ප්‍රතිපත්තිගරුක ස්ථාවර ආණ්ඩුවක් උදෙසා නොපමාව මහ මැතිවරණයක් පවත්වන්න
මහ මැතිවරණයක් උදෙසා වූ ජනතා ව්‍යාපාරයේ මාධ්‍ය හමුව
රටේ ස්ථාවර භාවය ඇති කොට ප්‍රතිපත්තිගරුක දේශපාලනඥයන් පිරිසක් සහිත ස්ථාවර ආණ්ඩුවක් බිහි කර ගැනීම සඳහා අනිවාර්යයෙන්ම මහ මැතිවරණයකට යා යුතු බව ඇල්ලේ ගුණවංශ හිමියෝ අවධාරණය කළහ.
මේ දිනවල රටේ ඒකීයභාවය පිළිබඳව කතා කිරීමට කිසිවෙක් හෝ ඉදිරිපත් නොවන බවත් අද වන විට බලය වෙන්දේසියේ දමා ඇති බවත් ගුණවංශ හිමියෝ සඳහන් කළහ.
එමෙන්ම රට දෙකඩ කිරීමට උත්සාහ දරන චරිත පාර්ලිමේන්තුවේ හිටපු සභානායකවරයාට විධාන දෙන මට්ටමට පත්වී සිටීම කනගාටුවට කරුණක් බවද උන්වහන්සේ පෙන්වා දුන්නා.
යුතුකම සංවාද කවයේ මැදිහත් වීමෙන් ආරම්භ කරන ලද 'මහ මැතිවරණයක් උදෙසා වූ ජනතා ව්‍යාපාරය' විසින් කැඳවා තිබූ මාධ්‍ය හමුවට එක්වෙමින් ඊයේ (25දා) තුම්මුල්ල සම්බුද්ධත්ව ජයන්ති මන්දිරයේදී උන්වහන්සේ මේ බව පැවැසූහ.
මෙහිදී වැඩිදුරටත් අදහස් දැක්වූ ගුණවංශ හිමි,
මහ මැතිවරණයක් අවශ්‍යයි කියන හඬ දැන් රට තුළ මතුවෙමින් පවතිනවා. මහ මැතිවරණයක් අවශ්‍ය වෙලා තිබෙන්නේ මහජනතාවගේ බලය තුළින් මේ රට ස්ථාවර රටක් බවට පත්කර ගැනීමටයි. දේශපාලන පක්ෂවල ගැටුම්, ප්‍රශ්න, ඔවුන්ගේ පව් රටේ ජනතාව පිට පටවන්න එපා කියන පණිවුඩය අපිට දෙන්න සිදුවෙලා තිබෙනවා.
එළැඹෙන 7 වැනිදාට අධිකරණ තීන්දුවක් තියෙනවා. අපිට කනගාටුවක් තියෙනවා යම් යම් දේශපාලනඥයෝ මේ අධිකරණ තීන්දුව ගැනත් කතා කරනවා. මේ රටේ අපිට විශ්වාසය තියන්න පුළුවන් එකම තැන අධිකරණය පමණයි. අවිචාරවත්ව කතා කරලා යම් යම් දේශපාලන කොටස් කරන ප්‍රකාශවලින් මේ රටේ අධිකරණය පිළිබඳව සැකයක් ඇති කරන්න හදන්නේ. අදටත් අපිට විශ්වාසයක් ඇතිව යන්න පුළුවන් එක සත්‍යයේ සහ යුක්තියේ දෙවොල වෙන්නේ අධිකරණය. දේශපාලනඥයෝ මේකත් නැති කරන්න හදනවා නම් අපිට කාගේ පිහිටක්ද?
මේ රටේ ස්ථාවරභාවය ඇති කර ගැනීම සඳහා අනිවාර්යයෙන්ම ඡන්දයක් අවශ්‍යයි. නමුත් ඡන්දය ලබා දෙන්නේ කුමකටද කියන ප්‍රශ්නය මේ රටේ ජනතාව ඉදිරියේ තිබෙනවා. මේ රටේ තිබෙන ප්‍රශ්නවලට විසඳුම් ඔවුන්ගේ ප්‍රතිපත්ති ප්‍රකාශනවලින් ලබාදිය යුතුයි කියලා අපි අවධාරණය කරනවා.
මේ දිනවල රටේ ඒකීයභාවය ගැන කවුරුත් කතා කරන්නේ නැහැ. දැන් කතා කරන්නේ බලය පිළිබඳව. මුලින්ම රට වෙන්දේසියේ දාලා තිබුණා. ඊට පස්සේ ජාතික සම්පත් වෙන්දේසියේ දාලා තිබුණා. දැන් බලය වෙන්දේසියේ දාපු යුගයේ අපි ඉන්නේ.
අපේ රටට චරිතවත්, ප්‍රතිපත්ති ගරුක දේශපාලනඥයන් පිරිසක් හදාගත යුතුව තිබෙනවා. ඒ වෙනුවෙන් අපි කිසියම් ජාතික න්‍යාය පත්‍රයක් මේ රටේ ඉදිරියේ තබනවා. ඒ න්‍යාය පත්‍රය පිළිගන්න පිරිසක් බලයට පත් කළ යුතුව තිබෙනවා.
දේශපාලනඥයෝ කරන්නේ මහා පව්කාර වැඩක්. මේ රටේ සමහර මිනිස්සු තුන්වේල කාලා නෙවෙයි ජීවත් වෙන්නේ. එහෙම තත්ත්වයක් තියෙද්දී දේශපාලනඥයන්ගේ යුතුකමක් තියෙනවා ඔවුන්ගේ මැච් එකේ පන්දුව බවට ජනතාව පත් කරගන්නේ නැතිව ඉතා ඉක්මනින් මේ රටේ සමඟිය ඇති කරලා ස්ථාවර ආණ්ඩුවක් බිහි කරන්න කටයුතු කරන එක. මැතිවරණයක් ඉතා ඉක්මනින් අවශ්‍ය යැයි කියන එක අපි පැහැදිලිව රටට කියනවා.
අන්‍යාගමික දේශපාලන කොටස් වගේම එක්සත් ජාතික පක්ෂය පසුගිය කාලය තුළ දිගින් දිගටම ස්වාමීන් වහන්සේව විවේචනය කළා. ප්‍රතිපත්තියක් හැටියට අපි සූදානම් වෙලා ඉන්නවා ඒ විදියට ස්වාමීන් වහන්සේව විවේචනය කරපු අයව පරාජය කරන්න. මොන පක්ෂයෙන් ආවත් අපි ඔවුන්ව පරාජය කරනවා.
රණසිංහ ප්‍රේමදාස වගේ සදාචාරය රැකපු නායකයන් හිටපු පක්ෂයක් තමයි එක්සත් ජාතික පක්ෂය කියන්නේ. අද ඔවුන් සාදාචාරය රකින්නේ නැහැ. අවංක බුද්ධිමත් චරිත අද දේශපාලනයට අවශ්‍යයි. නොකිලිටි චරිත කරුණාකරලා මේ රටේ ඉදිරියට එන්න. ඇවිල්ලා මේ රට භාරගන්න. අපි ඒ කඳවුරට උදවු කරනවා කියන පණිවුඩය අපි ලබා දෙනවා.
යුතුකම සංවාද කවයේ සභාපති ගෙවිඳු කුමාරතුංග
මේ රට දැන් පත්වෙලා තිබෙන අර්බුදයට එකම විසඳුම මහ මැතිවරණයක් පැවැත්වීම. මේ පාර්ලිමේන්තුවට තවදුරටත් ජනවරමක් නැහැ. 2015 ජනවරමත් දැන් අහෝසි වෙලා ඉවරයි. 2015 ජනවරම තිබුණේ ජාතික ආණ්ඩුවකට. ජාතික ආණ්ඩුවෙන් එක පාර්ශ්වයක් ඉවත් වුණාම ඒ ජනවරම අහෝසියි. ඒ වගේම දැන් පත් වෙලා තිබෙන ආණ්ඩුව ඉදිරියට ගෙනියන්න කවුරුහරි කටයුතු කරනවා නම් අපි එයට එකඟ නැහැ. මේ රටේ ආණ්ඩුවක් කිරීම සඳහා මේ පක්ෂ දෙකටම කිසිම ජනවරමක් නැහැ. බහුතරය පිළිබඳ කතාව සම්පූර්ණයෙන්ම මුළාවක්. ජනතාව මේ පක්ෂ දෙකටම ජන වරමක් නොදී තිබෙද්දී බහුතරයට කන්දෙන්න කියන එක විහිළුවක්. ඒ නිසා අනිවාර්යයෙන්ම මහ මැතිවරණයකට යා යුතුයි.
මේ පාර්ලිමේන්තුව සම්මත කරන පනත් හෝ නීති පිළිගන්න මේ රටේ ජනතාව ලෑස්තිද කියන ප්‍රශ්නය තිබෙනවා. පසුගිය දිනවල පාර්ලිමේන්තුවේ වුණු සිදුවීම් දැක්කාට පස්සේ මේ පාර්ලිමේන්තුව සම්මත කරන පනත් මේ රටේ ජනතාව පිළිගන්න ඕනිද කියලා අපි අහනවා.
අපේ ඉල්ලීම තමයි කරුණාකරලා පාර්ලිමේන්තුව විසුරුවා හරින්න. ශිෂ්ටත්වයේ අබ මල් රේණුවක තරම්වත් හැඟීමක් තියෙනවා නම් කරුණාකරලා පාර්ලිමේන්තුව විසුරුවලා ජනතාව ඉදිරියට යන්න.
හැම පක්ෂයකම අයට අපි කියනවා ප්‍රශ්නය තිබෙන්නේ නම් රටේ ව්‍යවස්ථාදායකයේ 19 වැනි ව්‍යවස්ථාව සම්පූර්ණයෙන්ම අවුලක් වෙලා තිබෙන කොට, රටේ අණපනත් ගැන සම්පූර්ණයෙන්ම විශ්වාසය පලුදු වෙලා තියෙන කොට, කථානායකවරයා මෙ අවස්ථාවේදී නම් ක්‍රියා කරන්නේ රනිල්ගේ පියන් කෙනෙක් හැටියට. ඒ තැනට පාර්ලිමේන්තුව පත් කරලා තියෙන කොට වෙනත් ඡන්ද තියලා වැඩක් නැහැ. අනිවාර්යයෙන්ම මහ මැතිවරණයකට යා යුතුයි.
ඒ වගේම තමයි අපි කියනවා ඉදිරි මැතිවරණයේදී පරාජිතයන්ට ජාතික ලැයිස්තුවෙන් මන්ත්‍රිකම් දෙන්න එපා කියන කාරණය විතරක් නෙවෙයි කිසිම පක්ෂයක ආසන සංවිධායකවරයකුවත් ජාතික ලැයිස්තුවෙන් නම් කරන්න එපා කියලා අපි කියනවා.
මහ මැතිවරණයක් සඳහා වූ ජනතා ව්‍යාපාරයේ කැඳවුම්කරු සහ යුතුකම සංවාද කවයේ උප සභාපති අනුප පැස්කුවල්
හිටපු එජාප ආණ්ඩුවටත් දැන් බිහිවෙලා ඉන්න ආණ්ඩුවටත් පැහැදිලි බහුතරයක් නැති බව අපිට පේන්න තිබෙනවා. මේක ප්‍රධාන වශයෙන්ම බලපාන්නේ රටේ ජනතාවට. පැහැදිලි බහුතරයක් නැති වුණාම සිද්ධ වෙන්නේ බෙදුම්වාදී අරමුණු තිබෙන දෙමළ ජාතික සන්ධානය වැනි පක්ෂ සමඟ සන්ධානගත වෙමින් ආණ්ඩු බිහි කරන්න. දැන් එක්සත් ජාතික පක්ෂයට බහුතරයක් තිබෙනවා කියලා කිව්වත් එම අශුද්ධ සන්ධානය තුළ තිබෙන්නේ දෙමළ ජාතික සන්ධානය වැනි විරුද්ධ පක්ෂය නියෝජනය කරන රටට අහිතකර අරමුණු සහිත පක්ෂ සමඟ රජයක් ගොඩනැඟීම තමයි ඔවුන් ප්‍රකාශ කරන්නේ.
උදයන්ති මුණසිංහ [mawbima]
මහ මැතිවරණයක් උදෙසා වූ ජනතා ව්‍යාපාරයේ මාධ්‍ය හමුව
රටේ ස්ථාවර භාවය ඇති කොට ප්‍රතිපත්තිගරුක දේශපාලනඥයන් පිරිසක් සහිත ස්ථාවර ආණ්ඩුවක් බිහි කර ගැනීම සඳහා අනිවාර්යයෙන්ම මහ මැතිවරණයකට යා යුතු බව ඇල්ලේ ගුණවංශ හිමියෝ අවධාරණය කළහ.
මේ දිනවල රටේ ඒකීයභාවය පිළිබඳව කතා කිරීමට කිසිවෙක් හෝ ඉදිරිපත් නොවන බවත් අද වන විට බලය වෙන්දේසියේ දමා ඇති බවත් ගුණවංශ හිමියෝ සඳහන් කළහ.
එමෙන්ම රට දෙකඩ කිරීමට උත්සාහ දරන චරිත පාර්ලිමේන්තුවේ හිටපු සභානායකවරයාට විධාන දෙන මට්ටමට පත්වී සිටීම කනගාටුවට කරුණක් බවද උන්වහන්සේ පෙන්වා දුන්නා.
යුතුකම සංවාද කවයේ මැදිහත් වීමෙන් ආරම්භ කරන ලද 'මහ මැතිවරණයක් උදෙසා වූ ජනතා ව්‍යාපාරය' විසින් කැඳවා තිබූ මාධ්‍ය හමුවට එක්වෙමින් ඊයේ (25දා) තුම්මුල්ල සම්බුද්ධත්ව ජයන්ති මන්දිරයේදී උන්වහන්සේ මේ බව පැවැසූහ.
මෙහිදී වැඩිදුරටත් අදහස් දැක්වූ ගුණවංශ හිමි,
මහ මැතිවරණයක් අවශ්‍යයි කියන හඬ දැන් රට තුළ මතුවෙමින් පවතිනවා. මහ මැතිවරණයක් අවශ්‍ය වෙලා තිබෙන්නේ මහජනතාවගේ බලය තුළින් මේ රට ස්ථාවර රටක් බවට පත්කර ගැනීමටයි. දේශපාලන පක්ෂවල ගැටුම්, ප්‍රශ්න, ඔවුන්ගේ පව් රටේ ජනතාව පිට පටවන්න එපා කියන පණිවුඩය අපිට දෙන්න සිදුවෙලා තිබෙනවා.
එළැඹෙන 7 වැනිදාට අධිකරණ තීන්දුවක් තියෙනවා. අපිට කනගාටුවක් තියෙනවා යම් යම් දේශපාලනඥයෝ මේ අධිකරණ තීන්දුව ගැනත් කතා කරනවා. මේ රටේ අපිට විශ්වාසය තියන්න පුළුවන් එකම තැන අධිකරණය පමණයි. අවිචාරවත්ව කතා කරලා යම් යම් දේශපාලන කොටස් කරන ප්‍රකාශවලින් මේ රටේ අධිකරණය පිළිබඳව සැකයක් ඇති කරන්න හදන්නේ. අදටත් අපිට විශ්වාසයක් ඇතිව යන්න පුළුවන් එක සත්‍යයේ සහ යුක්තියේ දෙවොල වෙන්නේ අධිකරණය. දේශපාලනඥයෝ මේකත් නැති කරන්න හදනවා නම් අපිට කාගේ පිහිටක්ද?
මේ රටේ ස්ථාවරභාවය ඇති කර ගැනීම සඳහා අනිවාර්යයෙන්ම ඡන්දයක් අවශ්‍යයි. නමුත් ඡන්දය ලබා දෙන්නේ කුමකටද කියන ප්‍රශ්නය මේ රටේ ජනතාව ඉදිරියේ තිබෙනවා. මේ රටේ තිබෙන ප්‍රශ්නවලට විසඳුම් ඔවුන්ගේ ප්‍රතිපත්ති ප්‍රකාශනවලින් ලබාදිය යුතුයි කියලා අපි අවධාරණය කරනවා.
මේ දිනවල රටේ ඒකීයභාවය ගැන කවුරුත් කතා කරන්නේ නැහැ. දැන් කතා කරන්නේ බලය පිළිබඳව. මුලින්ම රට වෙන්දේසියේ දාලා තිබුණා. ඊට පස්සේ ජාතික සම්පත් වෙන්දේසියේ දාලා තිබුණා. දැන් බලය වෙන්දේසියේ දාපු යුගයේ අපි ඉන්නේ.
අපේ රටට චරිතවත්, ප්‍රතිපත්ති ගරුක දේශපාලනඥයන් පිරිසක් හදාගත යුතුව තිබෙනවා. ඒ වෙනුවෙන් අපි කිසියම් ජාතික න්‍යාය පත්‍රයක් මේ රටේ ඉදිරියේ තබනවා. ඒ න්‍යාය පත්‍රය පිළිගන්න පිරිසක් බලයට පත් කළ යුතුව තිබෙනවා.
දේශපාලනඥයෝ කරන්නේ මහා පව්කාර වැඩක්. මේ රටේ සමහර මිනිස්සු තුන්වේල කාලා නෙවෙයි ජීවත් වෙන්නේ. එහෙම තත්ත්වයක් තියෙද්දී දේශපාලනඥයන්ගේ යුතුකමක් තියෙනවා ඔවුන්ගේ මැච් එකේ පන්දුව බවට ජනතාව පත් කරගන්නේ නැතිව ඉතා ඉක්මනින් මේ රටේ සමඟිය ඇති කරලා ස්ථාවර ආණ්ඩුවක් බිහි කරන්න කටයුතු කරන එක. මැතිවරණයක් ඉතා ඉක්මනින් අවශ්‍ය යැයි කියන එක අපි පැහැදිලිව රටට කියනවා.
අන්‍යාගමික දේශපාලන කොටස් වගේම එක්සත් ජාතික පක්ෂය පසුගිය කාලය තුළ දිගින් දිගටම ස්වාමීන් වහන්සේව විවේචනය කළා. ප්‍රතිපත්තියක් හැටියට අපි සූදානම් වෙලා ඉන්නවා ඒ විදියට ස්වාමීන් වහන්සේව විවේචනය කරපු අයව පරාජය කරන්න. මොන පක්ෂයෙන් ආවත් අපි ඔවුන්ව පරාජය කරනවා.
රණසිංහ ප්‍රේමදාස වගේ සදාචාරය රැකපු නායකයන් හිටපු පක්ෂයක් තමයි එක්සත් ජාතික පක්ෂය කියන්නේ. අද ඔවුන් සාදාචාරය රකින්නේ නැහැ. අවංක බුද්ධිමත් චරිත අද දේශපාලනයට අවශ්‍යයි. නොකිලිටි චරිත කරුණාකරලා මේ රටේ ඉදිරියට එන්න. ඇවිල්ලා මේ රට භාරගන්න. අපි ඒ කඳවුරට උදවු කරනවා කියන පණිවුඩය අපි ලබා දෙනවා.
යුතුකම සංවාද කවයේ සභාපති ගෙවිඳු කුමාරතුංග
මේ රට දැන් පත්වෙලා තිබෙන අර්බුදයට එකම විසඳුම මහ මැතිවරණයක් පැවැත්වීම. මේ පාර්ලිමේන්තුවට තවදුරටත් ජනවරමක් නැහැ. 2015 ජනවරමත් දැන් අහෝසි වෙලා ඉවරයි. 2015 ජනවරම තිබුණේ ජාතික ආණ්ඩුවකට. ජාතික ආණ්ඩුවෙන් එක පාර්ශ්වයක් ඉවත් වුණාම ඒ ජනවරම අහෝසියි. ඒ වගේම දැන් පත් වෙලා තිබෙන ආණ්ඩුව ඉදිරියට ගෙනියන්න කවුරුහරි කටයුතු කරනවා නම් අපි එයට එකඟ නැහැ. මේ රටේ ආණ්ඩුවක් කිරීම සඳහා මේ පක්ෂ දෙකටම කිසිම ජනවරමක් නැහැ. බහුතරය පිළිබඳ කතාව සම්පූර්ණයෙන්ම මුළාවක්. ජනතාව මේ පක්ෂ දෙකටම ජන වරමක් නොදී තිබෙද්දී බහුතරයට කන්දෙන්න කියන එක විහිළුවක්. ඒ නිසා අනිවාර්යයෙන්ම මහ මැතිවරණයකට යා යුතුයි.
මේ පාර්ලිමේන්තුව සම්මත කරන පනත් හෝ නීති පිළිගන්න මේ රටේ ජනතාව ලෑස්තිද කියන ප්‍රශ්නය තිබෙනවා. පසුගිය දිනවල පාර්ලිමේන්තුවේ වුණු සිදුවීම් දැක්කාට පස්සේ මේ පාර්ලිමේන්තුව සම්මත කරන පනත් මේ රටේ ජනතාව පිළිගන්න ඕනිද කියලා අපි අහනවා.
අපේ ඉල්ලීම තමයි කරුණාකරලා පාර්ලිමේන්තුව විසුරුවා හරින්න. ශිෂ්ටත්වයේ අබ මල් රේණුවක තරම්වත් හැඟීමක් තියෙනවා නම් කරුණාකරලා පාර්ලිමේන්තුව විසුරුවලා ජනතාව ඉදිරියට යන්න.
හැම පක්ෂයකම අයට අපි කියනවා ප්‍රශ්නය තිබෙන්නේ නම් රටේ ව්‍යවස්ථාදායකයේ 19 වැනි ව්‍යවස්ථාව සම්පූර්ණයෙන්ම අවුලක් වෙලා තිබෙන කොට, රටේ අණපනත් ගැන සම්පූර්ණයෙන්ම විශ්වාසය පලුදු වෙලා තියෙන කොට, කථානායකවරයා මෙ අවස්ථාවේදී නම් ක්‍රියා කරන්නේ රනිල්ගේ පියන් කෙනෙක් හැටියට. ඒ තැනට පාර්ලිමේන්තුව පත් කරලා තියෙන කොට වෙනත් ඡන්ද තියලා වැඩක් නැහැ. අනිවාර්යයෙන්ම මහ මැතිවරණයකට යා යුතුයි.
ඒ වගේම තමයි අපි කියනවා ඉදිරි මැතිවරණයේදී පරාජිතයන්ට ජාතික ලැයිස්තුවෙන් මන්ත්‍රිකම් දෙන්න එපා කියන කාරණය විතරක් නෙවෙයි කිසිම පක්ෂයක ආසන සංවිධායකවරයකුවත් ජාතික ලැයිස්තුවෙන් නම් කරන්න එපා කියලා අපි කියනවා.
මහ මැතිවරණයක් සඳහා වූ ජනතා ව්‍යාපාරයේ කැඳවුම්කරු සහ යුතුකම සංවාද කවයේ උප සභාපති අනුප පැස්කුවල්
හිටපු එජාප ආණ්ඩුවටත් දැන් බිහිවෙලා ඉන්න ආණ්ඩුවටත් පැහැදිලි බහුතරයක් නැති බව අපිට පේන්න තිබෙනවා. මේක ප්‍රධාන වශයෙන්ම බලපාන්නේ රටේ ජනතාවට. පැහැදිලි බහුතරයක් නැති වුණාම සිද්ධ වෙන්නේ බෙදුම්වාදී අරමුණු තිබෙන දෙමළ ජාතික සන්ධානය වැනි පක්ෂ සමඟ සන්ධානගත වෙමින් ආණ්ඩු බිහි කරන්න. දැන් එක්සත් ජාතික පක්ෂයට බහුතරයක් තිබෙනවා කියලා කිව්වත් එම අශුද්ධ සන්ධානය තුළ තිබෙන්නේ දෙමළ ජාතික සන්ධානය වැනි විරුද්ධ පක්ෂය නියෝජනය කරන රටට අහිතකර අරමුණු සහිත පක්ෂ සමඟ රජයක් ගොඩනැඟීම තමයි ඔවුන් ප්‍රකාශ කරන්නේ.
උදයන්ති මුණසිංහ [mawbima]
යුතුකම සංවාද කවය
www.yuthukama.com
Like us on facebook : https://www.facebook.com/yuthukama
0 comments :
ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .