ඩොනල්ඞ් ට්‍රම්ප්ගේ ජයග්‍රහණය ගැන ලංකාවේ ජාතිකවාදීන් මේසා උදම් ඇනීමට හේතුව කුමක්ද යන්න මට නම් ගැටලුවකි. ඉස්ලාම් අන්තවාදය වැනි ඇතැම් කාරණා සම්බන්ධව ට්‍රම්ප්ගේ හැසිරීම හා ප්‍රකාශ සුබවාදී බව සැබෑවක් වුවද, පොදුවේ ගත්කල ඇමරිකාවේ ජාතිකවාදය ලෝකයේ හොඳට නොව නරකට හේතුවන අන්ත විනාශකාරී ජාතිකවාදයකි. ට්‍රම්ප් හෝ හිලරි හෝ වෙන කුමන පාංකිරිත්තෙකු බලයට පත්වුවද ඇමරිකාව කොහොමටත් ජාතිකවාදීය. ඔවුහු තම රට, ජාතිය, ආගම, විද්‍යාව, යුධ වීරත්වය, ආර්ථික ශක්තිය, අධි පාරිභෝජනවාදී ජීවන රටාව, ගෝලීය බල පරාක්‍රමය ගැන අධික මාන්නනයකින් පසුවෙති. හොදින් හෝ නරකින් ඒ ජාතික අභිමානය තම දරුවන්ටද එන්නත් කරති. එසේවුවද ඔවුන් තම අසීමිත බල පරාක්‍රමය ගොඩනංවාගෙන ඇත්තේ නිකම් නොව මුළු ලෝකයම සූරාකමිනි. සාගත, වසංගත, ලෙඩ රෝග, දුගී භාවය, යුද්ධ කෝලාහල ආදී අනේක විධ උපද්‍රව මුළු ලෝකයටම උරුම කර දෙමිනි. ඔවුන්ගේ ජාතිකවාදය මෙන්ම ඊනියා ජාත්‍යන්තරවාදයද ඒ සඳහාය.
ජාතිකවාදය යනු ස්ථාවර අදහස් හෝ සම්මුතීන් පද්ධතියක් නොවේ. එය හොඳට මෙන්ම නරකටද යොදාගත හැක්කකි. තැනේ හැටියට එහි හැඩය, ස්වභාවය හා කාර්යය සාධනය වෙනස් වෙයි. හිට්ලර් හා ඉඩි අමීන් වැන්නවුන්ද දැඩි ජාතිකවාදියෝය. ආදරය කිරීමේ වරදට ඇෆ්ගනිස්ථානයේ ගැහැනු දරුවන් ගල් ගසා මරා දැමීම වුවද සංස්කෘතික ජාතිකවාදයේ නාමයෙන් සාධාරණීකරණය කළ හැකිය. මේ අනුව ජාතිකවාදය ඔස්සේ යහපත් පාලනයක් පමණක් නොව අතිශයින්ම විනාශකාරී ප්‍රජා පීඩක පාලන තන්න්‍රයක් වුවද ගොඩනඟා ගැනීම කළ හැකි බව අමුතුවෙන් කිව යුතු නොවේ. නමුත් මේ සරල කාරණය අමතක වීම නිසාදෝ අද මෙරට ඇතැම් ජාතිකවාදී මත දරන්නෝ ෆිදෙල් කස්ත්‍රෝගේ ජාතිකවාදයටත්, ට්‍රම්ප්ගේ ජාතිකවාදයටත් එකවර අත්පොලසන් දෙමින් සිටිති. මෙය කෙතරම් විකාර සහගත පරස්පරයක්ද වේද? ඇමරිකාවේ ජාතිකවාදය ලෝකයට දැවැන්ත විනාශයක් ගෙන එන විට ෆිදෙල්ගේ ජාතිකවාදය සමාජවාදයේද දැඩි ආභාසයක් ලබමින් ඒ විනාසයට එරෙහිව අරගල කිරීමේ ආදර්ශය ලෝකයට කියා දුන්නේය. මේ ජාතිකවාද දෙක අතර වන අහසට පොළව බඳු පරතරය වටහා ගැනීමම මේ ගැටලුව නිරාකරණය කර ගැනීමට කදිම අභ්‍යාසයකි.
ලංකාවේ අපිටද ජාතිකත්වය, ජාතිකවාදය, ජාතික අභිමානය වැදගත් බව පැහැදිලි ඇත්තකි. එහෙත් අපට එය අවශ්‍ය වන්නේ තවත් රටකට වින කිරීමට නොව අපට වින කරන සතුරන්ගෙන් ගැලවී දෙපයින් නැඟී සිටීම සඳහාය. යටත් විජිතවාදයේ වියගසින් මිදුනු නිවහල් අදීන රටක් හා සාධාරණ සමාජයක් උදෙසාය. මේ නිසා ට්‍රම්ප්ගේ ජයග්‍රහණය ගැන අපට උදම් ඇනිය හැකි වන්නේ ඇමරිකානු ජාතිකවාදයෙන් ලෝකයට සිදුවන විනාශය දසමයකින් හෝ අවම කිරීමට ඔහු සමත් වන්නේ නම් පමණි. එසේ නොමැතිව ඔහු හුදු ජාතිකවාදියකු වීම ඇමරිකාවට කෙසේ වෙතත් ලංකාවට නම් උදම් ඇනීමට කාරණයක් නොවේ. කෙටියෙන්ම කිවතොත් ජාතිකවාදය ජාතිකවාදය උදෙසා නොවේ. එය නිවහල් රටක් හා සාධාරණ සමාජයක් උදෙසාය.
ජාතිකවාදය යනු ස්ථාවර අදහස් හෝ සම්මුතීන් පද්ධතියක් නොවේ. එය හොඳට මෙන්ම නරකටද යොදාගත හැක්කකි. තැනේ හැටියට එහි හැඩය, ස්වභාවය හා කාර්යය සාධනය වෙනස් වෙයි. හිට්ලර් හා ඉඩි අමීන් වැන්නවුන්ද දැඩි ජාතිකවාදියෝය. ආදරය කිරීමේ වරදට ඇෆ්ගනිස්ථානයේ ගැහැනු දරුවන් ගල් ගසා මරා දැමීම වුවද සංස්කෘතික ජාතිකවාදයේ නාමයෙන් සාධාරණීකරණය කළ හැකිය. මේ අනුව ජාතිකවාදය ඔස්සේ යහපත් පාලනයක් පමණක් නොව අතිශයින්ම විනාශකාරී ප්‍රජා පීඩක පාලන තන්න්‍රයක් වුවද ගොඩනඟා ගැනීම කළ හැකි බව අමුතුවෙන් කිව යුතු නොවේ. නමුත් මේ සරල කාරණය අමතක වීම නිසාදෝ අද මෙරට ඇතැම් ජාතිකවාදී මත දරන්නෝ ෆිදෙල් කස්ත්‍රෝගේ ජාතිකවාදයටත්, ට්‍රම්ප්ගේ ජාතිකවාදයටත් එකවර අත්පොලසන් දෙමින් සිටිති. මෙය කෙතරම් විකාර සහගත පරස්පරයක්ද වේද? ඇමරිකාවේ ජාතිකවාදය ලෝකයට දැවැන්ත විනාශයක් ගෙන එන විට ෆිදෙල්ගේ ජාතිකවාදය සමාජවාදයේද දැඩි ආභාසයක් ලබමින් ඒ විනාසයට එරෙහිව අරගල කිරීමේ ආදර්ශය ලෝකයට කියා දුන්නේය. මේ ජාතිකවාද දෙක අතර වන අහසට පොළව බඳු පරතරය වටහා ගැනීමම මේ ගැටලුව නිරාකරණය කර ගැනීමට කදිම අභ්‍යාසයකි.
ලංකාවේ අපිටද ජාතිකත්වය, ජාතිකවාදය, ජාතික අභිමානය වැදගත් බව පැහැදිලි ඇත්තකි. එහෙත් අපට එය අවශ්‍ය වන්නේ තවත් රටකට වින කිරීමට නොව අපට වින කරන සතුරන්ගෙන් ගැලවී දෙපයින් නැඟී සිටීම සඳහාය. යටත් විජිතවාදයේ වියගසින් මිදුනු නිවහල් අදීන රටක් හා සාධාරණ සමාජයක් උදෙසාය. මේ නිසා ට්‍රම්ප්ගේ ජයග්‍රහණය ගැන අපට උදම් ඇනිය හැකි වන්නේ ඇමරිකානු ජාතිකවාදයෙන් ලෝකයට සිදුවන විනාශය දසමයකින් හෝ අවම කිරීමට ඔහු සමත් වන්නේ නම් පමණි. එසේ නොමැතිව ඔහු හුදු ජාතිකවාදියකු වීම ඇමරිකාවට කෙසේ වෙතත් ලංකාවට නම් උදම් ඇනීමට කාරණයක් නොවේ. කෙටියෙන්ම කිවතොත් ජාතිකවාදය ජාතිකවාදය උදෙසා නොවේ. එය නිවහල් රටක් හා සාධාරණ සමාජයක් උදෙසාය.
[සංවාදයට විවෘත්තයි ]
යුතුකම සංවාද කවය
www.yuthukama.com
Like us on facebook :https://www.facebook.com/yuthukama
0 comments :
ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .