10/29/2014

තාත්තගේ ඕස්ට්‍රේලියා ගමන...

කතෘ:යුතුකම     10/29/2014   10 comments


වීසා එක ලැබුන දා දූලගේ දිහාවට
තාත්තගෙ ඉහේ මල් පිපුන වාගෙයි දැනුනෙ
නොදන්නා රට වලට මට ගිහින් පුරුදු නෑ
අපෙ මහත්තයා ගොහින් බලාගෙන එන්නකෝ
හාමිනෙත් කිවු නිසා තාත්තගෙ හිත හොඳයි
නෑදෑයො පැවසුවෙත් තාත්තගෙ පින තමයි......

මෙල්බර්න් නගරයට ගොඩබැස්සෙ පාන්දර
අළුත්ම සැප රියෙන් අලුත් ගෙයි දොරකඩට
වේගෙ සීයක් නිසා තදබදය නැති නිසා
කොයි තරම් දුර උනත් පැයට මත්තෙන් ගෙදර.....

මුණුපුරයි මිණිපිරියි සීයාව පිලිගන්න
ටෙඩී කෙනෙකුත් අරන් සීයාට දොයියන්න
දණ නමලා පිලිගත්තේ තාත්තව ආදරෙන්
තුන් මාසයක්ම දැන් අපි එක්ක හිටියැහැකි
දවසක්ම මග ගෙවලා මහන්සියි තාත්තට
ඕනෙනම් නාගන්න උණුවතුර ගේ ඇතුලෙ.....

තාත්තේ මෙහෙ ඉතිං ලංකාව වගෙ නෙවෙයි
ජීවිතේ ගෙනියන්න හරි පහසුකම් ගොඩයි
කෝන් ෆ්ලෙකස් වලට කිරි ටිකක් දාගත්තහම
උදෑසන ආහාරෙ තනියමම හැදුවැහැකි
තුන් මාසයක් ඉඳලා අත්දකින විට ඒවා
වචනයෙන් නොකිව්වට තාත්තට තේරේවි.....

සතියකට සෑහෙන්න ඉරිදාට උයාගෙන
පෙට්ටිවල අහුරලා ශීතකරණේ දැම්මහම
ලංකාවෙ වගේ අපි කුස්සියෙම ඉන්නෙ නෑ
කාලයත් ඉතුරුයිනෙ වෙන වැඩක් කර ගන්න
කන වෙලාවට අරන් මයික්‍රෝවේවයෙන්
රත් කරල ගත්තහම දැන් ඉවුවා වගේමයි
තාත්තා ත් ආසයිනෙ උණු උණුවෙ බත්කන්න
හෙට ඉඳලා තාත්තේ ආයිමත් අපිට වැඩ
එහෙ වගේ නෙවෙයි මෙහෙ පාඩුවේ හිටියැහැකි....

දුව උදේ 7ට වැඩ මුණුපුරා පාසලට
මිණිපිරිත් 6 වෙද්දි යන්නෝනැ ඩේ කෙයාර්
ඉන්නවා නම් මෙහේ ළමයිනුත් මෙහෙ වගේ
නොහැදුවොත් කවදාහරි ඔවුන්මයි අනතුරේ
දුවත් බෑනත් එක්ව කියාදෙයි තාත්තට....

තාත්තේ මගේ වැඩ ඇරඹෙන්නේ රෑ අටට
ඒනිසා මම දවල් නිදා ගන්නට ඕනෙ
හම්බඋන රස්සාව එපා කීවොතින් අපි
ආයිමත් හොයන්නට අමාරුයි මේ රටේ
තාත්තට පාලුනම් රූප පෙට්ටිය දාමු
බඩගින්න හැදුනොතින් ශීතකරණයෙ කෑම
ගිම්හානෙ ළඟ නිසා පෙලක් විට රස්නෙ
ගොඩක් රත් වෙනව නම් දාගන්න කූලරය
හීතලක් ආවොතින් දාගන්න හීටරය
ඇසිපියන වේගයෙන් රත්වෙනවා මුලු ගේම...

ටෙලිවිෂන දැම්මාට දෙයක් නෑ බලන්නට
වැඩිමනක් පෙන්නන්නෙ විලිසංගෙ නැති ඒවා
සති ගණන් පල් කරල කාල මට පුරුදු නෑ
ඊට වැඩියෙන් හොඳා හුරුපුරුදු ප්ලේන්ටිය
මගේ දුක දැනුනොතින් දරුවන්ට දුක හිතෙයි
කෑම ටික විසිකරල කෑව වගෙ ඉන්නෝනැ....

