10/05/2016

ඉන්දියාව ඉදිරියේ දණ ගැහීම

කතෘ:යුතුකම     10/05/2016   1 comment

-නලින් ද සිල්වා-

ඉන්දියාව ඉදිරියේ දණ ගැහීම

මේ මස පකිස්තානයේ පැවැත්වීමට නියමිත ව තිබූ සාක් සමුළුව දින නියමයක් නොමැතිව කල් දමා තිබෙනවා. මේ ඉන්දියාවේ ප්‍රශ්නයක්. පසුගිය දා කාශ්මීරයේ ඇති වූ සිද්ධි මෙයට සම්බන්ධයි. අපට ඊනියා සංහිඳියාවක් ගැන කියන ඉන්දියාවටවත්, එංගලන්තයටවත්, ඇමරිකා එක්සත් රාජ්‍යවලටවත් ඔවුන්ගේ ප්‍රශ්න විසඳගන්නට බැහැ. ත්‍රස්තවාදී කටයුතු මේ හැම රටක ම සිද්ධ වෙනවා. රනිල් තම මීිත්‍ර ජෝන් කේගේ නවසීලන්තයට ගොස් ත්‍රස්තවාදය වැළැක්වීමේ පනත වෙනුවට ත්‍රස්තවාදයට එරෙහි වීමේ පනතක් ගේන බව කියනවා. එහි දී එංගලන්තයෙන් උපදෙස් ගන්න බවත් කියනවා. ජෝන් කේ දැනට අවුරුදු දෙකකට පමණ පෙර ලෝකයේ දක්‍ෂිණාංශීක පක්‍ෂවල ආසියා ශාන්තිකර සම්මේලනයට සහභාගි වීමට ලංකාවට පැමිණියා. රනිල් එම පක්‍ෂවල ආසියා ශාන්තිකර කලාපයේ සභාපතිව සිටින විට කේ ලෝකයේ ම එම පක්‍ෂවල කණාඩායමේ සභාපති. ත්‍රස්තවාදය පරාජය කරපු ලංකාවෙන් අනෙක් රටවල් උපදෙස් ගන්නේ නැහැ. රනිල් එංගලන්තයෙන් සහ අනෙක් එවැනි රටවලින් ත්‍රස්තවාදයට එරෙහි පනත සකස් කිරීම සඳහා උපදෙස් ගන්නවා. ඒ අතර ලෝකය, ඊනියා ජාත්‍යන්තරය, ත්‍රස්තවාදය පැරදවීම සම්බන්ධයෙන් ලංකාවට පහර ගහනවා. මෙහෙමත් ලෝකයක්.

ඉතා පැහැදිලිව රනිල් එංගලන්තයට ඕන විධියට මෙරට දෙමළ ජාතිවාදයට රුකුල් දෙන ආකාරයට ඊනියා ත්‍රස්තවාදයට එරෙහි පනත සකස් කරන්න යනවා. ජාතික හෙළ උරුමය බෙල් බොටම් විහාර මහා දේවිලා එක්ක කටයුතු කෙළේ ත්‍රස්ත විරෝධී ව්‍යාපාරය හැටියට. දැන් නම් ඔවුන්ගේ ත්‍රස්ත විරෝධයක් නැහැ. එකලත් තිබුනේ නැහැ. ඔවුන් එක් කලක කොටින්ට විරුද්ධව හමුදා මෙහෙයුම් කරනවාටත් විරුද්ධ වුනා. ඔවුන්ගේ ප්‍රතිපත්තිය අවස්ථාවාදයයි. ඔවුන් එයට කියන්නේ යුගය අනුව වෙනස් වීමයි.

කාශ්මීර ප්‍රශ්නය ඇති කෙළේත් ඉංගිරිසින්. ඔවුන් අප රටවලට ඊනියා නිදහස ලබාදුන්නේ ඔවුන් ඇතිකළ ප්‍රශ්නත් සමග. ඉන්දියාව හා පකිස්තානය වෙන්කිරීමේ දී ඔවුන් කාශ්මීර ප්‍රශ්නය දායාද කළා. අපට දෙමළ ජාතිවාදය ඉතිරිකර ගියා. අප දෙමළ ජාතිවාදය පරාජය කළත් එය නීති පොතට ඇතුල් කිරීමට දුන්නේ නැහැ. එහි දී මහින්ද රාජපක්‍ෂ 2012 දී ගෙනෙන ලද පනත් කෙටුම්පතට විරුද්ධ වී ඇත්තේ ඊනියා සමාජවාදීන් වූ තිස්ස විතාරණ, ඩිව් ගුණසේකර, වාසුදේව, රාජිත සේනාරත්න ආදීන්. ඊනියා සමාජවාදයත්, ධනවාදයත් පිළිවෙළින් බටහිර කතෝලික චින්තනයේ හා ග්‍රීක යුදෙවු ක්‍රිස්තියානි චිනාතනයෙන් බිහි වූ දේ. ඔවුන් අතර අද වන විට වෙනසක් ඇත්තේ ම නැති තරම්.

