මේ ව්‍යවස්ථාව සිංහල ජාතියේ අවසානයයි - අමරසේකරයන් අනතුරු අඟවයි..

යෝජිත ව්‍යවස්ථාව සම්මත වුවහොත් එය සිංහල ජාතියේ අවසානය වනු ඇතැයි ගුණදාස දොස්තර අමරසේකර මහතා අනතුරු අඟවයි.
මීට පෙර අතුරුදහන් පුද්ගලයන්  පිළිබඳ පනත පාර්ලිමේන්තුවේදී කපටි සහගත ලෙස සම්මත කරගත් ආණ්ඩුව මෙහිදීත් එම ක්‍රමයම අනුගමනය කරනු ඇතැයි ඔහු සැක පළ කරයි.

මේ ද්‍රෝහී පාවාදීම ආපසු හරවන්නට නම් දැවැන්ත ජනතා බලවේගයක් නිර්මාණය කර යුතු යැයි පවසන අමරසේකර මහතා ඒ සඳහා ඒකාබද්ධ විපක්ෂය නායකත්ව දිය යුතු යැයිද පෙන්වා දෙයි. ජනවාරි 5 වනදා මහජන පුස්තකාල ශ්‍රවනාගාරයේදී දේශය සුරැකීමේ ජාතික ව්‍යාපාරය මෙහෙයවීමෙන් පැවැති සම්මන්ත්‍රණයේදී ඔහු මේ බව පැවසීය.

එදිදී තවදුරටත් අදහස් පළකළ අමරසේක මහතා"
"මගේ ලොකු බයක් තියෙනෙවා හෙමින් සැරේ මේ වංක ක්‍රියාදාමය තුළ සියළු දෙනාගේ කනෙන් රිංගලා මේ රට බෙදන ව්‍යවස්ථාව ඉදිරිපත් කරයි කියලා. මෙන්න මේක වළක්වවගන්න පාර්ලිමේන්තුව තුළත් ඉන් පිටත් මේ ගැන හොඳ අවබෝධයකින් කටයුතු කරන්න ඕනා. 19, අතුරුදහන් වුවන් පිළිබඳ පනත කවුරුවක් වත් දන්නේ නැතිව හෙමින් සැරේ සම්මත වුනා. මේකත් එහෙම කර ගන්න බලයි.

මේ ව්‍යවස්ථාව අනුව රට බෙදුනොත් ඒකාන්තයෙන්ම එය සිංහල ජාතියේ අවසානය වනු ඇති. ඒ නිසා මීට විරුද්ධව විශාල ජන බලයක් ගොඩ නැගිය යුතුයි. තවම මහ ජනයා උදාසීනයි. ඒක්කට එක හේතුවක් තමයි රනිල් මහත්තයයි සිරිසේන මහත්තයයි මේ රටේ නායක හාමුදුරුවන් අල්ලගෙන ගෙන යන බොරු ප්‍රචාරය. ඒකීය බව නැති කරන්නේ නෑ කියනවා. බුද්ධාගමට ප්‍රමුඛස්ථානය නැති කරන්නේ නෑ කියානවා. මේව වචනෙට විතරක් සීමා වෙච්ච දේවල්. සුමන්තිරම් කියලා තිබ්බා ඔය ලේබල් වලින් අපිට වැඩක් නෑ. ඕන ලේබලයක් තිබිච්චාවේ කියලා. දෙවැනි හේතුව තමයි ඒකාබද්ධ විපක්ෂය මේක තවමත් අතට නොගැනීම. ඒකට ඔවුන්ට හේතු තියෙන්න පුළුවන්. ඒත් මම නම් හිතන්නේ ඒ කටයුත්ත ඔවුන් කළ යුතුයි. මේක විශාල දේශපාලන බලවේගයක් බවට පත් නොකර මේකට විරුද්දව රටේ ජනතාව අවදි කරන්න බෑ. මේ ව්‍යවස්ථාව මේ රජයට ක්‍රියා කරන්න පුළුවන් වුනොත් ඒක මේ රටේ, සිංහල ජනතාවගේ අවසානය වේවි.

යම් කිසි විදියකින් මේක දේශපාලන පක්ෂ අතට නොගත්තොත් සාමාන්‍ය ජනතාව පාරට බැහැලා මේක පරාජය කරන්න පෙරමුණ ගත යුතුයි."
යැයි පැවසීය.

අමරසේකර මහතා පැවැත්වූ සම්පූර්ණ දේශනය පහත සබැඳියෙන්..



සටහන :යටියන ප්‍රදීප් කුමාර

යුතුකම සංවාද කවය
www.yuthukama.com
Like us on facebook :https://www.facebook.com/yuthukama