බෑන ගෙදරින් ගිහින් පැයක් යන්නට කලින්
දුව එනව කලුවරේ දරුවනුත් එක්කගෙන
අනේ පොඩි හා පැටව් සීතලේ නිදිමතේ
ළමාවිය මෙහෙමදෝ පොඩිඋන්ගෙ ගෙවෙන්නේ
මහන්සියි තාත්තේ... බඩගිනිද තාත්තට
ඉක්මනින් කෑම කමු මම කඩෙන් ගෙනාවා
මුලුදවස වැඩකරල ළමයිනුත් එක්කරන්
එද්දි හරි මහන්සියි උයන්නට අනේ බෑ....

මහා ලොකු බනිසයක මස් ගොඩක් පුරවලා
'පාස්ටා' කියලා තව දකිද්දිත් හිරිකිතයි
කොහොම කනවද මන්ද මේ පුංචි කිරිදරුවො
මේද රහිතයි ඕක මේව හරි ගණන් මෙහෙ
තාත්තා හින්දමයි මම ඕව ගෙනාවේ
ලංකාව වගෙ රටක කොහේ කන්නද ඕව....

ප්ලග් කරලා බ්ලැන්කටය ඔන්න මම රත්කරා
සීතලෙන් පෙරෙව්වොත් ඇවිස්සෙයි වීස් එක
සීතලෙන් උණුහුමින් පරිස්සම් වෙන්නෝනැ
ලෙඩඋනොත් තාත්තගේ ගමනින්ම ඵලක් නෑ...

බෑන මහ පාන්දර වැඩඇරිලා ඇවිල්ලා
තේ එකක් හදනවා., තාත්තත් ඇහැරලා
අනේ ඇයි තාත්තේ නින්ද යන්නේ නැද්ද
කාමරේ සීතලද.. තාත්තට තේ එකක්?
සෙනසුරාදාට අපි අම්මට කතා කරමු
බැලුවැහැකි සුදුමූණ ස්කයිප් තියනවනෙ
අනේ මගෙ හිතේ දුක බෑනාට කොලොප්පම්.....

සෙනසුරාදා දවල් අම්මගගෙන් ඇමතුමක්
අපෙ මහත්තයා ගොහින් සතියකුත් ගතඋනා
කොහොමදෑ ඔයදිහා අහන්නත් බැරිඋනා
මුණුපුරයි මිණිපිරියි සීයාගෙ තුරුල්ලේ
කතන්දර අහනවද ගී සින්දු කියනවද?.....

අනේ මගෙ හාමිනේ අහිංසක පොඩිඑවුන්
පාන්දර ගිහිල්ලා නිදියන්න ගෙට එන්නෙ
එක පවුලෙ අයවෙලත් බෝඩිමක වගෙ ඉන්නෙ
මොන මෝඩකමක්දෝ ඇවිත් මම කරගත්තේ

අනේ හාමිනේ අපි බඩට හරියට නොකා
දරුවන්ට ඉගැන්නුවෙ මෙහෙම දුක් විඳින්නද
ලංකාවෙ ඉන්දැද්දි ආදරෙන් පවුල් කෑ
අපේ දරු පැටව් මෙහෙ ඇවිත් මේ විඳින දුක
මුණුපුරයි මිණිපිරියි ඉන්නෙ උන්ගේ ලෝකෙ
සිංහලෙන් ඇහුවාට උන්ට තේරෙන්නෙ නෑ
දුව තමයි උන් කියන එව්වා මට කියන්නේ
ඉතිං මම කාටදැයි කවි කතා කියන්නේ.....

අපෙ මහත්තයා ඕව ගණනකට ගන්නෙපා
අපි මෙහෙම දුක් උනත් උන් ඉන්නෙ සතුටින්නෙ
ඉනු කඳුලු හංඟගෙන හාමිනේ හිත හදයි
අපි වාගෙ ආදරෙන් පවුල් කනවා තියා
උන් උන්ව හමුවෙන්නෙ හාවා හඳ දකින්නැහෙ.....

අපොයි තව සතියදෑ ගතඋනේ මයෙ මැණිකෙ
කල්පයක් වගෙයි මට මේ ගෙවුනු දවස් හත
තවත් සති එකොලහක් තියෙනවා නෙවෙද මට
මේ සුපිරි හිර ගෙදර ජීවිතේ ගෙවන්නට.....


-නිසංසලා රත්නායක
යුතුකම සංවාද කවය
www.yuthukama.com

, , ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

10 comments :

  1. ඉන්දික10/29/2014 3:59 PM

    ලෝකල් ජීවිතේ සැපයි අපිට නම්..

    ReplyDelete
  2. nice one...

    ReplyDelete
  3. නියමයි නියමයි නිසංසලා රත්නායක නියමයි. එහේ විතරක් නෙවෙයි, කොළොම්පුරේ ඉන්න වැඩි දෙනෙක්ගෙ ජීවිතත් ඔය වගේ තමයි.

    ReplyDelete
  4. ඖෂ්ට්‍රලියවේ ඉන්න ඔක්කොම මෙහෙම ජීවිත ගෙවන්නේ නැහැ. සමහර අය ලංකාවට වැඩිය ඉක්මනට ගෙදර යනවා වැඩ ඉවරවෙලා සහ සහැල්ලු ජීවිතයක් ගෙවනවා

    ReplyDelete
  5. To Nisansala Rathnayake
    This poem written by Subhashini Herath. Now you copy her work and publish on the internet. pls stop this dog act. you will be caught. Subhashini published this poem nearly 7 years ago on one of Sinhalese news papers in Melbourne. She is a regular writer to all sri lankan news papers and still write to Sihanada paper. You are a mother, even you I dont think want your kids want to follow your path.

    ReplyDelete
    Replies
    1. "@ 11/08/2014 10:32 AM සුභාශිණී හේරත් මේක ලිව්වා කියලා ඔප්පු කල හැකි සාධක ඔබ ලඟ තිබේ නම් මෙහි පල කරන්න -

      Delete
    2. please mind your language, she is a person who would sacrifice anything to be a mother.. have some decency before you put blame on people whom you dont know. you and your subashini herath should be ashamed the way you are behaving and using your language like this.. if it is published 7 years ago, i challange you to prove it

      Delete
  6. මේක නිසංසලා රත්නායකගේ කියන්න සාක්ෂි ඕනේ තරම් තියෙනවා. පුලුවන්නම් ඔප්පු කරන්න මේක සුභාශිනිගේ කියලා. මේ වගේ අනනුන්ගේ දේවල් තමන්ගේ කරගන්න හදන්නේ තමන්ටම කියල කිසිම දෙයක් කරගන්න බැරි දුර්ජන අශීලාචාර මිනිස්සු. ඇත්තටම නිසංසලා අක්කි කියන්නේ තමන්ගේ අදහස් අනික් අයටත් රසවිඳින්න කිසිම ලෝබ කමක් නැතුව ලබා දෙන ඉතාමත් හොද ගුණගරුක කාන්තාවක්. මමත් නිසංසල අක්කිගෙ හොඳ රසිකාවියක්. මේ කවි පන්තිය මම කියෙව්වේ අවුරුදු ගානකට කලින්. මේ වගේ පහත් වැඩ කරලා අනුන්ගේ අදහස් තමන්ගේ කරගන්න දගලන අයට නීති ක්‍රියාත්මක නොවීම ගැන හරිම දුකයි. පුලුවන්නම් අනුන්ගේ ඒවා තමන්ගේ කරගන්න දගලන්නේ නැතුව මොනවා හරි ලියන්න උත්සහ කරන්න. එක රටට කෙසේ වෙතත් ත්මන්ටයි තමන්ගේ පුලේ අයටයි යහපතක් වෙයි.

    ReplyDelete
  7. To: Anonymous11/08/2014 10:32 AM

    සුභාෂිනි හේරත්ට මේක ඕනෙ නම් ගන්න කියන්න. මොකද මම යන දවසට මේවා අරන් යන්නේ නැති නිසා. මම මේක ලිව්වේ ඉන්නකල් මට සහ මගේ වටේ ඉන්න මිනිස්සුන්ට විඳින්න. ඒත් ඊට කලින් 2014 නොවැම්බර් මාසේ පහන පත්තරේ අරන් බලන්න. (ආහ්! අරගන්න කියන්න ඕනේ නැහැනේ. නිතර ලියනවා නම් දන්නවා ඇතිනේ.) අර රංජිත් සෙනෙවිරත්න ක්‍රැගිබර්න් ඉන්නේ, අන්න එයා ඔන්න පත්තරේටම දාලා. දැන් මේක සුභාෂිණි ගේත් නෙවෙයි, මගෙත් නෙවෙයි. මොකද මම සිංහල පත්තර ෆෑන් කෙනෙක් නෙවෙයි නිසා ඔය දෙන්නවම දන්නේ නැහැ.
    ඔව්, මම අම්මා කෙනෙක්. අම්මා කියන වචනේ තේරුම බොහොම හොඳින් අවබෝධ කරගත්තු කෙනෙක්. ඒ නිසා මම දන්නවා දරුවන්ට මොනවද කියල දෙන්න ඕනේ කියලා. කොහොම උනත් අවවාදයට බොහොම ස්තුතියි. ඔබට ජය!!
    මම නිසංසලා

    ReplyDelete
  8. Here we go this is the problem we have as Sinhalese, fight among ourselves, a sign of people with a minority complex. This shows we are still under the Indian colonialism and imperialism.

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions