2/04/2015

නිදහස අහිමි කරවන නිදහස

කතෘ:යුතුකම     2/04/2015   3 comments


පෙබරවාරි 4 අපගේ නිදහස් දිනයයැයි කියන්නට හෝ සිතන්තට අපි පුරැදු වී ඇත්තෙමු. අවුරුදු 300 ක් පමණ බලපෑම් සහිතව පැවතුණු බටහිර ආක්‍රමණය 1815 දී පුර්ණ යටත්විජිතවාදයක් බවට පත්විය. අවුරැදු දහස් ගණනක් ඉපැරණි සංස්කෘතියක් චින්තනයක් සතුව පැවති සිංහල ජාතිය දේශපාලනික, සමාජිය, සංස්කෘතික, ආගමික ආදී සැම අංශයක්ම ඔස්සේ දැඩි මර්ධනයකට ලක්විය. තුවක්කුවෙන් මෙන්ම දැනුමෙන්ද සිංහල බෞද්ධ ජාතිකත්වය අඩපණ කළේය.

පසු කාලීනව තුවක්කුව වෙනුවට දැනුම භාවිතා කර තුවක්කුවට වඩා පහසුවෙන් අප මත බටහිර ආධිපත්‍ය පැටවීය. සිංහල දැනුම(වෙදකම, ගොවිකම, විද්‍යාව,අධ්‍යාත්ම විද්‍යාව, කලාව, සාහිත්‍ය ආකල්ප ආදී මුළුමහත් සංස්කෘතියම)සිංහල බෞද්ධයන්ට භාවිතාකිරීමේ නිදහස දැඩි මර්ධනයකට ලක්විය. ඒ වෙනුවට බටහිර දැනුම අප මත බලෙන් පැටවීය. ඒ තුල තව දුරටත් සිංහල දැනුම, සිංහල බෞද්ධ සංස්කෘතිය,සිංහල බෞද්ධ ජාතිකත්වය නොවටිනා නොවැදගත් දේවල් බවට ඉගැන්වීය. ඒ තුලින් සිංහල දැනු‍මේ, සිංහල බෞද්ධ සංස්කෘතියේ,සිංහල බෞද්ධ ජාතිකත්වයේ නිදහස උදෙසා සටන් කිරීම අඩපණ කළේය.බටහිරයන් අපව කෙතරම් සිහිමුලාවටත් දීනත්වයටත් පත් කළේදැයි කිවහොත් 1948 දී ලැබුණු අඩු මට්ටමේ දේශපාලන නිදහස , පූර්ණ නිදහසක් ලෙස සිතීමට පවා අපව පුරැදු කරවීය. පූර්ණ නිදහසක් ලැබී ඇතැයි සිතන්නන්ට සිංහල දැනුම, සිංහල බෞද්ධ සංස්කෘතිය, සිංහල බෞද්ධ ජාතිකත්වය තවමත් මර්ධනයටත් බටහිර දැනුමේ,බටහිර සංස්කෘතියේ ආධිපත්‍යටත් යටවී ඇති බව නොවැටහෙන දෙයක් විය.

තුවක්කු පෙනෙන්නට නොතිබුණද අවුරැදු සියගණනකට අධික යටත්විජිතවාදය තවමත් අවසන් වී නොමැත.බටහිර දැනුම හා බටහිර සංස්කෘතිය මගින් සිංහල දැනුම, සිංහල සංස්කෘතිය තව තවත් මර්ධනයත් යටපත්වීමත් සිදුවෙමින් පවතී.අවසන් නොවුණ යටත්විජිතවාදයක් තුල සිටීයදී පවා පූර්ණ නිදහසක් ලැබී ඇතැයි සිතන්නේ හෝ දැනෙන්නේ බටහිර දැනුමේ ආධිපත්‍ය මගින් අපව නිවටයන්,දාසයන්, සිහිවිකල් වූවන් බවට පත්කර ඇති හෙයිනි.ඊනියා නිදහසක් පිළිගැනීම තරම් සැබෑ නිදහස අහිමි කරවන තවත් දෙයක් නොමැති බව අප අද දිනයේ දී හෝ තේරැම් ගැනීම ජාතියක් ලෙස අප කළ යුතුම වන්නේය.එසේ නොවුනහොත් බටහිර දැනුම , බටහිර සංස්කෘතිය, බටහිර දේශපාලනය හමුවේ තැලි පොඩිවී විකෘති වී ගිය අනන්‍යතාවයක්,අදීනත්වයක්,නිදහසක් නොමැති සංස්කෘතිකයම අවජාත බෙලහීන ජාතියක් නිර්මාණය වීම නොවැළැක්විය හැකිය.


-තාරක ගල්පාය
යුතුකම සංවාද කවය
www.yuthukama.com


,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

3 comments :

  1. සුගත්2/04/2015 8:14 AM

    හොද පැහැදිළි කිරීමක්..

    ReplyDelete
  2. 1972 ජනරජ ව්‍යවස්ථාව ගෙනා දවස නිදහස් දිනය ලෙස සැලකීම වඩා සුදුසු බවයි මගේ හැගීම.එක්කෝ මේ පවතින "රෝම ලන්දේසි නීති පොතයි" , " ඇමෙරිකන් + ප්‍රංශ " වයවස්තාවයි කටු ගාල දාල අලුත් නිදහසක් ගන්න කම් අපි තාමත් යටත් වෙලා ඉන්නේ කියල හිතා ගත්ත නම් හරි. නිදහසක් කියල එකක් නැ..

    ReplyDelete
    Replies
    1. මගුලක් කථා කරනවා....පොඩ්ඩක් ඔය හණමිටි බිමින් තියහල්ලකෝ...

      Delete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

Labels

Copyrights © 2014 www.yuthukama.com Designed By : THISAK Solutions