ඒකාබද්ධ විපක්ශය ව්‍යවස්ථා සම්පාදන මණ්ඩලයෙන් ඉවත් විය යුතු නෑ.
එය තුල සිට විරෝධය පෑ යුතුයි - ජාතික ඒකාබද්ධ කමිටුවේ අවධාරණය
එය තුල සිට විරෝධය පෑ යුතුයි - ජාතික ඒකාබද්ධ කමිටුවේ අවධාරණය
නව ව්‍යවස්ථාවකට එරෙහි ත්‍රෛයි නිකායික මහානායක හිමිවරුන්ගේ ඓතිහාසික ප්‍රකාශය හරහා ව්‍යවස්ථාවට ගොඩනැගෙන ජනතා ප්‍රතිවිරෝධය එල්ල කළ යුත්තේ ආණ්ඩුව දෙසට මිස ඒකාබද්ධ විපක්ෂයටවත් එහි නායකයන් දෙසටත් නොවන බව ගෙවිඳු කුමාරතුංග මහතා අවධාරණය කර සිටී. ඒ වෙනුවට සමහරු ආණ්ඩුවේ නායකයින් අමතක කර ඒකාබද්ධ විපක්ෂයේ නායකයින් ඉලක්ක කර අභියෝග කිරීම හෙළා දැකිය යුතු යැයි ඔහු පෙන්වා දෙයි.
ඒකාබද්ධ විපක්ෂය ව්‍යවස්ථා සම්පාදක කමිටු තුල සිටින්නේ නව ව්‍යවස්ථාවක් හැදීමට නොව හැදෙන ව්‍යවස්ථාව නතර කරගැනීමට හෝ එහි සිදුවන ද්‍රෝහීකම් ජනතාවට හෙළිදරව් කිරීමට බව පවසන කුමාරතුංග මහතා පාර්ලිමේන්තුවෙන් පිටත ව්‍යවස්ථාවට එරෙහිව කෙරන ජනතා නැගිටීමකට එය අත්වැලක් මිස කිසිසේත් බාධාවක් නොවන බවද අවධාරණය කර සිටී.
එබැවින් කළ යුත්තේ පාර්ලිමේන්තුවෙන් පිටත කෙරෙන ව්‍යවස්ථාවට එරෙහි ජනතා නැගිටීමකට මග පෙන්වන අතරේ හැකිතාක් ලැබෙන ප්‍රජාතන්ත්‍රවාදී අවකාශය යොදා ගනිමින් ඒම ද්‍රෝහී ව්‍යවස්ථාව නතර කරගැනීමට යෙදිය හැකි අභ්‍යන්තර ප්‍රතිවිරෝධයද අත් නොහැර යෙදවීම බව ඔහු පෙන්වා දෙයි.
ඒ ජාතික ඒකාබද්ධ කමිටුව විසින් පවත්වන ලද මාධ්‍ය සාකච්චාවකදීය.
ගෙවිඳු කුමාරතුංග මහතා පැවැත්වූ සම්පූර්ණ අදහස් දැක්වීම පහත සබැඳියෙන්
එහිදී අදහස් පළකළ ජනාධිපති නීතීඥ මනෝහර ද සිල්වා මහතා පෙන්වා දුන්නේ
ව්‍යවස්ථා සම්පාදක මණ්ඩලයෙන් ඒකාබද්ධ විපක්ෂය ඉවත්වීමෙන් ලබාගත හැකි
කිසිවක් නොමැති බවයි. ඒ හරහා දැනට යන්තමින් හෝ යොදන අභ්‍යන්තර
ප්‍රතිවිරෝධයද අහිමිව රනිල් වික්‍රමසිංහ - සම්බන්ධන් තනි ඒකාධිකාරයට එය
යටත් වෙන බවත් පෙන්වා දුන් ඔහු වැඩිදුරටත් පැවසුවේ එබැවින් පාර්ලිමේන්තුවේ
පිටත කෙරෙන අරගලයට මෙය කිසිසේත් බාධාවක් කර නොගත යුතු බවයි.
මහානායක
හිමිවරුන්ගේ ඓතිහාසික ඒකාබද්ධ ප්‍රකාශනයට ඒකාබද්ධ විපක්ෂය කමිටුව තුල
සිටිමින් සිදු කරමින් සිදුකළ දායකත්වය පෙන්වා දුන් මනෝහරද සිල්වා මහතා එලෙස
ඉදිරියේදීත් අභ්‍යන්තරයේ සිදුවන සියළු ද්‍රෝහීපාවාදීම් හෙළි කරමින් පිටත
ගොඩනගන ජනතා බලයට එය ශක්තියක් කරගත යුතුව ඇතැයි අවධාරණය කළේය.
මනෝහර ද සිල්වා මහතා සිදුකළ සම්පූර්න අදහස් දැක්වීම පහත සබැඳියෙන් ..
මෙම මාධ්‍ය හමුවේදී මනෝහර ද සිල්වා , ගෙවිදු කුමාරතුංග මහත්වරුන්ට අමතරව විශේෂඥ වෛද්‍ය අනුලා විජේසුන්දර මහත්මිය සහ කර්නල් අනිල් අමරසේකර මහතාද අදහස් දැක්වීය .
සටහන : යටියන ප්‍රදීප් කුමාර
යුතුකම සංවාද කවය
www.yuthukama.com
Like us on facebook : https://www.facebook.com/yuthukama
0 comments :
ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .