9/08/2014

පරාර්ථය පිණිස හිතැති සත්පුරුෂයන් ඇතිවීම

කතෘ:යුතුකම     9/08/2014   1 comment

මෙය වනාහි ශාස්ත්‍ර ශිල්ප ඉගැන්වීමට ශිල්ප ශාලා පිහිටුවා ගැනීමට රටට ජාතියට ආගමට ආදරය භක්තිය ශ්‍රද්ධාව ඇති කරගැනීමට විමුක්ති සැපයට හිත යෙදවීමට විමුක්ති ඥානය ලබාගැනීමට හේතුවේ. අනුකම්පා සිත් ඇති ජනහිතකාරී උතුමන් ඇතිවීම රටවාසීන්ට ක්ෂාන්තිදායකයි. ජපන් රටේ දූ දරුවන් ඇති දෙමව්පියෝ ස්වකීය දූ දරුවන් දේව පුත්‍රයන් මෙන් සලකා බාල කාලයේ පටන ගරු සත්කාර පෙන්වමින් ශිල්ප ශාස්ත්‍ර විද්‍යා ඒ දෙකොටසට ම උගන්වති. එසේ ඉගෙන් ගත් දූදරුවෝ දෙමවුපියන් කෙරෙහි මහත් ප්‍රේමයක් පෙන්වමින් ඔවුන් වයසට පැමිණි කල සියලු ගරුසත්කාරාදිය කරති. චීන රටේ ද මෙසේම දරුවන්ට ශිල්ප ශාස්ත්‍ර ධර්ම නීති බාල කාලයේ පටන්ම උගන්වනු ලැබේ. දෙමළ පාර්සි ජාතීන් අතරද මේ ධර්මය පවතී. කිසි කුලාචාර ධර්මයක්වත් ශිලපයක් වත් පිළිවෙතක් වත් නැති සිංහල බුද්ධාගම් කාරයා පමණක් ගුරු ආශ්‍රයක් නැතිව ආදර්ශ්‍රයක් නැතිව ශිල්ප කර්මාන්තයක් නොදැන කුල පරම්පරා ධර්මයක් නැතිව අහසින් වැටුන සතකු මෙන් අන්‍ය ජාතීන් කරන කියන දේ කරමින් ගූථභක්ඛ සංක්ඛ්‍යාවට අයිති ග්‍රාමසූකරයන් මෙන් යුරෝපීය කාම සැපයට පමණක් ආශාවෙන් අත තිබෙන ධනය අනර්ථදායක අන්දමට වියදම් කොට දෙලොවටම ප්‍රයෝජන නැතිව තිරිසනකු මෙන් මැරී යන්නේය.

ක්‍රිස්තියානි ගුරුවරුන් යටතේ ඉගෙනගනු ලබන සිංහල දරුවන් වැඩිවිය පැමුණුණාම යුරෝපීය චාරිත්‍ර භාවිත කරනු ලැබේ. විකාර හැඩ ඇති ගව්ම්, සාය, බටකොළ තොප්පි, අඟල් දෙකක් උස අඩි ඇති සපත්තු, ඉන කුඩා කිරීම සඳහා තිබෙන බොස්ත්‍රෙක්ක, පිදුරු තොප්පි, ටයි, කොලර්, කෝට්, කලිසම් අඳින පූර්වදිග සිංහල මෝඩයන් හැර වෙන ජාතියක් නම් ඇත්තේම නැත. වාල්කමෙන් හැදෙන කාබේරි ජාතිය පමණක් සිංහලයන් මෙන් යුරෝපීය නම් ගම් චාරිත්‍රාදිය ගනියි. දවසින් දවස සිංහල බෞද්ධ කොටස් පහළ යන්නේ මන්ද? සංස්කෘත භාෂාව ටිකක් ඉගෙනගත් පමණින් පණ්ඩිතයෙක් වේද? ජාතකයකින් බණ ටිකක් ඇසූ පමණින් බහුශ්‍රැත වේද? දැනට සිංහල අඥානයන් විසින් කරනු ලබන ක්‍රියා ළදරුවන් කරන ක්‍රියා මෙනි. දාස කර්මයේ යෙදී සිට කරන්නේ සූදු කෙළීම, මත්පැන් පානය, හොර හරක් මැරීම හැර වෙන කුමක්ද?

මෙරටට ගෙනෙන ද්‍රව්‍ය ගැන කල්පනා කිරිම යුතුයි. රෙදි පිළි, පිඟන්, කෝප්ප, කර්දාසි, තීන්ත, පෑන්, ඔරලෝසු, ලාම්පු, පැදුරු, ලී බඩු, යනාදී සියල්ලක්ම පිටරටින් ගෙනෙනු ලැබේ. අපේ ලංකාවේ ධනවතුන් පමණ අඥාන කොටසක් මුළු ලොවම නැත. ධනවත්ව සිටින අය කෙසේ ධන සම්පාදනය කරගෙන තිබේද? අන්‍ය රටවල ධනවත්හු පිටරට ගොස් වෙළදාම්  කොට ධන රැස් කර ගනිති. තවත් සමහරෙක් කර්මාන්තශාලා පිහිටුවා නානා ද්‍රව්‍ය සාදා ඒවා විකුට ධන රැස් කර ගනිති. තවත් සමහරක් ආහාර පාන, ප්‍රණීත භෝජන සාදා විකුට ධන රැස් කර ගනිති. ඇතැම් සිංහල ධනවත්හු මේ කිසිත් නොකොට මිථ්‍යාජීවයෙන් හරක් මරවා මසුන් මරවා මත්පැන් සාදවා මත්පැන් පානය කිරීමට සුරාශාලා පිහිටුවා ධන රැස් කරගනිති. ඇතැම් සිංහල ධනවත්හු මිහිරන් පතලයක් ගෙන දුප්පත් අඥාන සිංහලයන් ටික දෙනෙකුට රක්ෂාව දී මිහිරන් කඩවාගෙන එය විකුට ධන රැස් කර ගනිති. දරිද්‍ර සිංහලයාට හිංසා කොට ලංකා භූමියෙන් සපයන ධනයෙන්වත් සිංහලයාට කරන යහපත කුමක්ද? යුරෝපීයයන්ගේ චාරිත්‍රනුකූලව වෙස් පෙරලාගෙන යුරෝපීයන්ගේ ඇඳුම් ඇඳ-පැලඳ අත තිබෙන ධනය වියදම් කොට කරන්නේ කාමසුඛල්ලිකානුයෝගීව කාලය ගත කිරීම පමණයි. අනාථ දරුවන්ට ඉගැන්වීම, ශිල්පශාලා පිහිටුවීම, කුලධර්මය පාලනය කිරීම, පිටරටවලට ගොස් මෙරට වාසීන්ගේ දියුණුවට ක්‍රියා කිරීම, ජාතිය දියුණු කිරීම, ස්වකීය ආගම ලොව පැතිරවීම, පරාර්ථය සඳහා කටයුතු කිරීම යන මේ දේ කරන සිංහලයන් පස්දෙනෙකු පමණවත් සමඟියෙන් කටයුතු කරනු දක්නට තිබේද? දස අකුසල් කරන මනුෂ්‍යයකු කිසි කලක මෙලොව සැප විඳින්නේ නැත. සිංහල ධනවතුනට පරම්පරාගත වස්තුවකුත් නැත. දුකින් කල් ගත කළ මනුෂ්‍යන්ට ධන සම්පත් ලැබුණාම ගද්‍රභයන් මෙන් ක්‍රියා කිරීම ස්වභාවයකි. ලොවට ප්‍රයෝජන වන ශාස්ත්‍ර, ශිල්ප, ධර්ම, ආචාර, වත්-පිළිවෙත් සිංහලයන්ට ඉගැන්වීමට සිංහල ආචාර්යවරු ද නැත. ධනවතාගේ ධනය මෝටර් රථ වලට, ඉංග්‍රීසි ඇඳුම් වලට, ඉංග්‍රීසි කෑමට, ඉංග්‍රීසි ක්‍රීඩා වලට වියදම් කරයි. විසිතුන් ලක්ෂයක් පමණ සිටින සිංහලයන් එකතු කරගෙන වැඩ කිරීමට දැන් කාලයයි. භික්ෂූන් හත් අට නමක් විසින් ශාස්ත්‍රශාලා පිහිටුවාගෙන ටික දෙනකුට වෛද්‍ය ශාස්ත්‍ර, ජෝතිශ්ශාස්ත්‍ර, කාව්‍ය ශාස්ත්‍ර උගන්වනු ලැබේ.

සිංහල සහෝදරයිනි! අප තථාගත සම්මාසම්බුදුරජාණන්වහන්සේ ආදර්ශ කරගෙන සියළු දෙනාම සමඟිකමින්, මෛත්‍රියෙන් ඒකීය භාවයෙන් සාමදානයෙන් ඉවසීමෙන් අන්‍යෝන්‍ය කරුණාවෙන් දස අකුසල කර්මයෙන් වෙන්ව දාන, සීල, නෛෂ්ක්‍රම්‍ය, ප්‍රඥා, වීර්ය, ශාන්ති, සත්‍ය, අධිෂ්ඨාන, මෛත්‍රී, උපේක්ෂා යන දස පාරමී ධර්මයන් පුරමින් බෝධිසත්ව චර්යාවෙහි ගමන් කිරීමට ආරම්භ කරත්වා. මෙසේ දස වර්ෂයක් ලොකු කුඩා ගිහි පැවිදි දෙකොටසම කල් යැව්වොත් අපට ස්වරාජ්‍ය ධර්මයේ සැප අනුභව කිරීමට ඒකාන්තයෙන්ම ශක්තිය ලැබෙනවා ඇත.



ශ්‍රී බුද්ධ වර්ෂ 2455 බිනර මස අවවිසේනිය නම් තිථිය ලත් බුද දින හෙවත් 1911 සැප්තැම්බර් මස 13 වන බදාදා 'සිංහල බෞද්ධයා 'පුවත්පතෙහි අනගාරික ධර්මපාල තුමා විසින් ලියා පළ කළ ලිපියකි.



යුතුකම සංවාද කවය
www.yuthukama.com

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

1 comment :

  1. සුනන්ද9/09/2014 10:28 AM

    එදාටත් වගේම අදටත් වැදගත් මෙතුමාගෙ ලියකියවිලි පරිහරණය කරන එක. ස්තුතියි ඔබට මෙය පළ කළාට. මෙතුමාගේ දර්ශනය අප උකහා ගතුය. අපට ඕන කරන අප සොයා යන දර්ශනය එයයි. පඹ ගාලක පැටළිලා වල්මත් වෙලා ඉන්න අපේ රටට වුවමනා ආර්ථික දේශපාලන දර්ශනය මෙතුමා තුළ තිබුනා නේද කියලා "අනගාරික ධර්මපාල මාක්ස්වාදීද" පොත කියෙව්වාම තේරුනා..ජාතික විමුක්ති අරගලයකට මෙතුමා කැපූ මගෙහි ඉදිරියටම යා යුතුය. එය පහසු නැති මුත් ඇහැකිය.

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions