මේ පාපතර ආණ්ඩුව ගෙදර යවමු ! - ඇල්ලේ ගුණවංශ නාහිමි

මේ පාපතර ආණ්ඩුව ගෙදර යවමු !
මව්බිමේ - බුද්ධ චීවරයේ - අපේ කමේ සුවඳ හඳුනන පාලනයක් හදමු !
-ඇල්ලේ ගුණවංශ නාහිමි

මේ පොළවේ සුවඳ නොහඳුනන වත්මන් පාලකයන් විසින් අද වන සිට සියලු අංශයන්ගෙන්ම රට අගාධයට හෙළා අවසන් අතර මේ උවදුරෙන් රට මුදවාගැනීමට සියළු දේශමාමක ජනයා එක්ව පෙරට පැමිණිය යුතුයැයි ඇල්ලේ ගුණවංශ නාහිමියෝ පැවසූහ.

යුතුකම සංවාද කවය විසින් ඊයේ (22) සංවිධානය කරන ලද "රට අස්ථාවරයි - ජනතාව අසරණයි.විශ්වාසය භංග වූ පාර්ලිමේන්තුව විසුරුවනු " මැයෙන් වූ සම්මන්ත්‍රණයේ මුලසුනේ මුඛ්‍ය දේශනය සිදු කරමින් උන් වහන්සේ මේ අදහස් පළ කළහ.

බුද්ධ චීවරය දැරූ ගෞරවනීය භික්ෂූන් වහන්සේලාට අවමන් කරමින් , නින්දා කරමින් , සිර ගත කරමින් ආණ්ඩුව ගමන් කරමින් සිටින මේ පාපතර ගමන නොදැක්කා සේ සිටීම හරහා ජනාධිපතිවරයාට ඒ වගකීමෙන් නිදහස් විය නොහැකි බවද උන් වහන්සේ අවධාරණය කළහ.
ගහේ කොළේ වෙලේ පැලේ ඉපනැල්ලේ සුවඳ හඳුනන මෛත්‍රීපාල ජනාධිපතිවරයා දැන් සිටින්නේ ඒ හරයන් කිසිවක් නොහඳුනන කල්ලියක් සමග බැවින් ඔහුටද දැන් මේවායේ අගය නොපෙනෙනවාදැයි උන් වහන්සේ ප්‍රශ්න කළහ.

මේ පාපයන්ගෙන් නිදහස් වීමට ජනාධිපතිවරයා තවමත් ප්‍රමාද නැතැයි පැවසූ ඇල්ලේ ගුණවංශ නාහිමියෝ මේ තිරශ්චීන පාලනය පෙරළා ජාතියට උවමනා පරිදි වැඩකරන පාලකයෙකු පත් කරගැනීමට පෙරට එන්න යැයි භික්ෂූන් වහන්සේලා ප්‍රමුඛ සමස්ථ ජනතාවගෙන්ම ඉල්ලා සිටියහ.

ඇල්ලේ ගුණවංශ නාහිමියන් පැවැත්වූ සම්පූර්ණ අනුශාශනාව පහත සබැඳියෙන්.

සටහන : යටියන ප්‍රදීප් කුමාර


යුතුකම සංවාද කවය
www.yuthukama.com
Like us on facebook : https://www.facebook.com/yuthukama