12/07/2017

අපේ රණවිරුවන්ගේ නිර්දෝෂීභාවය වෙනුවෙන් නැගී සිටින සුදු මහත්තයා - නේස්‌බි සාමිවරයා

කතෘ:යුතුකම     12/07/2017   No comments
නේස්‌බි සාමිවරයාගේ අමතක කළ ප්‍රකාශය
-ශමීන්ද්‍ර ෆර්ඩිනැන්ඩෝ -



කිසිදු අධිකරණ ක්‍රියාවලියකට නතු නොවූ යුද අපරාධ චෝදනා නිසා ශ්‍රී ලංකාවට නව ව්‍යවස්‌ථාවක්‌ හෝ 13 වන සංශෝධනය පූර්ණ ලෙස බලගැන්වීමේ භයානක ක්‍රියාවලියට බ්‍රිතාන්‍ය පාර්ලිමේන්තුවේ සාමි මණ්‌ඩලයෙන් මරු පහරක්‌ එල්ල වී තිබේ. නේස්‌බි සාමිවරයා විසින් 2017 ඔක්‌තෝබර් මස 12 වන දින කළ එම ප්‍රකාශය මගින් බටහිර ප්‍රජාව ශ්‍රී ලංකාවට එරෙහිව වසර 9 ක කාලය තුළ දිගින් දිගටම එල්ල කරන ලද ද්‍රවිඩ සාමාන්‍ය වැසියන් 40,000 ක්‌ වන්නි නැගෙනහිර පෙරමුණේ ඝාතනය කළා යෑයි කරනු ලබන චෝදනාව මුළුමනින්ම අභියෝගයට ලක්‌ වේ. 2009 මැයි මස 19 වන දින LTTE ත්‍රස්‌තවාදය මුලිනුපුටා දැමූ පසු ශ්‍රී ලංකාවට එරෙහිව කරන පදනම් විරහිත යුද අපරාධ චෝදනාවලට එම චෝදනා එල්ල කළ ප්‍රධානතම රටක පාර්ලිමේන්තුවකදී නිකුත් කළ පළමු ප්‍රකාශය මෙයයි.

ශ්‍රී ලංකාවේ තත්ත්වය පිළිබඳව පැවති විවාදයේදී නේස්‌බි සාමිවරයා මතු කළ ප්‍රධාන කරුණු සැකැවින් දැනගැනීමට ශ්‍රී ලාංකික ජනතාවට අයිතියක්‌ ඇති බව අපේ හැඟීමයි. නේස්‌බි සාමිවරයා මතු කළේ පහත කරුණුය.

මෙම සටනේදී මියගිය මුළු සංඛ්‍යාව 40,000 නොව 7000 ත් 8000 ත් අතර ප්‍රමාණයක්‌ බවයි. එම සංඛ්‍යාවෙන් 1/4 කොටසක්‌ LTTE සාමාජික සාමාජිකාවන් බවත් ඔවුන් සිවිල් ඇඳුමින් සැරසී සිටි බව, එවකට පැවති ශ්‍රී ලංකා රජය කිසිදු ආකාරයකින් සිතා මතා සිවිල් වැසියන් ඝාතනය නොකළ බව සහ යුද සමයේදී ශ්‍රී ලංකාවේ සිටි බ්‍රිතාන්‍ය ආරක්‌ෂක උපදේශක ලුතිනන් කර්නල් ඇන්ටන් ගෑෂ් යුද තත්ත්වය සම්බන්ධයෙන් එවනු ලැබූ සියලු රහස්‍ය වාර්තා හෙළි නොකිරීම සිතා මතා කරුණු වසන් කිරීමක්‌ ලෙසත්ය. නේස්‌බි සාමිවරයාගේ ප්‍රකාශය පදනම් වූයේ ගෑෂ් සහ එවකට ඇමරිකානු තානාපති රොබට්‌ ඕ බ්ලේක්‌ කරනා ලද රහස්‍ය ප්‍රකාශය මතය.

නේස්‌බි සාමිවරයා පවසන පරිදි කොළඹ බ්‍රිතාන්‍ය මහ කොමසාරිස්‌ කාර්යාලයෙන් එවනු ලැබූ වාර්තා තමන් කළ ඉල්ලීමක්‌ අනුව අධික ලෙස වාරණයට ලක්‌ කර තමන් හට ලබා දුන්නේ සත්‍ය වසන් කිරීමට බවයි. නේස්‌බි සාමිවරයා ඊට දින කීපයකට පසුව අන්තර්ජාතික වශයෙන් ක්‍රියාත්මක වන ඉන්දියානු මාධ්‍ය ජාලයක්‌ වන වියෝන් Wion හරහා බ්‍රිතාන්‍ය රජයට නැවතත් මෙම චෝදනා එල්ල කළේය.

ඔහු කළ මෙම ප්‍රකාශය සම්බන්ධයෙන් මෙම ලියුම්කරු ස්‌තූතිය පළ කරන ලද අතර ඔහුගෙන් මේ පිළිබඳව ඉදිරි ක්‍රියාමාර්ග සම්බන්ධයෙන්ද විමසීමක්‌ කරන ලදී. එහිදී නේස්‌බි සාමිවරයා පැවසුවේ තමා 2017 ඔක්‌තෝබර් මස 12 කරනා ලද ප්‍රකාශයෙන් පසුව මෙම විෂයට අදාළව කටයුතු කරන මාර්ක්‌ ෆSල්ඩ් අමාත්‍යවරයා තමා පෙන්වා දුන් කරුණු සලකා බැලීමට පොරොන්දු වූ බවයි.

මිනිස්‌ ඝාතන 40000 ක්‌ චෝදනාව අභියෝගයට ලක්‌ කළ නේස්‌බි සාමිවරයා බ්‍රිතාන්‍ය රජයෙන් කළ ඉල්ලීම ශ්‍රී ලංකා රජයවත් අද වනතුරු ඉටු කර නැත.

ඔහුගේ ඉල්ලීම වූයේ බ්‍රිතාන්‍ය එක්‌සත් ජාතීන්ට සහ ජීනිවා මානව හිමිකම් කවුන්සිලයට වහාම යුද චෝදනා පත්‍රය වෙනස්‌ බව ඉදිරිපත් කළ යුතු බවය. එනම් මියගිය මුළු සංඛ්‍යාව උපරිම ලෙස 8000 විය යුතු බවත් ඒ අතරින් 1/4 ක ප්‍රමාණයක්‌ පමණ ත්‍රස්‌තවාදීන් ලෙස වෙනස්‌ විය යුතු බවත්ය.

යුද්ධයෙන් පසු සංහිඳියාව

ජාතීන් අතර සංහිඳියාව ඇති කිරීමට ප්‍රධානම බාධකය පසුගිය රජයට සහ ආරක්‌ෂක හමුදාවලට එල්ල කරනු ලබනා අභූත චෝදනාය. වන්නි මෙහෙයුමේදී (2007 මාර්තු සිට 2009 මැයි දක්‌වා) හමුදා ප්‍රහාර හේතුවෙන් සිවිල් ජනතාව මියගිය බව සහ තුවාල වූ බව රහසක්‌ නොවේ. එම මරණවල වගකීම ශ්‍රී ලංකා රජය භාරගත යුතුමය. කිසිදු වරදක්‌ හමුදා අතින් සිදු වූයේ නැති බව පැවසීම තමුන් තමන්වම රවටා ගැනීමක්‌ බව එවකට පාලකයන්ට තේරුණේ නැත. හිටපු ජනාධිපති රාජපක්‌ෂ මහතාට හිතවත් ඒකාබද්ධ විපක්‌ෂයේ මන්ත්‍රීවරුන්ට සහ ව්‍යවස්‌ථා වෙනසකට එරෙහි අනෙකුත් පාර්ශ්වවලට මේ බව තේරෙන්නේ නැත. ඒ හේතුවෙන් නේස්‌බි සාමිවරයා කියනු ලබන ත්‍රස්‌තවාදීන් ඇතුළුව මියගිය උපරිම සංඛ්‍යාව 8000 බවත් එම නිසා ප්‍රධාන යුද අපරාධ චෝදනාව සංශෝධනය විය යුතු බව සහ එය ශ්‍රී ලංකාවට ඉතාම වාසි දායක තත්ත්වයක්‌ බව කිසිවෙක්‌ අවබෝධ කරගෙන නැත.

සාමිවරයාගේ ප්‍රකාශය යහපාලන රජය දුර්මුඛ කළේය. එලෙසම ශ්‍රී ලංකාවේ දේශපාලන සහ හමුදා නායකත්වය දෙමුහුන් අධිකරණ ක්‍රියාවලියකට භාජනය විය යුතු බව බටහිර මුදල් මත යෑපෙන රාජ්‍ය නොවන සංවිධාන නඩය නිරුත්තර කළේය. ද්‍රවිඩ ජනතාවගේ ගැලවුම්කරුවා ලෙස දැන් පෙනී සිටින ආර්. සම්බන්ධන්ගේ ටී. එන්. ඒ. පක්‌ෂය මහත් අපහසුතාවට ලක්‌ කළේය. එලෙසම කිසිදු ආකාරයකින් අධිකරණ ක්‍රියාවලියකට ලක්‌ නොවූ චෝදනා පදනම් කරගෙන සංහිඳියාව ඇති කර ගැනීමට බලය බෙදා හැරිය යුතු බව පුන පුනා පවසන එක්‌සත් ජාතීන්ගේ සංවිධානය නේස්‌බි සාමිවරයාගේ ප්‍රකාශයට කොළඹදී ප්‍රතිචාර දැක්‌වීය. එම ප්‍රතිචාර දැක්‌වීම සාමි මණ්‌ඩලයේ කළ ප්‍රකාශයට දින 12 කට පසුව සිදුවීම අවධානයට ලක්‌ කළ යුතුමය.

ශ්‍රී ලංකාවේ දින 14 ක සංචාරයකින් පසුව එක්‌සත් ජාතීන්ගේ නිලධාරියකු වන කොලොම්බියානු ජාතික පැබ්ලෝ ඩී ගී්‍රෆ් කොළඹ එක්‌සත් ජාතීන්ගේ කාර්යාලයේදී නේස්‌බි සාමිවරයාට පිළිතුරු දුන්නේය. නමුත් එම ප්‍රකාශය කළ ස්‌ථානය හෝ සාමිවරයා පිළිබඳව සඳහන් කළේ නැත.

ඔහු පැවසූ මේ වන්නි සටනේ වින්දිතයන් සංඛ්‍යාව 40,000 ක්‌ද එසේ නැති නම් 8000 ක්‌ද බව පිළිබඳව පුවත්පත්වල සඳහන් වූ නමුදු එම සංඛ්‍යාව නිශ්චිත ලෙසම දැන ගැනීම අපහසු බවයි.

පැබ්ලෝ ගී්‍රෆ්, නේස්‌බි සාමිවරයා කළ ප්‍රකාශය දේශපාලන මතයක්‌ ලෙසද හැඳින්වීය.

මේ ප්‍රකාශය, එවකට සිටි එක්‌සත් ජාතීන්ගේ මහ ලේකම් බෑන් කී මුන් මහතා විසින් පත් කරනු ලැබූ දරුස්‌මාන් කොමිටියේ ප්‍රධානතම චෝදනාව, එනම් 40,000 ක්‌ ඝාතනය කිරීම පිළිබඳ චෝදනාව විවාදයට ලක්‌ කිරීමකි. තම සංවිධානය විසින්ම 2011 මාර්තු මස 31 දින නිකුත් කරනා ලද වාර්තාව විශ්වාසදායක ආරංචි මාර්ග අනුව 40,000 ක්‌ අනිවාර්යයෙන්ම මියගිය බව කළ චෝදනාව මේ නිසා අමතක කර තිබේ. (දරුස්‌මාන් වර්තාව 41 පිටුව 137 පරිච්ඡේදය)

මියගිය සංඛ්‍යාව සම්බන්ධයෙන් තමන් කළ චෝදනාව අභියෝගයට ලක්‌ වෙද්දී ලොව පුරා ශ්‍රී ලංකාවට එරෙහිව මානව හිමිකම් චෝදනා එල්ල කළ සංවිධාන කර බාගෙන සිටියේය.

ලංකාවේ සංහිඳියාව ගැන දේශනා කරන කොළඹ පිහිටි කිසිදු තානාපති කාර්යාලයක්‌ මේ පිළිබඳව ප්‍රකාශයක්‌ කළේ නැත. මේ සම්බන්ධයෙන් බ්‍රිතාන්‍ය මහ කොමසාරිස්‌ කාර්යාලය, විදේශ කටයුතු අමාත්‍යාංශය සහ ජාතික සාම මණ්‌ඩලය මෙම ලියුම්කරු කළ විමසීම්වලට පිළිතුරු ලබා දුන්නේය. එහිදී බ්‍රිතාන්‍ය මහ කොමසාරිස්‌ කාර්යාලය නේස්‌බි සාමිවරයා තමන් සමඟ කළ කතාබහ හෙළි කිරීම ප්‍රතික්‌ෂේප කළේය. ජාතික සාම මණ්‌ඩලය පැවසුයේ සටනේ මියගිය සංඛ්‍යාව 7000 සිට 10000 දක්‌වා සඳහන් වන අතර නේස්‌බි සාමිවරයා ඉදිරිපත් කළ සංඛ්‍යා ලේඛන තවත් එක්‌ වාර්තාවක්‌ බවයි.

විදේශ අමාත්‍යාංශය නේස්‌බි සාමිවරයාගේ ප්‍රකාශය අර්ථ නිරූපණය කළේ අමුතුම ආකාරයකටය.

විදේශ අමාත්‍යාංශය චෝදනා කළේ යුද්ධයේදී මියගිය සංඛ්‍යාව ජාත්‍යන්තරයේ කතාබහට ලක්‌වීම දැනට කරගෙන යනු ලබන සංහිඳියා ක්‍රියා පිළිවෙතට මහත් බාධකයක්‌ බවත් එවැනි ප්‍රකාශ යම් යම් පුද්ගලයන්ගේ හිත සුව පිණිස වනු ඇති බවත්ය. මෙවැනි ප්‍රකාශ කිරීමම ඛේදවාචකයකි. එලෙසම ත්‍රස්‌තවාදයට එරෙහි සටනේදී තම ජීවිත පූජා කළ හමුදා සහ පොලිස්‌ නිලධාරීන්ට සහ සෙසු නිලයන්ට කළ අවමානයකි. අප රට වෙනුවෙන් විදේශීය පාර්ලිමේන්තුවකදී හඬක්‌ නඟන කෘතහස්‌ත දේශපාලනඥයන් අපහාසයකට ලක්‌ කිරීමකි. ඔවුන් නිහඬ කිරීමට ගත් උත්සාහයකි. සැබවින්ම අපගේ විදේශ අමාත්‍යාංශය 2015 ඔක්‌තෝබර් මස 1 වන දින ශ්‍රී ලංකාවේ සහභාගිත්වයෙන් සම්මත කරගන්නා ලද ජිනීවා නිර්දේශය එම තත්ත්වයට පත් කිරීමට බටහිර බලවතුන් කටයුතු කළ ආකාරය අමතක කර ඇත. තමුන් රට වෙනුවෙන් කළ යුතු කාර්යය නේස්‌බි සාමිවරයා කිරීම පිළිබඳව සැබවින්ම අප රටේ දේශපාලන නායකත්වය සහ නිලධාරීන් ලැජ්ජා විය යුතුය. මෙම ලියුම්කරු දන්නා පරිදි එක්‌සත් ජාතීන්ගේ නියෝජිත පැබ්ලෝ ඩී ගී්‍රෆ් හමු වූ දේශපාලනඥයකු හෝ නිලධාරි හෝ උසස්‌ හමුදා නියෝජිතයන් කිසිවෙකු නේස්‌බි සාමිවරයා පෙන්වා දුන් කරුණු සාකච්ඡාවට බඳුන් කළේ නැත. මෙම තත්ත්වය පිළිබඳව එක්‌සත් ජාතීන්ගේ නියෝජිතයාද පුදුමයට පත්වූ බව නොඅනුමානය. තම රටට එරෙහිව නැඟෙන ප්‍රධානම චෝදනාව සුණු විසුණු කිරීමට අවශ්‍ය කරුණු බ්‍රිතාන්‍ය පාර්ලිමේන්තුවේදී සපයා තිබියදී ඒ පිළිබඳව වචනයකුදු නොදොඩා සිටින මහජන මුදලින් යෑපෙන මෙවැන්නන් කුමකටද? සංහිඳියාව ඇති කිරීමට ප්‍රධානතම බාධකය 40,000 කට අධික සිවිල් ජනතාවක්‌ සිතා මතා කරනා ලද හමුදා ප්‍රහාර හේතුවෙන් මියගියා යෑයි කරනු ලබන චෝදනාවයි. එම චෝදනාව කිසිදු පදනමක්‌ නැති අසත්‍යක්‌ බව ජාත්‍යන්තර ප්‍රජාව ඉදිරියේ පෙන්නුම් කිරීමට අප හට අවස්‌ථාවක්‌ නේස්‌බි සාමිවරයා උදා කර දී ඇත. එම අවස්‌ථාවෙන් ප්‍රයෝජනයක්‌ ගැනීමට උත්සුක නොවන සියලු පාර්ශ්ව ශ්‍රී ලංකාව කැබලිවලට කැඩීමේ ක්‍රියාවලියේ නියමුවන් ලෙස අකමැත්තෙන් වුවද හඳුන්වාදීමට සිදු වී ඇත.

ඔක්‌තෝබර් මස 30 දින සිට පුරා දින 4 ක්‌ පාර්ලිමේන්තුවේ මතභේදයට හේතු වූ ව්‍යවස්‌ථා යෝජනාවලි වාද විවාදයට ගත් අවස්‌ථාව නේස්‌බි සාමිවරයා කළ ප්‍රකාශය මන්ත්‍රීවරුන් හට යොදා ගත හැකි අවස්‌ථාවක්‌ විය. නමුත් රටේ අවාසනාවකට රජය, ජනතා විමුක්‌ති පෙරමුණ, ශ්‍රී ලංකා නිදහස්‌ පක්‌ෂය හෝ ඒකාබද්ධ විපක්‌ෂය නේස්‌බි සාමිවරයාගේ ප්‍රකාශය කිසිදු ආකාරයකට සාකච්ඡාවකට භාජනය කළේ නැත. ආර්. සම්බන්ධන්ගේ කණ්‌ඩායම ඔවුන්ගේ ප්‍රධානම චෝදනාව මහා බේගලයක්‌ බව හෙළිදරව් වීම සම්බන්ධයෙන් නිහඬ පිළිවෙතක්‌ අනුගමනය කිරීම පුදුමයක්‌ නොවේ. කලක්‌ කොටි සංවිධානය ද්‍රවිඩ කතා කරන ජනතාවගේ එකම නියෝජිතයා ලෙස පිළිගත් ටී. එන්. ඒ, නේස්‌බි සාමිවරයාගේ හෙළිදරව්ව කිසිවිටකත් අභියෝගයට ලක්‌ කරන්නේ නැත.

නේස්‌බි සාමිවරයා සඳහන් කළ මරණ සංඛ්‍යාව බොහෝ දුරට එක්‌සත් ජාතීන් 2008 අගෝස්‌තු – 2009 මැයි 13 දක්‌වා වන්නියේ සිදු වූ මරණ සහ තුවාලවීම් සම්බන්ධයෙන් එකතු කරන ලද දත්ත සමඟ ගැලපේ. මේ බව අවධානයට ලක්‌ විය යුතුය.

තෙරේසා මේ මහත්මියගේ බ්‍රිතාන්‍ය රජය ජීනිවා මානව හිමිකම් කවුන්සිලයේ ප්‍රබල සාමාජිකයකු වේ. ඇමරිකාවද, ඉන්දියාවද එහි වර්තමාන සාමාජිකයෝය. යුද සමයේදී වන්නියේ පමණක්‌ නොව නැගෙනහිර පළාතේ තිබූ තත්ත්වය සම්බන්ධයෙන්ද එම රටවල කොළඹ ස්‌ථානගත කර සිටි හමුදා නිලධාරීන් ඉදිරිපත් කළ වාර්තා ජීනිවා මානව හිමිකම් කොමිසමට ලබාදීම ඉතාම වැදගත් බව ලියුම්කරුගේ හැඟීමයි. ඇමරිකානු සහ බ්‍රිතාන්‍ය වාර්තා බොහෝදුරට එකම ස්‌ථාවරයක සිටින බවට තොරතුරු ඇත. උදාහරණයක්‌ ලෙස ශ්‍රී ලංකාව පොකුරු බෝම්බ පාවිච්චි නොකළ බවට බ්‍රිතාන්‍ය හමුදා නිලධාරි ලුතිනල් කර්නල් ගෑෂ් කර ඇති ප්‍රකාශයයි. එක්‌සත් ජාතීන්ගේ සංවිධානයට තම රහස්‍ය වාර්තාවද හෙළි කළ හැක.

විශ්‍රාමික හමුදා නිලධාරීන් නියෝජනය කරන කිසිදු සංවිධානයක්‌ නේස්‌බි සාමිවරයාගේ ප්‍රකාශය පිළිබඳව කටයුතු කිරීමට මෙම ලිපිය ලියන අවස්‌ථාව වන විටත් බල කිරීමක්‌ කර නොමැත.

යුද හමුදා මූලස්‌ථානයද මුනිවත රකින බව කිව යුතුය.

ලෝකයේ ත්‍රස්‌තවාදය පරාජය කළ එකම රට තම හමුදාවන්ට සහ දේශපාලන නායකත්වයට එරෙහිව නැඟුන පදනම් විරහිත ප්‍රධානම චෝදනාව නිෂ්ප්‍රභ කිරීමට ලැබී ඇති අවස්‌ථාව ප්‍රයෝජනයට ගෙන නොමැත.

යහපාලන රජයේ ක්‍රියාකලාපය පිළිබඳ මුළු රටම බලා සිටී. ඒකාබද්ධ විපක්‌ෂයේ නිහැඬියාව ජනතාවට පුදුමයකි.


යුතුකම සංවාද කවය
www.yuthukama.com
Like us on facebook : https://www.facebook.com/yuthukama

නීතිය නමන්නට ගොස් කොලේ ඉරා ගැනීම

කතෘ:යුතුකම     12/07/2017   No comments
- ආචාර්ය නාලක ගොඩහේවා -

පසුගිය සතියේ කාගේත් අවධානයට ලක්වූ ප්‍රවෘතියක් වූයේ හිටපු ආරක්ෂක ලේකම් ගෝඨාභය රාජපක්ෂ මහතා අත් අඩංගුවට ගෙන ප්‍රශ්ණ කිරීමට පොලිස් මුල්‍ය අපරාධ විමර්ශණයට නීතිපති අවසරය ලැබී ඇති බවයි. මෙම ප්‍රවෘතියත් සමග බොහෝ දෙනෙකු කැලබීමට පත්වූ අතර ගෝඨාභය රාජපක්ෂ මහතා අත් අඩංගුවට ගැනීමේ ප්‍රයත්නය හෙලා දකිමින් විවිධ දේශපාලනඥයින්, වෘතිකයින් හා පූජක තුමන්ලා අදහස් දක්වනවා දකින්නට ලැබුනි.

මේ තත්වය තුල බැඳුම්කර කොමිසම හමුවේ දැඩි ලෙස මහජන අප්‍රසාදයට ලක්වෙමින් සිටි රජයේ ප්‍රධානීන්ට ජනතා අවධානය වෙනතකට යොමුවීමේ වාසිය උපරිම වශයෙන් ලැබුන බව පෙනී ගිය නිසා හදිසියෙම ගෝඨාභය රාජපක්ෂ මහතා අත් අඩංගුවට ගැනීමේ ප්‍රවණතාවක් ජනගත කලේ රජයේ මාධ්‍ය හසුරවන්නන් විසින්මද කියා සැකයක්ද මතුවිය.

ඒ කෙසේ වෙතත් සතිය අවසන් වූයේ රජයට හිතකර නොවන ප්‍රවෘතියකිනි. ඒ ගොඨාභය රාජපක්ෂ මහතා පොදු දෙපල පනත යටතේ අත් අඩංගුවට ගැනීම තාවකාලිකව වලකමින් අභියාචනාධිකරණය දුන් තීන්දුව නිසාය. මේ තීන්දුව තුලින් රටට වැදගත් පනිවිඩයක් දීමේ අවස්ථාව දැන් විපක්ෂයට උදා වී ඇත.

නීතිය රටක සියලු පුරවැසියන් විසින් ගරු කල යුතුය. නමුත් ඒ නීතිය සැමට සමාන හා සාධාරණය යන උපකල්පනය යටතේය. නීතියේ සාධාරණත්වය තහවුරු කිරීමෙ වගකීම තිබෙන්නේ අධිකරණයට පමනක් නොවේ. නීති සම්පාදනය කරන පාර්ලිමේන්තුවටත් නීති ක්‍රියාත්මක කරණ රජයටත් එහි වගකීම ඇත. රජයකින් ජනතාව බලාපොරොත්තු වන්නේ නීතිය නිසියාකාරව ක්‍රියාත්මක කිරීමයි. එහෙත් රජය නීතිය අවභාවිත කරමින් දඩ බල්ලෙකු ලෙස හැසිරෙන්නට පටන් ගත්හොත් පුරවැසියන් පතන්නේ කාගේ පිලිසරණද ?

ගෝඨාභය රාජපක්ෂමහතාගේ නීතිඥයින් අභියාචනාධිකරණයට යාම හෙලාදකින්නට රජයේ හිත්වතුන් මතුකලේ "වරදක් කර නැත්නම් නීතියට බය ඇයි ? " යන ඔවුන්ගේ සුපුරුදු තර්කයයි. මෙය වත්මන් දේශපාලන වාතාවරණය ගැන ගැඹුරු අවබෝධයක් නැති පුද්ගලයෙකුට පමනක් ඉදිරිපත් කල හැකි තර්කයකි. මන්ද පසුගිය කාලයේ රජය ක්‍රියාකල ආකාරය දෙස බලන විට නීතිය නිවැරදිව හසුරවනු ලබනවාද යන්න පිලිබඳ විශාල සැකයක් මතුන බැවිනි.

තමුන්ගේ නීත්‍යානුකූල භාවය දැනට වසර 3 කට ආසන්න කාලයක් පුරා උසාවියේ අභියෝගයට ලක්ව ඇති පොලිස් මුල්‍ය අපරාධ විමර්ෂණ අංශය (FCID ) නීතිපති උපදෙස් පතා තිබුනේ ඩී ඒ රාජපක්ෂ අනුස්මාරකය ඉදිකිරීම සඳහා පහත් බිම් සංවර්ධන අධිකාරියට කොන්ත්‍රාත් ලබාදීමේදී පොදු දෙපල අපහරණය කලාය යන චෝදනාව යටතේ ගෝඨාභය රාජපක්ෂ මහතා ඇතුලු 7 දෙනෙකු අත් අඩංගුවට ගෙන ප්‍රශ්ණ කිරීමටය. ඒ සඳහා නීතිපති දෙපාර්තුමේන්තුව අනුමැතිය දී තිබුනි. ගෝඨාභය රාජපක්ෂ මහතා උසාවි ගියේ මෙම කාරණය පොදු දේපල පනතට අදාල නොවන බව කියමින් එම සැලසුම්සහගත අත් අඩංගුවට ගැනීම වලක්වන ලෙස ඉල්ලමිනි.

උසාවිය මෙම ඉල්ලීමට අනුමැතිය දුන්න පමනක් නොව බැලූ බැල්මට මෙම සිද්ධියේ චූදිතයන්ගේ පැත්තෙන් කිසිදු වංක චේතනාවක් හෝ අපහරණයක් අධිකරණයට නොපෙනෙන බවද පවසා ඇත.

මින් ගම්‍ය වන්නේ කුමක්ද. කුමන්ත්‍රණය ඇත්තෙන්ම සිදු කොට ඇත්තේ ( නීත්‍යානුකූල භාවය උසාවියේ අභියෝගයට ලක්ව ඇති ) පොලිස් මුල්‍ය අපරාධ විමර්ෂණ අංශය (FCID )බවයි.

පසුගිය කාලය පුරාවටම රජයට දේශපාලන පලිගැනීම් කිරීමට අවශ්‍ය පුද්ගලයින් රැසක් අත් අඩංගුවට ගෙන ඇප නොදී මාස ගනන් රඳවා ගැනීම සඳහා රජය අවභාවිතා කලේ මේ පොදු දේපල පනතයි. ඔවුන් පොදු දේපල පනත යටතේ පුද්ගලයින් අත් අඩංගුවට ගන්නේ මහෙස්ත්‍රාත් උසාවිය පොදු දේපල පනත යටතේ අත් අඩංගුවට පත්වූවෙකුට විශේෂ හේතුවක් මත මිස ඇප දීමට නොහැකි බව හොඳින්ම දන්නා නිසාය. අත්ඩංගුවට පත්වූ තැනැත්තා මහාධිකරණයට ගොස් ඇප ලබා ගැනීමට මාසයකට පමන කල් ගතවෙයි. මේ කාලය තුල තම දේශපාලන ප්‍රතිවාදියා සිරගත කිරීමේ ප්‍රීතිය බුක්ති විඳීමටත් මාධ්‍ය සංදර්ශන පවත්මින් ඔහුගේ චරිතය ඝාතනය කිරීමටත් රජයේ දේශපාලනඥයින්ට අවස්ථාව සකසා දීම පොලීසියේ අදාල මහත්වරුන්ගේ කාර්ය භාරයයි.

දේශපාලන ප්‍රතිවාදීන් දඩයමට පොදු දේපල පනත යොදාගැනීම සම්බන්ධයෙන් අද ලැබුන තීන්දුවෙන් යලිත් හෙලිවන්නේ ආන්ඩුවේ නිරුවතයි. නීතිය නැමීමටත් යම් සීමාවන් ඇති බව ඉන් ඔප්පු විය..

වත්මන් රජය වෙනස් වූ පසු පොදු දේපල පනත යටතේ දැමූ බොරු නඩු පිලිබඳව විශේෂ විමර්ෂණයක් කෙරෙනු ඇතැයි අපි බලාපොරොත්තු වෙමු. ඒවා පිටුපස සිටි සියලු දෙනා ගැනම සොයාබලා ඔවුන්ට විරුද්ධවද නීතිමය කටයුතු ආරම්බ කෙරෙන දවසක් මතු උදා වනු නිසැකය. දේශපාලනඥයින් පිනවීමට අයථා වැඩ කරන නෝනා මහත්වරුන් ගැන නම් වශයෙන් වාර්ථා ඇති අතර අනාගතයේ ඔවුන්ට උත්තර බඳින්නට සිදුවනු ඇති බව පසුගියදා ජී එල් පීරිස් මැතිතුමා ප්‍රවෘතී සාකච්ඡාවකදී ඉඟිකලේය.

පොලිස් මුල්‍ය අපරාධ විමර්ෂණ අංශයේ නීත්‍යානුකල භාවය අභියෝගයට පත්කරමින් පූජ්‍ය ඇල්ලේ ගුනවංස හිමියන් පැවරූ නඩුව ඇතුලු නඩු කිහිපයක් දැනට වසර 3 කට ආසන්න කාලයක් සාධාරණ හේතුවකින් තොරව දිගින් දිගටම ප්‍රමාද කෙරෙමින් තිබේ. දේශපාලන ප්‍රතිවාදීන්ගේ නඩු ඉක්මන් කරන්නට අලුතින් අධිකරන පිහිටුවන්නට පවා සැරසෙන රජය තමන්ගේ දඩයම් මන්දිරයේ නීත්‍යානුකූලබව අභියෝග කරමින් පුරවසියන් විසින් පවරා ඇති නඩු ඉක්මන් කොට එවා හැකිනම් සධාරණීකරණය නොකරන්නේ මන්ද යන්න ප්‍රශ්ණය ජනතාවට මතක් කොට දීම ස්වාධීන මාධ්‍යවේදීන්ගේද යුතුකමකි.

එක්සත් ජාතික පක්ෂය විසින් 2017 පාර්ලිමේන්තු මැතිවරණයට ඉදිරිපත් කල ' මාස 60කින් අලුත් රටක් හදන පංචවිධ ක්‍රියාවලිය" යන ප්‍රතිපත්ථි ප්‍රකාශණයේ( දැන් මාස 30 ක් ඉවරයි ) 12 වන පිටුවේ මෙසේ කියා ඇත

' මුල්‍ය අපරාධ විමර්ෂන අංශය පනතකින් නීතිගත කර එය වඩාත් ශක්තිමත් කරමු '

ඒ අනුව මුල්‍ය අපරාධ විමර්ෂන අංශය (FCID) නීත්‍යානුකූල නොවන බව එක්සත් ජාතික පක්ෂයේ ප්‍රතිපත්ථි ප්‍රකාශනයම පිලිගෙන ඇත. කට බොරු කීවත් දිව බොරු නොකියයි කියන්නේ මෙයටය.

ගෝටාභය රාජපක්ෂට එරෙහි පොලිස් මුල්‍ය අපරාධ විමර්ෂණ අංශයෙන් , කෙරෙන පරීක්ෂණයට සම්බන්ධව පොදුවේ දන්නා කරුණු කිහිපයක් විමසා බලමු. පාට කන්නාඩි දමාගෙන මෙය කියවීමෙන් පලක් නැත. විවෘත මනසකින් කරුණු විමසීමෙන් පමනක් සත්‍යය අවබෝධ කරගත හැක.

මහාධිකරණයේ ඉදිරිපත් වූ කරුණු අනුව ඩී ඒ රාජපක්ෂ පදනම පහත්බිම් සංවර්ධන මන්ඩලය සමග 2014 පෙබරවාරි වල ස්මාරකයක් ඉදිකිරීම සඳහා කොන්ත්‍රාත්තුවකට එළබ ඇත. පහත්බිම් සංවර්ධන මන්ඩලයේ 2014 පෙබරවාරි 26දා පැවති අධ්‍යක්ෂක මන්ඩල වර්ථාව අනුව ඒ සඳහා ඇස්තමේන්තු කල මුදල රුපියල් මිලියන 33 කි.

2015 අගෝස්තු 25දා පහත්බිම් සංවර්ධන මන්ඩලය ඩී ඒ රාජපක්ෂ පදනමට ලිපියක් යවමින් අවසන් ඇස්තමේන්තුව එවන තෙක් රුපියල් මිලියන 25 ක් ගෙවන ලෙස දන්වා ඇත. ආයතන දෙක අතර කොන්ත්‍රාත් එකඟතාවක් තුබුන බව මින් තහවුරුවේ.

ඉන් සතියක් ඇතුලත 2015 අගෝස්තු 31 ඩී ඒ රාජපක්ෂ පදනම මෙම මුදල පහත්බිම් සංවර්ධන මන්ඩලයට ගෙවා ඇත.

මීට අමතරව තවත් රුපියල් 8,944,741.60 ක් ඩී ඒ රාජපක්ෂ පදනම මෙම මුදල පහත්බිම් සංවර්ධන මන්ඩලයට ගෙවූ බවට වාර්ථා ඇති නිසා මෙ වන විට ඇස්තමේන්තු කල රුපියල් මිලියන 33ටත් වඩා රුපියල් මිලියන 3.94 ක් පදනම විසින් පහත්බිම් සංවර්ධන මන්ඩලයට ගෙවා තිබුනි.

අප කවුරුත් දන්නා පරිදි 2015 අගෝස්තු මස පාර්ලිමේන්තු මැතිවරණය පැවැත්වුනු අතර ඉන්පසු පහත්බිම් සංවර්ධන මන්ඩලය අලුත් ඇමතිවරයෙකු යටතට පත්වෙයි.

කතාව වෙනතකට යන්නට පටන් ගන්නේ ඉන් පසුවය.

නව පාලනය යටතේ පහත්බිම් සංවර්ධන මන්ඩලය මෙම කොන්ත්‍රාත්තුව සඳහා වැයවූ මුදල රුපියල් 81, 313,374 ක් බව ඩී ඒ රාජපක්ෂ පදනමට දන්වා ඇත.

මෙය ඩී ඒ රාජපක්ෂ පදනම කිසිසේත්ම බලාපරොත්තු නොවූ ඉහල මිලකි. ඉදිකිරීම් කරයුත්තකට කොන්ත්‍රාතුවක් බාරදුන් විට වැඩ අවසන් වන විට අවසන් මිල ඇස්තමේන්තුවට වඩා 10% ක් පමන ඉහලයාම අපෙක්ෂාකල හැකි වුවද ඇස්තමේන්තු කල අගය මෙන් තුන් ගුණයක් වියදම් වූවායයි පිලිගන්නට සූදානම් කවුද ? ඒ අනුව ඩී ඒ රාජපක්ෂ පදනම මෙම බිල්පත අභියෝගයට ලක් කර ඇත. මෙයද සාමාන්‍යයෙන් ඉදිකිරීම් ක්ශෙස්ත්‍රයේ සුලබව සිදුවන්නකි.

පහත්බිම් සංවර්ධන මන්ඩලය කරන්නේ 2016 ජූනි මස රුපියල් 56,313,374.14 නොගෙව්වොත් නඩු පවරන බව කියා ඩී ඒ රාජපක්ෂ පදනමට ලිපියක් යැවීමයි. ඔවුන්ට ඉහත කී රුපියල් 8,944,741.60 ගෙවීම සම්පූරණයෙන්ම අමතක වී ඇති බව පෙනේ. රුපියල් මිලියන 25 ගෙවීම පමනක් සලකා තිබුනි.

මේ අනුව මේ ඇත්තේ පැහැදිවම කොන්ත්‍රාත්කරුවෙකු හා සේවාදායකයා අතර ඇති සිවිල් ආරාවුලකි. සිවිල් නඩුවකි. කවුරු හරිද වැරදිද යන්න තීරණය කිරීම සිවිල් නඩුවක් පැවරුවහොත් අධිකරණය විසින් කරනු ඇත.

සිවිල් නඩුවකදී චූදිතයින් ඇප නැතුව සිරගත කරනු නොලැබේ.

නමුත් ඒ වෙනුවට කාගේ හෝ උවමනාවට ( කවුද කියා ඔබට සැක කල හැක ) මෙයට පොලිස් මුල්‍ය අපරාධ විමර්ෂණ අංශය පැටලවුනි. ඔවුන් එවකට නාගරික සංවර්ධන අමාත්‍යාංශ ලේකම්ව සිටි ගෝටාභය රාජපක්ෂ මහතා මෙයට පටලවා ගත්හ. ඒ සුපුරුදු පරිදි මහේස්ත්‍රාත් උසාවියට ඇප දිය නොහැකි පොදු දේපල පනත යටතේය. ඒ අතර රජයේ දේශපාලනඥ්ඥයෝ සහ ඔවුන්ට සහායවන වෙබ් අඩවි , මුහුනුපොත් ක්‍රියාකාරිකයෝ ගෝඨාභය රාජපක්ෂ මහජන මුදලින් තම පියාට ස්මාරකයක් සෑදවීය කියා මතයක් ජනගත කල අතර තවමත් ඉතුරුවී සිටින ලැම්බොගිනිකාර්/රත්තරන් අශ්වයන්/රොකට්/ඩුබයි ගිනුම් රසිකයෝ මෙම පුවත රසකොට වැළඳූහ

පොලිස් මුල්‍ය අපරාධ විමර්ෂණ අංශය විසින් සුපුරුදු පරිදි මහේස්ත්‍රාත් උසාවියේ ගොනුකල බී වාර්තාවකට අනුව ගෝඨබය රාජපක්ෂ අත් අඩංගුවට ගෙන වැඩිදුර විමර්ෂන කරන්නට නීතිපති අවසරද ලැබුනි.

නමුත් රජයේ කරුමයට ගෝඨාභය රාජපක්ෂ අත් අඩංගුවට ගන්නට පෙර ඔහුගේ නීතිඥයෝ අභියාචනාධිකරණයට ගොස් කරුණු ඉදිරිපත් කලහ. පොදු දේපල අපහරණයක් මෙහි සිදුවී නැති නිසා පොදු දේපල පනත යටතේගෝඨාභය රාජපක්ෂ අත් අඩංගුවට ගැනීම වලකන ලෙස ඔවුහු ඉල්ලා සිටියහ. මෙය පොදු දේපල ගනයට වැටෙන අපරාධ නඩුවක් නොව සිවිල් නඩුවක් බවට විත්තියේ නීතීඥ්ඥයින් ඉදිරිපත් කල මතයට එකඟ වූ අභියාචනාධිකරණය බැලූ බැල්මට මෙහි වංක චේතනාවක් හෝ අපහරණයක් ඇති බවක් නොපෙනෙනෙන බවද ප්‍රකාශ කලේය.

නමුත් පසුගිය වසර 3 ක කාලය තුල අභියාචනාධිකරණයට නිසි වෙලාවට යාමට නොහැකිවූ නිසා පොදු දේපල පනත යටතේ අත් අඩංගුවට පත්ව ඇප නැතිව සිරගතව සිටි විශාල පිරිස මතක් කර බලන්න. ඔවුන්ට වූ අපහාසයට , මානසික වේදනාවන්ට, නඩු වියදම් වලට වන්දි ගෙවන්නේ කවුද ? ඔවුන්ගෙන් සමහරකුට දේශපාලනිකව ඔබ අකමැති වන්නට පුලුවන. එහෙත් නීතිය සැමට සාධාරණ විය යුතු නොවේද ?

රටට ආදරය කරණ , අවංකවම ප්‍රජාතන්ත්‍රවාදය ගරුකරණ, සැබෑ යහපාලනය අපේක්ෂා කරනා , පාට කන්නාඩි නොපලඳින අය කල්පනා කල යුත්තේ රජයක් විසින් මෙසේ නීතිය අවනීතිය කිරීමින් දේශපාලන ප්‍රතිවාදීන් දඩයම් කිරීම තවදුරටත් ප්‍රජාතන්ත්‍රවාදී රටක පුරවැසියන් ලෙස ඔබ අනුමත කරනවාද යන්නයි. එසේ නොකරන්නේ නම් රජයේ මෙම මර්ධනකාරී ක්‍රියාපිලිවෙතට දේශපාලන පක්ෂ බෙදයකින් තොරව විරෝදය පලකිරීමට අවස්ථාවක් නුදුරේ එළබෙන ප්‍රාදෙශීය සබා චන්දයේදි ලැබෙනු ඇත. චන්ද මග හරින ආන්ඩුවක් යටතේ කලාතුරකින් ලැබෙන මේ අවස්ථාවෙන් උපරිම ප්‍රයෝජන ගැනීම දූරදර්ශී පුරවැසියෙකුගේ වගකීමයි.

( මව්බිම )
යුතුකම සංවාද කවය
www.yuthukama.com
Like us on facebook : https://www.facebook.com/yuthukama

12/05/2017

ශ්‍රී ලාංකික වාරි ශිෂ්ඨාචාරයේ විශ්මිත යෝධ පිම්ම - රටක් නැගිටවන්නට ඉදිකළ මොරගහකන්ද

කතෘ:යුතුකම     12/05/2017   No comments
'මහින්ද රාජපක්ෂ සමූද්‍රය' -  මොරගහකන්ද -

-විශ්ව චින්තන-
ලංකාවේ විශාලතම කෘෂි ව්‍යාපෘතිය ලෙස මොරගහකන්ද ගැන මුලින්ම කථා කරන්නේ 1955 වසරේදීය.නැවත 1977දී කඩිනම් මහවැලි ව්‍යාපෘතිය යටතේ මොරගහකන්ද නැවත කරලියට එයි.නමුත් මහින්ද යුගය එලැබෙන විටත් 60 වසරක් තිස්සේ එකඳු පස් පිඩැල්ලක් හෝ කැපීමට කිසිදු රජයකට හැකි වූයේ නැත.

රට කෘෂිකර්මයෙන් ස්වයං පෝෂිත කිරීමේ මහින්ද චින්තන දැක්ම අනුව ආරම්භ කල වෙහෙරගල, වේලි ඔය, මව්ආර, රඹකැන් ඔය, කැකිරිඕබඩ, උඩවලව වම් ඉවුර, දැදුරු ඔය, යාන් ඔය, උමා ඔය ඇතුළු යෝධ ව්‍යාපෘති අතර මොරගහකන්ද - කළුගඟ යථාර්තයක්ම වන්නේ ඒ වැඩ සටහන යටතේ ඉදිවන විශාලත ව්‍යාපෘතිය ලෙසයි. මෙහි විශේෂත්වය නම් මේ ව්‍යාපෘති සියල්ල කෙටි කාලයක් තුල සමාන්තරව ගොඩනැගීමයි.

පරාක්‍රම සමුද්‍රය මෙන් 6 ගුණයක් විශාල මහ ජලාශ දෙකක් හදන මාතලේ ඉදිකරන මොරගහකන්ද බහුකාර්ය යෝජනා ක්‍රමය මඟින් මධ්‍යම උතුරුමැද උතුරු හා නැගෙනහිර පළාත්වල මහ වැව් 20ක් පමණ හා අලුත් වැව් 51 ක් ඉදිවේ. කුඩා වැව් සිය ගණනක් පෝෂණය වෙයි.

රුපියල් කෝටි 12,500 ක් වැය කරන මේ ව්‍යාපෘතිය මඟින් උතුරුමැද මධ්‍යම පළාත්වල ජනතාවට ලබාදෙන පානීය ජල ධාරිතාව තෙගුණයකට වැඩි කෙරේ. ඊට අමතරව මධ්‍යම උතුරුමැද උතුරු හා නැගෙනහිර පළාත්වල ඉඩම් අක්කර ලක්ෂ 2.5 ක් යල මහ අස්වැද්දීමට කටයුතු කරනු ලැබේ.

නාවුල ඇළහැර පාරේ මොරගහකන්දේ දී අඹන් ගඟ හරහා මීටර් 463ක් දිග මහ වේල්ලක් ඉදිකර එමඟින් අක්කර අඩි 463000ක ජල ධාරිතාවක් සහිත මහ ජලාශයක් ඉදිකෙරේ. එය පරාක්‍රම සමුද්‍රය මෙන් හතර ගුණයක් විශාලය. ඊට අදාළව තවත් සඳැලි වේලි දෙකක් ඉදිවේ.

මෙම ව්‍යාපෘතියේ අනික් ප්‍රධාන වේල්ල ඉදිවෙන්නේ පල්ලේගම ප්‍රදේශයේය. ඒ මාතලේ කළු ගඟ හරහා මීටර් 548ක් දිග වේල්ලක් බැඳීමෙනි.මෙයට අමතරව තවත් සඳැලි වේලි දෙකක් ද ඉදිකර අක්කර අඩි 216000 ක ජල ධාරිතාවක් දැරිය හැකි යෝධ ජලාශයක් කළු ගඟ ආශ්‍රිතව ඉදිකරනු ලැබේ.මෙය පරාක්‍රම සමුද්‍රය මෙන් දෙගුණයක් විශාලය.

මෙම යෝධ ජලාශ කිලෝමීටර් 9ක් දිග උමගකින්/ඇලකින් එකට සම්බන්ධ වේ. මෙම සම්පූර්ණ ව්‍යාපෘතියම ඉදිකිරීමට අවශ්‍ය සහණ පොලී ණය මුදල චීන සංවර්ධන බැංකුව, ඔපෙක් හා සවුදි අරමුදල හා කුවේට් රජය යටතේ ලැබී ඇත. ව්‍යාපෘතිය යටතේ මෙගාවොට් 25ක ජල විදුලි බලාගාරයක් ඉදිවෙන අතර ලග්ගල වැල්ලෙවෙල ආදි ප්‍රදේශවල නව නගර ද බිහි වෙයි.

මේ මොරගහකන්ද කළු ගඟ ව්‍යාපෘතිය යටතේ ‍රජරට ගොවි ජනතාවට පමණක් ලැබෙන වාර්ෂික ප්‍රතිලාභය රුපියල් කෝටි 400 කි.මුළු ව්‍යාපෘතියෙන් ලැබෙන සමස්ත වාර්ෂික ප්‍රතිලාභය රුපියල් කෝටි 750 ක් වේ.මේ අනුව ව්‍යාපෘතියට යන සම්පූර්ණ වියදම වන රුපියල් කෝටි 12,500 අවුරුදු 18කට පෙර පියවීමට අවස්ථාව ලැබේ.

අලුත් පාලම් 80 ක් වැව් 51 ක් නව නගර 3 ක් මේ යටතේ ඉදිවෙයි.නව මාර්ග කිලෝමීටර් 200 ක් පමණ හා නව යටිතල පහසුකම් රැසක් ද මේ නව ව්‍යාපෘතිය යටතේ ජනතා අයිතියට පවරමින් තිබේ.

වසර 60ක් තිස්සේ සාකච්ඡා අධ්‍යයනවලට පමණක් සීමා වී තිබූ මොරගහකන්ද - කළු ගඟ ව්‍යාපෘතියට 2007 ජනවාරි 25 වැනිදා මහින්ද රාජපක්ෂ ජනාධිපතිතුමා අතින් මුල්ගල් තැබුනු අතර 2016 වසරේදී වැඩ අවසන් වන්නට නියමිතව තිබුනි.

2015 වසර එලැබෙන විට ව්‍යාපෘතියෙන් 75%ක වැඩ නිම කරන්නට ව්‍යාපෘතිය භාර නිලධාරීන්ට හැකි වී තිබුනි...!!!


-යුතුකම සංවාද කවය
www.yuthukama.com
Like us on facebook : https://www.facebook.com/yuthukama

12/03/2017

හැට දෙලක්ෂයට’ අත නොතියනු!

කතෘ:යුතුකම     12/03/2017   No comments
-ආචාර්ය චරිත හේරත්

මෙවර මා ලියන්නට සිතුවේ මේ ආණ්ඩුවට 2015 ජනවාරි 8 දින ලැබුනා යැයි කියන හැට දෙලක්ෂයේ ජනවරම රුකගැනීම සදහා ආණ්ඩුවටම සම්බන්ධ කුඩා කණ්ඩායමක් මේ දිනවල කරගෙන යන දේශපාලන ජවනිකාව පිළිබදවය. රාවය පුවත් පතේ ලියන සමහර කණ්ඩායම් පවා නිතර ජප කරන මේ හැට දෙක්ෂයේ මන්ත‍්‍රණය ගැන කථා කිරීම වැදගත් වන්නේ පසුගිය ජනාධිපතිවරණයේ මෛත‍්‍රීපාල සිරිසේන මහතාට ජන්දය දුන් අයගේ ඇති විශේෂ වැදගත් කමක් ඇතැයි මා සිතන නිසා නොව ඒ ජන්දයෙන් පසුව හැට දෙලක්ෂයේ ‘අයිතිකාරයන්’ වශයෙන් පෙනී සිටින අය කියන කරන දේවල්වලින් මතුවෙන දේශපාලනය විමසීම වැදගත් වන නිසාය. එය මේ මොහොතේ රටේ බල දේශපාලනයේ ගමන තේරුම් ගැනීමට ද වැදගත්කමක් ඇතැයි සිතන නිසාය.

මේ සම්බන්ධයෙන් කළ හැනි පළමු නිරීක්ෂනය වන්නේ හැට දෙලක්ෂය කේසේ වෙතත් මේ ‘රුකගැනීමේ කණ්ඩායම’ නම් ප‍්‍රමාණයක් ලෙසින් එන්න එන්නම පරමානුකරණය වෙමින් තිබෙන බවය. එය දිනෙන් දිනම ප‍්‍රමාණයෙන් කුඩා වෙමින් තිබෙන බවය. ඒ දර්ශනය අපට මතක් කරන්නේ අපේ රටේ වමේ ව්‍යාපාරය විශාල තැනක සිට පුංචිම තිතක් දක්වා පරමානුකරණයවීමේ අතීත කථාවය. මේ හැට දෙලක්ෂය රුකගැනිමේ ව්‍යාපාරයේ ද මුළින්ම සිටින්නේ ඒ දවස්වල වාමාංෂික ව්‍යාපාරවල සිටි දැන් එජාපය ගොස් සිටින කීපදෙනෙකුවීම දෛවොපගත සම්බන්ධයක් යැයි කීමේ වරදක්ද නැත.

දැන් මේ කණ්ඩායම තර්ක කරන්නේ ජනවාරි 8 දින ජයග‍්‍රහනයේ ‘සාරය’ ක් (essence එකක්) තිබෙන බවත් මේ ආණ්ඩුව ඒ සාරය හරියට අතට ගන්නේ නැති බවත් ය. තවත් පැහැදිළිව ගතහොත් මේ අය කියන්නේ ජනවාරි 8 මෛත‍්‍රීව ගෙනාවේ නිශ්චිත ‘වැඩකට’ බවත් මෛත‍්‍රී ඒ වැඬේ හරියට කරන්නේ නැති බවත්ය. හැටදෙලක්ෂය රුකගැනීමට අරගල කිරීම කියා මේ කණ්ඩායම කියන්නේ ඔවුන් කියන මේ ‘වැඬේ’ මෛත‍්‍රී ලවා කරවා ගැනීම යැයි සරළව තේරුම් ගත හැකිය.

දැන් මේ "කළ යුතුව තිබූ නමුත් මෛත‍්‍රී නොකල" වැඬේ මේ හැටදෙලක්ෂයට අයිති නැති අපි වැනි අය ‘නිච්චියටම’ දන්නේ නැති වුවත් ඒ කණ්ඩායමට පිටින් එයට විරුද්ධ පැත්තේ සිට මේ ප‍්‍රශ්නය දෙස බලන කෙනෙක් ලෙසින් කිව හැකි කාරණා කීපයක් තිබේ. පළමුවෙන්ම මම සිතන්නේ මේ රුකගැනීමේ කණ්ඩායම කල්පනා කරන ආකාරයේ සාරයක් ජනවාරි 8 මෛත‍්‍රීගේ ජයග‍්‍රහනයේ නැති බවයි. දේශපාලනමය වූ අවකාශයක් ඇතුලේ ජනවාරි 8 දින මහින්ද පැරදවීම සදහා එකතුවූයේ වෙන වෙනම තම තමන්ගේ දේශපාලනමය වු අභිලාෂයන් ගනනාවක් වෙනුවෙන් එක්වූ වෙනස් වූ කණ්ඩායම් හා පුද්ගල චරිත ටිකක් මිස ඔය කියන ආකාරයේ සාරයක් හෝ එකමිතියක් ඇතුළේ වූ දේශපාලනයම ගොඩනැවීමක් නොවන බවයි. ඒ එක් එක් අයගේ ස්වකීය අභිලාෂයන් සියල්ල මහින්ද පැරදවීම යන මහා පොදුසාධකය ඇතුලේ තබා වැඩකිරීමක් මිස ඒ පරාජයෙන් පසුව දිගටම කරගෙන යන ආකාරයේ සාරයක් ඒ තුළ නොතිබූ බව මගේ තේරුම් ගැනීමයි. පසුගිය ජනාධිපතිවරණයේ යහපාලනය කියමින් ඒකරාශී වූ විවිධ බලවේගයන් පිළිගත් මහා පොදුසාධකය වූයේ කෙසේ හෝ මහින්ද රාජපක්ෂ ජනාධිපතිධුරයෙන් පරාජයට පත්කිරීම මිස අනෙක් ඒවා නොවන බව මෙහි ඇති සරල තේරුමයි. අනෙක් අතට මේ කණ්ඩායමට එකතුවූ බොහෝ අය ඒ සදහා ආවේම තම තමන් මහින්ද එක්ක තිබූ ‘ඇරියස් එක’ පිරිමහා ගැනීමට යැයි සිතීමේ වරදක්ද මට පෙනෙන්නේ නැත. ඒ අයගේ උත්සාහය එය මිස කඩදසිවල ලියු ආකාරයේ යහපාලන මුළධර්ම තේරුම් ගැනීමෙන් හෝ ඒවා කි‍්‍රයාත්මක කිරීමේ අවශයතාවය මත වු එකක් නොවේ. දැන් උදහරණ වශයෙන් ගත් විට ඒ ජනාධිපතිවරණයේ දි ශ‍්‍රී ලංකාවේ ඇමරිකන් තානාපති කාර්යාලය හෝ ස්විස් මහ කොමසාරිස් කාරයාලයේ අභිලාෂය වූයේ මහින්ද පැරදවීම මිස වෙනත් යමක් නොවන බව පැහැදිලි කාරණයකි. එජාපයේ අභිලාෂය වූයේ වසර විස්සකට ආසන්න කාලයක් විපක්ෂයේ සිටීම නිමා කොට කෙසේ හෝ ආණ්ඩු බලයක් ලබා ගැනීම යැයි සිතිය හැකිය. එයට අමතරව මහ බැංකුව ‘ඇලෝසියස්කරණය’ වැනි අමතර අභිලාෂයන් කීපයක්ද ඒ පක්ෂයේ අයට තිබුනා විය හැකිය. ටී එන් ඒ එකට අවශ්‍ය වුවා යැයි මා සිතන්නේ ‘එල් ටී ටී ඊ එක පරදවපු එකේ ඇරියස් එක’ මහින්දගෙන් පිරිමසා ගැනීම මිස වෙන බරපතල දේශපාලන වෙනස්කමක් නොවේ. චම්පික ට රතනට අවශ්‍ය වුනේ ඒ අයගේ යෝජනාව පිළි නොගත් මහින්දට හොද පාඩමක් ඉගැන්වීමට බව මාගේ අදහසය.

ඒ නිසා ජනාධිපතික‍්‍රමය ඉවත් කිරීම, මැතිවරණ ක‍්‍රමයක් හ දුන්වා දිම, අලූත් ව්‍යවස්ථාවක් හැදිම, දුෂනය අවම කිරීම, යහපාලනය යනාදිය ඒ ඒ අභිලාෂයන් එක්තැන් කිරීම පිනිස යොද ගත් චත‍්‍රපද (Umbrella terms) කීපයක් මිස ‘බලයට ආවොත් කරන්නට’ යන දෙයක් ලෙසින් පිලිගැනීමේ කිසිදු දේශපාලනමය වටිනාමක් ඒ ජනාධිපතිවරණයට සාපේක්ෂව නොතිබු බව මගේ පිළිගැනීමයි. දැන් මේ හැට දෙලක්ෂය රුකගැනීමේ කණ්ඩායම නොදන්වා වුවාට ජනවාරි 8 මැදිහත් වූ මේ බොහෝ කණ්ඩායම් තමන්ගේ මැදිහත්වීමේ අභිලාෂය මහින්ද පරාජයට පත් කිරීමෙන්ම විසද ගත් අය බව පිළිගන්නා තත්වයකදි මේ කරන රංගනය මා නම් දකින්නේ ‘මරණයක් භූමිදනය කිරීමෙන් පසුවත් අවමංගල්‍ය සභාව’ පවත්වාගෙන යන ආකාරයේ විකාරයකටය.

දැන් හැට දෙලක්ෂයේ කථාව වැදගත් වන්නේ හැට ගනන්වල නිෂ්පාදනය කළ ‘හාරලක්ෂයේ මංකොල්ලය’ වැනි විත‍්‍රපට කළාවේ ‘ප්ලොට් එකක්’ ලෙසින් මිස වෙන යම් ආකාරයකින් නොවේ. අවශ්‍ය නම් යහපාලන කළාකරවෙකුටම "හැටදෙලක්ෂය" කියා චිත‍්‍රපටියක් හැදිම වැනි දෙයක් හැර වෙන යමක් මේ කථාවේ දැන් ඉතිරි වී නැති බව මගේ යෝජනාවය.


යුතුකම සංවාද කවය
www.yuthukama.com
Like us on facebook : https://www.facebook.com/yuthukama

කෙළෙහි ගුණ නොමදත් මිනිස් කැළ

කතෘ:යුතුකම     12/03/2017   No comments
-වෛද්‍ය වසන්ත දේවසිරි

"පිතු සෙනේ පිය හද තුළම මිස
නැත පුතුන් හද තුළ රඳන්නේ" (සිංහබාහු )

වෙත දුලබ ගුණ පිරි පුතුන් ලොව
හද රැඳුනු පියවරුන් කළ ගුණ
මැත දොඩති පින් මද පුතුන් නිති
දැක ගුණැති පුතු පුදන පිය ගුණ

හැම පියෙකු බඹ සම ය ලෙව් තුළ
දරු හැදූ යහ ගුණෙන් සපිරුණු
රට දැයට බැඳි පෙම නොහැර නිති
කෙම් බිමක් කර දුන් සැමට වැසි

ඉදි කෙරුණු සැමරුම් මහල් දැක
පියවරුන් සමරා එවන් වූ
තුටු පහටු වෙයි හුදී ජන හද
පියවරුන් ගුණ පුදන පුතු දැක

අප පුතුන් අද බිය නැතිව හද
සැරි සරති මේ බිම සිතැඟි ලෙද
පින් පිදිය යුතු වේ සියල් කල්
පියවරුන් වෙත හැදු එවන් දරු

හැර කුහක වත අප වෙලන අද
බල විවර කර හද ඇතුලු ගැබ
ඉඩ දෙතොත් දඟ ගෙයි දමන්නට
පිය සෙනේ අඳුනන පුතුන් සොඳ
නිති රකින සම්බුදු සසුන රට
දෙව් රදුන් සම්දිටු අතැර අප
යනු නිසැක කුමකට රකිනුදැයි
කෙළෙහි ගුණ නොමදත් මිනිස් කැළ

2017 උඳුවප් මස 2 වැනි දා


යුතුකම සංවාද කවය
www.yuthukama.com 

Like us on facebook : https://www.facebook.com/yuthukama

12/01/2017

ආණ්ඩුව යුධ අපරාධ චෝදනා නගා පාවාදුන් ජෙනරාල්වරයා වස පානය කර මිය යයි

කතෘ:යුතුකම     12/01/2017   No comments

ස්‌ලෝබද්‍රන් ප්‍රාල්ජානි ක්‍රෝෂියානු හමුදාවේ හිටපු අණදෙන නිලධාරියෙකි. සිවිල් වැසියන් ඝාතනය කිරීමේ සිද්ධීන් සහ මොට්‌සාර් පැරණි පාලම විනාශ කිරීම යන චෝදනා එල්ලවූ ස්‌ලෝබදාන්ට හේග්හි ජාත්‍යන්තර අධිකරණය වසර 20 ක සිරදඬුවමක්‌ නියම කළේය. මේ සිරදඬුවමට එරෙහිව අභියාචනයක්‌ ඉදිරිපත් කරමින් ඔහු පැවසුවේ තමා පිළිබඳ නඩු විභාගයක්‌ පැවැතීමට ජාත්‍යන්තර විනිසුරුවරුන්ට නොහැකි බවයි.

ස්‌ලෝබදාන්ගේ අභියාචනය විමර්ශනය කළ විනිසුරු කණ්‌ඩායමේ ප්‍රධානි අගුයිස්‌ තීන්දුව ප්‍රකාශයට පත්කරන අවස්‌ථාවේ නැගී සිටි ස්‌ලෝබද්‍රන් ප්‍රාල්ජානි තමා ජාත්‍යන්තර අධිකරණයට යටත්නොවන බව කියාසිටියේය.

විනිසුරුවරුනි මම ජාත්‍යන්තර අධිකරණයට යටත් නොවන්නෙමි. නුඹලාට මාව සිරගෙට යවන්න බැහැ. මම යුද අපරාධකරුවෙක්‌ නොවේ. රටත් ජනතාවත් උදෙසා සටන්කළ හමුදා නිලධාරියෙක්‌ යයි ස්‌ලෝබද්‍රන් වේගවත්ව ප්‍රකාශ කළේය.


ස්‌ලෝබද්‍රන්ට අසුනේ වාඩිවී ප්‍රකාශයක්‌ කරන ලෙස විනිසුරුවරයා පැවසුවත් ඔහු එම ඉල්ලීම ප්‍රතික්‍ෂේප කරමින් මම හිස නමන්නේ මගේ රටේ ජනතාවට පමණයි. නුඹලාට නොවෙයි යයි පවසා එකවරම සාක්‌කුවෙන් ගත් කුඩා කුප්පියක තිබූ දියරයක්‌ මුවට හලා ගත්තේය.

මේ අවස්‌ථාවේ බියට පත් ස්‌ලෝවද්‍රන්ගේ නීතිවේදියා මගේ සේවාදායකයා වස බිව්වා යයි කෑගැසීය.

72 හැවිරිදි ස්‌ලෝබද්‍රdන් 2013 වසරේ සිට හේන් නුවර නෙදර්ලන්ත සිරගෙයක පසුවිය.

මෙම අනපේක්‍ෂිත සිද්ධිය නිසා විගස අධිකරණය කල්දැමූ විනිසුරුවරයා විගස ස්‌ලෝබද්‍රdන්ව රෝහලට ගෙනයන ලෙස නියෝග කළේය.

ස්‌ලෝබද්‍රdස්‌ ප්‍රාල්ජාන් පැය 2 කට පසු රෝහලේ දී මියගියේය. මෙහිදී අධිකරණ බලධාරීන් ප්‍රශ්න කළේ ඔහුට දැඩි ආරක්‍ෂක විධිවිධාන යොදා තිබියදී වස කුප්පියක්‌ ලැබුණේ කෙසේද යන්නයි.

වස කුප්පිය කටේ හලා ගැනීමට පෙර ඔහු පැවැසුවේ තමාට එරෙහි සිරදඬුවම පිළිනොගන්නා බවයි.

සෑම දිනකම නෙදර්ලන්ත සිරගෙයක සිට දැඩි ආරක්‍ෂක විධිවිධාන යෙදූ වෑන් රියකින් අධිකරණය වෙත ගෙන ආ මේ බොස්‌නියා ක්‍රෝට්‌ හමුදා ජනරාල්වරයා ගැන ක්‍රෝෂියානු රජය කිසිදු ප්‍රකාශයක්‌ කළේ නැත.

ක්‍රෝෂියාවේ වත්මන් රජය ඔහුට එක්‌සත් ජාතීන්ගේ ජාත්‍යන්තර අධිකරණයට පාවාදුන් බවට ජනරාල්ට පක්‍ෂපාතී පාර්ශව චෝදනා කළහ. එහෙත් ඔහු තම නිර්දොaශීභාවය පෙන්නුම් කිරීම සඳහා ජාත්‍යන්තර අධිකරණයට බාරවිය.

1990 වසරේදී බොස්‌නියාවේ පිහිටි ක්‍රෝට්‌ ප්‍රාන්තයෙන් මුස්‌ලිම්වරු පලවා හැරීමට ස්‌ලෝබද්‍රdන් ප්‍රාල්ජාන් ඇතුළු ක්‍රෝෂියානු දේශපාලකයන් හයදෙනකු සම්බන්ධ බවට චෝදනා එල්ලවී තිබුණි.

හේග් නුවර ජාත්‍යන්තර අධිකරණයට ඇතුළුවන සෑම අයකුට දැඩි පරීක්‍ෂාවට ලක්‌කරන අතර ජංගම දුරකථන සහ යකඩ උපාංග රාජසන්තක කෙරේ.

හිටපු බොස්‌නියා ක්‍රෝෂියානු ජනරාල් ස්‌ලෝබද්‍රන් එක්‌සත් ජාතීන්ගේ අධිකරණය අල්ලා දුන්නේ බොප්නියා ක්‍රෝට්‌ බලධාරීන්ය. එය පාවාදීමක්‌ ලෙසට වාර්තා විය.

ස්‌ලෝබද්‍රdන්ට එරෙහිව සාක්‌කිදීමට ඉදිරිපත්වූ සාක්‍ෂිකරුවන්ගෙන් ඔහු විමසුවේ මම සමූල ඝාතන සිදුකළ නම් නුඹලා ඉතුරුවුනේ කෙසේද යන්නයි. මේ අතර හිටපු හමුදා ජනරාල්වරයාට වස කුප්පිය ලැබීම ගැන නෙදර්ලන්ත බලධාරීන් පරීක්‍ෂණයක්‌ ආරම්භ කර ඇත. එහෙත් සර්බියානු නීතිවේදී මොචාවිලා පැවසුවේ හේaන් ජාත්‍යන්තර අධිකරණය ගුවන් තොටුපලකට සමාන බවයි. මුදල් ඇත්නම් ඕනෑම දෙයක්‌ කළ හැකියි යයි ඔහු කියාසිටියේය.

ස්‌ලෝබද්‍රන් වස කුප්පිය කටේ හලාගන්නා අවස්‌ථාවේ ඔහු දෙපස සිටියේ තවත් ක්‍රෝෂියානු දේශපාලකයන් දෙදෙනකුවූ බෘනෝ ස්‌ටෝනිස්‌ සහ මිලිවොඡ් පෙට්‌කෝවින්ය.

මේ හිටපු හමුදා නිලධාරියා වසබොන අයුරු සජීවී ලෙස ජාත්‍යන්තරයට විකාශය විය.
ඔහු වස පානය කරන අවස්‌ථාවේ ඔහුට පිටුපසින් ආරක්‍ෂක නිලධාරියකු පවා නොසිටි බව හෙලිවිය.

මෙයට පෙර හේග් නුවර සිරගෙයක රඳවා සිටි හිටපු සර්බියානු නායක ස්‌ලෝබද්‍රdන් මිලොබික්‌ අබිරහස්‌ ලෙස මියගියේය. ඔහුට වසදී ඇති බව පසුව වාර්තා විය.

මිලොස්‌ටික්‌ව පාවාදුන්නේ වත්මන් සර්බියානු රජයයි.

සංස්‌කරණය කීර්ති වර්ණකුලසුරිය [divaina]

යුතුකම සංවාද කවය
www.yuthukama.com
Like us on facebook  : https://www.facebook.com/yuthukama

11/29/2017

හවුලේ අවුල

කතෘ:යුතුකම     11/29/2017   No comments
-ආචාර්ය චරිත හේරත්-

මේ රටේ අද තිබෙන්නේ එජාපය සහ ශ‍්‍රීලනීපය යන පක්ෂ දෙකේ එකතුවකින් සැදුන සමගි සන්ධාන ආණ්ඩුවක් යැයි බොහෝ අවස්ථාවල ආණ්ඩුවේ දේශපාලඥයෝ මහත් උජාරුවෙන් කියති. ඒ කියන සමගිය නිසා රටේ සංවර්ධනය වේගවත් වෙන බවද සමහර නායකයෝ නිතර දෙවේලේ දේශනා කරති. ප‍්‍රධාන නායකයෝ එසේ කීවත් ආණ්ඩුවේම දෙවෙනි පෙළ කණ්ඩායම් හැමවිටම වගේ හදන්නේ ඒ පක්ෂයෙන් මේ පක්ෂයටත් මේ පක්ෂයෙන් ඒ පක්ෂයටත් චෝදනා එල්ල කරමින් රට ඉස්සරහට යන්නේ නැත්තේ අහවල් පක්ෂය නිසා යැයි පෙන්නා තමන්ගේ නොහැකියාව වසා ගන්නටය. වැඩක් නොකෙරෙන්නේ අරයා නිසා යැයි පෙන්වීමේ න්‍යාය නිසා දැන් ජනතාවට සිදුවී තිබෙන්නේ තමන්ම පත්කල ආණුඩුවේ ඊලග කෑල්ල මොනවගේ වෙයිදැයි නාට්‍යයක් බලනවා වැනි කුතුහලයකින් බලා සිටීමටය. මේ ආකාරයේ වූ ‘අරූ හොරා - නෑ මූ හොරා’ වර්ගයේ දේශපාලනය කූටප‍්‍රාප්තියට පැමිනුනේ මහබැංකු මුදල් හොරකම පිළිබදව ඇතිවී තිබෙන අලූත් තත්වයත් සමගය.

අගමැතිවරයා බැදුම්කර කොමිසමට ගියේ මේ සතියේ සදුදය. රටක අගමැතිවරයෙක් ඒ රටේ මහ බැංකුවට සම්බන්ධ හොරකමකට ගෑවී තිබීම ගැන අනෙක් හැමෝටම යම් ආකාරයක විචිකිච්ජාවක් තිබුනත් ඒ පක්ෂයේ අය කියන කරන දේවල් වලින් පෙනී යන්නේ එජාපයේ අයට නම් එය හරිම ජයග‍්‍රාහී දෙයක් බව ය. ‘බය නැතිව කොමිසමට ආවා’ යැයි ඔවුන් කියන්නේ ඒ නිසාය. ඇත්තටම එජාපයේ දේශපාලඥයන්ට ඒ කාලයේ කිලිකොච්චිය තබා මැදවච්චියටවත් බය නැතිව යන්න හයියක් නොතිබූ බව මේ රටේ ජවත්වූ බොහෝ අය දන්නා කාරණයකි. ඒ් අර්ථයෙන් බලනවිට මේක ‘බය නැති’ වැඩක් යැයි ඒ අයට පෙනීමේ වරදක් ද නැත. පසුගිය මහ මැතිවරණයට පෙර මේ මහ බැංකු මුදල් ගනුදෙනුව ගැන පසුගිය පාරලිමේන්තුවේ කෝප් කමිටුවේ සාකච්ජා වෙද්දි මේ ‘බය නැති වැඬේ’ නොකළේ ඇයි දැයි මට තේරෙන්නේ නැති වුනත් මේ පිළිබදව යම් සදහනක් කිරීම ඉතාමත් වැදගත්ය. අද සමහරුන්ට අමතක වුවත් මේ බැදුම්කර ප‍්‍රශ්නය සාකච්ජා කරන්නට පටන් ගත්තේ පසුගිය පාරලිමේන්තුවේ ඞීව් ගූනසේකරගේ ප‍්‍රධානත්වයෙන් පැවති කෝප් කමිටුවේදිය. ඒ සාකච්ජාවේ වාර්තාව නිකුත් කරන්නට දින කීපයක් තිබියදි හදිසියේ පාරලිමේන්තුව විසුරුවා හරින්නට ආණ්ඩුව තීරණය කළේ ඒ කාළේ අද මෙන් ‘බය නැති’ ගතියකින් ඒ අය නොසිටි නිසා දැයි දන්නේ ඒ කීප දෙනාම විය යුතුය. මේ හොරකමේ දිග පළල හොයා ගන්නට ජනාධිපතිතුමන් පසුව පත් කළ මේ බැදුම්කර කොමිසම විශාල වශයෙන් උදව්වූ බව පිළිගන්නා ගමන් පරණ පාරලිමේන්තුවේ අවසානයට එන්නට නියමිතව තිබූ කෝප් වාර්තාව එනතෙක් නොසිට පාර්ලිමේන්තුව විසුරුවා හැරීම නිසා 2015 අගෝස්තු මහ මැතිවරණයේ දි මේ ප‍්‍රශ්නයෙන් සැගවී සිටින්නට එජාපයට හැකිවූ බව ද අප පිළිගත යුතුය. ඒ වැරුද්ද එද නොවුනානම් අද රටේ දේශපාලන ගමන් මග මීට වඩා වෙනස් විය හැකිව තිබූ බව මගේ අදහසය. අනෙක් අතට අද සමහර එජාප මන්ත‍්‍රීවරුන් සිරිකොත තුලම පුවත්පත් සාකච්ජා පවත්වමින් ජනාධිපති තමන්ගේ පක්ෂයට එරෙහිවන බව කීවත් ඒ අය මතක් කර ගත යුත්තේ තමන්ගේ පක්ෂය බලයට එන්නට ජනාධිපති බලය සහ ශ‍්‍රීලනීපයේ පක්ෂ අභ්‍යන්තරයේ එද තිබූ ගැටුම්කාරිත්වය විශාල වශයෙන් හේතු වූ බවය. එජාපයත් ශ‍්‍රීලනීපයටත් අද හවුල් ආණ්ඩු කරන්නේ මෛත‍්‍රීටත් මහින්දටත් හවුලේ ශ‍්‍රීලනීපය යලි ගොඩ නගා ගන්නට නොහැකි වූ නිසාය. අද එජාපයට නෙපෙනෙන මේ ආණ්ඩුවේ ඇත්ත කථාව එයය.

අනෙක් අතට 1989 භීෂනය සහිතව පැවති ජනපතිවරණයෙන් හා මහමැතිවරණයෙන් පසුව එජාපය පක්ෂයක් විදියට පිරිසිදු හා තනි දේශපාලන ජයග‍්‍රහනයක් කවදවත්ම ලබාගත්තේ නැති බව සමහරුන්ට අද අමතක වී ඇති වා සේය. එජාපයේ නායකයින් 1989 සිටම ‘බය නැතිව’ විපක්ෂයේ සිටියා මිස ජයග‍්‍රහනයක් ගන්නට හැකි ආකාරයේ දේශපාලන පරිනතභාවයක් ගොඩ නගා ගත්තේ නැත. 1989 පසුව ජයගත්තායැයි කියන අවස්ථා දෙකේම එජාපය දිනුවේ ශ‍්‍රීලනීපයේ අභ්‍යන්තර අවුලක් ලාභෙට තමන්ගේ ගොඩට ද ගත් නිසාය. 2002 ජයග‍්‍රහනයට හේතුව එවකට ශ‍්‍රීලනීප ලේකම් එස් බී දිසානායක පක්ෂ නායකත්වයත් සමග විරසක වීමය. ඒ අවුල නිමා වූයේ 2002 මැතිවරණය හරහා එජාපයට බලය ලැබීමෙනි. 2015 දැන් තියෙන ආණ්ඩු බලයට හේතුව එවකට ශ‍්‍රීලනීප ලේකම් මෛත‍්‍රීපාල සිරිසේන මහතා පැවති ආන්ඩුවත් සමග විරසක වීමය. ඒ අවුල නිමා වූයේ මෛත‍්‍රී ජනාධිපති වී එජාපය ආණ්ඩුවත්ද ලැබීමෙනි. ඒ නිසා මා කියන්නේ එජාපය මෑත භාගයේ අයිතිවාසිකම් කියන කියන ජයග‍්‍රහනයන් දෙකම ලැබුවේ ඒ ඒ කාලයන්ට සාපේක්ෂකව ශ‍්‍රීලනීප ලේකම් සහ සභාපති (එස්බී-චන්ද්‍රිකා සහ මෛතී-මහින්ද* අතර ගැටීම තමන්ගේ වාසියට යොද ගැනීමෙන්ය. මේ අවස්ථා දෙකේම එජාපයට ආණ්ඩු හදන්නට හැකිවූයේ ශ‍්‍රීලනීපයේ නායකයින්ගේ ගැටුමට තමන් එතීමෙන් මිස තමන්ගේ හැකියාවෙන් නොවන බව මෙහි සරල අදහසය. අනුන්ගේ පක්ෂවලට ගැටගැසීමත් හැකියාවක් යැයි කියන්නේ නම් ඒ ගැන වැඩි යමක් අපට පැවසිය නොහැකිය.

දැන් මෙහෙම හැ¥ මේ හවුල් ආණ්ඩුව අදවන විට ¥වන්නේ එහි තියෙන අවසාන තෙල් ටිකෙන් යැයි කීමේ වරදක් ද නැත” ශ‍්‍රීලනීපයේ නිල බලය තමන්ට තිබුනත් එහි ග‍්‍රාමීය බල ව්‍යුහය තමන්ගේ අතේ නොමැතිවීම හේතුවෙන් ජනාධිපතිවරයා සිටින්නේ බලය ක‍්‍රියාත්මක කරන්නට නොහැකි තත්වයක නිසා යම් පමනකට මේ හවුල ඉස්සරහට යා හැකි වුවත් එය කළ හැක්කේ ඉතාමත් අසීරුවෙන් භයෙන් භයෙන් මිස ‘භය නැතිව’ යන ගමනක් ලෙසින් නොවේ. එජාපයට භය නැතිව ඉදිරියට යා හැකි වන්නේ ශ‍්‍රීලනීපප පැත්තේ නායකයින් දෙදනා වන මෛත‍්‍රී සහ මහින්ද අනාගතයේ ගනු ලබන තීරණවලට අනුව මිස ඒ ඒ පක්ෂයේ නිර්භයතාවය මත නොවන බව පැහැදිලිම කාරණයකි.

දැන් මේ හවුලේ අවුලෙන් එළියට යා හැකි වන්නේ එජාපයට ආණ්ඩුව දි ආපසු යාමෙන් හෝ එජාපය සමග එකට ආණ්ඩු කිරිමෙන් නොවන බව ශ‍්‍රීලනීපය හා ඒකාබන් විපක්ෂය තේරුම් ගැනීම ඉතාමත් අවශ්‍යය.

එජාපයට එරෙහිව දේශපාලනය කරන්නට නම් එහි තිබිය යුතු පළමුවන කොන්දේසිය වන්නේ එජාපයේ දේශපාලන චින්තනය වෙතින් කැඩෙන්නට හැකි වීමය. වෙළදපොළ යනු එකම විමුක්තිදයකයා ලෙසින් පිළි ගැනීමත් රාජ්‍යය යනු ප‍්‍රශ්නයක් ලෙසින් තේරුම් ගැනීමත් අද එජාපයේ ඇති දේශපාලන චින්තනමය පදනම බව මගේ තේරුම් ගැනීමය. වෙළදපොළ හා රාජ්‍යය අතර ඇති විය යුතු බල හුවමාරුවකදි වෙළදපොලේ පැත්තෙන් ප‍්‍රශ්නය දෙස බැලීම ශ‍්‍රීලනීපයේ පදනමට සම්පූර්නයෙන්ම පටහැනි වූවක් බව පිළි ගැනීම අනිවාර්ය දෙයකි. ඒ නිසා මේ කාරණය ගැන නිසි තීරණයක් ගන්නා ඕනෑම අවස්ථාවක එජාපයේ සම්බන්ධතාවයෙන් මිදිම අනිවාර්ය අංගයක් වන්නේ ඒ නිසාය. එහෙත් අද නිළ ශ‍්‍රීලනීපයේ ලේකම් හා සන්ධානයේ ලේකම් වරයා හැසිරෙන ආකාරය දකින හා කියවන අයට සිතෙන්නේ මේ දෙන්නා යු එන් පී කාරයන්ටත් වඩා යුඑන්පී වගේ කථාකරන බවය. ඒ අය හැසිරෙන්නේ මෛත‍්‍රී මහින්ද එකතු වුනත් මේ නිලධාරීන් නම් කවදවත් එජාපයෙන් කැඩෙන්නේ නැති ආකාරයටය.

දෙවෙනි කාරණය වන්නේ පාක්ෂික ප‍්‍රවනතාවය ගමන් කරන දිසාව හා මහින්දගේ නායකත්වයට පාක්ෂිකයින්ගේ ඇති ආකර්ෂනය නිවැරිව තේරුම් ගැනීමය. මේ කාරණය සම්බන්ධයෙන් අද ශ‍්‍රීලනීපයේ ඉන්න ඇමතිවරු කියන කථා කවුරුවත් තඹ දෙයිතුවකට මායිම් කළ යුතු නැත. ඒ අය එද කළේ මහින්දගේ ජනාධිපතිධුරයේ සාරය උරා බීමය. අද කරන්නේ මෛත‍්‍රීගේ ජනාධිපතිධුරයෙන් හැකි පමණට සාරය උරාබීමය. අද එජාපය පැරදවීමේ දේශපාලනයක් ගොඩ නගන්නට ඇති එක අපහසුතාවක් වන්නේ මේ කණ්ඩායමේ හැසිරීමය. අනෙක් පසින් ඒකාබද්ධ විපක්ෂයේ සිටින සමහරුන්ටත් පේන්නේ ඊලග ජන්දයේ මනාප මිස තමන්ගේම ආණ්ඩු බලයක් හදගැනීම නොවීමත් මෙහි තිබෙන ගැටලූවක්ය.

මහ බැංකු සිද්ධිය හරහා ගොඩ නැගෙමින් පවතින දේශපාලන තත්වය නිවැරිදිව කළමනාකරනය කර ගැනීමේ හැකියාවක් ශ‍්‍රීලනීපයට හා ඒකාබද්ධයට නෙමැතිවුවහොත් එය නිමා වන්නේ යලිත් වටයකින් එජාපය ශක්තිමත් කරන දේශපාලන තත්වයක් ගොඩ නගමින්ද එසේත් නැතිනම් මෛත‍්‍රීත් රනිලූත් දෙදෙනාම නැති අලූත් දේශපාළනයකින්ද යන ප‍්‍රශ්නයට කාටවත් පිළිතුරක් තවම නැත. එහෙත් මේ මෙහොතේ භූමියේ තියෙන දේශපාලන යථාර්ථයන් සැළකිල්ලට ගත් විට පෙනී යන්නේ බලය තිබෙන්නේ රනිල්, මහින්ද හා මෛත‍්‍රී යන සාධක තුන මත වන නිසා මේ සාධක දෙකක් එකතු කිරීමෙන් අනෙක් එක ලේසියෙන් 'අවුට්' කළ හැකි බවයි. එහෙත් පවතින සමහර දේශපාලනික යථාර්ථයන් හමුවේ පෙනී යන්නේ ඒ ලේසි විදියට අවුට් කිරීමේ කාර්ය ඒච්චර ලේසි නොවන බව නම් මේ අවුල් සහගතභාවය අවසන් කිරීමට තව බොහෝ කාලයක් ගතවිය හැකි බව අනවාර්ය බව මගේ අදහසය.

[Lankadeepa]

යුතුකම සංවාද කවය
www.yuthukama.com 
Like us on facebook :
https://www.facebook.com/yuthukama

11/27/2017

ආණ්‌ඩුක්‍රම ව්‍යවස්‌ථා සම්පාදක මණ්‌ඩලය ව්‍යවස්‌ථා විරෝධියි.මුල පටන්ම බල ශුන්‍යයි

කතෘ:යුතුකම     11/27/2017   No comments
ආණ්‌ඩුක්‍රම ව්‍යවස්‌ථා සම්පාදක මණ්‌ඩලය ව්‍යවස්‌ථා විරෝධියි.මුල පටන්ම බල ශුන්‍යයි
- ජනාධිපති නීතිඥ ආචාර්ය විජයදාස රාජපක්‌ෂ


ශ්‍රී ලංකාවේ ආණ්‌ඩුක්‍රම ව්‍යවස්‌ථා

වර්තමානයේ දක්‌නට ලැබෙන ආණ්‌ඩුක්‍රම ව්‍යවස්‌ථාව නිර්මාණය කිරීමේ ඉතිහාසය තුළ මුලින්ම ආණ්‌ඩුක්‍රම ව්‍යවස්‌ථා ස්‌වරූපයක්‌ ගත් ප්‍රතිසංස්‌කරණයක්‌ ලෙස හඳුන්වා දිය හැක්‌කේ 1833 කෝල්බෲක්‌ - කැමරන් ප්‍රතිසංස්‌කරණ යෝජනා ය. මධ්‍යගත පාලන ක්‍රමය, ව්‍යවස්‌ථාදායක, විධායක සභා ස්‌ථාපිත කිරීම, රාජ්‍ය සිවිල් සේවය ස්‌ථාපිත කිරීම, අධිකරණ ක්‍රමය නියමානුකූල කිරීම ඊට ඇතුළත් ය. පසුව 1911 මැකලම් ප්‍රතිසංස්‌කරණ යෝජනාවලිය මඟින් එය වඩාත් විධිටමත් වූ අතර 1920 මැනිං ආණ්‌ඩුක්‍රම ප්‍රතිසංස්‌කරණ තුළින් ව්‍යවස්‌ථාදායකයේ බලය තරමක්‌ ශක්‌තිමත් විය. පසුව 1931 ඩොනමෝර් ආණ්‌ඩුක්‍රමය සමඟ සර්වජන ඡන්ද බලය ශ්‍රී ලාංකිකයන්ට හිමිවිය. 1948 ඩොමීනියන් තත්ත්වයේ නිදහසක්‌ අපට ලැබුණේ සෝල්බරි ආණ්‌ඩුක්‍රම ව්‍යවස්‌ථාව මඟිනි.

ආණ්‌ඩුක්‍රම ව්‍යවස්‌ථාසම්පාදක මණ්‌ඩලය මුල පටන් නීති විරෝධී එකකි

1972 ආණ්‌ඩුක්‍රම ව්‍යවස්‌ථාව නිර්මාණය කිරීමේ දී පාර්ලිමේන්තුවෙන් පිට ව්‍යවස්‌ථාදායක මණ්‌ඩලයක්‌ පිහිටුවාගෙන කටයුතු කරනු ලැබුවේ පාර්ලිමේන්තුව තුළ එවැනි කටයුත්තකට නීතියෙන් ඉඩ නොමැති නිසා ය. 1972 ආණ්‌ඩුක්‍රම ව්‍යවස්‌ථාව පරිච්äන්න කොට 1978 නව ආණ්‌ඩුක්‍රම ව්‍යවස්‌ථාවේ කෙටුම්පත් කිරීමේ වගකීම ඡේ. ආර්. ජයවර්ධන ඔහුගේ මිතුරකු වූ දේශපාලන විද්‍යා මහාචාර්ය ඇල්µ්‍රඩ් ජයරත්නම් විල්සන් මහතාට පැවරීය. ඔහු සම්පාදනය කළ කෙටුම්පත අමාත්‍ය මණ්‌ඩලය අනුමත කිරීමෙන් පසු 1972 ව්‍යවස්‌ථාවේ 51 ව්‍යවස්‌ථාව අනුව ජාතික රාජ්‍ය සභාවට ඉදිරිපත් විය. 1978 ව්‍යවස්‌ථාවේ ද ඊට සමාන ප්‍රතිපාදන 82 වන ව්‍යවස්‌ථාවේ පවතින හෙයින් නව ආණ්‌ඩුක්‍රම ව්‍යවස්‌ථාවක්‌ සම්මත කර ගැනීමේ බාධාවක්‌ නැත. එහෙත් ආණ්‌ඩුක්‍රම ව්‍යවස්‌ථා සම්පාදන මණ්‌ඩලයක්‌ පාර්ලිමේන්තුව තුළ පත් කිරීමට 1978 ව්‍යවස්‌ථාවේ කිසිදු අයුරකින් බලයක්‌ පාර්ලිමේන්තුවට ලබාදී නොමැත. නව ව්‍යවස්‌ථාවක්‌ සකසා ගැනීමට ආණ්‌ඩුවට අසීරු කාරණයක්‌ වන්නේ නම් ඒ සඳහා සහාය ලබාගැනීමට ආණ්‌ඩුවට කළ හැක්‌කේ ස්‌ථාවර නියෝග අනුව තේරීම් කාරක සභාවක්‌ පත් කරගෙන ඒ මඟින් නිර්දේශ ලබාගැනීම ය. ඒ අනුව දැනට පාර්ලිමේන්තුව විසින් පත් කොට ගෙන ඇති ව්‍යවස්‌ථා සම්පාදක මණ්‌ඩලය සහ මෙහෙයුම් කමිටුව මුල පටන්ම සහ එනයින්ම අවලංගු හා බලශුන්‍ය වේ.

ව්‍යවස්‌ථාදායක මණ්‌ඩලය බලශුන්‍ය බව ප්‍රකාශ කිරීමට අධිකරණයට බලය ඇත්තේ ය

ව්‍යවස්‌ථාදායකය ස්‌වාධීනව කටයුතු කළ යුතු ආයතනයක්‌ වන අතර එහි කටයුතු සම්බන්ධව නඩු විමසීමට හෝ තීන්දු දීමට අධිකරණයට බලයක්‌ නැත. එය ලොව පුරා ප්‍රජාතන්ත්‍රවාදී රාජ්‍යයන් තුළ පිළිගත් සම්ප්‍රදායක්‌ වන අතර ඒ පිළිබඳව මීට පෙර අධිකරණය හා පාර්ලිමේන්තුව විසින් තීරණ ගෙන ඇත. පාර්ලිමේන්තුව මෙන්ම පාර්ලිමේන්තුව තුළ ක්‍රියාත්මක වන තේරීම් කාරක සභා, ස්‌ථාවර තේරීම් කාරක සභා, විශේෂ කාරක සභා සහ පූර්ණ පාර්ලිමේන්තු කාරක සභා යන ආයතන වලට ද මෙම වරප්‍රසාදය හිමි වෙයි. එහෙත් ආණ්‌ඩුක්‍රම ව්‍යවස්‌ථාව මඟින් කිසිදු ආකාරයකට පිළි නොගත් ව්‍යවස්‌ථා සම්පාදක මණ්‌ඩලය ආණ්‌ඩුක්‍රම ව්‍යවස්‌ථාව මඟින් හා ස්‌ථාවර නියෝග මාලාව මඟින් ආවරණය නොවන බැහැර වූ ආයතනයක්‌ බැවින් එය නීතියෙන් බලශුන්‍ය වේ. එය පාර්ලිමේන්තු වරප්‍රසාද මඟින් ආරක්‌ෂා නොවන්නකි. එවන් වූ පරිබාහිර ආයතනයක වලංගුභාවය පිළිබඳව තීරණයක්‌ ගැනීමට අධිකරණයට කිසිදු බාධාවක්‌ නොමැත. නව ව්‍යවස්‌ථාවක්‌ සම්මත කර ගැනීමේ ක්‍රියාදාමය 78 සහ 82 ව්‍යවස්‌ථාවේ ප්‍රතිපාදන මඟින් සකසා තිබියදී ඉන් බාහිරව මණ්‌ඩල පත්කිරීම ව්‍යවස්‌ථා විරෝධී වෙයි.

ආණ්‌ඩුක්‍රම ව්‍යවස්‌ථාදායක මණ්‌ඩලය බල රහිත එකක්‌ වන හෙයින් එම මණ්‌ඩලය මඟින් පත්කරන්නට යෙදුනු මෙහෙයුම් කමිටුව එනයින්ම බල රහිත වන්නේ ය. එමෙන්ම මෙහෙයුම් කමිටුව විසින් සකසා ඇති 2017 සැප්තැම්බර් 21 දිනැති අතුරු වාර්තාව ද නිරායාසයෙන්ම අවලංගු හා බලශුන්‍ය ලේඛනයකි. මහජන මත විමසීම සඳහා පත්කළ කමිටුවට ද කිසිදු නීතිමය වලංගුභාවයක්‌ නොමැත.

යෝජිත නව ව්‍යවස්‌ථාව අසාර්ථක වීමට බලපෑ හේතු සාධක

ආණ්‌ඩුක්‍රම ව්‍යවස්‌ථාවේ 75, 82 සහ 83 ව්‍යවස්‌ථා අනුව නව ආණ්‌ඩුක්‍රම ව්‍යවස්‌ථාවක්‌ සකසා සම්මත කර ගැනීමට පාර්ලිමේන්තුවට බලය ඇත්තේ ය. එම බලය මත පැනවී ඇති සීමා 76 (1) ව්‍යවස්‌ථාවෙන් මෙසේ නිර්වචනය කොට ඇත.

"පාර්ලිමේන්තුව විසින් පාර්ලිමේන්තුවේ ව්‍යවස්‌ථාදායක බලය අත් නොහළ යුත්තේ ය. කිසිම ආකාරයකින් අන්සතු නොකළ යුත්තේ ය. කවර වූ හෝ ව්‍යවස්‌ථාදායක බලයක්‌ ඇති කිසිම අධිකාරියක්‌ පාර්ලිමේන්තුව විසින් නොපිහිටුවිය යුත්තේ ය".

ව්‍යවස්‌ථාවේ සඳහන් මෙම ප්‍රතිපාදන ඉතා සරල ය. එමෙන්ම පැහැදිලි ය. එසේ නම් ආණ්‌ඩුක්‍රම ව්‍යවස්‌ථා සම්පාදක මණ්‌ඩලයක්‌ පිහිටුවීමට පාර්ලිමේන්තුව අනුමත කළ යෝජනා සම්මුතිය ආණ්‌ඩුක්‍රම ව්‍යවස්‌ථා නීතියට අනුකූලව අවංකව ද ශ්‍රී ලංකා ජනරජයට පක්‌ෂපාතීව ද උපරිම ශක්‌ති ප්‍රමාණයෙන් ආරක්‌ෂා කොට අනුගමනය කරන බවට ආණ්‌ඩුක්‍රම ව්‍යවස්‌ථාවේ 63 වැනි ව්‍යවස්‌ථාව මඟින් මන්ත්‍රීවරුන් දී ඇති ප්‍රතිඥාව/දිවුරුම උල්ලංඝනය කිරීමක්‌ නොවන්නේ ද?

විධායක ජනාධිපති තනතුර අහෝසි කළ යුතු ද?

19 වැනි සංශෝධනය මඟින් විධායක ජනාධිපති බලතල කප්පාදු කළත් තවමත් මෙරට පවතින්නේ විධායක ජනාධිපති ක්‍රමයයි. මෙය ඇමෙරිකාවේ, ජර්මනියේ, ප්‍රංශයේ විධායක ජනාධිපති ක්‍රමයන්ට වඩා වෙනස්‌ එකකි. එම රටවල ජනාධිපතිවරයා බවට පත්වන පුද්ගලයාගේ තරාතිරම අනුව සිදුවන වෙනස අල්ප ය. ක්‍රමවේදය ඊට වඩා බලවත් ය. ශ්‍රී ලංකාවේ ක්‍රමවේදයට වඩා එම තනතුරට පත්වන පුද්ගලයාගේ තරාතිරම අනුව සිදුකළ හැකි බලපෑම ප්‍රබල ය.

වර්තමාන ජනාධිපතිවරයාගේ වගකීම

රටේ ඒකීයභාවය සහ බුද්ධ ශාසනයට ප්‍රමුඛස්‌ථානය දීම සිදු නොවන ආණ්‌ඩුක්‍රම ව්‍යවස්‌ථාවකට කිසිසේත් ඉඩක්‌ නොතබන බව වර්තමාන ජනාධිපති ප්‍රසිද්ධියේ ප්‍රකාශ කළේය. එහෙත් එවැන්නක්‌ ඔහුගෙන් බලාපොරොත්තු විය හැකි ද යන්න සොයා බැලිය යුතුය. හේතුකාරණා දෙකක්‌ අනුව එවැන්නක්‌ ඔහුගෙන් බලාපොරොත්තු විය නොහැක.

පළමු කාරණය නම් නීති සම්පාදනය සිදුකරනුයේ පාර්ලිමේන්තුව විසිනි. ඊට මැදිහත් වීමට ජනාධිපතිට බලයක්‌ නැත. ඔහුට පාර්ලිමේන්තුවේ ඡන්දය ද හිමි නැත. අමාත්‍ය මණ්‌ඩලයේ ප්‍රධානියා ලෙස ඔහුට ඊට මැදිහත් විය හැකි වුවත් රටේ ආරක්‌ෂාව පිළිබඳ බරපතළ කාරණයක්‌ බවට පත් වූ හම්බන්තොට වරාය සහ මත්තල ගුවන්තොටුපළ විදේශිකයන්ට පැවරීම යන කාරණයේදී එය වළක්‌වා ගැනීමට එතුමා ගත් උත්සහය නිෂ්ඵල විය. දෙතුන් දෙනකුගේ බලපෑමට යටත් වීම නිසාවෙන්ම සයිටම් ප්‍රශ්නය මාස 10 කට වඩා වැඩිකල් ඔඩු දුවන්නට හැර තීරණයක්‌ නොගෙන බලා සිටියහ. විල්පත්තුවේ වන විනාශය පිළිබඳව මෙතෙක්‌ විසඳුමක්‌ ලබාදීමට ද අසමත්ව ඇත.

පාර්ලිමේන්තුව පිළිබඳ ජනතාව තුළ තිබෙන අවිශ්වාසය

පාර්ලිමේන්තුව සහ එහි මන්ත්‍රීවරු පිළිබඳ ජනතාව සහ ජනමාධ්‍ය නිරන්තරයෙන් දක්‌වනුයේ අප්‍රසාදයකි. අකාර්යක්‌ෂමතාව, දූෂණය, අවිචාරවත් බව පිළිබඳ නඟන ප්‍රශ්න බොහෝ ය. එය තීව්‍ර වෙමින් පාර්ලිමේන්තුව පිළිබඳ ජනතා විශ්වාසය මුළුමනින්ම බිඳ වැටුණේ 2017 සැප්තැම්බර් 21 වැනි දින ආණ්‌ඩුක්‍රම ව්‍යවස්‌ථාවට ගෙන එනු ලැබූ 20 වැනි සංශෝධනයට ඇතුළත් වූ පරිදි පළාත් සභා ඡන්ද කල් දැමීමට නොහැකි බව ශේ්‍රෂ්ඨාධිකරණය තීන්දු කර තිබියදී පළාත් සභා මැතිවරණ සාමාන්‍ය ව්‍යවස්‌ථාව සංශෝධනය කරමින් වක්‍ර ලෙස ශේ්‍රෂ්ඨාධිකරණ තීන්දුව යටපත් කිරීමේ බරපතළ කාරණය මඟිනි. එය තවත් බරපතළ තත්ත්වයට පත් වන්නේ මුල් සංශෝධන කෙටුම්පතේ සඳහන් නොමැති අලුත්ම කරුණු කාරක සභා අවස්‌ථාවේදී කෙටුම්පතට ඇතුළත් කොට සම්මත කිරීම නිසා ය. කෙසේ වෙතත් එම කෙටුම්පතට අදාළ කාරණය සර්වජන ඡන්ද බලය වන හෙයින් එය පළාත් සභා විෂයයක්‌ නොවන්නේ ය. එවැනි කෙටුම්පතක්‌ පාර්ලිමේන්තුවේ 2/3 බහුතරයෙන් සම්මත කිරීම මඟින් වලංගු තත්ත්වයට පත්වන බවට කථානායකට උපදෙස්‌ දීමේ කිසිදු අවශ්‍යතාවක්‌ හෝ හැකියාවක්‌ නීතිපතිට නොමැත. තත්ත්වය එසේ පැවතිය දී පළාත් සභා සහ පළාත් පාලන ඇමැතිවරයා හා නීතිපතිවරයා විසින් කථානායක නොමඟ යවමින් එය සම්මත කර ගැනීම ෙ€දජනක ය.

කළ යුතු දේ

වර්තමානයේ රට තුළ නිර්මාණය වී ඇති දේශපාලන සහ සමාජ සංයුතිය තුළ නව ආණ්‌ඩුක්‍රම ව්‍යවස්‌ථාවක්‌ සම්මතකර ගැනීමේ හැකියාව ඉතා අල්පය. 2015 වසරේදී ඒ සඳහා ඉතා යෝග්‍ය වාතාවරණයක්‌ රට තුළ නිර්මාණය වුවත් ආණ්‌ඩුව අදූරදර්ශී ලෙස කටයුතු කිරීම නිසා එම තත්ත්වය මුළුමනින්ම පහව ගොස්‌ ඇත. යෝජිත ව්‍යවස්‌ථාවට පාර්ලිමේන්තුවේ 2/3 ක බලය ලබාගැනීම හුදු කල්පිතයක්‌ පමණක්‌ වනු ඇත. පාර්ලිමේන්තුවේ බහුතර ඡන්දයෙන් සම්මත වුවත් එය ජනමත විචාරණයකින් සම්මත වීම අත්‍යවශ්‍යය. එය මිරිඟුවක්‌ පසුපස හඹායැමක්‌ වනු නියතය. අති බහුතරයක්‌ සිංහල හා මුස්‌ලිම් ජනතාව ඊට විරෝධය පළ කොට ඇත.

මෙම තත්ත්වය යටතේ ආණ්‌ඩුව විසින් අනුගමනය කළ යුතු බුද්ධිමත් ක්‍රියාදාමය වනුයේ පක්‌ෂ නායකයන් සමඟ සාකච්ඡා කොට පවතින ව්‍යවස්‌ථාව වඩාත් ප්‍රශස්‌ත එකක්‌ බවට පත්කිරීම සඳහා සුදුසු සංශෝධනයන් හඳුන්වාදීමට කටයුතු කිරීමය. එහි ප්‍රමුඛතා පිළිවෙල මෙසේ තේරුම් ගත හැක.

1. දැනට පවතින සමානුපාතික මැතිවරණ නියෝජන ක්‍රමය ඉවත්කොට රටට ගැලපෙන මැතිවරණ ක්‍රමයක්‌ රටට හඳුන්වා දීමය.

2. නඩු කටයුතු වල පවතින ප්‍රමාදය වළක්‌වා ගෙන පොදුවේ අධිකරණ පද්ධතියේ කාර්යක්‌ෂමතාව වැඩි කිරීමට අවශ්‍ය සංශෝධනයන් සිදු කිරීම. (ඒ සඳහා සුදුසු සංශෝධනයන් මා විසින් ඉදිරිපත් කරන්නට යෙදුණු නමුත් නව ආණ්‌ඩුක්‍රම ව්‍යවස්‌ථාවට එය ඇතුළත් කිරීමේ බලාපොරොත්තුව මත එය තවමත් පසෙක තබා ඇත.)

3. පළාත් සභා සහ පළාත් පාලන ආයතන සහ ඒවායේ සංයුතිය විදිමත් කොට ඒවා වඩාත් කාරHක්‌ෂම ලෙස ක්‍රීයාත්මක කිරීමට හැකිවන ආකාරයේ පරිපාලන බලතල සමමිතික ලෙස බෙදා හැරීම.

4. රාජ්‍ය ආයතන වල ක්‍රියාකාරකම් පිළිබඳ වගවීමේ යාන්ත්‍රනය ශක්‌තිමත් කිරීම.

පාර්ලිමේන්තු මන්ත්‍රීවරයකු වශයෙන් මෙන්ම ආණ්‌ඩුක්‍රම ව්‍යවස්‌ථා සම්පාදක මණ්‌ඩලයේ සහ මෙහෙයුම් කමිටුවේ සාමාජිකයකු වශයෙන් සිටිමින්ම ඒවායේ ව්‍යවස්‌ථා විරෝධීභාවය දැන දැන මෙතෙක්‌ කටයුතු කිරීම පිළිබඳව මා හට එරෙහිව ද චෝදනාවක්‌ එල්ල කිරීම සාධාරණය. එහි නීත්‍යනුකූල නොවන භාවය අදාළ තැනැත්තන්ට පෙන්වා දුන් නමුත් ආණ්‌ඩුවක්‌ ලෙස ඉහත ක්‍රීයාදාමය පිළිබඳ විශ්වාසයක්‌ තැබීම නිසා සහ කෙසේ වෙතත් අවසානයේ 19 වැනි ආණ්‌ඩුක්‍රම ව්‍යවස්‌ථාව සංශෝධනය සම්මත කරගත් ආකාරයට ගැටලුවකින් තොරව රටේ උන්නතිය වෙනුවෙන් එය ප්‍රයෝජනවත් වනු ඇතැයි යන බලාපොරොත්තුව නිසා එම නීතිමය ගැටලුව මතු නොකළෙමි. වර්තමානය වන විට සමස්‌ත ක්‍රියාදාමයම අවුල් ජාලාවක්‌ බවට පත්කරගෙන ඇති හෙයින් ඒ පිළිබඳව ජනතාව දැනුවත් කිරීම යුතුකමක්‌ කොට සලකමි.

යුතුකම සංවාද කවය
www.yuthukama.com
Like us on facebook :
https://www.facebook.com/yuthukama

HTML tutorial

Labels

"බිල්ලො ඇවිත්" - යුතුකම සම්මන්ත්‍රණය ගම්පහ -ලසන්ත වික්‍රමසිංහ 1505 2005 සහ 2015 2009 විජයග්‍රහණය 2015 BBS Budget ETCA GENEVA NGO NJC Operation Double Edge Political S. අකුරුගොඩ SITP cepaepa ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions