විරුවාණෝ

- පුනර්ජි දඹොරගම-
උන්ඩ පිට උන්ඩ මැද
රුදුරු ඝන කැළෑ බිඳ
එදා දිවි දෙවැනි කොට
සටන් කල විරුවාය

ගෙදර-දොර බිරිඳ හැර
පැල්පතේ මග බලන
දහක් අම්මාවරුන්
කිරි එරුනු විරුවාය

පිටරටුන්ගේ බසට
"යුද්දෙ ඇති" කියන කොට
ඉහළ මහ පුටු වලට
මෙත් වැඩූ විරුවාය

ගඟ එගොඩ තලා ගිය
කරවටක් දියේ බැස
මිනිස්කම් නැගිටුවා
සැනසුවේ විරුවාය

හිසක් නැති මහත්තරු
ඇවිත් ටයි-කෝට් හැඳ
කලත් මඩ-අපහාස
නිහඬ වූ විරුවායඑදත් රණ බිම වැටී
තවත් හදවත කෙටී
අදත් ගුණ සුවඳ දෙන
නුඹ අපේ විරුවාය...

යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 
(Like us on facebook)
https://www.facebook.com/yuthukama