමින් සුජාතකරණය කරගැනීම සඳහා යොදාගත හැකි බැවිනි. නිදසුනක් ලෙස පිහිටවෙන ෆෙඩරල් ඒකකයට ශ්‍රී ලංකා රාජ්‍යයෙන් වෙන්වීම සඳහා ජනමත විචාරණයක් වැනි දෙයක් පවත්වා එහි ප්‍රතිපල අදාළ ප්‍රදේශයේ වෙනම රාජ්‍යයක් පිහිටුවා ගැනීම සාධාරණීකරනය කරගැනීම සඳහා යොදා ගැනීමේ විශාල සම්භාවිතාවක් ඇත. එවන් උත්සාහයක ඵලය වනු ඇත්තේ සිංහල, දෙමළ, මුස්ලිම් හා බර්ගර් යන අප සැම තුළ අවිස්වාසය හා වර්ගවාදය ඇතිකොට රට නැවතත් අගාධයට යෑම ය. ඊට ඉඩ දිය යුතු නැත.

දෙවැනි කාරණය නම් බුද්ධාගමට දැනට දී තිබෙන ප්‍රමුඛස්ථානය අහිමි කිරීම පිළිබඳ ගැටළුවයි. බුද්ධාගමට මෙරට රාජ්‍ය තන්ත්‍රය තුළ ප්‍රමුඛතාව හිමිවීම ඓතිහාසික යථාර්තයක් බව අවධාරිත ය. නිදසුනක් ලෙස සම්බුද්ධ දළදාව සතුවීම රාජ්‍යත්වයේ අනුල්ලංඝනීය කොන්දේසියක් වූ බව ඓතිහාසික මූලාශ්‍ර සාක්‍ෂි දරයි. නෛතික පසුබිම එසේ තිබිය දී මෙරට බුද්ධාගම රාජ්‍ය අනුග්‍රහය යටතේ ප්‍රවර්ධනය වීම හේතුකොට ගෙන එකී ආගමට අයත් නොවන කෙනෙකුට වුව වැඩක් මිස කිසිදු අවැඩක් නම් සිදු වී නැත. අන් ආගමිකයින් බහුතරය පවා පිළිගන්නා කරුණක් වන්නේ බෞද්ධ සමාජයක තරම් තමන්ට අන් කිසිදු සමාජයක මෙතරම් සහනශීලිත්වයක් හෝ නිදහසක් හිමි නොවනු ඇති බව ය. බුද්ධාගම විසින් කිසි දිනෙක මෙරට හෝ විදේශයක දී අන් ආගමිකයින් කෙරෙහි යුද්ධ ප්‍රකාශ කොට නැතිවීම බෞද්ධාගමේ චරිත සහතිකයේ ඉහළින් ම ලියවෙන්නකි. එවන් පසුබිමක, සෙසු ආගම් ආරක්‍ෂා කරන අතරතුර දීම බුද්ධාගම වන් සහනශීලී ආගමක් පෝෂයන කිරීම රටේ සැමගේ සුභ සිද්ධිය සඳහා ම වනු ඇත.

එවන් භාරධූර කටයුත්තක් මුදුන් පමුණුවා ගැනීම සඳහා ආණ්ඩුවට ප්‍රබල පණිවුඩයක් යැවීම අරමුණු කරගත් මෙම මහජන පෙත්සමට ඔබගේ දායකත්වය ලබා දෙන ලෙස උදක් ම ඉල්ලා සිටිමු.

Online පෙත්සමට ඔබගේ අත්සන මෙතනින් තබන්න..
http://assignmentsl.com/new-constitutional/

(2016/02/04)
-ජාතික වෘත්තීකයින්ගේ එකමුතුව-

-යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න.

(Like us on facebook)
https://www.facebook.com/yuthukama