10/31/2016

ජ වි පෙ රනිල් රකියි

කතෘ:යුතුකම     10/31/2016   No comments

-නලින් ද සිල්වා-මට කළ හැකි දේ සීමිතයි. ජනමාධ්‍යයෙන් මට තැනක් ලැබෙන්නේ නැහැ. ඔවුන් වෙනත් අයගේ තීරු ලිපි සතිපතා පළ කරන නමුත් මගේ ලිපි පළ කරන්නේ ඔවුන්ගේ අභිමතය පරිදියි. මේ ආණ්ඩුව බලයට පත් කරනු ලැබුයේ ජ වි පෙ විසින් නොවුනත් ඒ සඳහා ඔවුන් දරදිය ඇද්දා. සුනිල් හඳුන්නෙත්ති කෝප් කමිටුවේ සභාපති ලෙස පත්කෙරුණේ රනිල් ඔහු ගැන විශ්වාසයක් තැබූ බැවින්. ඊයේ පෙරේදාත් රනිල් පාර්ලිමේන්තුවේ දී කෝප් සභාපති ගැන තම විශ්වාසය පළ කළා. සුනිල් හඳුන්නෙත්ති ඉදිරිපත් කළ වාර්තාවෙන් රනිල් රැකගෙන තිබෙනවා.

මා මෙසේ කී විට ජ වි පෙ අනුගාමිකයන්ට හා හිතවතුන්ට කේන්ති යනවා. ඒ ස්වාභාවිකයි. ඔවුන්ට නායකයන් ගැන ඇත්තේ ලොකු විශ්වාසයක්. ජ වි පෙ හා එ ජා ප වැඩ කරන්නේ යම් අවබෝධයකින්. ඔවුන්ගේ බොරු බැණ ගැනීම්වලින් අප රැවටෙන්න හොඳ නැහැ. අද බොහෝ දෙනාට අමතක වුනත් මහබැංකු බැඳුම්කර ගැන සකස් වූ තවත් වාර්තාවක් තියෙනවා. එය අතුරු වාර්තාවක් පමණක් යැයි කෙනකුට කියන්න පුළුවන්. එය සකස්් කෙරුණේ එකල කෝප් කමිටු සභාපති ඩිව් ගුණසේකර විසින්. ඒ කෝප් කමිටුවට අතුරු වාර්තාව පාර්ලිමේන්තුවට ඉදිරිපත් කරන්න බැරිවුණා. එය ඉදිරිපත් කිරීමට බලාපොෙැරාත්තු වී ඇත්තේ 2015 ජූනි 26 වැනි දා. එහෙත් එදින ම පාර්ලිමේන්තුව විසුරුවා හරිනු ලැබුවා. එබැවින් අතුරු වාර්තාව පාර්ලිමේන්තුවට ඉදිරිපත් කිරීමට බැරිවුණා. ඒ නිසා අතුරු වාර්තාව පළ වූයේත් නැහැ.

2015 ජූලි 14 වැනි දින හරි ඒ කිට්ටුව හරි පවත්වන ලද මාධ්‍ය සාකච්ඡාවක දී ජනාධිපති මෛත්‍රිපාල සිරිසේන කියා ඇත්තේ මහා බැංකු බැඳුම්කර මත පදනම් ව අගමැතිට එරෙහිව ගෙනෙන විශ්වාස භංග යෝජනාවක් ජයගැනීමට ඉඩ තිබුණු බැවින් තමා පාර්ලිමේන්තුව විසුරුවා හැරි බවයි. ජනාධිපති තවදුරටත් කියා ඇත්තේ මහා බැංකු අධිපති ඉල්ලා අස්වන යුතු බවට තමා අගමැතිට අවවාද කළ බවයි. එහෙත් අගමැති ඒ අවවාද පිළිගෙන නැති බවත් පැහැදිලියි.

රජිව් විජේසිංහ ද ඒ අවධියේ කෝප් කමිටු සාමාජිකයෙක් වූවා. රජිව් විජේසිංහ එකල ද කියා ඇත්තේ මහා බැංකු අධිපති අගමැතිගේ කීම මත කටයුතු කළ බවයි. ඒ බව පසුගිය දා කෝප් කමිටුව ඉදිරියේ සාක්‍ෂි දුන් අර්ජුන් මහේන්ද්‍රන් ද පවසා තිබෙනවා. මා මේ සියල්ල කියන්නේ මාධ්‍ය වාර්තා මත පදනම් වෙමින්. ඒ වාර්තා අභියෝගයට ලක් කෙරී නැහැ. ඩිව් ගුණසේකර ඉදිරිපත් කිරීමට සිටි අතුරු වාර්තාව පුවත්පතකවත් පළ වූයේ නැහැ. එහි ඇත්තේ කුමක් දැයි මා දන්නේ නැහැ. විශ්වාසභංග කතාව කියා ඇත්තේ ජනාධිපතියි. මා 2015 ජූලි අග ශ්‍රෙෂ්ඨාධිකරණය ඉදිරියට ගියේ වාර්තාව පළකරවා ගැනීමට අතුරු නියෝගයක් ලබා ගැනීමටයි. තවමත් නඩුව විභාග වන බැවින් මා ඒ ගැන වෙනත් කිසිවක් කියන්නේ නැහැ. මට ඩිව් ගුණසේකර සමග පෞද්ගලික හෝ දේශපාලන හෝ සම්බන්ධයක් ඇත්තේත් නැහැ. මා ඔහුගේ සිංහල විරෝධී දේශපාලනයට විරුද්ධයි.

සුනිල් හඳුන්නෙත්ති පාර්ලිමේන්තුවට ඉදිරිපත් කළ වාර්තාවේ රනිල් ගැන කිසිවක් කියැවෙන්නේ නැහැ. තමාට ඒ අයුරින් ක්‍රියා කිරීමට කිවුවේ අගමැති යැයි අර්ජුන මහේන්ද්‍රන් කෝප් කමිටුවට පවසන විට හඳුන්නෙත්ති වාර්තාවේ අගමැති ගැන සඳහන් නොවන්නේ ඇයි? මහේන්ද්‍රන් තම ගැලවීම සඳහා බොරු කීවේ ද? මහේන්ද්‍රන්ට විරුද්ධව ඔහු කමිටුවට බොරු කී බවට චෝදනාවක් ඉදිරිපත් වී නැහැ. කමිටුව මහේන්ද්‍රන් කී දේ පිළිගෙන තිබෙනවා. හඳුන්නෙත්ති කමිටුව ඩිව් ගුණසේකර කමිටුවේ සිදු වූ දෑ සලකා බැලුවේ නැද්ද? එසේ කිරීම අනිවාර්ය නොවනවා විය හැකියි. එහෙත් ඒ ගැන සොයා බලන්න තිබුණා. විශේෂයෙන් ම ජනාධිපති විශ්වාසභංග කතාවක් කියා තිබිය දී.

රජිව් විජේසිංහ මාස කිහිපයකට පෙර කියා තිබුණේ බැඳුම්කරවලින් උපයාගත් මුදල් විශාල වශයෙන් එ ජා ප මැතිවරණ අරමුදලට බැර වූ බවයි. රජිව් විජේසිංහට විරුද්ධව එ ජා පක්‍ෂය නීති මගින් කිසිවක් කර නැහැ. ඔහු කියන දේ ඇත්ත යැයි පිළිගැනීමට අපට සිදුවෙනචා. එය එසේ නම් කර ඇත්තේ මහා දූෂණයක්. එය ඉදිරියේ සිල් රෙදි කතා හිරු දුටු කදෝපැණියන් බවට පත්වෙනවා.

ජ වි පෙ නටන නාඩගම කුමක් ද? අනුර දිසානායක පේන අහලා තියෙන්නෙ කාගෙන් ද? එ ජා පක්‍ෂය 2015 අගේාස්තු මැතිවරණයට වියදම් කෙළේ බැඳුම්කර මුදල් ද? අගෝස්තු මැතිවරණයට පෙර රනිල් අගමැති වූයේ පික්පොකට් ගසා නො වේ ද? ඒකාබද්ධ විපක්‍ෂය ප්‍රශ්නයේ මුළට යන්නේ නැත්තේ ඇයි? මහා බැංකු කොල්ලයේ රනිල් භූමිකාව කුමක් ද? ඔහු දිගින් දිගට ම අර්ජුන් මහේන්ද්‍රන් වෙනුවෙන් පෙනී සිටියේ ඇයි? අර්ජුන් මහේන්ද්‍රන් වැනි විදේශිකයකු හා කොල්ලකරුවකු වීමට හැකි අයකු මහා බැංකු අධිපති ලෙස පත්කිරීමෙන්වත් රනිල් වරදක් කර නැද්ද? රනිල්ගේ විනිශ්චය අගමැතිවරයකුට තරම් වේ ද? රජිව් විජේසිංහ කියන ආකාරයට රනිල් ඊටත් වඩා වරදක් කර ඇද්ද? සංධානය මැතිවරණයේ දී පරාජය වීමට මහා බැංකු සල්ලිත් උදවු වුනා ද?


kalaya : 2016 ඔක්තෝම්බර් 30

යුතුකම සංවාද කවය
www.yuthukama.com
Like us on facebook https://www.facebook.com/yuthukama

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions