12/11/2016

වරාය විකිණීම

කතෘ:යුතුකම     12/11/2016   No comments

-නලින් ද සිල්වා-ටික කලකට අර්ජුන රණතුංග නැවතත් ජනමාධ්‍යයේ දැකගන්න පුළුවන්. හම්බන්තොට වරාය චීනයට විකිණීම එක කතාවක්. කොළඹ වරායේ නත්තල් ගහ අනික් කතාව. හම්බන්තොට වරාය චීන සමාගමකට විකිණීම කොහොමටවත් අනුමත කරන්න බැහැ. ආණ්ඩුව කියාවි විකුණන්නෙ නැහැ බදු දෙනවා විතරයි කියලා. චීන සමාගම චීන රජයට සම්බන්ධයි. බද්ද අවුරුදු අනුනවයකට. චීන සමාගමට 80%ක් හා ලංකා රජයට 20%ක් වශයෙන් වූ සමාගමකට තමයි බදු දෙන්නෙ. චීන සමාගමට 80%ක් තිබෙන නිසා ඒක චීනයට ම අයිතියි, චීන සමාගමට ඕන අන්දමට තමයි වැඩ කෙරෙන්නෙ. අනෙක් අතට අනූනව අවුරුදු බද්දක් කියන්නෙ සින්නක්කර විකුණුවා හා සමානයි. තව අවුරුදු අනූනවයකින් ලෝකයට මොනව වෙයි ද කියලා කවුද දන්නෙ.

මේ ගිවිසුමෙන් පේන්නෙ රට වැටිල තියෙන භායානක තත්වය. අද ආණ්ඩුවට බටහිරින් හරි ඉන්දියාවෙන් හරි ආධාර ලබාගන්න බැහැ. ජාත්‍යන්තරවාදීන් ආධාර කරන්නෙ ආණ්ඩු බිඳ දැමීමට මිස ආණ්ඩු පත්වාගෙන යෑමට නොවෙයි. චීනයට බැණ බැණ හිටපු රනිල්ට හා එ ජා පක්‍ෂයට චීනය අද එකම සරණ බවට පත්වෙලා. අද ආණ්ඩුව පවත්වාගෙන යන්න සිද්ධ වෙලා තියෙන්නෙ රට චීනයට විකුණලා (බදු දීලා). චීන සමාගමට හම්බන්තොටින් අක්කර 15000ක් පමණ බදු දීමට ආණ්ඩුව පොරොන්දු වෙලා. ඒ ඉඩම් සිංහලයන්ගෙ පාරම්පරික ඉඩම්. එතරම් ඉතිහාසයක් නැති වුනත් නගෙනහිර පළාතෙ ඉඩම් බදු දුන්න නම් මේ වන විට මොනව වෙන්න තිබුණ ද? මුස්ලිමුන් රට දෙවනත් කරන්න තිබුණා.

චීන සමාගමට වරාය හා ඉඩම් බදු දීල ආණ්ඩුව මුදල් හොයනවා. ඒකෙන් මිනිස්සුන්ට රස්සාවල් දෙන්න පුළුවන්ලු. මේ රස්සාවල් වැඩි හරිය චීන මිනිස්සුන්ට වෙන්නත් පුළුවන්. කොහොමටත් වෙනත් කාටවත් රස්සා දෙන්න කලින් හම්බන්තොට වරායෙ මෙතෙක් වැඩ කරපු අයට රස්සාවල් ලැබෙන විධියට ගිවිසුමක් අත්සන් කරන්න බැරි වුනේ ඇයි? වරාය සේවකයන්ට දැන් සිද්ධ වෙන්නෙ මුහුදට පනින්න ද? කැබිනට් මණ්ඩලයෙ දි වරාය සේවකයන්ගෙ රැකියා ගැන කතා කරන්න අර්ජුන හැරෙන්න වෙනත් කවුරුන්වත් සිටියෙ නැද්ද? මා අර්ජුන හොඳ මිනිහෙක් කියලා කියන්නෙ නැහැ. ඔහු පහුගිය කාලෙ කර කියපු දේවල් කොහොමටත් අනුමත කරන්න බැහැ.

ආණ්ඩුවලට අනූනව අවුරුදු ගිවිසුම් අත්සන් කරන්න බැරි විධියට ව්‍යවස්ථා සංශෝධනයක් ගෙනාවත් කමක් නැහැ. අවුරුදු අනූනවයක් පවතින විධියට නීති සම්පාදනය කරන එක පහසු නැහැ. ව්‍යවස්ථාව වුනත් අවුරුදු කිහිපයකින් සංශෝධනය කරන්න පුළුවන්. චීනය අපේ මිත්‍රයකු තමයි. ඒ වුනත් මිත්‍රයන්ට කියලා බෙල්ල කප්පවා ගත්තම බෙල්ල නොගැලවී තියෙන්නෙ නැහැ. අක්කර 15000ක් චීන සමාගමකට අවුරුදු අනූනවයකට බදු දීමෙන් සිදුවන දේ ගැන දීර්ඝ කාලීන අනාවැකි කියන්න බැහැ.

චීනයවත් වෙනත් කිසිම රටක්වත් තමන්ට පාඩු කරගෙන අපට ආධාර කරන්නෙ නැහැ. එහෙම ආධාර කරන පරාර්ථකාමී බෝසතුන් හිටියත් බෝසත් රටවල් කියලා රටවල් නැහැ. හැම රටක් ම ඉස්සෙල්ල බලන්නෙ තමන්ට යහපතක් කරගන්න. මෙතන හැම රටක් ම කියන එක වැරදියි කියලා කියන්නත් පුළුවන්. ඒ ඒ රටවල ඉන්න දේශපාලනඥයන් ව්‍යාපාරිකයන් අනුව තමයි ඒ දේ සිද්ධ වෙන්නෙ. අද ලෝකෙ හැදිල තියෙන්නෙ දේශපාලනඥයන් හා ව්‍යාපාරිකයන් රට ගැන හිතනවාට වඩා තමන් ගැන හිතන ආකාරයෙන් කටයුතු කරන විධියට. ජාත්‍යන්තරවාදයට පැවැත්මක් තියෙන්නෙ එවිට පමණයි.

ජාත්‍යන්තරවාදය ජාතිකත්වයට විරුද්ධයි. ජාත්‍යන්තරවාදයෙ ඊනියා මනුෂ්‍යත්වයක් ගැන කතාකරන්නෙ ජාතිකත්වය අමතක කරලා පෞද්ගලිකත්වය වර්ධනය කරන්න මිසක් බෝසතුන් බිහි කරන්න නොවෙයි. අද ඇතැම් පෞද්ගලික ව්‍යාපාරිකයන්ට බොහෝ විට රටට හෙන ගහල ගියත් කමක් නැහැ. අපට කියන්න පුළුවන් ජාත්‍යන්තරවාදය, ඊනියා මනුෂ්‍යත්වය කියන්නෙ ආත්මාර්ථකාමී පෞද්ගලිකත්වය වර්ධනය කරන කුහක තක්කඩියන්ගෙ නවාතැන්පොළ කියල. අද ලෝකයෙ ජාතිකත්වයක් පැන නගින්නෙ මේ කුහක ජාත්‍යන්තරවාදයට එරෙහිව.

චීනය කියන්නෙ පැරණි රාජ්‍යයක්. චීනුන් හා සිංහලයන් තමයි ලෝකෙ පැරණි ම ජාතීන්. ජාතිකත්වයට මග පෙන්වන්න ඕනෙ ඒ ජාතීන්. ඒත් ඒක එහෙම වෙන්නෙ නැත්තෙ ඇයි. චීනය අද ලෝකයේ ආර්ථික බලවතෙක් වෙලා. ලංකාව ආර්ථික වශයෙන් දුබලයි. රටවල් දෙක ම දූෂිතයි. චීනයෙ සංස්කෘතික විප්ලවයෙන් පස්සෙ බිහිවෙච්ච දූෂිතයන් පිරිසක් ඉන්නවා. ලංකාවෙත් ඊනියා විවෘත ආර්ථිකයෙන් පස්සෙ බිහිවෙච්ච දූෂිතයන් පිරිසක් ඉන්නවා. මේ දෙගොල්ලන් ම ඊනියා ජාත්‍යන්තරවාදයෙන් බිහි වෙච්ච අය.

හම්බන්තොට වරාය බදුගන්න චීන සමාගම ගැන විස්තරයක් දන්නෙ නැහැ. ඒත් ඒක අර සංස්කෘතික විප්ලවයෙ දෙවැනි පරම්පරාවෙ අයගෙ වෙන්න පුළුවන්. බිහිවෙමින් පවතින ලෝකයෙ තිබෙන ප්‍රශ්නය ජාතික දේශපාලනයක් තිබුණත් ජාතික ආර්ථිකයක් නොමැති වීම. ජාතික ආර්ථිකයක් බිහි කර ගන්න මහන්සි වෙන්න ඕන. ඒක බටහිර ආර්ථික විද්‍යාව ඉගෙන ගත්ත අයගෙන් බලාපොරොත්තු වෙන්න බැහැ. ඔවුන් හොඳ විශ්වවිද්‍යාලවල බොරු උගන්වන්න, ඊනියා පරායේෂණ ආයතනවල බොරු පර්යේෂණ කරන්න විතරයි.

ඒ කොහොම වුනත් චීන සමාගම සමග ඇතිකරගත් ගිවිසුම අවලංගු කරන්න පුළුවන් නම් හොඳයි. ඒකාබද්ධ විපක්‍ෂය ඒ ගැන කියන්නෙ මොකක් ද? ජාත්‍යන්තර ගිවිසුම් අවලංගු කරන එක පහසු දෙයක් නොවෙයි. ගිවිසුම් ඇති කර ගන්න ඉස්සෙල්ල නවත්තන්න ඕන. එට්කා ගිිවිසුමත් තවත් එවැන්නක්. මේ සියළු ගිිවිසුම්වලින් වෙන්නෙ අවසානයේ දී රටේ ස්වාධීනත්වය නැති වෙන එක විතරයි. මේ ආණ්ඩුව දන්නෙ රට කාට කාට හරි විකුණලා තම පැවැත්ම ආරක්‍ෂා කරගන්න පමණයි.

https://www1.kalaya.org
2016 දෙසැම්බර් 10

යුතුකම සංවාද කවය
www.yuthukama.com
Like us on facebook :https://www.facebook.com/yuthukama

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions