ජාතික නිදහස වෙනුවන් - නුඹ හා අද ගිවිසමි මම......

 -පුනර්ජි දඹොරගම-
මහ නිරිඳුන් පැරකුම් සඳ
බත බුලතින් සරුවී ලද
ගැමුණු විජයබා නිරි සඳ
තෙදසින් ලක බබළන සඳ

ඉපිද ඉන්නවත් නැතුවද
ඉපිද ඉපිද මැරෙනා සඳ
රටක් එහෙව් එඩි තෙද ලද
කිමද අහෝ තැවෙනා අද

නොකලෙද මම මගෙ යුතුකම
රට වෙනුවෙන් කරනා සොඳ
මෙහිම ඉපිද මෙහිම මැරෙන
මා මෙහි පොහොරක් පමණද

පරගැතියන් අතරේ ඉඳ
මිසදිටුවන් ඉහ මොළ සිඳ
රට ජාතිය රකිනට අද
මා කල පමණක් මදිවද

දෙකඩ කරන්නට රට අද
කෑ මොර දෙන සතුරන් බිඳ
ජාතික සුවඳින් පිඳුමට
මා කල පමණක් මදිවද

ජාතිය හට වන විපතට
ඒ බව දෑසින් දැකමුත්
ඉන්නට නම් නොහැකිය තව
කරමිය කල හැකි හැම වැඩ

දිවි පුද දී රැක දුන් ඒ
රට ගැන මොහොතක් සිතන්න
ලක් මවුනේ සමා වෙන්න
නිහඬව මෙතුවක් හිටියට

උපදින මතු දවසේ හෙට
ජාතික නිදහස වෙනුවන්
එකමුතු වී හඬ තලන්න
නුඹ හා අද ගිවිසමි මම 

ඉටුකොට කල යුතු යුතුකම
ඉපදුනු මේ ලක් පොළොවේ
නිවහල් දවසක් දකින්න
නුඹ හා අද ගිවිසමි මම.....

යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 
(Like us on facebook)
https://www.facebook.com/yuthukama