ඉන්දියාව කාශ්මීරයේ ඇති වූ සිද්ධි හේතුකොටගෙන සාක් සම්මේලනයට නොයන බව කියා සිටියා. ඒ සමග බූතානය, නේපාලය සාක් සම්මේලනයට සහභාගි නොවන බව ප්‍රකාශ කළා. මෙය ඉන්දියාවේ අවශ්‍යතාවට කළ දෙයක් බව පැහැදිලියි. සාක් සම්මේලනයේ සම්ප්‍රදාය අනුව එක රටක් වුවත් සහභාගි වන්නේ නැත්නම් සම්මේලනයක් පවත්වන්න බැහැ. ඉහත කී රටවල් ඉන්දියාවට යටයි. ලංකාවත් විකාර ප්‍රකාශයක් කරමින් රටවල් ගණනාවක් සහභාගි නොවන බැවින් සාක් සම්මේලනය පැවැත්වීමට නොහැකි බවක් කියමින් සම්මේලනයට සහභාගි නොවන බවට ප්‍රකාශයක් නිකුත් කළා. ඉන්දියාව හා පකිස්තානය අතර ගැටුමක් වර්ධනය වෙමින් පවතිනවා.

එයත් පැහැදිලිව ම ඉන්දියාවේ අවශ්‍යතාවට කළ එකක්. පකිස්තානයෙන් ගුවන් යානා මිළ දී නොගැනීමට ලංකාව කලකය ඉහත තීරණය කළෙත් ඉන්දියාවේ වුවමනාවට. අද අප බූතානය වැනි රටවල් මෙන් ම ඉන්දියාවේ විජිතයක් වෙලා. ඉන්දියාව මේ ආණ්ඩුව ඇති කෙළේ එංගලන්තය ප්‍රමුඛ බටහිර රටවල අනුග්‍රහයෙන් තමන්ට අවනත නොවූ මහින්ද රාජපක්‍ෂ පළවා හැරීමට. මේ ආණ්ඩුවට ඉන්දියාවට අවශ්‍ය ආකාරයටත් එංගලන්තයට අවශ්‍ය ආකාරයටත් නටන්න සිදුවෙලා. රනිල් මෛත්‍රී ගැටුමටත් මෙය බලපානවා. මේ සිංගප්පුරු වසන්තයේත් ප්‍රතිඵල. එට්කා විතරක් නොවෙයි හනුමා පාළමත් ඉදිකරන්න ඉඩ තිබෙනවා. මෙහි දී කිවයුතු වැදගත් කරුණක් තිබෙනවා. රජයේ වෛද්‍ය නිලධාරීන්ගේ සංගමය එට්කා ගිවිසුමට විරුද්ධ වූ පමණින් ඔවුන් කරන කියන සියල්ල සමග එකඟ වන්න බැහැ. වෛද්‍ය නිලධාරීන් බොර දියේ මාළු බාන්නට සැරසෙනවා.

මෙරට මුස්ලිම් ජනයාටත් මේවා හොඳ පාඩම්. බටහිර රටවල් හා ඉන්දියාව මෙරට මුස්ලිම් ජනයා සමග සිටින්නේ එකී ජනයා සිංහල බෞද්ධයනට එරෙහිව යොදා ගැනීමට පමණයි. සමස්තයක් ලෙස ගත්කල ඒ රටවල් මුස්ලිමුන්ට විරුද්ධයි. ඒ කුමක් වුවත් මේ නිවට ආණ්ඩුව ඉන්දියාව ඉදිරියේ දණ ගසා අවසන්. ඉන්දියාව කලාපීය බලවතා බව තහවුරු කරගෙන. මෙරට රෝ සංවිධානයට දැනුවත් ව හෝ නොදැනුවත් ව හෝ සේවය කරන්නන් රාශියක් ඉන්නවා. එංගලන්තයේ නයිට් (සර්) පදවි ප්‍රදානය කිරීමේ දී අදාළ පුද්ගලයා ඔවුන්ගේ රැජින ඉදිරියේ දණ ගහනවා. ඉනාපසු ඔවුන්ගේ රැජින අදාළ පුද්ගලයාගේ උරහිසට තට්ටු කර සර් අහවලා නැගිටින්න කියනවා. එවිට නැගිටින්නේ දීනයෙක්. සර් කියා ආමන්ත්‍රණය කළත් නිවටයෙක්. ඉන්දියාව ඉදිරියේ දණ ගහන අය නැගිටින්නේ ම නැහැ!

නලින් ද සිල්වා
2016 ඔක්තෝම්බර් 02

යුතුකම සංවාද කවය
www.yuthukama.com
Like us on facebook : https://www.facebook.com/yuthukama

, ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

1 comment :

  1. මට ලොකු සතුටක් දනෙනව නලින් ඉන්දියානු ජඩවාදය හ්ඳුනාගැනීම ගැන. අද බටහිර රටවල් බොහොමයක් ඉන්දියානු අදිරදයට බාල්දු වෙලයි ඉන්නෙ. ඔබාමා ඉන්දියානුජඩයන්ගෙන් යැපෙන්නෙක්, යකෝ නැත්නම් ඉන්දියානු පරපෝසිතයකු සින්හලයේ තානාපති කරයිද.
    අපේ වල කපන්නේ ඉන්දියානු ජඩයන්ය.

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions