4/25/2016

ආක‍්‍රමණයට විරුද්ධ වූ සිනමාකරුවා ඞී බී නිහාල්සිංහ

කතෘ:යුතුකම     4/25/2016   4 comments

ශී‍්‍ර ලංකාව සුවිශේෂී ඉතිහාසයක් ඇති රටකි. වසර 2500 කට වැඩි දීර්ඝ කාලයක් තිස්සේ නොකඩවාම විදේශ ආක‍්‍රමණයන්ට මුහුණ දෙමින් ඊට එරෙහිව සටන් වදිමින් සිය අනන්‍යතාව රැක ගත් රටවල් ලොව සුලභ නැත. මෙම විදේශ ආක‍්‍රමණයන් එක් එක් කාල වකවානු තුළදී යුධමය, සංස්කෘතිකමය, ආගමික හා ආර්ථිකමය යනාදී විවිධ ස්වරූපයන් ගනිමින් අප වෙත එල්ල වී ඇත. මෙි අතරින් සංස්කෘතික ආක‍්‍රමණයන් නිවැරැදිව හඳුනා ගැනීම අසීරු වන අතර ජාතික අනන්‍යතාව රැක ගනිමින් එම ආක‍්‍රමණයන්ට මුහුණ දීම අතිශය දුෂ්කර වූ කාර්යයකි. වසර 2500 කට වැඩි කාලයක් ඔස්සේ දිග හැරෙන සිංහලයාගේ ඉතිහාසය යනු එම දුෂ්කර කි‍්‍රයාවේ කතාන්දරයයි. මේ කතන්දරය ගොඩ නැගුවෝ මෙරට නරපතියන් ම පමණක් නොව, ගරුතර සංඝයා වහන්සේලා මෙන්ම, ගොවියන්, ශිල්පීන්, උගතුන්, බුද්ධිමතුන්, පොදු ජනතාව මෙන් ම කලාකරුවෝ ද එහි කොටස් කරුවෝ වූ හ. අපේ යුගයේ දී ඒ සඳහා දායකත්වය දුන් සුවිශේෂී සිනමාකරුවෙකු වූ දැයෙන් සමුගත් ඞී බී නිහාල්සිංහ ශූරීන් පිළිබඳවය මෙම කෙටි සටහන තබනුයේ.

1947 දී ආරම්භ වූ වා යැ යි කියනු ලබන සිංහල සිනමාව සැබැවින්ම ඇරඹුනේ 1925 දී මුලූමුනින් ම ලංකාවේ දී රූපගත කරණ ලදුව, ඉන්දියාවේ දී අභිරහස් ගින්නකින් දැවී හළු වී ගිය රාජකීය වික‍්‍රමය නොහොත් ශාන්තා චිත‍්‍රපටයත් සමඟිනි. එම පසුබෑමෙන් පසුව යළිත් සිංහල චිත‍්‍රපටයක් බිහි වීමට වසර 22 ක් ගතවුනු අතර දකුණු ඉන්දියාවේ දී මුළුමනින්ම රූ ගත කරණ ලද එම චිත‍්‍රපටය ද සිංහල වූයේ එහි රඟ පෑ සිංහල නළු නිළියන් සිංහලෙන් කතා කළ නිසාම පමණි. නව කලා මාධ්‍යයක් වූ සිංහල සිනමාව මේ බලපෑමෙන් මුදවා ගැනීමේ මුල් පියවර තබන ලද්දේ 1956 දී රේඛාව චිත‍්‍රපටය නිර්මාණය කළ ලෙස්ටර් ජේම්ස් පීරිස් මහතා විසිනි. රේඛාව නිර්මාණය කිරීමෙන් ටික කලකට පසුව පුවත් පතකට අදහස් දක්වමින් ලෙස්ටර් ජේම්ස් පීරිස් මහතා ප‍්‍රකාශ කර සිටියේ මෙරට සිනමා කර්මාණ්තයේ අනාගතය රඳා පවතිනුයේ අපගේ පොළොව මත මුල් ඇදුනු එහි ජීවත්වන අපේම මිනුසුන්ගේ සිතුම් පැතුම් සැකසංකා බලාපොරොත්තු හා අභිලාශයන් අපගේම පොළොවේ සුන්දර වූ භූමි දර්ශන මත රූප ගත කරණ සිනමාවක් නිර්මාණය කර ගැනීම තුළම පමණක් බවය. මේ සඳහා අපවෙත එල්ල වී ඇති අපව පාලනය කරනු ලබන සියළුම අහිතකර බලවේගයන් අනුකම්පා විරහිත ලෙස විනාශ කළ යුතුයැයි පවසන ලෙස්ටර් ජේම්ස් පීරිස් මහතා අපගේම වූ සිංහල සිනමාවක් බිහිකර ගත හැක්කේ එමඟින් පමණක් බව අවධාරනය කර ඇත.

ඉන්දියානු බලපෑම් මත පාලනය වූ සිංහල සිනමා කර්මාණ්තය තුළ ඉහත අදහස් ප‍්‍රකාශ කළ ලෙස්ටර්ට සිය දෙවැනි නිර්මාණය එළි දැක්වීම සඳහා වසර හතරක කාලයක් බලා සිටීමට සිදු විය. අපේ ම සිංහල සිනමාවක් පිළිබඳව ලෙස්ටර් ගේ සිහිනය සැබෑවක් කර ගැනීම සඳහා දායකත්වය දුන් සිනමා ශිල්පීහු රැුසක් හැටේ දශකයේදී සිනමාවට පිවිසියෝය. අප වෙතින් නික්මගිය ඞී බී නිහාල්සිංහ ශූරීහු මේ සිනමාකරුවන් අතර සුවිශේෂී වෙති. මෙරට ජාතික ව්‍යාපාරයේ පුරෝගාමියෙකු වූ ඞී බී ධනපාල මහතාගේ පුතු වූ නිහාල්සිංහට ලෙස්ටර්ට මෙන් තමන්ට නුහුරු වූ ජාතිකත්වයක් සොයා යෑමේ ගැටළුවක් මතු නොවී ය. හැටේ දශකයේදී නිහාල්සිංහයන් සිනමාවට පිවිසෙන්නේ අපගේම පොළොවේ සුන්දර වූ භූමි දර්ශන මත අපගේ ම මිනිසුන් රූපගත කරමින් කැමරා ශිල්පියෙකු ලෙසිනි. සත්සමුදුර බිනරමලී වැනි චිත‍්‍රපට වල සියුම් වූ ද සුන්දර වූ ද රූප පෙළ සිංහල සිනමාවට ආදරය කළ සියල්ලන්ගේ හදවත් තුළ තවමත් නොමැකී අතිවා නිසැකය. නිහාල්සිංහයන් ගේ ප‍්‍රථම වෘතාන්ත සිනමා නිර්මාණය වූ සිනමාවේ රජ දැක්ම ලෙස හඳුන්වා දුන් වැලිකතර ඉතාමත් සියුම් මානුෂික සම්බන්ධතා පිළිබඳ ඛෙදවාචකයක් අපේම රටේ අසාමාන්‍ය වූ දර්ශනතල හරහා පුළුල් තිරය මත සිත් සසල වෙන අයුරින් සිත්තම් කරණ ලද නිර්මාණයකි. ලෙස්ටර් පැවසුවා සේම අපගේ පොළොව මත මුල් ඇදුනු එහි ජීවත්වන අපේම මිනුසුන්ගේ සිතුම් පැතුම් සැක සංකා බලාපොරොත්තු හා අභිලාෂයන් සිත්තම් කරන චිත‍්‍රපට නිර්මාණය නිහාල්සිංහයන් සඳහා කැපවුනු බව පසු කලකදී සිය නිර්මාණ සඳහා රිදී නිම්නය, මල්දෙණියේ සිමියොන්, කෙළිමඩල වැනි කෘතීන් තෝරා ගැනීම තුළින්ම පැහැදිලි වෙයි.

නිර්මාණ කාර්යයට දායක වීම මඟින්ම පමණක් අප වෙත එල්ල වී ඇති අපව පාලනය කරනු ලබන සියළුම අහිතකර බලවේගයන් අනුකම්පා විරහිත ලෙස විනාශ කළ නොහැකි බව තේරුම් ගත් නිහාල්සිංහයන් ඊට විරුද්ධව සටන් කළේ හුරු පුරුදු සිනමා කැමරාවෙන් නොව මෙරට රාජ්‍ය චිත‍්‍රපට සංස්ථාවේ නිළධාරියකු වශයෙනි. 1971 වන විට මෙරට සිනමා ශාලා වල සිංහල චිත‍්‍රපට ප‍්‍රදර්ශනය සඳහා වෙන් වී තිබුනේ මුළු ප‍්‍රදර්ශන කාලයෙන් 20%ක් පමණි. එතුමා 1978 දී රාජ්‍ය චිත‍්‍රපට සංස්ථාවේ මුල් පුටුව හැර යන විට එය 58% ක් විය. රාජ්‍ය චිත‍්‍රපට සංස්ථාව හරහා සිංහල සිනමාවේ අභිවෘද්ධිය උදෙසා නිහාල්සිංහයන් ගේ සුවිසල් කාර්ය භාරයෙන් එක් කරුණක් පමණක් මෙසේ ගෙනහැර දැක්වූයේ අපේම වූ සිංහලසිනමාවක් සඳහා ඔහුගේ දායකත්වය පිළිබඳව ඉඟියක් පමණක් හෝ ඔබට ලබා දීමට ය. මේ සඳහා ඔහුගේ දායකත්වය පිළිබඳව මනා අවබෝධයක් නිහාල්සිංහගේ ම ලාංකික සිනමාවේ ස්වර්ණමය යුගය බිඳ වැටීම හා නුවන් නයනජිත් කුමාරගේ පුරෝගාමී තෙවැනි ඇස වැනි කෘති වලින් ලබා ගත හැක.

නිහාල්සිංහයන් අප හැර දා නික්ම යන්නේ අති දැවන්ත සංස්කෘතික මෙන්ම ආර්ථික ආක‍්‍රමණයක් සඳහා අක‍්‍රමණිකයන්ට පහසුකම් සළසා දීමට සැදී පැහැදී සිටින විජාතික රජයක් රාජ්‍ය කරන කලක දී ය. ප‍්‍රබල ජාතික රජයක් බලයේ සිටින කාලයක දී රාජ්‍ය චිත‍්‍රපට සංස්ථාවේ මුල් පුටුව හෙබවූ නිහාල්සිංහයන් ගත් මඟ නිසා ය හැත්ත හතෙන් පසු උදා වූ මහා සංස්කෘතික සෝදාපාළුව තුළ පවා සිංහල සිනමාව යම් පමණෙකින් හෝ සුරැුකුණේ. ලෙස්ටර්ලාගේ නිහාල්සිංහලාගේ සිහින සැබෑ කිරීමට හෙට දවසේ දී සිංහල සිනමාව යළිත් කඩවුනු පොරොන්දුව වෙත යෑමට ඉඩ නොදී රිදී නිම්නයක් කරා ගෙන යා යුතු ය. ආක‍්‍රමණිකයාට අත වනන විජාතික රජයක් හමුවේ මේ ගමන අති දුෂ්කර වන බව නම් පැහැදිලිය. නමුත් අක‍්‍රමණිකයාගේ ආගමනය වළක්වා ගැනීම මේ යුගයේ ජීවත්වන අපගේ යුතුකමයි.

අප වෙතින් නික්ම යන නිහාල්සිංහ ශූරීනි, මෙරට ජාතික අනන්‍යතාවය හා සංස්කෘතික උරුමය රැක ගැනීමට දුෂ්කර කි‍්‍රයා කිරීම ගැන ඔබ තුමාට බොහෝම පින්.
යුතුකමක් වශයෙන් මෙම කෙටි සටහන යුතුකම සංවාද කවයේ සටහන් කිරීමට සිත් විය.

වෛද්‍ය වසන්ත දේවසිරි
2016 බක් මස 24 වැනි දා

යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. (Like us on facebook)

https://www.facebook.com/yuthukama

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

4 comments :

  1. Who is this DB Nihalsinghe??? Compared to George Lucas, Steven Speilberg, this guy is a fly.

    Is there a film industry in Sri Lanka??? Do, SL produce watchable films????

    ReplyDelete
    Replies
    1. matara sunil4/25/2016 8:06 PM

      And pala.imbai mamai danna film

      Delete
  2. Dr Vasantha Devasiri4/25/2016 8:10 PM

    It is strange that there are people who do not who Dr D B Nihalsinghe is.
    At least if you have read news papers over last weekend you would know who Nihalsinghe is. If you really want to know what a verstile personality D B Nihalsinghe is, I would recommend two very informative books.
    1. Public enterprise in film development; success and failure in Sri Lanka by D B Nihalsinghe.A sinhala translation availble. (Lankika sinamave swarnamaya ugay binda weteema.
    2. Purogami tunveni esa by Dr Nuwan Nayanajith
    You may try them.
    Dr Vasantha Devasiri


    ReplyDelete
    Replies
    1. So, you are "versatile" just because you write a book????

      There are no "movie stars" in 3rd world countries. The "movie star" is a Hollywood invention. Movie stars are found only in Hollywood.

      So called South Asian cinema is a disgrace to the world film industry. I have seen lots of Sinhala films. 99% are unwatchable. So are 99% of Hindi and Tamil movies.

      I watched Jackson Anthony's Aba on TV. It was absolute crap. Why did he use his own son as a main character??? Do you think Hollywood directors and producers would have done things like this? Isn't it obvious that Jackson Anthony made Aba (released in August 8, 2008) to praise Mahinda Rajapaksha??

      Can you watch any film by Somaratne Dissanayake??? Nothing personal, but they are childish & nonsensical. American 9 year olds make better home movies than people like Somaratne Dissanayake.

      Do you think people in a country who cannot obey simple road rules when they drive even after driving for 100 years will or can make great films??

      Can you watch Sanath Abeysekara's Maharaja Ajasaththa??

      Watch the comments for this: https://www.youtube.com/watch?v=vKXCEY9YuXI

      Most so-called SL film makers and directors make films to praise their political masters, or to make easy money by duping SL middle and low-middle-class through huge publicity campaigns.

      This is the reality.

      Delete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

කිණිහිරය

හීන් සැරය

කෙටි සටහන්

මාධ්‍ය ගබඩාව

ප්‍රවර්ග

1505 2015 BBS NGO Theory අනගාරික ධර්මපාල අනුර කුමාර අමරසේකර ආචාර්ය දයාන් ජයතිලක ආමන්ඩ් ද සූසා ඉන්දු ලංකා ඊළාම් ඊළාම්වාදී එජාප කවි කවි විචාර කාලය කෙටි කතා ගම්මන්පිල ගැමුණු චම්පික චිත්‍රපට විචාර චින්තනය ජනපතිවරණය ජනාධිපතිවරණය ජයග්‍රහණය ජවිපෙ ජාතික බලවේග ජාතිකවාදය ජාතිය ජිනීවා තිස්‌ස තී‍්‍ර රෝද රථ ත්‍රීකුණාමලයේ ආනන්ද දකුණු අප‍්‍රිකානු දහතුන දේශපාලන නසරිස්‌තානය නිදහස නෝනිස් පොත් ප්‍රකාශකයන් පොදු අපේක්‍ෂයා බම්බුව බලු කතා බුදු දහම බෙංගමුවේ නාලක බෙදුම්වාදය බෙදුම්වාදී බෞද්ධයා භාෂාව මරක්කල මහ නාහිමි මහින්ද මහින්ද රනිල් මානව හිමිකම් මුස්‌ලිම් මෛත්‍රිපාල යටත්විජිතකරණය රණ විරුවා රනිල් වික්‍රමසිංහ රන් කරඬුව රාජතාන්ත්‍රික රාජපක්‍ෂ ලේකම් වහාබ් විජේවීර විධායක බලය විමුක්ති වනිගසේකර වෙනස සැපද සංගීතය සජින් සමාජ විචාර සරච්චන්ද්‍ර සාහිත්‍ය හා විචාර සිංහල සිංහල බුද්ධාගම සීපා ස්වර්ණ පුස්තක හෙළ උරුමය

පාඨක අදහස්

© 2014 www.yuthukama.com