12/05/2014

මෛත්‍රී වේශයෙන් එන නිර්මාල්ලාගේ ජාතිවාදී වෛරය

කතෘ:යුතුකම     12/05/2014   10 comments


අද වත්මන් ජනපති සමඟ ජනාධිපතිවරණ සටනට නොයෙකුත් පක්ෂ, කල්ලි සහ කණ්ඩායම් එක කඳවුරකට එක්වී ඇත. ඒවා නා නා මාදිළිය. බැලූ බැල්මට නම් කෙසේ යම් එකඟතාවයකට පැමිණිය හැකිදැයි සිතාගත නොහැකි තරමට විවිධය. විෂමය. ජාතියේ අවශ්‍යතාවයක් වූ කොටි පරදන සටනටවත් මෙවැනි විෂමතා පසෙකලා එක්වීමක් අපට දැකගත නොහැකිවිය. ප්‍රභාකරන් පැරදවීමට සහාය වූවන් මෙන්ම එකහෙළාම ඊට විරුද්ධ වූ කල්ලිද  රාජපක්ෂ මහතා පරාජය කිරම සඳහා සංහිඳියාවකට පැමිණ ඇත. මේ සියළු දෙනාට එක්විය හැකි පොදු සටන් පාඨයක් තැනීම ආරම්භ වන්නේ මීට මාස කිහිපයකට පමණ පෙර සිටය. ඒ මාදුළුවාවේ සෝභිත හිමියන්ගේ ප්‍රධානත්වයෙන් පිහිටවනු ලැබූ ප්‍රජාතන්ත්‍රවාදය සඳහා වූ ජාතික ව්‍යාපාරය හරහාය. එම පොදු සටන් පාඨය නම් විධායක ජනපති ධූරය අහෝසි කිරීමයි. ඒ වටා නර්තනයක යෙදෙමිනි මේ සියළු කල්ලි එක කුඩයක් යටට පැමිණියේ. මේ සියළු දෙනා එක් කිරීමට පසුතලය සැකසූ සෝභිත හිමියන්ගේ ව්‍යාපාරයේ ක්‍රියාකාරී සාමාජිකයෙකි ආචාර්ය නිර්මාල් රංජිත් දේවසිරි මහතා. ඔහු එම සංවිධානයේ මාධ්‍ය ප්‍රකාශකයාද වේ. 
පසුගිය උතුරු පළාත් සභා මැතිවරණය විග්නේෂ්වරන්ලා ජයගෙන ටික දිනකින් විශ්ව විද්‍යාල ආචාර්ය සංගමයේ හිටපු සභාපති මෙන්ම  X කණ්ඩායමේ හිටපු ක්‍රියාධරයෙකු වන නිර්මාල් රංජිත් දේවසිරි මහතා 'දෙමළාට දෙමළ වීම නිසාම තිබෙන ප‍්‍රශ්නය කුමක්ද' යනුවෙන් සටහන් පෙළක් අන්තර්ජාලය හරහා මෙන්ම සමාජ ජාලා හරහා කතා බහට ලක් කිරීමට උත්සාහ කළේය. අප එකලද ඔහුට පිළිතුරක් සැපයූ අතර නැවතත් ඔහුගේ එම ප්‍රකාශයන්ට පිළිතුරු සපයන්නේ ඊනියා මෛත්‍රී පාලනයක් බිහිවුවහොත් ඒ යටතේ ඒ සඳහා පසුතලය සැකසූ මොවුන්ගේ කල්ලිය ඉතා බලවත් වීම වැළැක්විය නොහැකි බැවිනි. 

නිර්මාල් මහතා පිළිතුරු දෙන්නේ යැයි කියන්නේ මීට දශක දෙකකට පමණ පෙර සිට 'දෙමළ ජනතාවට දෙමළ වීම නිසාම මෙරට ඇතිවී ඇති සුවිශේෂී ගැටළුව කුමක්ද?' යනුවෙන් නගන තීරණාත්මක පැනයටයි. මේ සටහන් තබන්නේ යැයි කියන්නේ විශේෂයෙන් ආචාර්ය නලින්ද සිල්වා මහතාට පිළිතුරු ලෙසයි. ඒ ඔහු විසින් මීට දශක දෙකකට පමණ ඉහත ප්‍රකාශයට පත් කල 'ප්‍රභාකරන් ඔහුගේ සීයලා බාප්පලා හා මස්සිනාලා' ග්‍රන්ථය මුල් කොට ගනිමිනි. සරල කතා ලෙස අතහරින වැල්වටාරම් අස්සේ නරුමවාදී ලෙස අසංගතව ඉදිරිපත් කරන අදහස් නලින්ද සිල්වා මහතාගෙන් ප්‍රතිචාරයක් බලාපොරොත්තු වීම කෙසේ වෙතත් ඉතිහාස විෂයෙන් ඈත් කර ඇති අද තරුණ විය පසුකරන පරම්පරාව සහ ඉන් පසු පරම්පරාවට කරන ආමන්ත්‍රණයක් ලෙස සැලකූ විට මෙය දේවසිරි මහතා ඉතා උපක්‍රමශීලීව සිදුකරන ව්‍යයාමයක් බව වටහා ගැනීම අපහසු නැත.
ඔහු මුලින්ම අදහස් පළ කරන්නේ 'දෙමළාට දෙමළ වීම නිසාම තිබෙන ප්‍රශ්නය අනෙකක් නොව දෙමළ වීමයි' යන මතුපිටින් බැලූ කල කිසිඳු තර්කයකට ගෝචර නොවන තරමේ අපබ්‍රංශයකිනි. නමුත් කතාව මැදදී ඔහු  නියම තැනට පැමිණේ. ඒ මෙලෙස අදහස් දක්වමිනි.


"දෙමළාට දෙමළ වීම නිසාම තිබෙන ප්‍රශ්නය වන්නේ දෙමළාගේ භූ-දේශපාලන අභිලාෂ පිළිගැනීමට සිංහල-බෞද්ධයන් අකමැති වීමයි.”

තවත් ඉදිරියට ගිය විට ඔහු මෙයට තවත් ආරලු බුරලු එක් කරමින්;

 "දෙමළාට දෙමළ වීම නිසාම ඇති ප්‍රශ්නය වන්නේ දේශපාලන අභිලාෂයක් සහිත ප්‍රජාවක් ලෙස තම ස්වෛරීභාවය (sovereignty) සාක්ෂාත් කරගැනීමට අවශ්‍ය දේශපාලන බලය නොමැති වීමයි. එලෙස සිය ස්වෛරීභාවය සාක්ෂාත් කරගැනීමට ඇති ප්‍රමුඛ බාධකය වන්නේ තම භූමි ප්‍රදේශය (territory) බාහිර බලයක් විසින් ආක්‍රමණික ලෙස අත්පත් කරගනු ලැබ තිබීමයි." යනුවෙන් පවසයි.

අප මෙහිදී  මූලිකවම මෙම ප්‍රකාශය සලකා බලමු.

"දෙමළාට දෙමළ වීම නිසාම තිබෙන ප්‍රශ්නය වන්නේ දෙමළාගේ භූ-දේශපාලන අභිලාෂ පිළිගැනීමට සිංහල-බෞද්ධයන් අකමැති වීමයි.”

මෙම අදහස  දරන පළමුවැන්නාත් අවසනයාත් නිර්මාල් මහතා නොවේ. ත්‍රස්තවාදී උවදුරට බෙහෙත් සෙවූ දශක දෙක හමාරක තුනක කාලයක් පුරාවටම එක් පාර්ශවයක් නියෝජනය කළ කුලකයකගේම පොදු අදහස මේ වෙයි. 'සුපිරිසිදු' මාක්ස්වාදීන් , ෆෙඩරල්වාදීන් , සාම වෙළදාමට මතවාදී සවිය සැපයූ  විශ්ව විද්‍යාල උගතුන්, රාජ්‍ය නොවන සංවිධාන වල ක්‍රියාකාරීන්   ආදී මෙකී නොකී කණ්ඩායම් බොහොමයක්ම මේ කුලකයට අයත්ය. (මේ කුලකය පිළිබඳ සිදුකළ අපූරු විග්‍රහයක් "බහුමානීය කියෑවීමක ඒකමානීය නිරුවත!"  යන මැයෙන් දිවයින වටමඩල අතිරේකයේ මෑතකදී  පළ කර ලිපියක සඳහන් වේ. එහිදී රචකයා විසින් මේ කුලකය හඳුන්වා තිබුනේ 'ගෝස්‌තරවාදී විකල්ප ගෝත්‍රය' ලෙසයි.)

මොවුන් මීට කලකට පෙර පැවසුවේ දෙමළ ජනතාවට කාලයක් පුරා අත්විඳින්නට සිදුවූ අසාධාරණකම් නිසා අවසන් ඵලය ලෙස ත්‍රස්තවාදය ඇති වී ඇති බවත් රෝගය සුව කිරීමට නම් රෝග නිධානය එනම් දෙමළ ජනයාට සිදුවූ අසාධාරණකම් වලට පිළිතුරු දිය යුතු බවත්ය. නමුත් මේ අසාධාරණ කතා පදනමක් නැති හුදු අසංගත ප්‍රලාප බව පෙන්වීමට අතලොස්සක් වූ විද්වතුන් ඉදිරිපත් කළ මත ඉදිරියේ අසාධාරණකම් වල සිට අභිලාෂයන් දක්වා පල්ලම් බසින්නට මේ බොහෝ දෙනාට අකමැත්තෙන් වුවද සිදුවිය. (දෙමළ ජනයාට ප්‍රශ්න නැතැයි මෙයින් හැඟවෙන්නේ නැත. නමුත් ඒවා දෙමළ වීම නිසාම ඇති වූ ඒවා නොවන බව පමණි මින් අදහස් වන්නේ).

මුලින්ම නිර්මාල් මහතා  මේ ගැටලුව දෙස බලන ආකාරයේම කිසියම් කෘතීම මවාගත් ආකාරයක් වැනි ගතියක් තිබේ. එය අමතක කළත් නිර්මාල් මහතා ඉදිරිපත් කරන මේ මතය තනිකර අතාර්කික  ප්‍රකාශයක් බව ඉතා පහසුවෙන් පෙන්වා දිය හැකිය.
"දෙමළාට දෙමළ වීම නිසාම තිබෙන ප්‍රශ්නය වන්නේ දෙමළාගේ භූ-දේශපාලන අභිලාෂ පිළිගැනීමට සිංහල-බෞද්ධයන් අකමැති වීමයි.” මෙහිදී අප එකින් එක මේ ප්‍රකාශයේ ඇති අසංගත බව වටහා ගනිමු.

අභිලාෂ කතන්දර නිර්මාණය කළේ කවුද? කුමකටද?

මූලිකවම මෙයින් කියවෙන්නේ දෙමළ ජනයාට පොදු අභිලාෂ ගොන්නක් ඇති බවත් ඒවා ඉටු කරගැනීමට සිංහල බෞද්ධයා ඉඩ නොදීමත් එමගින් දෙමළ ජනයාට අසාධාරණයක් සිදුවන බවත්ය.

මෙහිදී මූලිකවම සිතට එන ගැටළුව නම්, දෙමළ ජනයාට ඇතැයි නිර්මාල්ලා කියන මේ අභිලාෂ මොනවාද? ඒවා ඇති වූයේ කෙසේද?

අසාධාරණකම් කුමක්දැයි ඇසූ කල අභිලාෂයන්වලින් පිළිතුරු දීමෙන්ම මුලින්ම අසාධාරණකම් කුමක්දැයි ඇසූ පැනයට පිළිතුරු දීම අමතක කර හෝ මග හැර ඇති බව පිළිගත යුතුය. අසාධාරණකම් කුමක්දැයි ඇසූ කල අභිලාෂයන් ගැන පැවසීම 'යන්නේ කොහේදැයි ඇසූ කල මල්ලේ පොල්' යැයි කියූවාට දෙවනි නැත.

කෙසේ වෙතත් මේ අභිලාෂ කතාවේ මුල පිලිබඳ ඉතා හොඳ ඉඟියක් ලැබෙන ප්‍රකාශයක් මීට ටික කලකට පෙර පාර්ලිමේන්තුවේදී ප්‍රකාශ විය.

 "ජනවාර්ගික අර්බුදය විසඳීමට නම් ශ්‍රී ලංකාව බ්‍රිතාන්‍යයෙන් නිදහස් වීමට පෙර දෙමළ ජාතිකයන් භුක්ති විඳි වරප්‍රසාද නැවත ලබා දීමට රජය කටයුතු කල යුතුයි."
-TNA පාර්ලිමේන්තු මන්ත්රීත තොමස් විලියම්ස්
-2009-ජුනි 24 පාර්ලිමේන්තුවේදී

එහිදී ඔහු ඉල්ලා සිටින්නේ බ්‍රිතාන්‍යයෙන් නිදහස්වීමට පෙර දෙමළ ජනයා බුක්ති විඳි වරප්‍රසාද නැවත ලබා දෙන ලෙසයි.තෝමස් විලියම්ස් පමණක් නොව  දෙමළ අභිලාෂ කෝණයෙන් ප්‍රශ්නය දෙස බලන බොහෝ උගතුන් මෙම අදහස දරයි. මෙයින් කියවෙන්නේ කුමක්ද? බ්‍රිතාන්‍යයෙන් නිදහස්වීමට පෙර දෙමළ ජනයා බුක්ති විඳි වරප්‍රසාද මොනවාද? බ්‍රිතාන්‍යයෙන් නිදහස්වීමෙන් පසු දෙමළ ජනයාට අහිමි වූයේ ඒවායින් මොනවාද? පිළිතුර පැහැදිලි කර ගත යුතුය.

බෙදා වෙන් කර පාලනය කිරීම තම මූලික දේශපාලන දහම කරගත්  බිරිතානියන් විසින් මෙරටදී ඒ සඳහා සිංහල ජාතියට හා සංස්කෘතියට හිමි නිසි ප්‍රමුඛ තැන අහිමි කිරීමට දෙමළ ජාතිවාදය සියවසක පමණ සිට යොදා ගත්හ. ඒ අරමුණ වෙනුවන් ඔවුන් දෙමළ ප්‍රභූ පන්තියට යුරෝපීයන්ට හා සමානවම ඉහල වරප්‍රසාද ලබා දුන්හ. කෝල්බෘක් කොමිසම හරහා සිංහලයන්ට එරෙහිව දෙමළ ජනයා යොදා ගැනීම සඳහා ඉතා සූක්ෂමව සැලසුම් සහගතව ක්‍රියා කළේත්, ලංකාවේ අනිකුත් සියලු පළාත් වලට ප්‍රථමයෙන් යාපනය ප්‍රදේශයේ ඇති කළ ඉංග්‍රීසි පාසල් හරහා දෙමළ ප්‍රභූ පන්තියක් නිර්මාණය කළේත් බිරිතානියන් තම යටත්විජිත බොහොමයකම සාර්ථකව  අත්හදා බැලූ බෙදා වෙන් කර පාලනය කිරීමේ උපාය මාර්ගය මෙහි සාක්ෂාත් කර ගැනීමටය. මේ පිළිබඳ ඉතා සවිතර සටහනක්  'ඊළාම් රාජ්‍යයක් සඳහා කෝල්බෘක් කොමිසමේ දායකත්වය' හා ‘යාපනය ඉංග්‍රීසි අධ්‍යාපනය ඇසුරින් බිහි වූ දෙමළ ප්‍රභූ පන්තිය’ යන මැයෙන් සූරිය ගුණසේකර මහතා විසින් රචිත “මහා සිංහලයේ ඓතිහාසික අසාධාරණය” නැමති ග්‍රන්ථයේ ඇතුලත්ය.(පිටු 23-31, පිටු 40-50)

දේශපාලන තලයේදී ඔවුන් දෙමළ ප්‍රභූන් සිංහලයන්ට වඩා ප්‍රමුඛ ස්ථානයේ ලා සැලකීය.1833දී පිහිට වූ ව්‍යවස්ථාදායක සභාවේ සංයුතිය තුළ සිංහල ජනයා 80% පමණ 12% පමණ වූ දෙමළ ජනයා සමග සමාන කරමින් එක් මන්ත්‍රී ධූරය බැගින් පිරිනැමීම එයට හොඳ නිදසුනකි. 19 වන සිය වසේ  මුල සිට ඇරඹුනු මෙම මනෝභාවය 20 වන සිය වසේ හතලිහ දශකය දක්වා එන විටද ක්‍රියාත්මක විය. වරප්‍රසාද ලත් දෙමළ ප්‍රභූන්ට අභියෝගය වූයේ සර්වජන ඡන්ද බලයෙන් දේශපාලන බලය තීරණය වන විටදී ඔවුන් එතෙක්  සාධාරණ නියෝජනයට ඔබ්බෙන් අසමමිතිකව භුක්ති විඳි වරප්‍රසාද සියල්ල අහිමි වීමයි. සර්වජන ඡන්ද බලයත් සමගම තමන්ට මධ්‍යම රජය‍ තුල කලින් හෙබවූ අසමමතික බලය රැක ගැනීමට නොහැකි බව දුටු චෙල්වනායගම් ප්‍රබුඛ දෙමළ ප්‍රභූන් තම ඉල්ලීම් ක්‍රමයෙන් උතුරු නැගෙනහිර වෙනම රාජ්‍යයක් ලබා ගැනීමේ දිශාවට ගෙන යන්නට විය. දෙමළ රාජ්‍ය පක්ෂය (ඉලංකෙයි තමිල් අරසු කච්චි) ඔවුන් විසින් බිහි කරන්නේ ඒ වෙනුවෙනි.

 සැබවින්ම මේ දෙමළ ජනයාගේ අභිලාෂ කතා  අස්සේ සැඟවී ඇත්තේම මෙරට සම්බන්ධව අධිරාජ්‍යවාදී රටවල දේශපාලන අභිලෂයන් මිස වෙනකක් නොවේ. දෙමළ ජනයා ඉදිරියට දමා ඒ සඳහා තෝරාගත්තේ ඔවුන්ට ඇති සුවිසේෂී ආදරයක් නිසාද නොවන බව අප තේරුම් ගත යුතු වෙමු. 'සුළු ජාතික දුක් ගැනවිලි' අද අධිරාජ්‍යවාදීන්ගේ පාලනයේදී යොදා ගන්නා තවත් උගුලක් බව ලෝකය පුරා අත්දැකීම්වලින් පැහැදිලිය. නිර්මාල්ලා අද මහත් උජාරුවෙන් කියන්නට හදන මේ අභිලාෂයන් වෙනකක් නොව අධිරාජ්‍යවාදීන් ඉහල දෙමළ සමාජය තුළ පැල කරගිය විශබීජ බව පැහැදිලිය. චෙල්වනායගම්ලා, සුන්දරලිංගම්ලා පොහොර දමා තවන් දැම්මේ මෙම විශබීජයන්ය. කවුරු පොහොර දැම්මත් කවුරුන් පැල කළත් එහි අස්වැන්න නම් නෙලා ගන්නේ මේවා පැලකර ගිය උන්ම බව අධිරාජ්ය විරෝධීන් යැයි තමන්ම හඳුන්වාගන්නා නිර්මාල්ලාට නොතේරීම අවාසනාවකි.
බටහිරයන් විසින් තනා දුන් දෘෂ්ටියෙන් පිටත මෙම අදිරාජ්‍ය විරෝධීනට දැකිය නොහැක්කේ ඔවුන්වද නිර්මාණය කෙරී ඇත්තේද බටහිරයන් විසින්ම නිසා විය යතුය. වෙනත් වචනයකින් කියන්නේ නම් මැකෝලිගේ සුජාත දරුවන් වන නිර්මාල්ලාට තමන් කොතරම් විවෘත මනස් කාරයන් යැයි පැවසුවත් මැකෝලිලා ඇඳ දුන් කොටුවෙන් එහා එම මනසට අකැපය.

නිර්මාල්ලාගේ දරිද්‍ර අභිලාෂ දෘෂ්ඨිය...

අප නිර්මාල්ලාගේ අභිලාෂ කතන්දරයේ අතාත්වික, අසංගත හා අනුචිත බව මොහොතකට අමතක කර එම දෘෂ්ටියේම පිහිටා එදෙස බලමු.

නැවතත් නිර්මාල් මහතාගේ ප්‍රකාශය බලමු.

"දෙමළාට දෙමළ වීම නිසාම තිබෙන ප්‍රශ්නය වන්නේ දෙමළාගේ භූ-දේශපාලන අභිලාෂ පිළිගැනීමට සිංහල-බෞද්ධයන් අකමැති වීමයි.”

නිර්මාල් මහතාගේ තර්කයේ පදනම දෙමළ ජනයාට අනන්‍ය භූ-දේශපාලන  අභිලාෂයන් ඇති බවත් ඒ අභිලාෂයන් සිංහලයන් විසින් පිළිගත යුතු බවත්ය.
නමුත් ඊට අනුරූපවම බැලුවහොත් 'සිංහලයන්ටද අනන්‍ය භූ-දේශපාලන අභිලාෂයන් ඇති බවත් ඒ අභිලාෂයන් දෙමළ ජනයා විසින් විසින් පිළිගත යුතුය' යන්න අභිලාෂ දෘෂ්ඨිය මත සැකසූ නිර්මාල් මහතාගේ තර්කයේම තිබිය යුතු කොටසකි. නිර්මාල්ලාම කියන 'අභිලාෂ දෘෂ්ඨියෙන්ම” බැලුවහොත් සිංහලයන්ගේ භූ දේශපාලන අභිලාෂය නම් මෙරට එක්සේසත් රාජ්‍යයක් සේ පවත්වාගෙන යාම බව ඔහුට පසක් විය යුතුය. නිර්මාල් මහතා තර්කානුකූල වූවානම් ඔහුගේ දෘෂ්ඨියට අනුව වුවත් ඉතිරි වන්නේ එකිනෙකට පරස්පර තත්වයන් දෙකක් මිස වාද විවාද කර නිවැරදි දැයි සෙවිය යුතු බරපතල ගැටලුවක් නොව , තමාට ලියන්නට දෙයක් නැති බව ඔහුටම වැටහී යා යුතුය. ඇතැම් විට එය වැටහී තිබියදීම කියවන්නා නොමඟ යැවීම ඔහුගේ අරමුණ වූවාදැයි අපි නොදනිමු.
සිංහලයන් කිසියම් ජන වර්ගයක භූ-දේශපාලන අභිලාෂ පිලිගත යුතු නම් සිංහලයාගේ භූ-දේශපාලන අභිලාෂ පිලිගැනීමට දෙමළුන් අකමැති වීම ප්‍රශ්නයක් නොවෙන්නේ ඇයි? දෙපාර්ශවයක අභිලාෂයන් එකිනෙකට පටහැනි නම් එක්කෝ කළ යුත්තේ එකෙකුගේ අභිලාෂයන් අනෙකා පිළිගෙන තමන්ගේ අභිලාෂයන් නකුට ගසා ගැනීමටයි. නිර්මාල්ලා මෙහිදී නකුට ගසා ගැනීමට සිංහල අභිලාෂයන් තෝරාගත්තේ කෙසේද? අභිලාෂ දෘෂ්ඨිය අදහමින්ම සිංහල අභිලාෂයන් සහමුලින්ම අමතක කර දෙමළ අභිලාෂයන් උස්සා තබන්නට නිර්මාල්ලා පෙලඹෙන්නේ ඇයි?
දෙපාර්ශවයේ අභිලාෂයන් එකිනෙකට පරස්පර නම් කිසිවෙකුත් එකිනෙකාගේ අභිලාෂයන් ඉටු කිරීමට එකඟ නොවේ නම් ඊලඟට ඇති විසඳුම කුමක්ද? දෙපාර්ශවයම ගහ මරා ගෙන අවසානයේ  ජයගන්නාගේ  අභිලාෂයන් වලට ඉඩ දීමයි. නිර්මාල්ලා අභිලාෂයන් පස්සේම පන්නන්නේ නම් දැන් මෙයත් සිදුවී හමාරය. දැන් එසේ නම් සිංහල අභිලාෂයන් පිළිගැනීමට නිර්මාල්ලා සූදානම්ද? (නිර්මාල්ගේ තර්කයේ පදනමම වැරදි බව මොහොතකට අමතක කළත් එයට අනුව ) දැන් විසඳීමට ගැටලුවක් නැත. 'දෙමළ අභිලාෂයන්' 'සිංහල අභිලාෂයන් ' හමුවේ පරාජය වී ඇත. එය හුදු නිර්මාල්ගේ තර්කයට ප්‍රති තර්කයක් ලෙස පමණක් ඉදිරිපත් කළත් අප කිසිසේත් එවැනි නරුමවාදී පිළිවෙතකට එකඟ නොවෙමු. එමගින් පෙනෙන්නේ වෙනෙකක් නොව මේ අභිලාෂ කතා වලින් නම් මේ කියන ප්‍රශ්නය කුමක්දැයි පැහැදිලි කරගත නොහැකි බවයි. නිර්මාල් මහතා  තමන්ගේ ප්‍රකාශයට හිමි විය යුතු අවම තර්කානුකූල බව වත් ලබා දී නොමැති බවයි. මේ අභිලාෂ කතා වලින් ප්‍රශ්න විසඳිය නොහැකි බව දැන්වත් වටහා ගත යුතුය.

සිංහල යන වචනය ඇසූ පමණින් එයට එරෙහිවීමට හා ඒ එරෙහිවීමට හේතු සාධක සොයන්නටත් දෙමළ යන වචනය ඇසූ පමණින් එය නිරුවත් වර්ගවාදය වුවත් එයට බද්ධවීමටත් ඒ බද්ධවීම සාධාරණීකරණය කරන්නට පොත් පෙරලාගෙන නහින්නටත් මානසිකත්වය සැකසෙන්නේ අප ඉහත කී මැකෝලි පුත්‍ර දුගී මනෝභාවය නිසයි...

අභිලාෂයන්  සපුරාලීමෙන් සැනසුමක් වේද?

නිර්මාල්ලා කියන ආකාරයේ අභිලාෂ පිළිබඳ ගැටුමක් අධිරාජ්‍යවාදීන් පැමිණෙන්නට පෙර නොපැවති අතර සිංහල පොදු සංස්කෘතිය තුළ අනෙකුත් සංස්කෘතීන්ට හිමි විය යුතු තැන ලබා දෙමින් එකිනෙකාට ගරුකරමින් සිටි  අතර අනෙකුත් සංස්කෘතීන් පොදු සංස්කෘතිය තුළට අවශෝෂනය වෙමින් එක් ධාරාවක් ලෙස අවම ගැටුම් සහිතව විකසනය විය. පන්සල තුළ හින්දු දෙවියන් වෙනුවෙන් ඉඩක් වෙන්වන්නේ මේ අන්‍යෝන්‍ය සංස්කෘතික මිශ්‍රවීම් වලට ලැබුනු නිදහස් ඉඩ කඩ ඔස්සේය. නිර්මාල්ලා මෙන්ම ඔවුන්ගේ බුද්ධිමය ස්වාමිවරුන් බෝ කළ ඊනියා අභිලාෂ විශබීජ නොවන්නට අපට ගහ මරා ගැනීමට දෙයක් ඉතිරි වන්නේ නැත. එබැවින් අප අද ප්‍රමුඛත්වය දිය යුත්තේ වෙන්වීමේ දිශානතිය සොයමින් විකාශනය වන ඊනියා අභිලාෂ කතන්දර පරාජය කරමින් එකිනෙකාට ගරු කරමින් එක පොදු සංස්කෘතියක් තුළට ගොනු වීම මිස නිර්මාල්ලා මෙන් එකිනෙකා  විරසක කරවන ඉතිහාසයට සංස්කෘතියට පටහැනි ඊනියා අභිලාෂ කතන්දර පෝෂණය කිරීම නොවන බව පැහැදිළිය. ඒ සඳහා කතිකාවතක් ඇති කිරීම වෙනුවට එකිනෙකා කා කොටා ගන්නා දිශානතිය පාදා ගැනීම වෙනුවෙන් වෙහෙසීම කෙතරම් බුද්ධිගෝචර දැයි ඒ වෙහෙසෙන්නන්ට කවදා වැටහේද?

අලුතින් ලියන නිර්මාල්ලාගේ දෙමළ ඉතිහාසය

දැන් අපි නිර්මාල් මහතාගේ මූලික තර්කයේ අවසන් කොටස සලකමු.
"දෙමළාට සිය ස්වෛරීභාවය සාක්ෂාත් කරගැනීමට ඇති ප්‍රමුඛ බාධකය වන්නේ තම භූමි ප්‍රදේශය බාහිර බලයක් විසින් ආක්‍රමණික ලෙස අත්පත් කරගනු ලැබ තිබීමයි. "

මෙය හුදු නිර්මාල්ගේ මනෝ නිර්මාණයක් ද? නැත. මෙය නිර්මාල්ලාගේ බුද්ධිමය ස්වාමිවරුන් ඔවුන්ගේ අභිලාෂයන් වෙනුවෙන් නිර්මාණය කර දුන් මතයයි.මේ කියන්නේ 1940 දි පමණ සුන්දරලිංගම්ලා චෙල්වනායගම්ලා පැවසූ ,වඩුක්කොඩෙයි ඔස්සේ තිම්පු හරහා නකෝන් පතෝන් දක්වා ගමන් කළ එමෙන්ම නන්දිකඩාල්වල ගිලෙන තෙක් ප්‍රභාකරන් ඇතුළු ත්‍රස්තයන් තම ත්‍රස්ත ක්‍රියා සාධාරණීකරණය කළ එමෙන්ම අද විග්නේශ්වරන්ලා - සුමන්තිරම්ලා උස් හඬින් කියන්නට තටමන දෙමළ නිජබිම පිලිබඳ අමු කෙප්පය සාධාරණීකරණය කරන්නට හදන උත්සාහය හැර වෙනකක් නොවේ.

දෙමළ නිජබිම් සංකල්පය දැන් වසර 30 ක් පමණ පුරාවට නිර්මාල්ලා මෙන් සිය ගණනක් උගතුන් සමග  අවශ්‍ය පමණටත් වඩා සාකච්චා කර ඇති නමුත් පරණ හනමිට බිම තැබීමට බොහෝ දෙනා තවමත් අසමත්ය. නිර්මාල්ලා මේ හදන්නේ ප්‍රභාකරන් මෙන්ම "සිංහල මහ ජාතිය සිංහල බහුතර උවමනාවන් වෙනුවෙන් ලියවුනු මහාවංශ මිත්‍යාවේ ගිලී ඇත." යන මනෝභාවයේ සිට බව සැක නැත. වසර දහස් ගණනක අවිචින්න ඉතිහාසය පිළිබඳ ඉතා සංගත අදහස් අරහෙන් මෙහෙන් ඉදිරිපත් කරන හුදකලා අදහස් දෙක තුනකින් බිඳළිය නොහැකි බව නිර්මාල්ලාට නොතේරෙනවා නොවේ. නමුත් නිර්මාල්ලාගේ රාජකාරිය , කොන්ත්‍රාත්තුව එයයි. එක බොරුවක් වැසීමට තවත් බොරු සියයක් අවශ්‍ය යැයි කියමනක් තිබේ. එබැවින් බින්දුවේ සිට ඇරඹිය යුතු දෙමළ ඉතිහාස කතාව නිර්මාල්ලාට තබා නිර්මාල්ලා දහසක් ආවත් සිදු කළ නොහැකි බව පැහැදිලිය. නිර්මාල්ගේ උත්සාහය 'මහා හිමාලය හැට්ට කටුවකින් බිමට සමතලා කරන්නට දරන වෑයමකට' දෙවනි නැත. මයිල්වාගනම් පුලවර් එවකට (1736) ලංදේසි ආන්ඩුකාරවරයාගේ ඇරයුමින් රචනා කල 'යාල්පානම් වයිපවමාලෙයි' කෘතියේ අඩංගු කෙප්ප වලින් කිහිපයක් උපුටා දැක්වීමට අවශ්‍ය නම් නිර්මාල්ලාට පුළුවන. මෙහි ඇති අසංගත භාවය පිළිබඳ සවිස්තරාත්මක සටහනක් 'දෙමල ඊළාම් නිජබිම් ප්‍රශ්නය' නැමති ග්‍රන්ථයේ  මෙන්ම 'ඊළාම් සිහින දේශයට පදනම - යාල්පානම් වයිපවමාලෙයි ‘ නම් සූරිය ගුණසේකර රචිත ග්‍රන්තයේ අඩංගු සටහන් වලින් පැහැදිලි කරගත හැක.  එහිද දෙමළ ඊලාම් ව්‍යාජ ඉතිහාසය අදටද දෘශ්‍යමාන සාධක මෙන්ම පෙර අපර දෙදිගම රටවල ඉතිහාස පිළිබඳ සවිස්තරාත්මක සටහනකින්ද යුක්තය. මහාවංශය සිංහල අධිපති උවමනාවන් වෙනුවෙන් සැකසූ හුදු ප්‍රබන්ධයක් නම් එහි සඳහන් බොහෝ සිදුවීම් පෙර අපෙර දෙදිග ඉතිහාසයන් සමග මනාව සැසඳෙන්නේ නැත.
යමෙකුට සංහත භාවය පිළිබඳ අදහස ප්‍රතික්ෂේප කරන්නේ නම් නරුම ලෙස තමන්ට අභිමත පරිදි තමන් කැමති ප්‍රකාශ කිරීමට ඉඩ ප්‍රස්ථාව සැලසේ. නමුත් ඒවා සහ මානසික ව්‍යාධියක් ඇත්තකු ඉදිරුපත් කරන අදහස් අතර වෙනසක් නැත. මානසික ව්‍යාධියක් ඇත්නම් ඔහු අනිත් බොහෝ බාහිර සාධක නොසලකා තමන්ට අභිමත ලෙස තමන් කැමති හිතට එන ඕනෑම දෙකයක් කීමට හා කිරීමට පෙළඹේ. අප යමක් ඉදිරිපත් කරන විට හැකිතාක් සංගත විය යුතු යැයි කියන්නේ මේ නිසාය.


නිර්මාල්ලා මේ ශාස්ත්‍රීය තලයේ යැයි කියමින් ගන්නා උත්සාහය සම්බන්ධන්ලා හරහා දේශපාලනයටත් ඉන්පසු උතුරේ හැඟීම් මත තීරණ ගන්නා දෙමළ තරුණයන් අතට යන්නේ තුවක්කුවද සයිනයිඩ් කරලද සමගිනි. ප්‍රභාකරන්ලා නිර්මාණය කළේ චෙල්වනායගම්ලා බවද චෙල්වනායගම්ලා බිහි වීමට මයිල්වාගනම් පුලවර්ලා ගේ 'ශාස්ත්‍රීය උත්සාහයන්'ද පාදක වූ බවද අමතක නොකළ යුතුය. එබැවින් මෙය, මෙහි ඇති දේශපාලන අරමුණෙන් වියුක්තව ගෙන අහිංසක ශාස්ත්‍රීය ව්‍යායාමයක් ලෙස ඌනනය කිරීම අනුවණ කමකි. නිර්මාල්ලාගේ රාජපක්ෂ විරෝධයේ පිටට පෙනෙන පොත්තේ දවටා ඇත්තේ ප්‍රජාතන්ත්‍රවාදී අභිලාෂයන් වුව, එහි අරටුව සකස් වී ඇත්තේ ජාතිවාදී බෙදුම්වාදී අභිලාෂයන්ගෙන් බව ඔවුන් සමග එකට හිද ගන්නට යන්නවුන් දත යුතුය. මේ මොහොතේ මෛත්‍රී වේශයෙන් මතුව ඇත්තේ ජාතිවාදී වෛරයයි.
-කැළුම් නිරංජන 
යුතුකම සංවාද කවය
www.yuthukama.com

12/04/2014

2015 ජනාධිපතිවරණය සහ බෙදුම්වාදයේ දේශපාලන සංරචකය

කතෘ:යුතුකම     12/04/2014   1 comment

මහින්ද රාජපක්ෂ ජනාධිපතිවරයා නියමිත කාලයට වසර දෙකකට පමණ පෙර ජනාධිපතිවරණයක් කැදවා ඇත. තමන්ගේ ආණ්ඩුවේ ගිලිහෙන ජනප්‍රියත්වය හමුවේ ඔහු මේ පියවර ගන්නට ඇතැයි සිතිය හැකිය. එසේම 2015 මාර්තු මස රැස්වන ජෙනීවා මානව හිමිකම් කවුන්සිල රැස්වීමෙන් යම් තීරණාත්මක බලපෑමක් ඇති වීමට ඉඩ ඇති නිසා එයට පෙර ජනවරමක් දේශීයව දිනා ගැනීමද ඔහුට වැදගත් විය හැකිය. කෙසේ හෝ වේවා දැන් තිබෙන තත්වය අනුව ජනාධිපතිවරණයක් 2015 ජනවාරි මස 8 වන දින පැවැත්වෙයි. එහිදී ජාතික බලවේග ගත යුතු තීරණය සහ ඒ තීරණය ගත යුත්තේ ඇයිද යන්න අප දකින ආකාරයට පැහැදිලි කිරීම මෙම ලිපිය ලිවීමේ අරමුණ වෙයි.
මහින්ද රාජපක්ෂගේ ප්‍රතිවාදියා ශ්‍රිලනිපයේ මෛත්‍රිපාල සිරිසේනය. මෛත්‍රිපාල මහතා ජාතිකත්වයට බර ප්‍රතිරූපයක් තිබූ නායකයෙකි. විශේෂයෙන්ම සිගරට් අරගලය වැනි කාරණාවලින් ඔහු පහුගිය කාලයේ ඒ ප්‍රතිරූපය තහවුරු කර ගත්තේය (ඒ කාලයේද මෙවැනි පිම්මක් පැනීමේ අදහසක් ඔහුට හෝ අද ඔහුට අනුග්‍රහය දක්වන කණ්ඩායම්වලට තිබිණිදැයි අපි නොදනිමු). රනිල් වික්‍රමසිංහ වෙනුවට පොදු අපේක්ෂකයා ලෙස මෛත්‍රිපාල සිරිසේන මහතා ඉදිරිපත් වීමම තවමත් රටේ ප්‍රධාන දේශපාලන මතවාදය ජාතික මතවාදය බව තහවුරු කරන්නකි. රනිල්ට නොලැබෙන සිංහල ඡන්ද මෛත්‍රිපාල මහතාට ලැබීම මීට ප්‍රධාන හේතුව වෙයි. හෙළ උරුමය මෙහිදී ඒ සදහා ආධාරකයක් වෙයි. මෛත්‍රිපාල යනු රනිල්ගේ කොන්ඩමයක් නම් හෙළ උරුමය යනු ඒ කොන්ඩමයට උඩින් පළදින තවත් කොන්ඩමයකි. 2010දී පරාජයෙන් බේරී විපක්ෂ නායකධූරය රැක ගැනීමට ෆොන්සේකා කොන්ඩමය පමණක් භාවිත කළ රනිල් වික්‍රමසිංහ මහතා, මෙවර බලය ලබා ගැනීමට කොන්ඩම් දෙකක්ම එකවර භාවිත කරනු දැකිය හැකිය. 2004දී ශ්‍රිලනිප ඡන්ද කඩා එජාප ආණ්ඩුවක් පිහිටුවීමට කඩේ ගිය හෙළ උරුමය (එය අසාර්ථක විය) නැවත වතාවක් එජාප ආණ්ඩුවක් පිහිටුවීමට තීරණාත්මකව මැදිහත්ව සිටී. ජාතික ව්‍යාපාරය දේශපාලන වශයෙන් ශක්තිමත් වන විට එහි පෙරමුණේම සිට ලකුණු දමා ගන්නා හෙළ උරුමයේ දෙබිඩි පිළිවත මතු වන්නේ ජාතික බලවේග දේශපාලන වශයෙන් වඩා අස්ථාවර වන අවස්ථාවලය. 2004 පාර්ලිමේන්තුවේ කථානායක ධූරය තේරීම එවැනි එක් තීරණාත්මක අවස්ථාවකි. ඉදිරි ජනාධිපතිවරණයේ ප්‍රතිඵලය කුමක් වුවත් හෙළ උරුම ව්‍යාපෘතිය මෙතැනින් අවසාන වනු ඇත. මේ එහි කූටප්‍රාප්තියයි. එහි අවසාන පිම්මයි. ඒ පිම්ම ඔවුන් පිටුපස සිටින විජාතික බලවේගවලට ඉතා වැදගත් පිම්මකි.
මෛත්‍රිපාල මහා දෙසැම්බර් 1 වන දින පොදු විපක්ෂයේ පක්ෂ සහ පුද්ගලයන් අතර අත්සන් කළ ගිවිසුමේ ප්‍රධානම කරුණක් මතු වෙයි. එය නම් විධායක ජනපති ධූරය අහෝසි කර පාර්ලිමේන්තු පාලන ක්‍රමයක් ඇති කරන බවය. එවැනි පාලන ක්‍රමයක විධායක බලය පැවරෙනුයේ අගමැතිවරයා ප්‍රමුඛ කැබිනට් මණ්ඩලයටය. මෙහිදි රනිල් අගමැති කරන කතාව ඔහු කිවේ පළමු මාධ්‍ය හමුවේදීය. පසුව ඔහු ඒ ගැන එතරම් කතා නොකළ අතර එමගින් සිංහල ඡන්ද කැඩීම වැළක්විම එයට හේතුව විය හැකිය. කෙසේ වෙතත්  දෙසැම්බර් 2 දින මෛත්‍රිපාල මහතාට සහය දීමට ගත් එකගතාවයේදී හෙළ උරුමයේ චම්පික රණවක මහතාද රනිල් අගමැති වීම ගැන සදහන් කර ඇත. එජාපය මෛත්‍රිපාල මහතාට සහය දෙන්නේ නිකම් විය නොහැකිය. මේ නිසා මෛත්‍රිපාල මහතා පොදු විපක්ෂය සමග ඇති කරගෙන තිබෙන එකගතාවය අනුව සිදු වීමට වඩාත්ම ඉඩ ඇති දෙය නම් රනිල් අගමැති ධූරය උසුලන පාර්ලිමේන්තු බලය ඇති ආණ්ඩුවක මෛත්‍රිපාල නාමික ජනාධිපතිවරයෙකු වීමය. 2001-2003 සමයේ විරුද්ධ පක්ෂයේ විධායක ජනපති කෙනෙක් සිටින විට පවා රනිල් කටයුතු කළ ආකාරය සලකන විට මෙවැනි ආණ්ඩුවක ක්‍රියාකලාපය කෙසේ වේදැයි නිගමනය කිරිමට අංජනම් එළි බැලීමට අවශ්‍ය නොවේ.

දෙමළ බෙදුම්වාදයේ සංරචක තුනක් ඇත. එ් යුධමය, දේශපාලනමය, සහ මතවාදීමය සංරචක තුනයි. මෙයින් යුධමය සංරචකය නන්දිකඩාල් කලපුවේදී පැරදුනි. මතවාදී සංරකයද අද එතරම් ශක්තිමත් නොවේ. එහෙත් දේශපාලන සංරචකය ටිකෙන් ටික ඉන් පසුව වර්ධනය විය. උතුරු පළාත් සභාව පිහිටුවීම එහි ප්‍රධාන සන්ධිස්ථානයකි. එහෙත් මහින්ද රාජපක්ෂ ජනාධිපතිවරයා එයට රිසිසේ ක්‍රියාත්මක වීමට ඉඩ නොදුන්නේය. මහින්ද බෙදුම්වාදයේ දේශපාලන සංරචකය ආපස්සට හැරවීමට ප්‍රමාණවත් පියවර ගත්තේ නැතැයි අපි සිතමු. අනෙක් අතට ඔහු එය වර්ධනය වීමට ඉඩ දුන්නේද නැත. ඔහු උතුරු පළාත් මහ ඇමතිවරයා ඉල්ලු පරිදි ආණ්ඩුකාරවරයා මාරු කිරීමට මෙන්ම යුධ හමුදාව ඒ පළාත්වලින් ඉවත් කිරීමටද විරුද්ධ විය. ඔහු යටතේ ඉඩම් සහ පොලිස් බලතල පළාත් සභාවලට නොලැබුනි. රනිල් යටතේ එන ආණ්ඩුවකින් මේ තත්වය සහමුලින්ම වෙනස් වීමට ඉඩ ඇති බව අපේ විශ්වාසය වෙයි. එය 2001-2003 අත්දැකීම් මත එන නිගමනයකි.

රනිල් වික්‍රමසිංහ අගමැති ධූරය දරන ආණ්ඩුවකින් පහසුවෙන් බෙදුම්වාදයේ දේශපාලන සංරචකය දැනට වඩා සිය ගුණයකින් ශක්තිමත් විය හැකි බව අපේ හැගීමය. එහි පළමු පියවර 13 වන සංශෝධනය සම්පූර්ණයෙන්ම ක්‍රියාත්මක කිරීම (ඉඩම් සහ පොලිස් බලතල පළාත් සභාවලට ලබා දීම), උතුරු සහ නැගෙනහිර පළාත්වල ආණඩුකාරවරුන් මාරු කර බෙදුම්වාදයට හිතැති පුද්ගලයන් පත් කිරීම, උතුරු සහ නැගෙනහිර පළාත් යළි ඒකාබද්ධ කිරීම, උතුරු සහ නැගෙනහිර පළාත්වලින් හමුදාව ඉවත් කිරීම වැනි දෑ විය හැකිය. ඇත්තටම මේ ඉල්ලීම් කාලයක පටන් ඉදිරිපත් වෙයි. පාර්ලිමේන්තු ක්‍රමය යටතේ එන රනිල්ගේ ආණ්ඩුවක්, විධායක ක්‍රමය යටතේ ඇති මහින්දගේ ආණ්ඩුවකට වඩා මේ ඉල්ලීම්වලට එකග වීමේ සම්භාවිතාව ඉතා වැඩිය. මෙහි ඊළග පියවර අභ්‍යන්තර ස්වයං පාලනය ඉල්ලීමයි. මේ අභ්‍යන්තර ස්වයං පාලනය අවුරුදු කිහිපයකින් ජනමත විචාරණයකින් වෙන් වීම පහසුවෙන්ම සිදුවිය හැක්කකි. චන්ද්‍රිකාගේ පැකේජයේද එවැනි යෝජනා අන්තර්ගතව තිබිණි. ඇත්තවශයෙන්ම චන්ද්‍රිකා මෛත්‍රිපාලගේ මාධ්‍ය සාකච්ඡාවේදී තම පැකේජය ගැනද කිහිපවරක්ම මතක් කිරීම බළලා මල්ලෙන් එළියට පැනීමකි  (38 මිනිත්තුවේ සිට බලන්න) (මාධ්‍ය සාකච්ඡාවේදී ඇගේ එක් විවේචනයක් වූයේ මහින්ද මේවා ගැන ප්‍රමාණවත් උනන්දුවක් නොදැක්වූ බවය). එසේම පොදු අපේක්ෂකයාගේ එකගතාවය අත්සන් කරන රැස්වීමේදී චන්ද්‍රිකා කලකට පසු පොදු අපේක්ෂකයා මාර්ගයෙන් ‘සියලු ජාතීන්ගේ අයිතිවාසිකම් තහවුරු කරන එක්සත් ලංකාවක්‘ පිහිටුවන බවට ප්‍රතිඥා දුන්නාය. පොදු අපේක්ෂකයාගේ කර මතින් බිහිවන නව ආණ්ඩුව ඒකීය රාජ්‍යය වෙනුවෙන් පෙනී නොසිටින බව පැහැදිලිය.

මේ ආකාරයට පියවරෙන් පියවර වෙනම රාජ්‍ය බිහිවීම හිතලුවක් නොවන අතර නෝර්වේ මැදිහත්වීමෙන් දකුණු සුඩානයේද, එක්සත් ජාතීන්ගේ මැදිහත්වීමේන් නැගෙනහිර ටිමෝරයේදී සිදු වූයේ මේ ආකාරයට ස්වයං පාලනය සහ ජනමත විචාරණ හරහා වෙන්වීමකි. එම රාජ්‍යය ඊශ්‍රායල පන්නයේ දෙමළ ෆැසිස්ට්වාදී රාජ්‍යයක් වනු ඇති. එම නව රාජ්‍යය විසින් දේශසීමා පුළුල් කිරීම සහ ජනපදකරණය හරහා ලංකාවේ ඉතිරි ටිකත් ගිල ගැනීම හෙවත් ලංකාව දකුණු ආසියාවේ පලස්තීනය බවට පත්වීම කාලය පිළිබද ප්‍රශ්නයක් පමණි. චෙල්වනායගම්ගේ ‘දැන් ටිකක්, පසුව හුගක්‘ න්‍යාය චෙල්වනායගම්ට පමණක් අනන්‍ය වූවක් නොවේ. ඇත්ත වශයෙන්ම දෙමළ වර්ගවාදීන්ට මුලින්ම අවශ්‍ය වූයේ මධ්‍යයේ එනම් ලංකා රාජ්‍යයේ බලය ලබා ගැනීමය. ජී.ජී. පොන්නම්බලම් රාජ්‍ය මණ්ත්‍රණ සභාවේ 50ට 50 බලය ඉල්ලුවේ (මෙහිදි ඔහු කරේ සිංහල 50ක් සහ දෙමළ 50ක් ඉල්ලීම නොව දෙමළ 50ක් සහ සිංහල ඇතුළු අන් සියල්ලන්ටම 50ක් ඉල්ලීමකි) උතුරු නැගෙනහිර දෙපළාතට නොව මුළු ලංකාවටමය. චෙල්වනායගම් උතුරු නැගෙනහිර පළාත් සදහා වූ දෙමළ රාජ්‍යයක් යන ඉල්ලීමට පසු බැස්සේ  සර්වජන ඡන්ද බලය ලැබිමත් සමග රාජ්‍ය මණ්ත්‍රණ සභාවේ බහුතරය සිංහල වූ පසු තව දුරටත් මධ්‍යයේ බලය ලබා ගැනීම ප්‍රායෝගික නොවන බව පැහැදිලි වූ පසුවය. යම් හෙයකින් උතුරු නැගෙනහිර දෙමළ රාජ්‍යය සාක්ෂාත් වුවහොත් දෙමළ වර්ගවාදීන් නැවතත් මුලටම යනු ඇත. බෙදුම්වාදීන් සහ වර්ගවාදීන් කප්පම්කරුවන් වැනිය. කප්පම් දීමෙන් කප්පම්කරුවන් සැනසිය හැකියැයි යමෙක් සිතන්නේ නම් ඒ මුළාවකි. එයින් සිදුවන්නේ කප්පම්කරුවන් වඩාත් ධෛර්යමත් වී වඩ වඩාත් කප්පම් ඉල්ලීම සහ ලබාගැනීම පමණය.

මෙය විය හැකි නරකම දෙය උනත් මේ සිදුවීම් පෙළ සිදුවීමට හොදටම ඉඩ ඇති බව අපේ හැගීමය. මෙතැනින් දැක්වෙන්නේ ඉන්දියාවේ ප්‍රධානම පෙළේ දේශපාලන විශ්ලේෂකයන් සහ ක්‍රමෝපායන් සැලසුම් කරන්නන්ගේ සාකච්ඡාවකි. ඔවුන්ට අනුව ඉන්දියාවේ දේශපාලන අභිලාශයන්ට මහින්ද රාජපක්ෂ බාධාවකි. ඒ චීන මැදිහත්වීම නිසාත් ඊට අමතරව ඔවුන්ට අවශ්‍ය ආකාරයට මහින්ද 13 වන සංශෝධනය හෝ ඊටත් එහා ගිය බලය බෙදීමක් ක්‍රියාත්මක නොකරන නිසාත්ය (ඔවුන් කියන්නේ මහින්ද 13 ගැන බයිලා කියමින් ඔවුන්ව අන්දන බවය. එය අපේ පැත්තෙන් බලන කල මහින්දට කළ හැකි ලොකුම ප්‍රශංසාවකි). එසේම ලංකාවේ  ෆෙඩරල් ක්‍රමය ක්‍රියාත්මක කිරිමද ඔවුන්ට වැදගත් වෙයි. ඔවුන්ට අවශ්‍ය ලංකාව තුළ ඔවුන්ට පාලනය කළ හැකි මට්ටමේ ෆෙඩරල් රාජ්‍යයකි. එහෙත් එය එතනින් නතර නොවෙයි. වරක් දෙමළ ත්‍රස්තවාදීන්ට අනුග්‍රහය දක්වා තම රාජ්‍ය නායකයා අහිමි කරගත් කෞටිල්‍යලාට නොවැටහෙන කරුණ නම් එම දෙමළ ෆෙඩරල් රාජ්‍යය වෙනම දෙමළ රාජ්‍යයක් බවට පත් වීම කාලය පිළිබද ප්‍රශ්නයක් පමණක් බවය. බටහිර රටවල භූමිකාව මෙහිදී වැදගත් වෙයි. මෙහි අවසන්  ප්‍රතිඵලය දීර්ඝකාලීනව ඉන්දියාවේ භෞමික අඛණ්ඩතාවයටද එමගින් තර්ජනයක් එල්ලවීමය. සන්නද්ධ කැරැල්ලකදී මෙන් නොව, ලංකා ආණ්ඩුවේ අනුමැතිය ඇතිව, බටහිර රටවල ආශිර්වාදය සහ මෙහෙයවීම මත සිදු වන බෙදුම්වාදී රාජ්‍ය තාන්ත්‍රික ක්‍රියාවලිකයදී, ඉන්දියාවට ලංකාවේ වෙනම දෙමළ රාජ්‍යයක් බිහිවීම වැළැක්වීමට සෘජුව මැදිහත් වීමට ඇති අවකාශ අවම වෙයි.

අද එල්ටීටීඊ සංවිධානය භූමිකාවේ නැති වීම ඇත්තටම බෙදුම්වාදයේ දේශපාලන සංරචකයට වෙස්වළාගත් ආශිර්වාදයක් වෙයි. චන්ද්‍රිකාගේ පැකේජය හෝ රනිල්ගේ සාම ගිවිසුම් කාලයේ දුන් යෝජනා එල්ටිටීඊය පිළිගත්තානම් අද ඊළම බිහිවී හමාරය. එහෙත් ෆැසිස්ට්වාදි දැඩි මතධාරී සංවිධානයක් වූ එල්ටිටීඊයට අවශ්‍ය වූයේ සටන් කිරීමෙන්ම ඊළම දිනා ගැනීමටය. ඔවුන් සාකච්ඡා යොදා ගත්තේ තම යුධ ව්‍යාපාරයට අරමුදල්, පිරිස් සහ සම්පත් රැස් කිරීමට අවකාශය සහ කාලය ලබා ගැනීමට පමණි. එහෙත් ඔවුන්ට අනුරූපික සුඩාන සහ ටිමෝර බෙදුම්වාදී කණ්ඩායම් බටහිරයන්ගේ සැලසුමට එකග වී පියවරෙන් පියවර ගොස් වෙනම රාජ්‍යයක් දිනා ගත්හ. අද සිටින දෙමළ බෙදුම්වාදී දේශපාලකයන්ද එවැනි ක්‍රම ක්‍රමයෙන් වෙනම රාජ්‍යයක් දිනා ගැනීමට එක පයින් කැමති වෙති. එයට අකුල්හෙලිමට එල්ටීටීඊයක් නොමැති වීම ඔවුන්ට අමතර වාසියක් වෙයි. මෙහිදී මහින්ද ආණ්ඩුව කළ වරද නම් යුධ ජයග්‍රහණය මාකට් කරමින් ඡන්ද ගරමින් බෙදුම්වාදයේ දේශපාලන සංරචකය අමතක කිරීමය. යුධ ජයග්‍රහණයෙන් දෑස් නිලංකාර වූ මහාජනතාවද බෙදුම්වාදයේ දේශපාලන සංරචකය නොතකා හැරි අතර ටික කලකින් යුධ ජයග්‍රහණයද ඔවුන්ට අමතක විය.
අප හිතවත් ආචාර්ය නිර්මාල් රංජිත් සිය ෆේස්බුක් සටහනක දැක්වූ ආකාරයට (ලංකාවේ දේශපාලන ප්‍රධාන ධාරාව තුළ සිංහල-බෞද්ධ ජාතිකවාදයේ මධුසමය තීරණාත්මක ලෙස අවසන් වී ඇත. එහෙත් දෘෂ්ටිවාදයක් ලෙස එහි ශක්තිය දුර්වල වී නැත. එමනිසා යලි දේශපාලන පුනරාගමනයකට හැකියාව ඇත. ඒ නිසා මේ තත්වය නිවැරදිව තක්සේරුකර අපතේ නොයැවීමට කටයුතු කිරීම අවශ්‍ය වේ. - නිර්මාල් දේවසිරි - 27-11-2014) මේ ඡන්දය සිංහල බෞද්ධ ජාතිකවාදී බලවේගයේ දේශපාලන බලය වළලා දැමිය හැකි ඡන්දයකි. ඔහු පොදු අපේක්ෂක ව්‍යාපාරයේ මාධ්‍ය ප්‍රකාශකයා ලෙස කටයුතු කළ අයෙකි. යහපාලන සහ ප්‍රජාතන්ත්‍රවාදී කතා මේ බව වසා ගැනීමට ඇටවූ බොරු බයිලා පමණක් වෙයි. මේ ඡන්දයේද තීරක කාරණය වන්නේ ඒකීය රාජ්‍යයද නැද්ද යන්නය. එහෙත් එය තේරුම් ගැනීම අපහසු වන්නේ විජාතික බලවේග ජාතික සළුපිළි අැදගෙන ඉදිරිපත් විම නිසාය. නිර්මාල් මෙසේ කියන විට, චන්ද්‍රිකා එක්සත් ලංකාවක් ගැන කතා කරන විට, චම්පික මේ ඡන්දය ‘යහපාලනය ගැන ඡන්දයක් මිස ඒකීය හෝ ෆෙඩරල් භාවය පිළිබද ඡන්දයක් නොවේය‘ කියමින් සිංහලයන්ගේ ඇස්වලට වැලි ගසයි. කොහොමත් රනිල්ගේ ආණ්ඩුවකට සහය ගැනීමට නම් කුඩුකාරයන්ට සහ එතනෝල් කාරයන්ට ඇමති පට්ටම් සහ/හෝ මුදල් දීමට සිදුවෙයි. පොදු අපේක්ෂකයාගේ එකගතාවයේ ඇමති මණ්ඩල සීමාව හැලී අත්තේ සභාග ආණ්ඩුවකට මන්ත්‍රීරුන් බාගැනීමටනම් යළිත් වරක් ජම්බෝ කැබිනට්ටුවක් අවශ්‍ය වන හෙයිනි.චම්පිකම කියන ආකාරයට මහින්දටද ඒ ආණ්ඩුවට එකතු විය හැකිය. එවිට චම්පික සතුව ඇති මහින්දගේ ෆයිල් 1000ට සිදු වන්නේ කුමක්ද? එවිට මහින්දගේ ෆයිල් ටික සමග යහපාලනයද අමතක කර දැමීමට චම්පිකට සිදු වනු ඇත. 

මේ අවදානම් සහගත තත්වය  උදා වීමට ප්‍රධානම වගකිවයුතු පාර්ශව කීපයක් වෙයි. ඉන් ප්‍රධානම පාර්ශවය නම් අන් කවරෙකුවත් නොව මහින්ද රාජපක්ෂමය. ඔහු පහුගිය අවුරුදු 5 තුළ ගෙන ගිය පාලනය ලංකා ඉතිහාසයේ වඩාත්ම දූෂිත මෙන්ම ඥාති සංග්‍රහයෙන් අනූන පාලනයකි. එසේම කුඩු, එතනෝල්, කැසිනෝ ආදී දුරාචාරවලට උපරිම අනුග්‍රහ දැක්වූ පාලනයකි. නීතිය සම්පූර්ණයෙන්ම බිද වැට්ටවූ පාලනයකි. ඔහුගේ ආණ්ඩුවේ ආර්ථික ක්‍රමය කොමිස් අාර්ථික ක්‍රමයකි. සංවර්ධන ආකෘතිය කොමිස් සංවර්ධනයකි. ඔහුගේ සංවර්ධනයෙන් පොදු ජනතාවට වූ සෙතක් නැත. සිදුවූයේ ණය බර සහ ජීවන බර තව තවත් වැඩිවීමය. යුධ ජයග්‍රහණයෙන් ලත් ජනප්‍රියතාව ඔහු වේගයෙන් අහිමි කරගත්තේය. ඔහුගේ අසීමිත පවුල්වාදය නිසා ශ්‍රිලනිපය ජ්‍යෙෂ්ඨයන් ඔහු හැර ගියහ. ශ්‍රිලනිපය දෙකඩ විය. එයින් වාසිය අත්වූයේ බෙදුම්වාදීන්ටය. එහෙත් ඔහුගේ එකම එක හොඳක් ඇත. ඒ බෙදුම්වාදයට ඉඩ නොතැබීමය. ඔහුගේ ඇති එකම හොඳ එයයැයි සිතමි. එහෙත් ඒ හොඳ ඉතා වැදගත් වෙයි. අප දකින ආකාරයට වඩාත්ම වැදගත් වන්නේ එයයි. මන්ද ලංකා රාජ්‍යයේ අනාගත පැවැත්ම ඒ මත තීරණය වන හෙයිනි. දුෂණය හෝ නීතිය බිද වැටීම මෙන් නොව ඒකීය රාජ්‍ය සමග කරන සෙල්ලමෙන් ආපසු හැරවිය නොහැකි සදාකාලික හානියක් සිදුවෙයි. ලංකා රාජ්‍යයේ පැවැත්මම අභියෝගයට ලක් වෙයි. මොනවා කරන්ඩත් රටක් තිබිය යුතුය. එහෙත් බොහෝ දෙනාට තම ඡන්දය ප්‍රකාශ කිරීමේදී ඒකීය රාජ්‍යය හැරෙන්නට අනිකුත් කාරණාද වැදගත් වෙයි. සමහර විට කවුරුන් බලයට පත්වුවත් ඒකීය රාජ්‍යයේ පැවැත්ම ගැන අර්බුදයක් අනාගතයේ ඇති වන්නට ඉඩක් නැතැයි ඔවුන් සිතීමටද ඉඩ ඇත. එහෙත් ඒ එසේ නොවන බව අපේ අදහසය.

පොදු විපක්ෂය බලයට පත්වුවත් මේ දුර්වලකම්වල ලොකු වෙනසක් වේයැයි අපි නොසිතමු. ඩඩිලි සිරිසේන අනාගත බැසිල් රාජපක්ෂ කෙනෙක් වීමේ ලකුණු පෙන්වා ඇත. එසේම ආණ්ඩුවක් පිහිටුවිමට නම් මේ ඉන්න කැසිනෝ සහ කුඩු කාරයන් පිරිසම මුදල් හෝ ඇමතිකං පෙන්වා (සමහර විට මහින්ද ගාව තිබු ෆයිල්ම මේ අය බා ගැනීමට පාවිච්චි කිරීමට බැරි නැත. මේ නම් පශ්චාත් නූතන යහපාලනයකි!) මේ පැත්තට ගැනීමට සිදුවෙයි. එවැනි තත්වයක යහපාලනය විහිලුවක් වෙයි.  2016 අප්‍රේල් වන විට වත්මන් පාර්ලිමේන්තුවේ නිලකාලය අවසන් වුවත් පොදු විපක්ෂයේ එකගතාවයට අනුව අවම වශයෙන් (උපරිම සීමාවක් දක්වා නැත) අවුරුදු 2ක් රනිල්ගේ සභාග ආණ්ඩුව පවතිනු ඇත. එනම් කුමන හෝ ගේමක් ගසා පාර්ලිමේන්තු ඡන්දය කල් දමා ගැනිමක් අපට බලාපොරොත්තු විය හැකිය. මේ ක්‍රියාදාමයේ අවසන් ප්‍රතිඵලය ලංකා ඉතිහාසයේ ලොකුම දේශපාලන පරාජිතයා කිසිදු ජනවරමක් නැතිව ලංකාවේ අනාගතය තීරණය කරන චරිතය බවට පත් වීමය. මහාජනතාව ඡන්දයෙන් පත් කළ ආණ්ඩුව සහ විධායක ජනාධිපතිවරයා වෙනුවට වෙනත් පිරිසක් රට පාලනය කිරීමය. මෙහි ඇති ප්‍රජාතන්ත්‍රවාදයක් නම් නැත. මෙය සිදුවුවහොත් ඇත්තටම එය ලංකා ඉතිහාසයේ ලොකුම ප්‍රජාතන්ත්‍ර විරෝධී ක්‍රියාව වනු ඇත.

මේ තත්වයට වගකිව යුතු අනිත් පාර්ශවය නම් ජාතික බලවේගවලම න්‍යායාචාර්යවරුය. විශේෂයෙන්ම ආචාර්ය නලින් ද සිල්වා පහුගිය කාලයේ මහින්ද රාජපක්ෂට කොන්දේසි විරහිත සහයක් දැක්වීය. වඩා විවේචනාත්මක සහයක් දුන්නේනම් මහින්ද ඊට අනුව තම පිස්සු කෙළීම ටිකක් හෝ අඩු කරගැනීමට ඉඩ තිබු බව අපේ හැගීමය. නමුත් සිදුවූයේ පනින රිලවුන්ට ඉණිමක් බදින්නාක් වැනි වැඩකි. මේ තත්වය විශේෂයෙන්ම මතු වූයේ රාජපක්ෂ ආණ්ඩුවේම කොටසක් මෙහෙයවිමෙන් සහ ආශිර්වාදයෙන් රට පුරා ක්‍රියාත්මක කෙරුණු මුස්ලිම් විරෝධී වැඩපිළිවලත් සමගය (මෙයට ආණ්ඩුවේම සමහර ඇමතිවරු පවා එදා විරුද්ධ වූහ). අලුග්තම ප්‍රහාරය එහි කූටප්‍රාප්තිය විය. ආචාර්ය නලින් ද සිල්වා මේ ක්‍රියාදාමය සාධාරණීකරණය කළ අතර එය වැරදි බව අපි එදා මෙන්ම අදද කියමු. එයින් රට තුළ වර්ගවාදයක් වර්ධනය වී රට අස්ථාවර විය. මුස්ලිම් ජනතාවද බෙදුම්වාදය සහ අන්තවාදය දෙසට වඩාත් තල්ලු විය. එදා මහින්දව මුස්ලිමුන්ට විරුද්ධව උසි ගැන්වූ හෙළ උරුමය මෙන්ම 2010දී මහින්ද සමග සිටි මුස්ලිම් ජනතාවද අද මහින්ද හැර දමා ඇත. තමන් රැවටුනු බව තේරෙන විට රාජපක්ෂවරු ප්‍රමාද වැඩිය. දැන් නැවත තම සුවච කීකරු බොදු බල සේනාව ලවා වෙනත් වටයකින් ප්‍රචාරණය  අරඹා ඇත. බොබසේනාව දැන් මුස්ලිම් විරෝධය අමතක කර දමා බෙදුම්වාදයට විරුද්ධ ස්ථාවරයකට යාම අහඹුවක් නොවේ. එහෙත් දැන් ප්‍රමාද වැඩිය. ගුණදාස අමරසේකර මහතා ආණ්ඩුවට විවේචනාත්මක සහයක් දුන් නමුත් ඔහුට ප්‍රමාණවත් ඉඩක් මාධ්‍යවලින් නොලැබුනි. පොදුවේ ජාතික බලවේග මහින්දකරණය විම මේ තත්වය නිර්මාණය වීමට ප්‍රධාන හේතුවක් වූ බව අපි සිතමු.

විමල් වීරවංශ වැනි ජාතික බලවේග නියෝජනය කරනවාය කියන දේශපාලකයන්ද මහින්දගේ අත්තනෝමතික වැඩපිළිවල වෙනස් කිරීමට කිසිදු ආකාරයට ප්‍රමාණවත් පීඩනයක් හෝ ප්‍රතිරෝධයක් දුන්නේ නැත. බොහෝ විට අපි විමල් වීරවංශගෙන් දැක්කේ අවංක පීඩනයක් රාජපක්ෂ ආණ්ඩුවට එල්ල කිරීමට වඩා තිර රචනයකට අනුව කරන බොරු රගපෑමක්යැයි සිතිය හැකි තත්වයකි. ජාතිකවාදීය කියාගන්නා හෙළ උරුමයට මහින්දගේ වැරදි මතක් වූයේ ජනාධිපතිවරණය කිට්ටු වූ පසුවය. ඒ වන විටත් ඔවුන් සිටියේ පොදු අපේක්ෂකයා සමගය. 18වන සංශෝධනය හරහා ඒකාධිපතිත්වයක් නිර්මාණය කර රාජ්‍යය අසමතුලිත කර අස්ථාවර කිරීමට මේ සියලු පාර්ශව එදා මතවාදීව සහ දේශපාලනිකව සහය දුන්හ.

දැන් තිබෙන ප්‍රශ්නය මේ තත්වය උඩ ජාතික බලවේග කුමක් කළ යුතුද යන්නය. ජාතික බලවේගවලට ඇති එක් විකල්පයක් නම් ජාතික බලවේග කඩේ යවන, ඒ ජාතික බලවේග සතුටු කිරීම පිණිසම බෙදුම්වාදයට ඉඩ නොදෙන මහින්දව දිගටම තබා ගැනීමය. අනෙක් විකල්පය නම් ජාතික සළුපිළි පැළදගෙන එන සෘජු විජාතික බලවේග බලයට පත් කිරීමය. මේ ගැන තීරණයක් ගැනීම ඔබටම බාර කරමි. මහින්ද බලයට පත් වුවත් ඔහුගේ බලය අඩුවනු ඇති බව මගේ හැගීමයි. මන්ද ශ්‍රිලනිපය දෙකඩ වූ තත්වයක් තුළ පාර්ලිමේන්තුව තුළ තමාට සහය පවත්වාගැනීමටත් දෝෂාභියෝග අනතුර අවම කිරීමටත් පෙර තරම්ම අත්තනෝමතික පාලනයට යාමට ඔහු පසුබට වනු ඇත. රාජපක්ෂ ආණ්ඩුවකට වඩා ශ්‍රිලනිප ආණ්ඩුවකට වැඩි අවස්ථාවක් දීමට අකමැත්තෙන් වුවද ඔහුට සිදුවනු ඇත. එය රටට හිතකරය. කෙසේ වෙතත් ජාතික බලවේගවල දිගු කාලින න්‍යායපත්‍රය විය යුත්තේ පුද්ගල චරිත වන්දනාවේ ගොස් ඇණ ගැනීමට වඩා ඒකීය රාජ්‍යය නොබිදිය හැකි ලෙස තහවුරු කරන ව්‍යවස්ථාවක් සහ නීති ක්‍රමයක්, ජාතික ආර්ථිකයක් සහ සදාචාරවත් සමාජයක් බිහිකරගැනීමය. ඒ සදහා වන මතවාදී සහ දේශපාලනික ක්‍රියාවලියක් ඇරඹිමය. වඩා ප්‍රධාන විය යුත්තේ මතවාදය මිස පුද්ගලයන් නොවේ. අපට අවශ්‍ය ජාතික මතවාදයක් පසුපස පුද්ගල චරිත මෙහෙයවන ජාතික ව්‍යාපාරයක් මිස මතවාදය ‘බැක්පැක්‘ එකක දමාගෙන පුද්ගල චරිත පසුපස අන්ධ භක්තියෙන් (කඩේ) යන ජාතික ව්‍යාපාරයක් නොවේ. මේ අවුල ඇතිවීමට ප්‍රධාන හේතුවද එයමය. ඔබට යමක් විශ්වාස කිරීමට අවශ්‍ය නම් විශ්වාස කළ යුත්තේ පුද්ගලයන් නොව මතවාදයන්ය.

-දර්ශන කස්තුරිරත්න 
යුතුකම සංවාද කවය
www.yuthukama.com

12/03/2014

සමාජ ව්‍යුහයේ ජයග්‍රහණය හෙවත් ස්‌වර්ණ පුස්‌තක සම්මානය - II

කතෘ:යුතුකම     12/03/2014   No comments
මේ ලිපියේ පළමු කොටස :

සමාජ ව්‍යුහයේ ජයග්‍රහණය හෙවත් ස්‌වර්ණ පුස්‌තක සම්මානය

අද එතැන් සිට....
  
ව්‍යුහයේ ජයග්‍රහණය
වර්තමානයේ දිනසිරි කුරුලුගංගොඩ වැනි ව්‍යාජ පුද්ගලයන් ද, ඔවුන් ගේ අඳබාල ප්‍රබන්ධ ද අනවශ්‍ය පමණට ඔසොවා තබන වෙළෙඳ සමාජයක්‌ බිහි වී තිබෙන බව අපි දනිමු. සියල්ලන්ට අවශ්‍ය වන්නේ මතුපිට පහුරු ගාමින් තවදුරටත් මජර ආර්ථිකය ක්‍රමයට උඩ ගෙඩි දෙන සමාජ ව්‍යුහය පවත්වා ගෙන යැම ය. ලියනගේ අමරකීර්ති වැන්නන් ද ගසා ගෙන යන කුහක 'සමාජ පල් වතුර' දැන් මෙරට විශ්වවිද්‍යාලයන් ද යට කර ගෙන ගොස්‌ හමාර ය.
ව්‍යුහයේ අංගවිකලකම 'ස්‌වර්ණ පුස්‌තක' සම්මාන කමිටුවට බලපා තිබෙන අන්දම ගැන කදිම විග්‍රහයක්‌ පසුගිය 13 වැනිදා දිවයින වටම`ඩල අතිරේකයට රත්තනදෙණියේ මේධානන්ද හිමියන් විසින් සපයා තිබිණි. 'කුරුලු හදවත' වැනි නෝන්ජල් කෘති සම්මානයට භාජන වන්නේ දිනසිරි වැනිම 'අපතයන් ගේ' තීරණ නිසා ය.
දිනසිරි කුරුලුගංගොඩ ගුවන් විදුලි මාධ්‍යයේ ඉහළට ගියේ ප්‍රවීණයකු ගේ පරිවාස කාලයවත් ගත නො කර යෑයි, කිඹුල් කඳුඵ හෙළන ලියනගේ අමරකීර්ති, 'කුරුලු හදවත' නවකථාවෙන් ස්‌වර්ණ ශ්‍රී බණ්‌ඩාර, ලැම්බට්‌ පෙම්මාවඩු වැනි ප්‍රාමාණිකයන්ට සිදු කර තිබෙන අවැඩ සුළු පටු නැත.

උදාහරණයක්‌ වශයෙන් ගුවන් විදුලියේ ලේ පරිත්‍යාගශීලීන් ගේ කඳවුරේදී ලේ දන් දීමට පැමිණි එක්‌ පුද්ගලයකු ගේ මුවට නංවා තිබෙන වදන් මෙහි ලා උපුටා දක්‌වනු වටී. 'මේ සැරේ නං දෙමලුන්ට කෙළවලාම තමයි පස්‌ස බලන්ඩ ඕනෙ. මගෙ ලේ ඔක්‌කොම වුණත් දෙනව අපේ කොල්ලන්ට' 

හමුදාවට ලේ දන් දෙන කඳවුරුවලදී මෙවැනි ආවේගශීලී ප්‍රකාශ ඇසුණු සමයක්‌ පසු කරන ලද බව සත්‍යයක්‌ වුවත්, එවැන්නක්‌ ගුවන් විදුලියේ ලේ පරිත්‍යාගශීලීන් ගේ කඳවුරේදී ඇසුණා යයි පැවසීම විශ්වාස කළ නො හැකි තරම් වන කෙප්පයකි. අප ගේ දෙසවනට දිගුකාලීන ව හුරු වී තිබෙන ලැම්බට්‌ පෙම්මාවඩු ගේ දයාර්ද්‍ර හඬින් අමතනු ලබන ශ්‍රාවක සමාජය එවැනි මාරාන්තික වෛරවාදයකට නතු කළ හැකි යයි සිතිය හැකි ද?
 
දශක ගණනක්‌ තිස්‌සේ පුණ්‍ය චේතනාව පෙරදැරි කර ගනිමින් ලේ පරිත්‍යාගශීලින් ගේ ගුවන් විදුලි වැඩ සටහනින් අසරණ රෝගී ජනතාවට අමිල මෙහෙවරක්‌ ඉටු කරන ලද ලැම්බට්‌ පෙම්මාවඩු මහතා, 'දෙම`ඵ මරන්නට කටයුතු කරමින් ලේ විකුණන්නකු' ලෙස හංවඩු ගසා තිබීම සාහසික අපරාධයකි. මෙලෙස ලැම්බට්‌ පෙම්මාවඩු වැනි සමාජයට කිසිදු අවැඩක්‌ කර නොමැති නිර්ව්‍යාජ ජනමාධ්‍යවේදීන් වචනාර්ථයෙන් ඝාතනය කිරීමට තරම් ආත්ම ශක්‌තියක්‌ ඇත්තකුට, කුරුලුගංගොඩ වැනි ප්‍රබන්ධ චරිතයක්‌ මරා දැමීම සු`ඵ දෙයකි.

ඒ අනුව නවකථාව අවසානයේ කුරුලුගංගොඩ දියේ ගිල්වා මරා දමා තිබෙන්නේ කතාව ගෙන යා හැකි අර්ථසම්පන්න ඉසව්වක්‌ සොයා ගත නො හැකි නිසා බව පැහැදිලි ය. එය ද සිදු ව තිබෙන්නේ පොලිස්‌ අත්අඩංගුවට පත් වූ සැකකරුවකු ආයුධ පෙන්වන්නට ගොස්‌ දියේ ගිලී මැරෙන ආකාරයට නො දෙවැනි වූ අභිරහස්‌ අන්දමට ය. මෙය සිදු වී ඇත්තේ නවකථාවේ තැනින් තැන මතු වන අවුල්සහගත තත්ත්වය කූටප්‍රාප්තිවීමක්‌ ලෙසිනි. ඒ සිදුවීම් මාලාව යනු අනෙකක්‌ නො ව, මෙකල ලියනගේ අමරකීර්ති විවිධාකාරයෙන් ස්‌වකීය අතීතය මරා ගන්නට ගන්නා උත්සාහයම ය. ගත වූ දශකයක පමණ කාලයක්‌ තිස්‌සේ ලියනගේ අමරකීර්ති ස්‌වකීය බුද්ධි ප්‍රභාව අවුළුවා ගන්නවා වෙනුවට සිදු කර තිබෙන්නේ 'ජෝති තමෝ පරායනයෙන්' කටයුතු කිරීම ය. 

සැසඳුව මැනවි.

'සිංහල-දෙමළ ජනවාර්ගිකත්වය (1983 ම්ලේච්ඡ පාපතර ත්‍රස්‌තවාදී සංහාරයෙන් පසුව පවා) අප ගේ යථාර්ථවාදී සාහිත්‍යයෙහි ප්‍රතිනිර්මාණය කෙරෙන තරම් සරල නැත. දකුණ යෑයි කියන සිංහල ප්‍රදේශය කුල දෙමළ ජනයා ද සිටිති. සිංහල ආණ්‌ඩුව යෑයි හඳුන්වන ආණ්‌ඩුවේ දෙමළ අය ද සිටිති. සිංහල රජය යෑයි කියන රජයේ දෙමළ අය ද සිටිති. සිංහල පොලීසියේත් ඊළාම් පොලීසියේත් පොලිස්‌පතිවරු දෙමළ ජාතිකයෝ වෙති. ජීවිතයම පවා සාහිත්‍යයට වඩා සංකීර්ණ නො වේද? (බලය/2003/ඔක්‌-නොවැ/පිටුව 46)

2003 වසරේදී එලෙස අදහස්‌ දක්‌වන ලියනගේ අමරකීර්ති 2014 වසරේදී පවසනුයේ මෙවැන්නකි.

'සිංහල බෞද්ධ පොලීසිය විසින් සිංහල බෞද්ධ කොලු ගැටයකු මරා දැමීම ගැන සිංහල බෞද්ධ පත්තර නිහඬය'. (ඇත්ත/2014.07.16)
සමාජයට ඉහඳ තබන මෙවැනි තත්ත්වයක්‌ දක්‌වා පිරිහුණු පුද්ගලයකු ගෙන් 'කුරුලු හදවත' වැනි නවකථාවකට වඩා වැඩි යමක්‌ බලාපොරොත්තු විය හැකි ද?

එසේම මෙකී නවකථාවෙන් සහ එය සම්මානයට පාත්‍ර කිරීමේ ක්‍රියාදාමයෙන් තහවුරු වන තවත් කරුණක්‌ තිබේ. මෙරට සිදු වන සියලු ව්‍යසනයන්ට හේතුව සිංහල-බෞද්ධයන් යෑයි නිතර දෙවේලේ වහසි බස්‌ දොඩන ලියනගේ අමරකීර්තිලා ගේ ප්‍රබන්ධවලින්ම ඒවා නිශේධ වී තිබීම ය.
නිදර්ශනයක්‌ වශයෙන් 'කුරුලු හදවත' කෘතියට අන්තර්ගත අර්ධ කල්පිත සමාජයේ කුජීත සමාජ ධාරාව නියෝජන කරන කුම් කුම් විඡේසිංහ සහ ජෙවන් දිසානායක එසේ හැසිරෙන්නේ ඔවුන් හුදෙක්‌ සිංහල-බෞද්ධයන් වන නිසා ද? 

අපභ්‍රෂ්ට සිංහලයෙන් ලියා ඇති 'කුරුලු හදවත' නවකථාව සම්මානනීය කෘතියක්‌ බවට ඔසොවා තබන්නට කටයුතු කර තිබෙන සමන් වික්‍රමාරච්චි සහ ආචාර්ය සුනිල් විඡේවර්ධන යනු ඊනියා සිංහල-බෞද්ධයෝ ද?

සැබෑ ජීවිතයේදී ස්‌වකීය කුල පීඩනයෙන් අත් මිඳෙන්නට වැර දරන කුරුලුගංගොඩ වැනි වළං කර්මාන්තයේ යෙදෙන්නන්ට මනුෂ්‍යත්වයෙන් පිරුණු සාධාරණයක්‌ ඉටු කරනු සඳහා ගුවන් විදුලි මාධ්‍යයෙන් ගමේ නම වෙනස්‌ කර ගන්නට උත්සාහ දැරෙන අතරේ, පුරාවිද්‍යාත්මක කැනීමක පුවතක්‌ නිර්මාණය කරන්නට තිබිණි. 

අද වන විට ලාංකික ශිෂ්ටාචාරයේ අභිමානය රැඳී තිබෙන්නේ බුදු දහම මෙරටට දායාද වන්නට පෙර ප්‍රාග් ඓතිහාසික යුගයේදී පැවැතුණු දියුණු සභ්‍යත්වයක ලක්‍ෂණ තහවුරු කෙරෙන යකඩ තාක්‍ෂණය මෙන්ම, වළං කැබලි සහ සකපෝරුව භාවිත කළ බවට සාධක හමු වී ඇති නිසා ය. එහි උරුමකරුවෝ නම් කුඹල්කරුවෝ ය. ජාතියක උසස්‌ අනන්‍යතාව සුරකින්නට දුර අතීතයේ සිට කටයුතු කර තිබෙන ස්‌වදේශික කර්මාන්තකරුවන් පිරිසකට, වර්තමානයේදී සිදු කරනු ලබන අයුක්‌තිසහගත අවමානය අවලංගු කරන්නට නම්, යොදා ගත යුතු වන්නේ මෙවැනි තාර්කික කරුණු විනා හුදෙක්‌ පාඨකයන්ට තාවකාලික විනෝදය ලබා දෙන ව්‍යාජ ප්‍රබන්ධවලින් නො වේ. 

එහෙත් බොළඳ ජනප්‍රිය FM ගුවන් විදුලි මාධ්‍ය මත්තේම ගිලුණු 'කුරුලූ හදවත' කෘතියට 'ස්‌වර්ණ පුස්‌තක සම්මානය' දී තිබෙන්නේ 'කුරුලු හදවත' නවකථාවේ නිරූපිත එකී සමාජ පාතාල ව්‍යුහය විසින්ම බව, පසුගිය කාල වකවානුවේ මුද්‍රිත මාධ්‍ය ම`ගින් හෙළිදරව් වූ කරුණුවලින් උවමනාවටත් වඩා තහවුරු වී තිබේ. සම්මාන කමිටුවේ අභ්‍යන්තර අවුලක්‌ නිසා හටගත් මතභේදයට ද්විතීයික විසඳුමක්‌ වශයෙන් යෝජනා කෙරුණු 'කුරුලු හදවත' නවකථාව තෝරා ගෙන ඇත්තේ, 'කුරුලු හදවත නවකථාව සම්මාන දිනා ගනී' යන වාක්‍යය ලියන්නට ගත වූ කාලයටත් වඩා වේගයෙනි. මේ සා අනර්ථ සහගත කෘතියක්‌ සම්මානයට පාත්‍ර වන්නේ ඒ අවකාශයෙනි. 

'ස්‌වර්ණ පුස්‌තක සම්මානය' පශ්චාත් යුද සමාජයේ සාහිත්‍ය-සංස්‌කෘතික ක්‍රියාවලිය මතට කඩා වැටුණු 'හෙණ ගෙඩියක්‌' බව අප පවසන්නේ, සමාජයේ සැබෑ අර්බුද තත්ත්වාකාරයෙන් නිරූපණය කරන සාහිත්‍යයට, මෙවැනි යටි අරමුණු සහිත විනිශ්චයන් නිසා අසාධාරණ සිදු වන නිසා ය.

ඒ අනුව ස්‌වර්ණ පුස්‌තක සම්මානය ලබා ගත් ලියනගේ අමරකීර්ති යනු, දිනසිරි කුරුලුගංගොඩ ද අභිබවමින් සමාජ පාදඩකරණයට උඩ ගෙඩි දෙන 'ව්‍යුහයේ ජයග්‍රහණය තහවුරු කළ අසමසම ජයග්‍රාහකයා' ලෙස හඳුන්වා දීම යුක්‌ති යුක්‌ත ය. 

- නිමි -

 
-කුමාර ලියනගේ  
යුතුකම සංවාද කවය
www.yuthukama.com

12/02/2014

විධායක බලය රටට අවශ්‍යයි

කතෘ:යුතුකම     12/02/2014   1 comment

දක්‍ෂිණාංශයටත්, වාමාංශයටත් සම්බන්ධ නොවෙමින් මැදමාවතේ සමාජ ප්‍රජාතන්ත්‍රවාදී මුහුණුවරකින් ගොඩනැංවූ ශ්‍රී ලංකා නිදහස්‌ පක්‍ෂයට වසර 05 ක්‌ තුළ දී ආණ්‌ඩු පක්‍ෂය හා විපක්‍ෂය පරාජය කරමින් 1956 දී මහජන එක්‌සත් පෙරමුණෙන් ජය ගෙන සුපතළ 56 සමාජ විප්ලවය ඇරඹීමට හැකි වීම ලංකීය දේශපාලනයේත් ප්‍රජාතන්ත්‍රවාදයේත්, බටහිරකරණය නොවූ දේශීය ජනතාවගේත් ජයග්‍රහණයකි. ප්‍රභූ රදල සමාජයෙන් අපමණ පීඩාවට ලක්‌ව සිටි හෙළ ගැමියාට සැබෑ ලෙසම නිදහස පිළිබඳ හැඟීමක්‌, දැනීමක්‌ ලැබෙන්නට පටන් ගත්තේ මෙම 56 විප්ලවයට පිං සිදු වන්නටය.

1965 පාර්ලිමේන්තු මහ මැතිවරණයෙන් කේවල ඡන්ද ක්‍රමය යටතේ ආණ්‌ඩුවක්‌ පිහිටුවීමට සිදුවූයේ හත් හවුලක්‌ ලෙසින් එක්‌සත් ජාතික පක්‍ෂයත්, ෆෙඩරල් පක්‍ෂයත්, ජාතික විමුක්‌ති පෙරමුණත්, විප්ලවකාරී සමසමාජ පක්‍ෂය ඇතුළු පක්‍ෂ 07 ක්‌ එක්‌ වෙමිනි. එහිදී සිංහල විරෝධී පක්‍ෂ මෙන්ම දෙමළ විරෝධී අන්තවාදී පක්‍ෂ ද සන්ධානගත වී තිබුණි. පාර්ලිමේන්තු ප්‍රජාතන්ත්‍රවාදය රටක අස්‌ථාවර ආණ්‌ඩු මෙන් ම විකෘති ආණ්‌ඩු ස්‌ථාපිත කිරීමට දායක වන, හේතු වන බවට එම ආණ්‌ඩුව ද කදිම නිදර්ශනයක්‌ බඳු විය. 1956 දී විපක්‍ෂය මන්ත්‍රී ධුර 08 කටත්, 1970 දී විපක්‍ෂය මන්ත්‍රී ධූර 18 කටත් සීමාවීම මගින් ද බ්‍රිතාන්‍ය මාදිලියේ පාර්ලිමේන්තු ප්‍රජාතන්ත්‍රවාදය රටක පැවැත්මට එතරම් හිතකර නොවන බල බෙදීමක්‌ සිදු කෙරෙන බව සනාථ කර තිබුණි.

ක්‍රි(වර්ෂ 1215 දී එංගලන්තයේ ජෝන් රජු සුපතළ "මැග්නා කාටා" ප්‍රඥප්තිය අත්සන් කරමින් රජුගේ බලය අවම කරමින් නියෝජන ප්‍රජාතන්ත්‍රවාදයේ බීජය රෝපණය කිරීමට දායක වූ අයුරු ඉතිහාසයේ දැක්‌ වේ. 17 වැනි සියවසේ දී රාජාණ්‌ඩුවාදීන් හා ජනරජවාදීන් ලෙසින් එංගලන්ත වැසියා බෙදී ගිය අයුරු මෙන්ම අනතුරුව එම කණ්‌ඩායම් දෙක විග්ස්‌ සහ ටෝරී වෙමින් මෑත යුගයේ දී කොන්සර්වෙටිව් හා ලේබර් වශයෙන් බහුපක්‍ෂ ප්‍රජාතන්ත්‍රවාදය දක්‌වා වර්ධනය වූයේ එම ක්‍රියාදාමය තුළින් බවත් අප අමතක නොකළ යුතුය. මේ අනුව ප්‍රජාතන්ත්‍රවාදය සියවස්‌ ගණනක්‌ මුළුල්ලේ වර්ධනය වෙමින් බහු පක්‍ෂ ප්‍රජාතන්ත්‍රවාදය දක්‌වා වර්ධනය වෙද්දී එම ප්‍රජාතන්ත්‍රවාදයේම තවත් පරිවර්තනයක්‌ ලෙසින් විධායක ජනාධිපති ධුරය නිර්මාණය කිරීමට 18 වැනි සියවසේ දී එංගලන්තයට එරෙහිව සිවිල් යුද්ධයක්‌ නැතහොත් ඇමෙරිකානු විප්ලවය දියත් කළ ඇමරිකානුවෝ සමත් වූහ. රටක ස්‌ථාවර රජයක්‌ නිර්මාණය කිරීමටත්, කාර්යක්‍ෂම පාලනයක්‌ ඇති කිරීමටත්, ජනවාර්ගික සහජීවනය සුරැකීමටත්, සංවර්ධන ක්‍රියාදාමය වේගවත් හා විධිමත් කිරීමටත්, ජනතාවගේ සෘජු ඡන්ද බලයෙන් ම රටේ රාජ්‍ය නායකයා බිහිකර ගැනීමටත් හැකි ක්‍රමයක්‌ වශයෙන් විධායක ජනපති ක්‍රමය රටකට වඩාත් ප්‍රශස්‌ථ ක්‍රමයක්‌ බවට ප්‍රථමයෙන් ඇමෙරිකා එක්‌සත් ජනපදයේත්, දෙවනුව ප්‍රංශයේත් ක්‍රියාවට නැඟිණි. මේ වනවිට ලොව වේගවත් සංවර්ධනයක්‌ අත්කර ගනිමින් සිටින චීනය, රුසියාව, බ්‍රසීලය, දකුණු අප්‍රිකාව ඇතුළු රටවල් විශාල සංඛ්‍යාවක මෙම ජනාධිපති පාලන ක්‍රමය ඉතාමත් සාර්ථකව ක්‍රියාත්මක වෙමින් පවතී. බ්‍රිතාන්‍ය යටත් විජිත වශයෙන් පැවැති රටවල පමණක්‌ තවමත් සාම්ප්‍රදායිකව බ්‍රිතාන්‍යයෙන් නිදහස ලැබීමේදී ලබාදුන් පාර්ලිමේන්තු ප්‍රජාතන්ත්‍රවාදය ක්‍රියාත්මක වන බවත් ප්‍රකට කාරණයකි. විධායක ජනපති ක්‍රමය නාමමාත්‍රික ජනපති ක්‍රමයට වඩ වඩාත් ඵලදායී වන බවත් ඇමෙරිකාව, රුසියාව, චීනය හා ප්‍රංශය පමණක්‌ වුව ඔප්පු කර ඇත.

නූතන මැලේසියානු රාජ්‍යය බ්‍රිතාන්‍යයෙන් 1957 දී නිදහස ලබන විට එරට තුළ විශ්වවිද්‍යාල පිහිටුවීමට කථිකාචාර්යවරුන් රැගෙන යැමට සිදු වූයේ ලංකාවෙනි.

ඒ වන විට මැලේසියාව ආසියාවේ ඉතාමත් දිළිඳු රාජ්‍යයක්‌ව තිබුණි. නමුත් නූතන මැලේසියාව මැදි ආදායම් රේඛාව පසු කළේ වසර ගණනාවකට පෙරදීය. අද මැලේසියාව සංවර්ධිත රාජ්‍යයක තත්ත්වයට පත්වීමට සමත්ව තිබේ. ඒ මහා ප්‍රාතිහාර්යය සිදු කළේ දොස්‌තර මහතීර් මොහමඩ් ය. තුන්කු අබ්දුල් රහ්මාන්ගෙන් පසුව බලයට පත්වූ මහතීර් පළමු වර ලබාගත් ඡන්ද සංඛ්‍යාවට වඩා දෙවැනි, තෙවැනි හා සිව්වැනි මැතිවරණ වලදී ලබාගත්තේ ලෝකයම පිළිගත් ඉතාමත් යහපත් ප්‍රජාතන්ත්‍රවාදී සාධාරණ මහ මැතිවරණ තුළිනි. ධුර කාල 04 ක්‌ ලෙසින් වසර 20 ක්‌ මැලේසියාව පාලනය කළ මහතීර් ප්‍රථමයෙන් තමන් භාරගත් දිළිඳු මැලේසියාව වසර 20 ක දී සංවර්ධන මැලේසියාවක්‌ බවට පත් කළේ ලොව මවිතයට පත්කරමිනි. ඊළග මැතිවරණයටත් ඔහු ඉදිරිපත් වූවා නම් ඔහු පෙරටත් වඩා ජනතා කැමැත්ත දිනා ගන්නවාට කිසිදු සැකයක්‌, විවාදයක්‌ තිබුණේ නැති වුණ ද මහතීර් සිය කැමැත්aතෙන්ම දේශපාලනයෙන් සමුගෙන මැලේසියාවේ නිපදවෙන මෝටර් රථය වන ප්‍රොටෝන් සාගා සමාගමේ සභාපති තනතුර භාර ගත්තේ දේශපාලනයෙන් තමන්ගේ රටට ඉටු විය යුතු යුතුකම, වගකීම අවසන් බවත්, දැන් මැලේසියානු මෝටර් රථ නිෂ්පාදනය දියුණු කිරීම මගේ ආශාව බවත් පවසමිනි.

ඇමෙරිකානු ජනපති රූස්‌වෙල්ට්‌ දෙවැනි ලෝක සංග්‍රාම සමයේ ධුර කාල 04 ක්‌ එක දිගට ඇමෙරිකානු ජනපති වශයෙන් කටයුතු කරමින් දෙවැනි ලෝක යුද්ධය වන විට ලොව සුපිරි බලවතාව සිටි බ්‍රිතාන්‍යය යුද්ධය අවසන්ව පනහ දශකය වන විට තම රට ලොව සුපිරි බලවතා බවට පත් කිරීමට එම රූස්‌වෙල්ට්‌ ජනපතිවරයා සමත් වූ අයුරු ඇමෙරිකානු ඉතිහාසයේ දැක්‌ වේ. එවැනි සුවිශේෂ අවස්‌ථා රටකට එළඹිය හැකිය. එහිදී නීතිය හෝ සම්ප්‍රදාය පිළිබඳව නොතකා ඒ සුවිශේෂ චරිතයෙන් උපරිම දායකත්වය රටේ සංවර්ධනයට, ස්‌ථාවර භාවයට ලබා ගැනීම සර්ව සාධාරණය.

විශේෂයෙන් තිස්‌ අවුරුදු බෙදුම්වාදී, ත්‍රස්‌තවාදී යුද්ධයක මතකයක්‌ ද ගොඩනැඟී තිබූ පසුබිමක, වසර 03 ක්‌ ඇතුළත එම ලොව දරුණුතම, ම්ලේච්ඡතම වූත් ෆැසිස්‌ට්‌ පන්නයේ කොටි සංවිධානය තීරණාත්මකව යුදමය වශයෙන් පරාජය කර ඇති පසුබිමක, රට තුළ පුනරුත්ථාපන කටයුතු, ප්‍රතිසංස්‌කරණ කටයුතු, යටිතල පහසුකම් සංවර්ධනය කරමින්, ජන ජීවිත යථා තත්ත්වයට පත් කරමින්, ආර්ථික සංවර්ධනයත්, ආධ්‍යාත්මික සංවර්ධනයත් තුළින් වාර්ගික සහජීවනය යථාවත් කිරීමට කටයුතු කිරීමේ අවශ්‍යතාව හා වගකීම අපේ රට හමුවේ ද පවතී.
ඒ අනුව දැහැමින් පිරිපුන් සමාජයක්‌ සේම අභිමානවත් දේශයක්‌ ගොඩනැඟීමේ කාර්යය සිහිනයක්‌ නොවනවා මෙන් ම එය යාථාර්ථයක්‌ වීම යනු රාජ්‍ය සේවකයන්ගේ දරු පරපුරේ අනාගතය ද සුරක්‍ෂිත වීමය. ඒ දරු පරපුරේ අනාගතය සුරැකීමටත්, වර්ණවත් කිරීමටත් දායක වීම ඔබ හමුවේ පවත්නා යුගයේ කාර්ය-භාරය නොවන්නේ ද?

-ඌවතැන්නේ සුමන හිමි
දේශමාමක ජාතික බලවේගය
[දිවයින]

11/30/2014

බම්බුව තමයි බම්බුව

කතෘ:යුතුකම     11/30/2014   1 comment
එජාපයෙත්, ශ්‍රී ලනිපයෙත් ලේකම් තනතුර දැරීම, දේශපාලන අනාගතය අවාසනාවන්ත කර ගැනීමක්‌ බව කාලයක පටන් තිබු කතාවකි. ඒ කතාවේ ජීවමාන සාක්‍ෂියක්‌ බවට මෛත්‍රිපාල සිරිසේන පත්වෙමින් තිබේ.

මෛත්‍රිපාලට පැතිමාරුව සඳහා බලපෑ ප්‍රධාන කාරණය ලෙස සැලකෙන්නේ ඔහු සතුව තිබූ අගමැතිකම පිළිබඳ මහත් බලාපොරාත්තුවය. එය හිමි නොවීම සම්බන්ධයෙන් ඇතිවූ කළකිරීම, මෛත්‍රිපාලගේ ඉවසීමට තිත තැබුවේය. එසේනම් මෛත්‍රිපාලගේ ඉලක්‌කය විය යුතුව තිබුණේ අවම වශයෙන් අගමැතිකම දිනා ගන්නා තැනකට යැමය. නමුත් මෛත්‍රිපාලගේ පිම්ම විසින් ඔහු එතැනට ගෙන යනවාදැයි ප්‍රශ්නයක්‌ තිබේ.

පළමු ප්‍රවෘත්ති සාකච්ඡාවේදීම මෛත්‍රිපාල පොරොන්දු වූයේ, තමන් ජනාධිපති වුවහොත් දින සීයක්‌ ඇතුළත විධායක ජනාධිපති ක්‍රමය අහෝසි කරනවා යනුවෙනි. එසේම අගමැති රනිල් වික්‍රමසිංහට දෙන බව මෛත්‍රිපාල ප්‍රකාශ කළේය. එසේ නම්, මේ තරම් පිම්මක්‌ ගැසූ මෛත්‍රිට ලැබෙන්නේ කුමක්‌ද? අමාත්‍ය මහින්දානන්ද අලුත්ගමගේ පැවසූ පරිදි එය, නාමමාත්‍රික ජනාධිපති පදවිය වෙන්නට ඇත. නමුත් එයට අයිතිකාරිනියක්‌ සිටියි. මෛත්‍රි මෙහෙයුමේ පිටුපස සිටි චන්ද්‍රිකා කුමාරතුංගට එම තනතුර හිමි වීමට බොහෝ දුරට ඉඩ ඇත. එසේ වුවහොත් යළිත් මෛත්‍රිපාලට සිදුවන්නේ ඇමැති තනතුරක්‌ දරාගෙන සිටින්නටය.

අගමැතිකම ලබා නොදුන් නිසා ගිය මෛත්‍රි ඇමැතිකමකින් සෑහෙනවා නම් එතැන කාරණා දෙකක්‌ තිබේ. එකක්‌ නම් ඔහු බලයට පත් වුණහොත් පළමු ප්‍රවෘත්ති සාකච්ඡාවේදී කියූ කිසිවක්‌ නොකරන බවය. ජනාධිපති ක්‍රමය දින 100 කින් අහෝසි කිරීම, යන රැල්ල සඳහා ගැසූ බොරුවක්‌ ලෙස එවිට පත් වේ. කොහොමටත් මෛත්‍රිගේ නායිකාව කළේ ද ඒ දෙයමය. චන්ද්‍රිකා සමඟ එක මේසයක සිඳ ජනාධිපති තනතුර අහෝසි කරන බවට දින ගණන් සහිතව කීමම විහිළු කතාවකි. ජනාධිපති තනතුර අහෝසි කරන බවට දාතම සහිතව, දින වකවානු ඇතිව රටට පොරොන්දුවක්‌ දුන් චන්ද්‍රිකා ඒ සඳහා කිසිදු ක්‍රියාමාර්ගයක්‌ ගත්තේ නැත. මෛත්‍රී සමග හිඳ, ඊට චන්ද්‍රිකා පිළිතුරක්‌ දුන්නේය. ජනාධිපති තනතුර අහෝසි කිරීම සඳහා සහාය දෙන ලෙස, තමා විපක්‍ෂයෙන් වදින්නේ නැතිව පමණක්‌ සහාය ඉල්ලූ බව ඇය පැවසුවාය. එජාපයේ ද සහය ඇතිව එන පොදු අපේක්‍ෂකයාගේ නායිකාව, එහි දෝෂය ද දැමුවේ එජාපයටය.

චන්ද්‍රිකා පාලන බලය හෙබවූ කාලය තුළ එවැනි ලෙස විධායක බලය අහෝසි කරන්නට උත්සාහ කළ මගක්‌ කිසිවකු දෙන්නේ නැත.
පළමුවරට ඒ ගැන දැන ගත්තේ එදා ප්‍රවෘත්ති සාකච්ඡාවේදීය. මේ නිසා මෛත්‍රිපාල ද තම නායිකාවගේ අඩි පාරේ යමින්, ජනාධිපති තනතුර දින සියයෙන් අහෝසි කරන බව කියන්නේ, බොරුවට විය යුතුය. 

එය ඇත්තක්‌ නම්, මෛත්‍රිපාල සෑහීමට පත් වන්නේ ඇමැතිකමකිනි. මේ ආණ්‌ඩුවේ දිගටම සිටියා නම් ඒත් මෛත්‍රි, ඇමැතිය. එසේ නම් මෛත්‍රි මේ පෙරළිකාර අන්තය සොයා ගියේ, තමන් දිගටම ඇමැතිකමේ සිට හෝ තමන්ට අගමැතිකම නුදුන් ආණ්‌ඩුවෙන් පළිගන්නටය. එහෙම බලනකොට මෛත්‍රිගේ පොරොන්දුව ඇත්ත නම් මෛත්‍රි කර ඇත්තේ පළිගැනීමකි. එහෙම නැත්නම් මෛත්‍රී කියන්නේ බොරුවකි. මෛත්‍රිපාල උදා කරන්නට සැරසෙන මෛත්‍රී පාලනයේ තත්ත්වය, ආරම්භක අවස්‌ථාවකදීම ද්වේශය හොර බොරුව මත පදනම් වූවක්‌ බව ඉන් පෙනේ.

සමහරු අහන්නේ. මෛත්‍රිට අගමැතිකම දුන්නා නම් මේ ප්‍රශ්නය ඉවර බවය. මෛත්‍රිට ආණ්‌ඩුව අගමැතිකම නුදුන්නේ ඇයි...?

මහින්ද රාජපක්‍ෂ මුල්වරට 2005 දී ජනාධිපති වූ විට අගමැතිකම දුන්නේ රත්නසිරිටය. ඒ රත්නසිරි හිටපු අගමැතිවරයෙක්‌ වූ නිසාය. ඊළඟට මහින්ද අගමැතිකම දිය යුතුව තිබුණේ, පක්‍ෂයේ සිටි ඊළඟ ජ්‍යෙෂ්ඨයාටය. එසේ නොමැතිව කනිෂ්ඨයකුට අගමැතිකම දුන්නා නම්, ජ්‍යෙෂ්ඨයන් බොහෝ දෙනෙකු මහින්ද සමග තරහ වෙන්නට ඉඩ තිබුණි. ශ්‍රී ලනිපයේ දහතුන් වෙනි සාමාජිකයා වූ දි. මු. ට අගමැතිකම මහින්ද දෙන්නේ ඒ තර්කය අනුවය. මෛත්‍රිට අගමැතිකම දෙන්න නම්, ඒ සඳහා දි. මු ජයරත්නව තනතුරෙන් ඉවත් කළ යුතු වෙයි. එතැනට යැම සඳහා ආණ්‌ඩුව කිහිපවරක්‌ම පරිශ්‍රමය දැරූ නමුත් දි. මු. ඊට කැමැත්තක්‌ දක්‌වා තිබුණේ නැත. දි. මු. ඉවත් කර, යම් හෙයකින් ඔහුට සාමාන්‍ය අසනීපයක්‌ හෝ සෑදුනහොත් එහි තනි වරදකරුවා වන්නේ මහින්ද රාජපක්‍ෂ මිස, අගමැතිකම ඉල්ලා හඬාවැටුණු මෛත්‍රිපාල නොවේ. යම් හෙයකින් දි. මු. "පරිත්‍යාගය" කරන්නට කැමැති වුණා නම්, ඉන්පසුවද මෛත්‍රිපාල අගමැති කරන්නට යැම ප්‍රශ්නයකි. සාමාන්‍යයෙන් අගමැතිකමට එයාට පිටු පසින් තිබෙන තනතුර වන්නේ සභානායකකමය. අගමැති බණ්‌ඩාරනායක ඝාතනය වූ විට දහනායක අගමැති වන්නේ එසේය. ප්‍රේමදාස මිය ගිය විට විඡේතුංග ජනාධිපති විය. හිස්‌ වූ අගමැති පුටුවට රනිල් පත් වන්නේ, ඔහු එවිට සභානායක වූ නිසාය. මේ නිසා දි. මු. ගෙන් පසු අගමැති වන්නට, සාම්ප්‍රදායික ලෙස තිබුණේ නිමල් සිරිපාලටය. හිතුවක්‌කාරී ලෙස දි. මු. ඉවත් කර මෛත්‍රිපාලව අගමැති ලෙස පත් කළා නම් දි. මු. හා නිමල් සිරිපාල යන දෙදෙනාම අද මෛත්‍රිපාල කරන වැඩේ කරන්නට ඉඩ තිබිණි.

අනික්‌ අතට සියල්ල අතහැර "තරු පෞරුෂයකින්" යුත් අයෙක්‌ සිටියා නම් ඔහුට අගමැතිකම දෙන්නට පුළුවන. මහින්ද රාජපක්‍ෂ අගමැති වූයේ එලෙසය. ඔහු අගමැති කරන ලෙස රටම චන්ද්‍රිකාගෙන් ඉල්ලා සිටියේය. ඒ මහින්දගේ "තරු පෞරුෂය" හා එවැනි දෙයක්‌ මෛත්‍රිට තිබුණේ නැත. එය මෛත්‍රීට පමණක්‌ තිබූ අහිංසක බලාපොරොත්තුවක්‌ පමණි. වටේ සිටි අය හා විපක්‍ෂය සිදු කළේ ඒ "අහිංසක" බලාපොරොත්තුව, අංගුලිමාල දක්‌වා දික්‌ කර දීමය.

මෛත්‍රිට අගමැතිකම දීම ශ්‍රීලනිපයේද ලොකු බලාපොරොත්තුවක්‌ වී, මහින්ද එය ඉටු නොකළේ නම්, අද ශ්‍රී ලනිප පිරිස්‌ බොහෝ දෙනකු සිටිනු ඇත්තේ මෛත්‍රිටය. ඒත් තවම මෛත්‍රිට පිරිසිදු ශ්‍රී ලනිපකාරයකු ලෙස සිටින්නේ ඔහු පමණයි. රාජිත සේනාරත්න කොහොමටත් වැනි වැනි සිටි චරිතයකි. දුමින්ද ද සිය පියාට යළිත් මහ ඇමැතිකම නුදුන්නිසා, සිටියේ කෝපයකිනි. වරක්‌ ජනාධිපති මහින්ද, දුමින්දට කියා තිබුණේ ඉන්න බැරි නම් යන්න කියාය. එසේ කියූ කෙනෙකු මෛත්‍රී සමග එකතු වුණා කියා, ඔහුට අමුතු ආලෝකයක්‌ ලැබෙන්නේ නැත. රාජිත සේනාරත්න මේ ආණ්‌ඩුව සමග සිටියත් ඔහුගේ ප්‍රතිපත්ති අනුව සැලකෙන්නේ චන්ද්‍රිකා හෝ රනිල් මිස හී්‍ර ලනිපය නොවේ. ෆෙඩරල්වාදී රාජිත, කොහොමටත් නිතරම එහා මෙහා යන කෙනෙකි. මීරිගම වසන්ත සේනානායක මෛත්‍රී ළඟට ආවේ නැත්තේය. ඔහු මුලින්ම ගියේ ඔහු ඥතිකම තිබෙන්නේ සිරිකොතටය. ඒ නිසා ඒ ඵලදාව ද මෛත්‍රිට හිමි නැත. එම්. කේ. ඩී. එස්‌a. ගුණවර්ධන නම් අවුලක්‌ නැති ශ්‍රී ලනිප කාරයෙකි. එසේ වුවත් ඔහු ශ්‍රී ලනිපයේ පිරමීඩයේ පහළ තැනක නියෝජනයක්‌ මිස ඉහළ තැනක්‌ නොවේ. මෙහෙම බලන විට, මෛත්‍රිට පක්‍ෂව පක්‍ෂයේ සිට ඇත්තේ, එම්. කේ. ඩී. එස්‌. පමණ ද...? එසේ නම් ඉතිරි සියල්ල පාඩු කරගෙන, මෛත්‍රිට අගමැතිකම නොදීමට මහින්ද ගත් නිවැරැදි තීන්දුවක්‌ නොවේද?

දැනටමත් මෛත්‍රිපාල විසින්, විශාල කැපකිරීමක්‌" කර, ලබා ගන්නට හදන්නේ ඇමැතිකමක්‌ය. ඔහු ඉවසාගෙන සිටියා නම්, මහින්ද ලෙසටම කවදා හෝ ඔහුට ඉදිරියට ඒමට ශ්‍රී ලනිපය තුළ ඉඩක්‌ තිබුණි. දැන් ඒ සියල්ල අහවර වී තිබේ. ඒ මදිවාට තමන්ගේ දේශපාලන ජීවිතය පුරා, සතුරා ලෙස සැලකූ එජාපයට හේත්තු වී ඔවුන් සමඟ ඡන්දයත් කරන්නට මෛත්‍රි සිදුවී තිබේ. එජාප නායකයාව අගමැති කරන්නටද ඔහු පොරොන්දු වී තිබේ. එහෙනම් දැන් මෛත්‍රිට වරක්‌ කියූ ලෙස කැඩපත ඉදිරියට ගොස්‌ ඔහුටම කියාගන්නට ඇත්තේ, "බම්බුව තමයි බම්බුව" කියාය.
 
-මනෝඡ් අබයදීර - දිවයින



යුතුකම සංවාද කවය
www.yuthukama.com



11/28/2014

රට බෙදන විජාතික කුමන්ත්‍රණයට අපි ඉඩ දෙන්නෑ..-බොදු බල සේනා

කතෘ:යුතුකම     11/28/2014   1 comment
ඉදිරි ජනාධිපතිවරණයේ දී තමන් කිසිවෙකුගේ වේදිකාවට ගොඩ ‍නොවන බවත්, දේශීය ඒජන්තයන් පෙරටු කරගෙන නැවත වරක් රට කඩන බටහිර විජාතික කුමන්ත්‍රණවලට එරෙහිව නැගී සිටින බවත් ජනාධිපතිරණය පිළිබදව සිය ස්ථාවරය ස්ථාවරය එළි දක්වමින් බොදු බල සේනා සංවිධානය ප්‍රකාශ කර සිටියහ. ඒ සම්බන්ධ මාධ්‍ය නිවේදනය පහත දැක්වේ.

බොදු බල සේනා හා 2015 ජනාධිපතිවරණය
මාධ්‍ය නිවේදනය
27 නොවැම්බර් 2015

"බොදු බල සේනා" විසින් අද දින ඉටු කරමින් සිටින්නේ වසර 400 කට අධික කාලයක් තිස්සේ අධිරාජ්‍යවාදීන් (සුද්දන්) විසින් නිර්මාණය කර පසුව දේශීය නව යටත් විජිත පාලකයින් විසින් (කළු සුද්දන්) විසින් පෝෂණය කල සිංහල බෞද්ධ විරෝධී දේශපාලනය වෙනස් කරමින්, මේ රටේ ඓතිහාසික ජාතිය වූ සිංහලේ බෞද්ධයින්ට ඉතිහාසය තුල කරන ලද අසාධාරණයට එරෙහිව සටන් කරමින්, සිංහල බෞද්ධයින්ට අහිමි කල "සිංහල බෞද්ධත්වය" නැවත දිනා දීමට කරනු ලබන පටිසෝතගාමී ( උඩු ගo බලා පිහිනීම) වූ ජාතික වගකීමකි. එය අපහසු වුත් සංකීර්ණ වුත් එමෙන්ම කල ගතවන්නා වුත් දුෂ්කර ක්‍රියා දාමයක් බව අපි හොඳින්ම දන්නා අතර පසුගීය වසර දෙක තුල මෙම ජාතික නිදහස් අරගලය වෙනුවෙන් මුලික පදනමක් දැමීමට අපට හැකි විය.

ජාත්‍යන්තර කුමන්ත්‍රණ හා ව්‍යවස්ථා අර්බුද ඇතුළු විවිධාකාර වූ පසුබිම තුල නිර්මාණය වී ඇති 2015 ජනාධිපතිවරණය සිංහලේ බෞද්ධ රාජ්‍යයක් නැවත දිනාගැනීම පිණිස අප විසින් දියත් කර ඇති නව නිදහස් පුනරුද අරගලයට අතිශය තීරණාත්මක කඩඉමක් ලෙස දකිමු. වසර 30 කට ආසන්න කාලපරිච්ජේදයක් තුල ක්‍රියාත්මක වූ බෙදුම්වාදී කුරිරු ත්‍රස්තවාදය පරදා රට තුල නිදහසේ ජීවත්වීමට පරිසරයක් නිර්මාණය කොට රටේ ප්‍රමාණාත්මක හා ගුණාත්මක සංවර්ධනයක් සිදු වෙමින් පවතින මෙම අවස්ථාවේදී ජනාධිපතිවරණය තීරණාත්මකය. ත්‍රස්තවාදය පරාජය කලද එය ඇතිකළ මතවාදය හා එය නිර්මාණය කල ජාත්‍යන්තර පෙරමුණ පරාජය කල යුතු මොහොතක හා සැමට සෙත සලසන සිංහලේ බෞද්ධ දේශපාලන මතවාදය ජය ගැනීම පිණිස පදනම ශක්තිමත් කරනු ලබන මොහොතක මෙම යෝජිත මැතිවරණය පැහැදිලිව තීරණාත්මකය. වසර 400 ක් තුල බිහි වී පසුගිය වසර 60 කට අධික කාලයක් වර්ධනය වූ ප්‍රචණ්ඩත්වය යම් පමණකට අවම වෙමින් පවතින එහෙත් නිලධාරීවාදය ඉහලම මට්ටමකට පත් වී ඇති දේශපාලකයින්ගේ බලය අනවශ්‍ය ලෙස කේන්ද්‍ර වීම පාලනය කිරීම අපහසු මොහොතක, දුෂණය, නාස්තිය හා වංචා පාලනය කිරීම දුර්වලව ඇති මොහොතක, වර්ධනය වී ඇති පවුල් දේශපාලනය කළමනාකරණය කිරීම දුෂ්කර වී ඇති මොහොතක, නීතිය ක්‍රියාත්මක වීම ශක්තිමත් නොවී ඇති මොහොතක , අන්‍යාගමික ත්‍රස්තයින් ජාතික හා ජාත්‍යන්තර වශයෙන් බලවත් වී ඇති මොහොතක මෙම මැතිවරණය දෙස බොදු බල සේනා සලකා බලන්නේ සිංහලේ බෞද්ධ රාජ්‍යයක් නැවත දිනාගැනීම පිණිස අප විසින් දියත් කර ඇති නව නිදහස් පුනරුද අරගලය කෙරෙහි සිදු වන බලපෑම මුලිකව පදනම් කර ගෙනය.

2015 ජනාධිපතිවරණයට ඉදිරිපත් වී ඇති ප්‍රධාන අපේක්ෂකයින් දෙදෙනාම හා ඔවුන් නියෝජනය කරනු ලබන දේශපාලන ව්‍යාපාර බොදු බල සේනා වේ කැමැත්ත නොවන අතර අපේ රට පැහැදිලිව දියුණු කල හැකි සිංහලේ බෞද්ධ රාජ්‍යය නිර්මාණය කිරීමේ අරගලයට නායකත්වය දිය හැකි සැබෑ ජාතික නායකත්වයක් අප සතුව ඇත. මීට වසර 200 කට පෙර 1815 දී සිදු වූ කුමන්ත්‍රණ වලදී සිදු වුවක් මෙන් මෙම ජාතික නායකත්වය තිඹිරිගෙයිදීම විනාශ කිරීමට ඉඩ දීමට අප සුදානම් නැත. වසර 2 ක් තුල අප විසින් නිර්මාණය කල නව ජාතික පුනරුද ව්‍යාපාරය විනාශ කිරීමට සතුරාට ඉඩ දීමට අප ඉක්මන් නොවිය යුතුය.

බොදු බල සේනාව බහුතර ජනතාවගේ අපේක්ෂාවක් වෙමින් පවතින මොහොතක සිදුවන මෙම මැතිවරණය නිසා නිර්මාණය වී ඇති "බොරු වලේ" වැටී විනාශ වීමට ඇති ඉඩ කඩ පිලිබඳ ව තේරුම් ගැනීමට බොදු බල සේනා පැහැදිලිව පරිණත වී ඇති බැවින් සිංහලේ බෞද්ධ රාජ්‍යය බිහි කිරීම උදෙසා වූ පදනම ආරක්ෂා කිරීම අපගේ පරම යුතුකම හා වගකීම බව අපි දනිමු. ඊනියා ප්‍රජාතන්ත්‍රවාදී ක්‍රමවේද හේතුවෙන් රටේ ඓතිහාසික ජාතියට තිබිය යුතු එහෙත් අහිමි කරනු ලැබූ . එහෙත් සුළු ජනවර්ග විසින් වරප්‍රසාදයක් කරගෙන භුක්ති විඳින "රජුන් තැනීමේ" බලය රටේ ඓතිහාසික ජාතිය වූ සිංහලේ බෞද්ධයින්ට හිමි වෙමින් පවතින මොහොතක, බෙදී වෙන් වී ඇති සිංහලේ බෞද්ධයින් එක්සත් වීමේ විභවය නිර්මාණය වී ඇති මොහොතක අප සියලු දෙනා කටයුතු කළ යුතු වන්නේ ඉතාමත් තාර්කිකවය. විචාරශීලීවය. බුද්ධිමත්වය. මෙය හැගීම් බරව හෝ පෞද්ගලික අරමුණු පෙර දැරි කර ගෙන කටයුතු කළ යුතු මොහොතක් නොවේ.

2009 දී කුරිරු ත්‍රස්තවාදය අවසන් කළ මොහොත සිංහලේ බෞද්ධ දේශපාලනයේ ජයග්‍රහණයක් නොවුනද ඒ සඳහා පදනමක් දැමීමට අවස්ථාවක් කර ගැනීමට යම් බලවේග ගනු ලැබූ උත්සහායක ප්‍රතිපලයක් ලෙස බොදු බල සේනා බිහි විය. වසර 30 ක් තිස්සේ යුද්ධය තුළ නිහඩව වැඩෙමින් තිබු සිංහල බෞද්ධ විරෝධී , සමස්ත ලෝකයටම පිළිලයක් වන මුස්ලිම් අන්තවාදය හා ත්‍රස්තවාදය ඇතුළු සියලු ආගමික අන්තවාදයන් හා ත්‍රස්තවාදයන් පැහැදිලිව දකින්නටත්, එය පරාජය කිරීම උදෙසා සටන් කරන්නටත් 2009 පසු බිහි වූ මෙම සාමකාමී පරිසරය හිතකර විය. 2009 ත්‍රස්තවාදී යුද්ධය අවසන් නොවුනා නම් අද දින ඉරාකයේ හෝ සිරියාවේ සිදුවන තත්වයන් හෙට දින මෙරට සිදු වීමට සියලු විභවයන් තිබුණි.

2009 දී කුරිරු ත්‍රස්තවාදය අවසන් වුවද එහි දේශපාලන පෙරමුණ හා ජාත්‍යන්තර පෙරමුණ පරාජය කිරීමට රජයන් අපොහොසත් වුවා පමණක් නොව බලය උදෙසා රට, ජාතිය හා ආගම පාවා දිය හැකි, උකස් කල හැකි අපගේම ලෙස පෙනෙන විජාතික බලවේග සමග එක්ව එය ශක්තිමත් කිරීමට ගනු ලැබූ උත්සහායන් හඳුනා නොගැනීමට තරම් අප්‍රවේසම් විය. දුර්වල විය. එහෙත් මෙම තත්වය හොඳින් තේරුම් ගත් බුද්ධියෙන් හා උපායමාර්ගිකව කටයුතු කල බොදු බල සේනා ව බෙදුම්වාදී දේශපාලන කුරිරු ත්‍රස්තවාදයේ දේශපාලන පෙරමුණ හා ජාත්‍යන්තර පෙරමුණ පරාජය කිරීමට පමණක් නොව ලොවටම පිළිලයක් වී ඇති ආගමික අන්තවාදයන් හා ත්‍රස්තවාදයන් පැහැදිලිව හෙලිදරුව් කිරීමටත් අපගේ ජයග්‍රණය සතුරු බලවේග පැරදවීම පමණක් නොව සිංහලේ බෞද්ධයා ජයග්‍රහණය කරා මෙහෙයවීම බව තේරුම් ගෙන ක්‍රියාශීලී වීමටත් පෙරමුණ ගෙන ඇත්තෙමු. ඒ අනුව සිංහලේ බෞද්ධ රාජ්‍යය නැවත දිනාගැනීම වෙනුවෙන් වූ අරගලයට අප නායකත්වය දෙමින් සිටින්නෙමු. අප සමග ජාලගත විය යුතු සමහර නායකයින් හා සංවිධාන මේ අවස්ථාවේ සිය පෞද්ගලික න්‍යාය පත්‍ර වලට අනුව යමින් කටයුතු කිරීම "ළදරු වලිප්පුවක්" ලෙස සලකනු ලබන අතර ඔවුන් වහාම නිවැරදි මාවතට අවතීරණ නොවුනහොත් ජනතාව විසින් ඔවුන්ට නිසි ලෙස ප්‍රතිකාර කරන බව අපගේ විශ්වාසයයි.

2015 ජනධිපතිවරණය පිළිබඳ ව බොදු බල සේනා ව සිය සංවිධායකයින් හා ප්‍රධාන දායකයින් සමග ජාතික වශයෙනුත් ජාත්‍යන්තර වශයෙනුත් ගැඹුරු ලෙස සාකච්ජා කල අතර අපගේ "ජාතික බුද්ධි සභාවේ" විමසුමටද ලක් කරන ලදී. අනතුරුව බොදු බල සේනා වේ "දේශපාලන මණ්ඩලයේ" නිර්දේශ මත එහි "විධායක කමිටුව" පහත දැක්වෙන තීන්දුවට එළඹෙන ලදී.

"2015 ජනාධිපතිවරණය යනු සිංහලයාගේ, බෞද්ධයාගේ පමණක් නොව සමස්ත රට වැසියාගේම පැවැත්මට බලපෑම් ඇති කල හැකි විශේෂයෙන් "සැමට සෙත සැලසිය හැකි සිංහලේ බෞද්ධ රාජ්‍යය ස්ථාපිත කිරීමේ" පදනම විනාශ කිරීම කෙරෙහි තීරණාත්මක බලපෑමක් ඇති කල හැකි සංධිස්ථානයක් ලෙස සැලකිය යුතුය. අපගේ උතුම් අරමුණ ජයග්‍රහණය කිරීම උදෙසා පදනමක් වී ඇති සාමකාමී පරිසරය විනාශ කොට "ජාතිබේදවාදී ත්‍රස්තවාදය" හා "ආගමික ත්‍රස්තවාදය" හිස එසවීමට ඉඩ දෙන ජාත්‍යන්තර කුමන්ත්‍රණයක් ක්‍රියාත්මක කිරීමට යොදා ගත හැකි වේදිකාවක් ලෙස මෙම ජනාධිපතිවරණය දකින බැවින් මෙම කුමන්ත්‍රණය හෙලිදරුව් කිරීමටත්, එම කුමන්ත්‍රණය පරාජය කිරීමටත් එම අරමුණු උදෙසා බොදු බල සේනා සතු සමාජ ප්‍රාග්ධනය ඇතුළු සියලු විභවයන් මුදා හැරීමටත්, ඒ තුලින් සැමට සෙත සැලසිය හැකි සිංහලේ බෞද්ධ රාජ්‍යය ස්ථාපිත කිරීම උදෙසා වූ අරගලය ශක්තිමත් කිරීමට උදාවන සැම තත්පරයක්ම යොදා ගත යුතුය. ඒ සඳහා යෝග්‍ය සියලු බලවේග ඒකරාශී කිරීමටත් කටයුතු කල යුතුය. මෙම ජාතික බුද්ධි මෙහෙවර උදෙසා රටේ ඇති සියලු භික්ෂුන් වහන්සේලා හා සියලු බෞද්ධ විහාරස්ථාන කේන්ද්‍ර කොටගත් "සිංහලේ බෞද්ධ රාජ්‍යය දිනවීමේ" සටන තුලින් 2015 ජනවාරි මස 8 වන දින පැවත්වීමට යෝජිත ජනාධිපතිවරණයේදී මෙම "විජාතික කුමන්ත්‍රණය" පැරදවීම පිණිස "ප්‍රජාතන්ත්‍රවාදී වූ ජන අරගලයක්" කරමින් මේ රටේ රජුන් තැනීමේ නායකත්වය භික්ෂුන්වහසේලා ගේ ආශීර්වාදයෙන් රටේ ඓතිහාසික ජාතිය වූ සිංහලේ බෞද්ධයින්ට උරුම කර දීමට බොදු බල සේනා පෙරමුණ ගත යුතුය."
"සිංහලේ බෞද්ධ රාජ්‍යය දිනවීමේ සටනට ජය වේවා"
 
- බොදු බල සේනා (BBS) 
 

11/27/2014

ඉතිහාසය ලිවිය හැක්කේ ප්‍රාඥයකුට පමණි.

කතෘ:යුතුකම     11/27/2014   7 comments
බොහෝ රටවලට ඇත්තේ කෙටි ඉතිහාසයකි. ඇතැම් රටවලට දිගු ඉතිහාසයක් තිබුණද ඒ පිළිබඳ ලිඛිත සාධක නැත. එහෙත් ලංකාවට දිගු ඉතිහාසයක් මෙන්ම ඉතිහාසය ලිවීමේ දිගු සම්ප්‍රදායක්ද තිබේ. එකී සම්ප්‍රදාය මෙරට ඉතිහාසය පමණක් නොව භාරතීය ඉතිහාසය පිළිබඳ කාල නිර්ණය කිරීමෙහිලා ද උපස්ථම්භක වී තිබේ. අශෝක රජ සමය හඳුනාගැනීමට මහා වංශය පාදක කොට ගැනීම නිදසුනකි. දීපවංශය, මහාවංශය ආදී කෘතිවලින් ඇරඹෙන මෙරට ඉතිහාස රචනා සම්ප්‍රදායේ වර්තමාන මොහොත සහ ශ්‍රීනාත් ගනේවත්තගේ ළමා කෘති මාලාව පිළිබඳ කෙටි විග්‍රහයක් කිරීම මේ ලිපියේ අරමුණයි.

කිසියම් රටක, දැයක, ආයතනයක හෝ පුද්ගලයකුගේ පැවැත්මේ වැදගත් අවස්ථාවල ක්‍රමානුකූල පෙළගැස්ම ඉතිහාසය යැයි සරල ලෙස පැවැසීය හැකිය. Heroes and Hero Worship නම් සුප්‍රකට ‍පොත් පිංච ලියූ ඉංග්‍රීසි ජාතික තෝමස් කාලයිල් නමැති විද්වතා පැවැසූයේ ඉතිහාසය යනු ශ්‍රේෂ්ඨ මිනිසුන්ගේ චරිතාපදාන හෙවත් කතන්දරය බවයි.(History is the biography of Grate men) එහි අර්ථය ශ්‍රේෂ්ඨ පුද්ගලයන් පහළ වී තම දැවැන්ත චරිතය, ප්‍රබල පෞරුෂය සහ ප්‍රඥා ප්‍රභාව උපයෝගී කරගෙන ආගම්, දර්ශනවාද, රාජ්‍ය ගොඩනගන බවය. මානව වර්ගයාගේ ඉතිහාසය වනාහි එවන් පුද්ගලයන්ගේ ඉතිහාසයයි. නිදසුනක් ලෙස මාර්ටින් ලූතර් කිං යුරෝපයේ ‍ප්‍රොතෙස්ත්‍රන්ත ප්‍රතිසංස්කරණ වෙනුවෙන් නැගී සිටීම දැක්විය හැකිය.

එහෙත් කාලයිල්ගේ ප්‍රකාශයෙහි ගැබ් වන්නේ අර්ධ සත්‍යයක් පමණි. වීරයන් වනාහි ඔවුහු ජීවත් වන යුගයේ ද නිර්මාණයෝ වෙති. එකී සමාජ දේශපාලන මොහොත විසින් උපද්දවනු ලැබුවෝ වෙති. මාර්ටින් ලූතර් කිං සමකාලීන මිනිසුන්ගේ ආගමික සිතුවිලි වෙනස් කළේ නැත. ඒ වන විටත් ඒ වෙනස්වීම් සිදු වී තිබිණි. එහෙත් ඒවා පැවැතියේ සැඟව යටපත්ව අප්‍රකාශිතවය. ඔහු එම අදහස් මැනවින් ප්‍රකාශ කළා පමණි. ඒ වන විටත් බලගැන්වී පැවැති ප්‍රතිසංස්කරණ ව්‍යාපාරයට ගිනිදල්වා පුපුරුවා හැරියා පමණි. ඔහු එකී යුග අවශ්‍යතාව මැනවින් ඉටු කළ බව සැබෑය. එමෙන්ම ඔහු වෙනත් යුගයක ඉපදුණි නම් ආගම් ප්‍රතිසංස්කරණවාදීයකු නොවනු ඇත. එනම් ඔහු ද එකල ජීවත් වූ සෙසු අය මෙන්ම යුගයේ නිර්මාණයකි. මේ අනුව ඉතිහාසය වනාහි ඒ ඒ යුගවල ජීවත් වූ මිනිසුන් සියදහස් ගණනකගේ චරිතාපාදන බැව් ද කිව හැකිය.

පවතින සමාජ දේශපාලන පරිසරය බලපාන්නේ ඉතිහාසය නිර්මාණයෙහිලා පමණක් නොවේ. ඉතිහාසය ලිවීමෙහිලා ද එය ඉතා ප්‍රබල ලෙස බලපායි. යම් මොහොතක ලියන ඉතිහාසය ඒ අවස්ථාවේ සමාජ දේශපාලන කොන්දේසීවලට අනුගතව ඉතිහාසය දකින ආකාරයයි. වෙනත් ලෙසකින් කිවහොත් ඉතිහාසඥයාගේ දෘෂ්ටිය ඔහු ජීවත් වන යුගයේ සමාජ දේශපාලන පරිසරය විසින් නිර්මාණය කරනු ලබන්නකි. එසේ බලන කල යම් යුගයක ලියන ඉතිහාසයකින් ඊට විෂය වන යුගයට වඩා එය ලියැවෙන යුගය පිළිබිඹු කරතැයි කිවහැකිය. එනම් මහාවංසයට පදනම් වූ යුගයට වඩා මහානාම හිමි දවස සමාජ දේශපාලන කතිකාව ඉන් පිළිබිඹු වෙතැයි කීම නිවැරදිය.

මෙරට මෑත ඉතිහාසය යනු 1505 ඇරඹෙන යටත් විජිත සමය සහ පශ්චාත් යටත් විජිත සමයයි. සියවස් කීපයක බටහිර ආක්‍රමණවලින් පසු 1948 අප ලද්දේ ද පූර්ණ නිදහසක් නොව බ්‍රිතාන්‍ය රැජිනගේ කිරීටය යටතේ පාලනය වන ඩොමීනියන් නිදහසකි. 1972 දී ලංකාව ජනරජයක් වුවද නොබෝ කලකින්ම උතුරු නැගෙනහිර ත්‍රස්ත ග්‍රහණයට නතු විය. විජිතවාදීන්ගේ විවිධ හිරිහැර සහ පාලන උපක්‍රම නිසා රටේ අධිරාජ්‍ය ගැති පිරිසක් බිහිවිය. ජාතීන් අතර අසමගිය ඇති විය. මැකෝලි ස්වාමිගේ නිර්දේශයට අනුගතව යටත් විජිත වාසීන්ට ලබාදුන්නේ ලෙයින් මසින් පමණක් ස්වදේශික වුවත් සිතුම් පැතුම්වලින් සුද්දන් බිහි කරන අධ්‍යාපනයකි. හිරු නොබසින අධිරාජ්‍ය පවත්වාගෙන යාමට අවශ්‍ය සුවච කීකරු හීලෑ ලිපිකරුවන් පිරිසක් බිහි කර ගැනීම ඒ අධ්‍යාපන ක්‍රමයේ එකම අරමුණ විය. ජී.සී.මෙන්ඩිස්, තෙන්නකෝන් විමලානන්ද, ගනනාථ ඔබේසේකර ආදී ඉතිහාසඥයන් බිහිවන්නේ මෙකී යටත්විජිත මානසිකත්වය රජයන සමාජ දේශපාලන තිඹිරිගෙයකිනි. එකල සමාජ විඥානය අරා පැතිර පැවැතියේ අධිරාජ්‍ය ගැති බව, හීනමානය, අතීතකාමය ඈ ගනඳුරු පටලය, එහෙයින් එම සමාජ තතු ඉතිහාසඥයන්ගේ ‍ලේඛනවලින් පිළිබිඹුවීම අරුමයක් නොවේ.

ගුණදාස අමරසේකර මහතා 1988 කාලය සඟරාවට ලියූ “අපේ ඉතිහාසය නැවත ලිවිය යුතුයි“ නමැති ලිපිය මගින් පෙන්වා දෙන බටහිර ගැති, අතීතකාමී, ජාති ගැති සහ කිසිදු දෘෂ්ටියක් නොමැති ඉතිහාසඥයන් බිහිවන්නේ මෙකී සමාජ දේශපාලන පසුබිමෙහිය. සෙසු අධිරාජ්‍ය විරෝධී උගතුන් සිය චින්තන සම්ප්‍රදාය සොයා යනු වෙනුවට කළේ මාක්ස්වාදය වැළඳ ගැනීමය. ඉඟුරු දී මිරිස් ගත්තාට වැඩි සෙතක් ඉන් සිදු වී නැති බව එදා කෙසේ වුවද අද පැහැදිලි වී තිබේ. එහෙයින් මෙවන් යුගයක රචිත ඉතිහාසයක් කියවීමෙන් එහි ඇති ව්‍යාධීන්ද අඩු නැතිව අවිඥානිකවම සමාජගත වන බව නොකිවමනාය.

1987 ප්‍රකට ඉතිහාසඥයකු වන එච්.ජී. චාල්ස් මහතා ලියූ ලිපියක ඔහු මේ කරුණ ඉස්මතු කරයි. “ ඇඹුල් මිදි කෑ පියවරුන්ගේ දරුවන් මෙන් වත්මන් පරපුරේ ඉතිහාසඥයන් අතින් අපගේ ඉතිහාසය විකෘති වීමේ අනිටු විපාක අද ජීවත් වන පරම්පරාව හොඳ හැටි විඳිති. ඒ නිසා අද ඔවුනට ජාත්‍යානුරාගය, දේශවාත්සල්‍යය, ජාතික චින්තනය, ජාතික අනන්‍යතාව යන වදන් පවා අරුත්සුන් හිස් මනස්ගාත බවට පත්ව තිබේ.” චාල්ස් මහතාගේ මේ ප්‍රකාශය සත්‍ය බැව් යුගයේ විශිෂ්ටතම ඉතිහාසඥයා වන ජී.සී. මෙන්ඩිස් මහතාගේ ලිපි‍ලේඛනවලින් පැහැදිලි වෙයි. ඔහු විසින් රචිතCeylon Today and Yesterday නම් කෘතියේ මෙරට සිංහල දෙම ප්‍රශ්නයක් ඇතිවීමෙහිලා බ්‍රිතාන්‍යයන්ගේ බෙදාවෙන් කර පාලනය කිරීමේ උපක්‍රම බලපෑ ආකාරය ඉස්මතු නොකරයි. එය කියවන කල සිතට නැගෙන්නේ සිංහල, දෙමළ ජනතාව ඉතිහාසයේ ආරම්භයේ පටන් නයි ‍පොළඟුන් ලෙස ජීවත් වූ බවකි. 1956 සිදු වූයේ ගමේ සඟුන්, වෙදුන්, ඉස්කෝ‍ලේ මහත්වරු රටේ බලය කොල්ලකෑමය. එමෙන්ම ලංකාව ශිෂ්ටාචාරගත කළේ වසර 5000 පෙර තමන් යැයි ද්‍රවිඩ ජනතාව විශ්වාස කළ බවත් එහෙයින් ඔවුන් සිංහලයන්ගේ ආධිපත්‍යය පිළිගැනීමට අකමැති වූ බවත් ඔහු පවසයි. එහෙත් ඉතිහාසඥයාගේ කාර්යභාරය එකිනෙකාගේ ඇදහිලි විශ්වාස පුනරුච්චාරණයෙන් එහාට ගිය කාර්යයක් බව ඔහු අමතක කර තිබේ.

මේ රෝගී ඉතිහාසය සහ මාක්ස්වාදය ඇසුරේ වැඩුණු බෙදුම්වාදය වෙනුවෙන් පෙනී සිටි පිරිසක් උපක්‍රමශීලී ලෙස මෙරට ඉතිහාසය විකෘති කරන්නට වූහ. මේ ඊනියා විද්වත්හු විවිධ නොරාජ්‍ය සංවිධානවල ආශිර්වාදය ඇතිව රටේ ඉතිහාසය බලය බෙදීම, ස්වයං තිර්ණය අයිතිය, ෆෙඩරල්වාදය, ඊළාම් රාජ්‍යය ආදී අරමුණුවලට සමපාත වනසේ විකෘති කළහ. මෙරට චිරාත් කාලයක් පැවැතියේ නූතන ෆෙඩරල් ක්‍රමයට සමාන ක්‍රමයක් බවත්, ඒකීය රාජ්‍ය පැවතියේ කෙටි කලක් බවත් උතුරේ ශක්තිමත් ස්වාධීන දෙමළ රාජ්‍යයක් ඉතිහාසය පුරා පැවැති බවත් ඉතිහාසය නොදත් පිරිස් අතර ක්‍රමයෙන් ව්‍යාප්ත කළෝ මොවුහුය.

මෙහි ප්‍රතිඵලය ලෙස තිස්වසරක ත්‍රස්තවාදයකට මුහුණ දී සුවිශාල ජීවිත දේපළ විනාශයකින් වන්දි ගෙවීමට රටට සිදුවිය. එමෙන්ම අක්මුල් සිඳුණු හීනදීන පරපුරක් බිහි විය. මෙසේ සමස්ත සමාජ දේහයම ඕජස් ගලන මහා ඤාපයක් වීමට එක් හේතුවක් වූයේ රෝගී ඉතිහාසයක් සමාජගත වීමය.

කෙසේ වුවද 2009 මැයි ත්‍රස්තවාදය මුලිනුපුටා දමා එක්සේසත් කළ ලංකාව අපි අද ජීවත් වන්නෙමු. නිදහසේ නව ලෝකය දකින පරපුරකට නේක විසාදිවලින් ආසාධිත ඉතිහාසයක් ඉගැන්විය යුතු නැත. එහෙයින් නිවහල් ඒකීය රටේ වර්තමාන දේශපාලන පරිසරය තුළ ඉතිහාසය නැවත ලියැවිය යුතුය. නූතන නිවහල් සමාජ විඥානය, නිවැරදි ඉතිහාසය ‍ලේඛනගත කරනට කදිම ආලෝක දහරාවක් වනු ඇත. එවිට ඒ ඉතිහාසය ඔස්සේ ඉතිහාසය ‍ලේඛනගත වූ යුගයේ නිරෝගී සමාජ දේශපාලන දේහයද පිළිබිඹු වනු ඇත. එය අනාගත ඒකීය ලංකා රාජ්‍ය සඳහා අවශ්‍ය දේශපාලන පදනම සකසනු ඇත. මෙකී ස්වර්ණමය අවස්ථාව ජාතියේ චිරස්ථිතිය පිණිස භාවිත කළ හැක්කේ පරගැතිකම මෙන්ම ජාතිගැතිකමද පරාජය කිරීමෙනි. “කිසියම් ජාතියක් නිවහල් දෘෂ්ටියක් ලබන්නේ ඒ ජාතිය අදීන මනසකින්, ජාතික චින්තනයකින් උපලක්ෂිතව ඇත්නම් පමණි. විජාතික මනසකින් යුතු, ජාතික චින්තනයක් නොමැති අනුකාරක පිරිසකට නිවහල් දෘෂ්ටියක් ලබාගත නොහැක. ජාතික චින්තනයක් වෙනුවට ඔවුනට ප්‍රදර්ශනය කළ හැක්කේ ව්‍යාජ ජාතික කැක්කුමකි. ඒ ව්‍යාජ ජාතික කැක්කුම සිය අනන්‍යතාව, ජාතික මුහුණුවර, සාමූහික ආධ්‍යාත්මය මේ යැයි කියාපාන ජාතික චින්තනයට නෑකම් කියන්නක් නොවේ. ඊට බෙහෙවින් වෙනස් ව්‍යාජයකි.” අමරසේකරගේ ලිපියෙන් උපුටා ගත් උක්ත කොටසින් සනාථ වන්නේ එයම නොවෙද? මෙවන් සාමකාමී සමාජ දේශපාලන පසුබිමක ශ්‍රීනාත් ගනේවත්ත ‘ළමා අතට යට ගියාව‘ නම් ‍පොත් පෙළ ඔස්සේ මෙරට ඉතිහාසය නැවත සමාජගත කරනට පෙරමුණ ගැනීම වැදගත් සංසිද්ධියකි. සිංහල භාෂාවෙහි වෙසරද දැනුමැති ගනේවත්ත මහතා ඉතිහාසය විෂය පිළිබඳ උපාධිධාරියෙකි. මේ සියල්ල ඉක්මවා යන නිවහල් අදීන මනසක් ඇත්තෙකි.

සිංහලයේ ආරම්භකයා ලෙස සැලකෙන පණ්ඩුකාභය කතා පුවතින් කතා පෙළ ඇරඹෙයි. පණ්ඩුකාභය කුමරුට මවගේ පාර්ශ්වයෙන් ඇත්තේ භාරතීය නෑකමකි. ඔහුගේ පියා දේශීය ජන කණ්ඩායම් සමග සමීප සබඳතා ගොඩනගා ගෙන තිබිණි. පණ්ඩුකාභය හැදී වැඩුනේ දොරමඩලාවේ දේශීය ගෝත්‍ර අතරය. ඔහු ශිල්ප උගත්තේ දකුණේ පිහිටි පණ්ඩු නම් ගමේ පණ්ඩුල බමුණා යටතේය. අභය නම් ඔහු පණ්ඩුකාභය වූයේ මේ සබඳතාව මතය. ඔහුගේ පුරෝහිත වූයේ ඒ බමුණාගේ පුත් චන්ද්‍රය. එමෙන්ම පණ්ඩුකාභය දවස මෙරට රෑ රජකම හිමිවූයේ චිත්තරාජ නම් යක් ගෝත්‍රික තරුණයාටය. මෙසේ සංක්‍රමණික ආර්ය පිරිස් සහ දේශීය ගෝත්‍ර එකම කොඩියක් යටතට ගෙන මෙරට ජාතික රාජ්‍ය ගොඩනැගීමේ පුවතින් ඇරඹෙන කතන්දරය, මිහිඳු සමිඳු වැඩම කිරීම, සිරි මා බෝ රැගෙන ඒම, ගැමුණු කුමරු, ලක්දිව එක්සේසත් කිරීම සහ මහා සෑය ගොඩ නැගීම ඔස්සේ ගලා එයි.

සැබවින්ම මේ වූකලීි හුදු කතන්දරයක් නොව සිංහල රාජ්‍යය සහ සිංහල බෞද්ධ ශිෂ්ටාචාරය ගොඩනැගීමේ කතන්දරය බව ඉතාම පැහැදිළිය. එය මෙරට මුල් බැස ඇති සිංහල බෞද්ධ සංස්කෘතියේ උත්පත්ති කතන්දරයයි. රටේ බහුතර ජනතාවගේ අතීත පුවතයි. එකී ඉතිහාසය කුඩා කලම ළමයින්ට කියාදීම අත්‍යවශ්‍ය වෙයි. හැරී ‍පොටර්, සුපර් මෑන් වැනි වීරයින් වෙනුවට දුටුගැමුණු, වේළුසුමන, සිරිසඟබෝ, මද්දුම බණ්ඩාර, අනගාරික ධර්මපාල වැනි වීරයින් අපේ ළමා පරපුරට හඳුන්වාදීම වැදගත්ය. අපට අභිමානවත් නිවහල් අනාගත පරපුරක් බලා‍පොරොත්තු විය හැක්කේ ඒ ඔස්සේ පමණි.

කුමාරතුංග මුනිදාස මහතාගේ හීන් සැරය, හත්පන වැනි කෘතිවලින් ද ගනේවත්තයන්ට මේ කතා පෙළ ඉදිරියට ලියා ගෙන යාමේදී යම් යම් දේ උගත හැකිය. ළමා මනසට ඔබින පරිදි බසට පණ පිහිටුවා ලිවීමට හේ ගජ හපනෙකි. එමෙන්ම මාරි මියුසියස් හිඟින්ස් සිය Stories From The History of Ceylon කෘතිවල කතන්දර ෙශෙලීයද ඉතාම රමණීය වෙයි.

ඉතිහාසය උගත යුත්තේ අනාගතය සැලසුම් කිරීම සඳහාය. අපේ ඉතිහාස ‍ලේඛන විවිධ උවදුරුවලින් හැඩ වී ඇති බව පෙර සඳහන් කළෙමු. එහෙයින් දැන් අප කළ යුත්තේ ඒ වර්තමාන සාමකාමී දේශපාලන මොහොත උපරිමයෙන් ප්‍රයෝජනයට ගෙන ඉතිහාස සම්ප්‍රදාය මත පිහිටා එය සමතික්‍රමණය කිරීමය. නිරෝගී ඉතිහාසයක් ලිවීමය. එය සමාජගත කිරීමය. මේ වූ කලී එතරම් පහසු ඉලක්කයක් නොවන බව “ඕනෑම පුද්ගලයකුට ඉතිහාසය නිර්මාණය කළ හැකිය. එහෙත් ඉතිහාසය ලිවිය හැක්කේ ප්‍රාඥයෙකුට පමණි Anybody can make history. Only a great man can Write it. යන ඔස්කා වයිල්ඩ්ගේ ප්‍රකාශයෙන් පැහැදිලි වේ. වයිල්ඩ්ට අනුව ඉතිහාසය ලිවීම වීරයකු වනවාට වඩා අපහසු දෙයකි. ගනේවත්තයන්ගේ උත්සාහය ඒ සඳහා නිවැරදි මග පෙන්වීමකි.

-නාමල් උඩලමත්ත
යුතුකම සංවාද කවය
www.yuthukama.com

HTML tutorial

Labels

"බිල්ලො ඇවිත්" - යුතුකම සම්මන්ත්‍රණය ගම්පහ -ලසන්ත වික්‍රමසිංහ 1505 2005 සහ 2015 2009 විජයග්‍රහණය 2015 BBS Budget ETCA GENEVA NGO NJC Operation Double Edge Political S. අකුරුගොඩ SITP cepaepa ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

ලිපි ලියූවෝ

Copyrights © 2014 www.yuthukama.com Designed By : THISAK Solutions