දෙරණේ සිදු ටෙලි නාට්ය සෝරත පොඩි හාමුදුරුවෝ නිසා සෑහෙන්න ජනප්රිය වුණා. මේක අර යශෝරාවය, කඩුල්ල, වෙද හාමිනේ, දඩුබස්න්නාමානය, අකාල සන්ධ්යා වාගේ ප්රේක්ෂකයාගේ වින්දන පථය පුළුල් කරන හෝ ගැඹුරක් තියෙන මහ ලොකු නාට්යයකුත් නෙමෙයි. එත් එහෙම වුණේ ඇයි?.
එකක් තමයි කසිකබල් ඉන්දියානු ටෙලි කතා තොග ගානට ගෙනල්ලා සිංහලෙන් හඩකවා නස්ටොප් ප්රචාරය කරන්න මෙරට ටෙලිවිෂන්වලට සතියේ දින හතත් මදි වුණා. රන් දෙපය කියලා පැය දෙකකුත් වෙන් කළා. ඒ අතරතුර සරල ප්රශ්න අහලා ඒවා බලනවට ප්රේක්ෂකයන්ට අල්ලස් දෙන ක්රමයකුත් ඇති කළා. ලබන සතියේ ප්රවීණා රහසින් පෙම් කරන්නේ කාටද වගේ සරළ ප්රශ්නයකට නිවැරදි පිළිතුර සපයා රන් පවුම් 5ක් දිනාගන්න වාගේ අල්ලස් දෙන ක්රමයකුත් තිබුණා. සිරස පටන් ගත්ත මේ වැඩේ පසුව ස්වර්ණවාහිණිය වාගේ ඒවටත් බෝ වුණා. කිසි වින්දනයක් නැති මේවා මිනිසුන්ගේ ඔලු ඔද්දල් වෙනකම්ම බලහත්කාරයෙන් මේවා පෙන්නුවා. සමහර කතා හැමදාම පෙන්නලාත් ඉවර වෙන්න අවුරුදු ගන්න් ගියා.
මොනවද මේවයේ බලන්න තියෙන්නේ. ලස්සනම ගෑනු මිනිස්සු ටිකක් ලස්සන සාරි ඇදගෙන ලස්සනට තොල් පාට කරගෙන ලස්සන මන්දිරයක මැද සාලෙට ඇවිත් රණ්ඩු වෙනවා. සට පට ගාල තොර තෝංචියක් නැතුව බැණ ගන්නවා. ඊට වැඩි දෙයක් නැහැ. මිනිස්සුන්ටත් ඕන වෙලා තිබුණා මේ ඒකාකාරී බවෙන් මිදෙන්න. ගෙදර සාලේ මැදට කොටු වෙච්ච ඇස් ඊට වඩා එළිමහන් දර්ශනයක් ඉල්ලා සිටියා. සිදු ටෙලි නාට්යයෙන් ඒ දේ වුණා.
ඊළගට මේ නාට්ය ජනප්රිය වීමට අපේ සංස්කෘතික විඥානයත් බලපෑවා. සෝරත පොඩි හමුදුරුවන්ගේ චරිතය නොවෙන්න මේක මේතරම් මිනිස්සු වැළද ගන්නේ නැහැ. ඒක පිළිගන්න මොනතරම් අකමැති වුනත් මේ කතාවට ඇලුම් කිරීමට හේතුව ලෙස අවිඥානිකව හෝ සියුම්ව මතු වුණේ අපේ සංස්කෘතික විඥානය.
අපට අවශ්ය මේ පොළවෙන් උපදින කලාවක් මිස, වෙන රටක , වෙන සංස්කෘතික පරිසරයක පැළ වෙන අනුකාරක කලාවක් නොවන බව දෙරණ මේ නාට්ය ඔස්සේ මතක් කරලා දුන්නා. අන්න ඒකට අපි දෙරණට ස්තුතිවන්ත වෙන්න ඕන. සිරස අර වසංගත ටෙලි නාට්යවලට හඬ කවලා කලේ ඒවා බලහත්කාරයෙන් මිනිසුන්ගේ ඔලුවලට ඔබපු එක. දෙරණේ සිදුගෙන් වුණේ කැමැත්තෙන්ම මිනිස්සු ඒක වැළද ගත්තු එක. මාධ්ය ත්රස්ත්රවාදයකින් මිනිසුන්ගේ ඔලුවලට ඔබලා බලහත්කාරයෙන් දිනාගන්නා දේවලට තිර පැවැත්මක් නෑ කියලා ඒ මාධ්ය ප්රධානීන්ද මේකෙන් ඉගෙන ගත්තොත් හොදයි.
යුතුකම සංවාද කවය
www.yuthukama.com
Like us on facebook : https://www.facebook.com/yuthukama
නොදකින් මේවත් නාට්යද? ලෝකධර්මී හෝ නාට්ය ධර්මී කියන කිසිම නාට්ය ක්රමයකට නැති, ඉන්දියානු අච්චුවේ කුණුගොඩක්.
ReplyDeleteAgree with u 100%. I am watching Sidu just because everybody is telling it is "great". I am bit shocked that how such an unsophisticated unrefined garbage can be called "good" let alone "great". It's obvious that the aesthetic sense of most Sri Lankans is at a very low level. It shows in everything else we do, be it how we drive (or not-drive) on the roads to how are offices are. Pathetic.
Deleteසිදූ වගේ ටෙලිනාට්ය ජනප්රිය වීමෙන් පෙන්නන්නේ එකම එක දෙයයි. ඒ තමයි මේ රටේ අති මහත් බහුතරය කොච්චර අවිදග්ධද කියලා!!!
ReplyDelete