3/19/2014

ආණ්ඩුව මාරු කරුමුද?

කතෘ:යුතුකම     3/19/2014   6 comments


රජයක් පෙරලා වෙනත් රජයක් පත් කර ගැනුමට වුවමනා වන්නේ එම රජයේ ක්‍රියා කලාපය අනුවය. වත්මන් රජයේ හොඳ මෙන්ම නොහොඳද ඇත. ප්‍රථමයෙන්ම අපට පෙනෙන තරමින් ඒ හොඳ හා නොහොහොඳ විමසා බලමු.

වත්මන් රජයේ නොහොඳ මොනවාද? 


  1. 1. රජය වටා උදරාර්ථය පරමාර්ථය කර ගත් බොහෝ පිරිසක් රැස් වී සිටිති. ඒ තත්වය වෙනස් කරලනු වෙනුවට ඒ අය අතින් සිදුවන අකටයුතුකම් වෙනුවෙන් කිසිදූ දඩුවමක් නොදී ඔවුන් රැක ගන්නා ආකාරයට රජය කටයුතු කරයි. ශිරාණි බණ්ඩාරනායක මහත්මියගේ සැමියා සම්බන්ධ වූ මුල්‍යය වංචාවක් ගැන වරක් ජනපතිතුමාම පැවසූයේ අපේ මිනිහෙකු නිසා වැඩේ ගොඩින් බේරගන්න උත්සාහ දැරූ බවයි. එලෙස ප්‍රකාශ කිරීම තුල ඇති බරපතල ත්ත්වය වන්නේ එලෙස කී දෙනෙකුට අදාළ වංචාවන් ගොඩින් බේරා දැමුනුදැයි අපට ඉතා සාධාරණ සැකයක් ඇතිවන බැවිනි. පොදු ජනතාව බලාපොරොත්තු වන්නේ වංචාකරුවනට දඬුවම් ලබා දීමට මිස ඒවා ගොඩින් බේරා දෙන පාලනයක් නොවන බව ජනපතිතුමා ඇතුළු රජය විසින් අමතක කර දමා ඇත.
  2. 2. යුද්දයෙන් පසු බෙදුම්වාදය මතවාදීව සහමුලින්ම පරාජය කැර දැමුමට රජය ක්‍රියා කළේ නැත. යුද්දය අවසන් වූ විගස දහතුන වන ව්‍යවස්ථා සංශෝධනය අහෝසි කර බෙදුම් වාදීනට ඇති ඉඩ ප්‍රස්ථා වසා දමමින් රට සමඟි සම්පන්න කෙරුමට කටයුතු කළ යුතුව තිබුනි. එසේ වූවා නම් බටහිරයනට පවා මෙරටට එරෙහිව ක්‍රියා කිරීමට ඇති හැකියාව හා උත්තේජනය අවම වන්නට ඉඩ තිබිනි. නමුත් යුද්ධයෙන් පසු වැලේ වැල් නැතිව සිටි බෙදුම්වාදීන් ශක්තිමත් කරමින් 'චෝගම්' සාර්ථක කර ගැනීම සඳහා හදිස්සියෙන් උතුරු පළාත් සභාව බෙදුම් වාදීන් අතට පත් කරවීම ජාතික සමඟිය සඳහා බාධාවකි.
  3. 3. රජයට පක්ෂපාතී වන ඕනෑම් දූෂිතයෙක්, මැරයෙක්, මිනී මරුවෙක් වුවද රජයට එක් කර ගෙන ඒ හරහා ද වාසි ලබා ගැනීම රජයේ ප්‍රතිපත්තිය වේ. පාර්ලිමේන්තුවේ සිල්වලා දෙපළ මීට උදාහරණයකි.
  4. 4. නෑයනට නොයෙකුත් තනතුරු වරප්‍රසාද පිරිනැමීම මේ රජය විසින් සුලභව කරනු දක්නට ලැබේ. නෑයා වැඩකරුවෙකු නම් අවුලක් නැත. ගෝඨාභය රාජපක්ෂ මහතා උදාහරණයකි. නමුත් පාඩු ලබන ශ්‍රී ලංකා ගුවන් සමාගමේ මුල් පුටුවක් පසුගියදා පාර්ලිමේන්තුවේ ප්‍රකාශවුනු පරිදි සාමාන්‍යය පෙළ ද අසමත් ජනපති ආර්යාවගේ අයියාට ලබා දී තිබීම අපුල දනවන්නකි.

වත්මන් රජයේ හොඳ මොනවාද?


  1. 1. වත්මන් රජය විසින් ගෙන යන විදෙස් ප්‍රතිපත්තිය සාධනීය බව පැවසිය හැකිය. චීනය හා රුසියාව සමඟ මනා අවබෝධයක් පවත්වා ගැනීමට රජය සමත්ව තිබේ. චීනය සමඟ මෙන්ම පකිස්තානය සමඟද පවත්වන ඉතා යහපත් සබදතාව හරහා අපට හිතකර නොවන ප්‍රතිපත්තියක් අනුගමනය කරන ඉන්දියාවද විරසක කර නොගෙන ඔවුනට ප්‍රති පීඩනයක් එල්ල කිරීමට රජය සමත් වී තිබේ.
  2. 2. ඇමරිකානු සහ බටහිර බලහත්කාරය ඉදිරියේ රජය දණ නමා නැත. එසේ දණ නොනැමීම හා ඉහත කී සාධනීය විදෙස් ප්‍රතිපත්තිය අතර ඇත්තේ අන්‍යෝන්‍යය සබඳතාවෙකි. 
  3. 3. රජය ගම හා දිළිදු ජනතා ව අමතක කර දමා නැති බව පැවසිය හැකිය.
  4. 4. විවේචන තිබුනද වත්මන රජය වැඩ කරන රජයක්ව බව ප්‍රකාශ කළ හැකිය.
  5. 5. කොටි ත්‍රස්තවාදයේ කුරිරු බවින් ස්වදේශික ජනයා බේරා ගත් රජය පාතාලය මර්දනයටද කටයුතු කළේය. දැන් කුඩු ජාවරම් මැඩලීමටද කටයුතු කර ගෙන යන බව පෙනෙන්නට තිබේ.
  6. 6. වත්මන් රජය රාජ්‍යය සේවය ශක්තිමත් කරන ප්‍රතිපත්තියක පිහිටා කටයුතු කරන අතර රාජ්‍යය දේපළ විකුණමින් එදා වේල පිරිමහගන්නා තත්වයක් දක්නට නැත.
  7. 7. ජලය, විදුලිය, නිවාස වැනි ජනතාවගේ අවශ්‍යතා සැපිරීමට ගෙන යන වැඩපිළිවෙල යහපත්ය.

මහින්ද රාජපක්ෂ රජය පැරදවිය යුතුද?

ඉහත දැක්වූයේ සරලව පෙනෙන ක්‍රියා මාර්ගයන්හි හොඳ හා නරකය. රජයේ ආර්ථික ප්‍රතිපත්තිය සලකා බැලුව හොත් එය ජේ ආර් ජයවර්ධන මහතාගේ ධනවාදී ආර්ථික ප්‍රතිපත්තියෙහිම දිගුවක් ලෙස සැළකිය හැකි යයි සිතමු. එවැනි සංවර්ධන මාවතක් ජාත්‍යන්තර වශයෙන් අපට ඇති අභියෝග හමුවේ  කොතෙක් දුරට ගැලපෙනවාද යන්න ගැටළුවකි. කෙසේ වෙතත් එවැනි ආර්ථික ප්‍රතිපත්තියක් මේ රටට උචිතද යන්න ද සංවාදයට බඳුන් වන බවක් පෙනෙන්නට නැත. ඒ පිළිබදව වටිනා අදහස් කිහිපයක් සංක්ෂිප්තව ගුණදාස අමරසේකර ශූරීන් "අපි දැන් බටහිර උගුලේ හිරවෙලා ඉවරයි" යන සංවාදය තුළ දක්වා ඇත. අප විසින් මෙම ආර්ථික ක්‍රමවේදය අනුමත නොකළද වත්මනේහි සියළුම දේශපාලන පක්ෂ ප්‍රතිපත්තියක් වශයෙන් මෙම ක්‍රමවේදයට එකඟ බවක් පෙනෙන්නට ඇත. නැතහොත් අන් කවරෙක්වත් වෙනත් ආර්ථික දර්ශනයක් හෝ ප්‍රතිපත්තියක් හෝ ඉදිරිපත් කොට නැත.

කරුණු මෙසේ නම් ජනතාව කුමක් කළ යුතුද? මේ රජය පෙරළා වෙනත් රජයක් පත් කර ගත යුතුද? නැතිනම් මේ රජයටම තවත් සෑහෙන කාලයකට බලය ලබා දිය යුතුද? ඒ ප්‍රශ්නයට මැදිවන ජනතාව ඊළඟට සලකා බලන්නේ කවරෙකු හට බලය ලබා දිය යුතු ද යන්නයි. ඉහත කී නොහොඳ නැති හෝ වඩා අඩුවෙන් ඇති හා හොඳ ලක්ෂණ ද බලාපොරොත්තු විය හැකි අනුප්‍රාප්තිකයකු ජනතාවට දැක ගත හැකි විය යුතුය.


එක්සත් ජාතික පක්ෂය ප්‍රමුඛ රජයකට බලය ලබා දුනහොත් මේ රජයේ හොඳ ලෙස අප දැක්වූ කාරණා ඔවුන් වෙතින්ද අපේක්ෂා කළ හැකිද යන්න ජනතාව විසින් සළකා බලනවා නොආනුමානය. ගැටළුව පැන නගින්නේ එතැනදීය. වත්මන් රජයේ බඳු විදෙස් ප්‍රතිපත්තියක් පවැත්වීමේ ශක්‍යතාවක් ඔවුන් සතුද? ඔවුන්ට එවැනි හැකියාවක් ඇති බවට ප්‍රතිරූපයක් නම් ජනතාව අතර නැත. ඔවුන්ගේ ප්‍රතිපත්තිය බවට බොහෝ දුරට පෙනෙන්නේ ඇමරිකාව හා බටහිර සමඟ මිතුරු ආස්ථානයක පිහිටා කටයුතු කිරීමය. බටහිරට පක්ෂපාතවීම හා චීනයට හා රුසියාවට පක්ෂපාතවීම යන දෙපෙදසම එක්වර සාක්ෂාත් කරගත නොහැකිය. දැන් පවතින තත්වය මත අන්තර්ජාතික වශයෙන් ලංකාවට චීනයේ හා රුසියාවේ සහයෝගය වඩ වඩාත් අවැසි වේ. අදටත් වඩා වැඩියෙන් හෙට ඒ අවශ්‍යතාව තදින් දැනෙනු නොඅනුමානය. නමුත් බටහිරට මිතුරු එජාප ආණ්ඩුවක් තුළ ඒ රැකවරණය අහිමි වීමට බොහෝ දුරට ඉඩ ඇත. ඒ වෙනුවට ඔවුන් බටහිරට පක්ෂපාතී ප්‍රතිපත්තියක් අනුගමනය කරමින් රට වෙත එල්ලවන අභි‍යෝග ජය ගැනුමට උත්සාහ කරනු ඇති බව අනුමාන කිරීම සාධාරාණ යයි සිතමු. බටහිරයන්ට අවැසි වන්නේ රනිල් වික්‍රමසිංහ මහතාට හෝ වෙනත් අයකුට හෝ දසරාජ ධර්මයෙන් රාජ්‍යය විචාරීමට අත්වැල් සැපයීම නොව තමන්ගේ න්‍යායපත්‍රානුකූලව කටයුතු කරවා ගැනීම බව ඕනම තොත්ත බබෙකුට වැටහේ. ඉන්දියානුවන් අහසින් විත් ලංකාවට පරිප්පු දමන විට දැඩි ඇමරිකානු ගැති විදෙස් ප්‍රතිපත්තියක් අනුගමනය කළ ජේ ආර් ජයවර්ධන මහතාට සිදු වූයේ ඉතා අසරණ ලෙස ලෝකය තුළ අපට මිතුරන් නොමැති බව පැවසීමටය.

රුසියාව හා චීනය අහිමි කර ගන්නා එජාපයට එහිදී ඉතා අඩු කේවළ කිරිමේ බලයකින් සෑහීමට පත් වීමට සිදුවනු ඇත. එවැනි තත්වයක් තුළ දහතුන් වන ව්‍යවස්ථා සංශෝධනය තුළින් උතුරු පළාත් සභාවට ලබා දිය හැකි උපරිම බලතල ලබා දීම, හමුදාව උතුරින් ඉවත් කර ගැනීම වැනි ඉල්ලීම් ප්‍රථමයෙන් ඉටු කරන්නට සිදුවන බවට සැකයක් නැත. මේ පියවරයන් චීනය හා රුසියාව ලංකාව සමඟ විරසකයකට පත්වන තත්වයක් පවා ඇති විය හැක්කේ ඒවා එකිනෙක ක්‍රියාත්මක කරවා ගැනීම හරහා ත්‍රිකුණාමලයට ඇමරිකානු හමුදා පය ගසා ගන්නා බව ඔවුන් දන්නා බැවිනි. 

අද වන විට මේ රටේ විදෙස් ප්‍රතිපත්තිය හා භෞමික අකණ්ඩතාවය රැක ගනීම යන්න දෙකක් නොව එකක් බවට පත් වී හමාරය. ඉදිරි‍යේදි මෙරටට ඇමරිකාව හා බටහිරයන් විසින් ආර්ථික සම්බාධක පැනවුවහොත් එජාපය තමන්ට එය ඉවත් කර දිය හැකි බව පවසා ඡන්දය ඉල්ලා සිටිනු නියතය. නමුත් එසේ කිරීමට නම් ඉහත පැහැදිලි කළ පරිදි රට දෙකඩ වන සේ කටයුතු කරන්නට සිදුවන බව ඔවුන් විසින් නොකියනු ඇත.

ගම්මුන්ගේ හා විකල්ප උගතුන්ගේ භූමිකාවන්

අප ඉහත කී තත්වය නාගරිකයන් කෙසේ වෙතත් සමස්තය අවිඥානිකව දකිනා ගම්මුන් වටහා ගෙන ඇත. ඔවුන් හට මේ කාරණා වචන වලට පෙරලා ප්‍රකාශ කරන්නට නොහැකි විය හැකිය. නමුත් ඔවුනට එය ඉවෙන් මෙන් වැටහේ. පසු ගිය දශක දෙක තුළ විකල්ප උගතුන්ගේ ඊනියා බුද්ධියෙන් මිදී මේ රට දෙකඩ නොවී බේරුනේ ඡන්ද වලදී ගම්මුන් භාවිතා කළ ඒ ඉව නිසා බව ඔවනට කෘතඥපූර්වක වෙමින් සටහන් කළ යුතුය.


මේ රට තුළ සිටින ගෝස්තරවාදී විකල්ප ගෝත්‍රයේ උගතුන්ට අනුව නම් මෙම රජය විසින් ඉහත සඳහන් කළ අකටයුතුකම් සියල්ල සිදු කෙරෙන්නේ ජාතිකත්ව මතවාදයේ ප්‍රතිපලයක් ලෙසිනි. නමුත් ඒ නොහොඳ කිසිවක් ජාතිකත්ව මතවාදය නිසා සිදු වන්නේ කෙසේදැයි මේ උගතුන් පැහැඳිළි කරන්නේ නැත. නමුත් ඉහත  රජයේ හොඳ ලෙස සඳහන් කළ බොහොමයක්ම කාරණා ජාතිකත්ව මතවාදය සමඟ සියුම්ව හා දැඩිව ගැටගැසී ඇති බව දැක ගැනිමට හැකි අවංක මනසක් ඔවුන් සතු නොවේ. මේ බොහෝ දෙනා මුහුදට දත නියවා බලා සිටින්නේ ජිනීවාහි අන්තර්ජාතික මානවහිමිකම් කවුන්සිලය හරහා ඇතිවන බලපෑමක් මතින් හෝ රජයට පාඩමක් උගන්වන්නටය. එක් විකල්ප විප්ලවවාදී පක්ෂයක අලුත් නායකයකු පාරම්බාන්නේ මහින්දත් අධිරාජ්‍යයවාදීත බලවේගත් එකවර පරදවන්නටය. ලෝක ඉතිහාසය පුරාම එවැන්නක් සිදු වී නොමැත. ඉරාකයේ, ලිබියාවේ, ඊජිප්තුරවේ, යේමනයේ, ටියුනීසියාවේ මෙන්ම යුක්‍රේනයේද රටේ නායකයා පලවා හරින විට රට ද අස්ථාවර විය. එනිසා එලෙස රට අස්ථාවර වන ආකාරයේ දේශපාලන තීන්දුවක් ගැනීමට කා හට හදිස්සි වුවද මෙරට පොදු ජනතාවට එවැනි හදිස්සියක් නොමැති බව පැහැදිළිය.

ඉන් ගම්‍යය වන්නේ අප ඉහතින් සඳහන් කළ අකටයුතුකම් හා දුර්වලතා ජනතාව අනුමත කරන බව හෝ නොසළකා හරින ලද බව හෝ නොවේ. ඔවුන් ඒ අඩුපාඩු නිවැරදි කරවීම උදෙසා රට භාර දිය හැකි භාර කරුවෙකු විපක්ෂය තුල නොදකින බවයි. අද මේ රට ජාතික වශයෙන් හා ජාත්‍යන්තර වශයෙන් එල්ල වන අභි‍යෝගවලට මුහුණ දීම සඳහා ජාතිකත්වය සමඟ බද්දවූ දේශපාලන ගමනක් අත්‍යාවශ්‍යය බව ජනතාවගේ ඉවට දැනී තිබේ.  එසේ තමන් හට භාරකත්වය ඉල්ලා සිටිනා සියළු දෙනා අද කටයුතු කරමින් සිටින්නේ ජාතිකත්වයට විරුද්ධ ආස්ථානයක පිහිටාය. එවන් ගමනකට සූදානම් කුඩා පක්ෂයක්වත් රජයෙන් පරිබාහිරව අද නැත. එපමණක් නොව කලක් ජාතිකවාදී මතවාදය නියෝජනය කළ ජවිපෙ වැනි සංවිධාන අද ජාතිකත්වයට එරෙහි ආස්ථානයකට තල්ලු වී ඇත. එහි නව නායකයා ජාතික ගීය දෙමළෙන්ද ගැයිය යුතු යයි පවසන්නේ කට කහනවට නොවන බව ජනතාව වටහා ගත යුතුය.

ගම්මුන්ට ඇති ඉව නැති විකල්ප උගත්තු මුලා වී සිටිති. ඔවුහූ ජනතාව මුලා වී ඇතැයි කියති. ජාතිකත්වයට පහර දීමේ අටියෙන් රජයට පහර දෙති. රජයට පහර දීමේ අටියෙන් ජාතිකත්වයට පහර දෙති. මේ විකල්ප උගතුන් අතින් කෙරෙන එක් කාර්යයක් නම් විපක්ෂයට ජාතිකත්වයෙන් තොරව ගමන් කිරීම සඳහා ඉඩ හසර සාදා දී රජයට දේශීය වශයෙන් අභියෝගයක්  නැති කර දීමය.

 සිය ව්‍යාපාර ශක්තිමත් කරගැනීමේ අරමුණින් දේශය පාලනය කරන්නට ආ දේශපාළුවන්ට මෙන්ම නොයෙකුත් වාසි තකා රජය සමඟ අත්වල් බැද සිටින උදරවාදීන්ද කල දුටු කල වල ඉහගෙන කෑමේ ප්‍රතිපත්තියක් අනුගමනය කරමින් නොයෙකුත් අකටයුතු කම් හරහා කෑදර ලෙස සිය බණ්ඩිය පිම්බීමේ මෙහෙයුමක නිරතවන්නට එමඟින් ඉඩ ප්‍රස්තාව ලබා ගෙන තිබීම කණගාටුවට කරුණකි. කෙසේ නමුත් විපක්ෂයේ සියළු පක්ෂ ජාතිකත්වයට එරෙහි වෙමින් අවජාතක වෙද්දී, රජය තවම ජාතිකත්වයට සම්පූර්ණයෙන් පිටු පා කටයුතු කර නැත. එනිසා පොදු ජනතාව රජයේ ඇතැම් නොමනා කම් ඉවසන්නට සිදුව තිබීම විසින් එම නොමනාකම් පවත්වා ගෙන යාම සඳහා අවකාශයක් රජයට ලැබී තිබේ. 



-ලසන්ත වික්‍රමසිංහ
යුතුකම සංවාද කවය

, , ,

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

6 comments :

  1. සුනන්ද3/19/2014 7:53 PM

    මහින්ද රාජපක්ෂ මහතා වටා එක් රොක් වෙලා ඉන්න වැඩි හරියක් ඉන්නේ හම්බ කරගන්න බලා ගෙන. තමන්ගේ වාසියට. වෙන රජයක් ආවා කියලා ඕක වෙනස් වෙන්නෙත් නෑ. අපේ රටට දැන් නව දේශපාලන සංස්කෘතියක් අවශ්‍යයයි මේක වෙනස් කරන්න නම්

    ReplyDelete
  2. machan,, lankawen eliyata gihilla loke dihaa balala poddak hedenna balapan Jathiwadiyek wenne nethiwa. umba maath ekka ekama class wala hitapu nisaa kiyanne. publish nokeruwata kamak nehe. Mahinda hondai wate inna un horu kiyana kathawa amuma amu gon kathaawak. Mahindaya saha uge pawla thamai lokuma horu. Uu karanne uge pewethmata wate inna untath horakan karanna ida deela thiyena ekai. Matakane Tsunami salli walata mokada une kiyala. Kunuharupen genita banina ekata mona sadacharayakda.. Umba ithin me wage lipiyak liyala manasika athal ekak ganin.

    ReplyDelete
    Replies
    1. සුදු පුතා3/20/2014 9:04 AM

      ලොකු ටෝක්ස් දෙන්න කළින් ඔයාගේ නම කිව්වා නම හොඳයි නේද? ඔයාට මේ ලිපියෙන් කියන දේ තේරිලා නැති පාටයි. කොහෙද තියෙන්නේ මහින්ද හොදා වටේ ඉන්න අය නරකයි කියලා. වෙන ලිපියක් කියවලා මේකේ කොමෙන්ට්ස් දාලා හරියන්නේ නෑනේ.

      Delete
    2. Rajaya wata udararthaya peraderikaragath pirisak rok wela kiyala thiyenne. Mage nama adaala nehe. Oyath nama kiyala nehene. Kathruwa pudgalikawa adunanawa. E ethi.
      Prashna kipayak saha adahas kipayak magenuth.
      1. Premadaasa & Mahinda athara wenasa mokakda?
      2. Mahinda vipakshaye inna kaale maanawa himikam gena kathaa karamin Geneva giya eka harida?
      3. Rajya sewaya shakthimath karanawa kiyala nikamunta rasssa dee janathawa matha badu bara patawa nethida? Rajya sewaye sitina 14 lakshayen 80% rekiya wirahithayan lesa selakiya yuthuya. Un kisima sewayak nokara jeevath wanne ape badu mudal walini.
      4. Kudu saha Ethanol pudgalikawama Mahindage anugrahaya yatathe siduwana jaawaramaki. Nimal Lanza ethuluwa onewatath wadaa saakshi etha.
      5. Jalaya, widuliya , petrol diesol mila ahasa usata nega etha. Socchamak padi ganna minisun inna rate diyunu ratakatath wadaa mila wedi wimata hethuwak netha. Hethuwa adika lesa badu mudal ayakirimaya. Nikamunta padi gewanne e salli walini.(Diyunu ratakatath wadaa mila wedii yanna athishokthiyak nowa, pehedili sathyayaki).
      6. Awasanaye me raayata ithuru wanne Chinaya, Rusiyawa, Pakistanaya saha Gothrika afrikan ratawal kipayak weni athishaya pasugaami ratawal kipayak pamanaya. Gadafi nam ekadipathiya merun kaapu nisaa den libiyawath netha. Russiyawa saha chinaya surapurak yei sithaa sitina me rate gobba kodew manasikathwayen inna un etthara rusiyanuwek ho chinek samaga katha karalaawath netha. Un unge ratawala kotharam pidanayakin sitinawadei lankawe un danne netha.
      7. Americawa saha Western europe ratawal walata lankawen genimata mehe un hithana tharam loku deyak netha. Namuth jana kotasak washayen demala minissu asadaranayata lakwi ethi bawa podu piligenimai. Yuddaya pewathi kalaye koti kerehi thibunu wairaya magin ema mathaya yatapathwa thibunada, yuddayak nethi warthamanaye wadaath eya ismathuwa pene. Peradi mamada demalunta asadharanayak wi netha yana mathaye sitiyada yuddaya awasan wu pasu wadaath pehedili chitrayak mewi thibe.Aduma washayen jathika geeyawath demalen gayannata nodena rataka jathika samagiyak gena kathaa karamin demalunta apa haa ekwa sitinnei kiima loka wihiluwaki.
      8. Lokayata boru kima sadhaniya widesha prathipatthiyak nam lipikaruwage molaye tharama watahaa gatha heka.
      9. Madya nidahasa, Adhikaranaye swadinathwaya weni de gena katha kirima wihiluwak wii etha.

      Awasaana washayen kiwa yutthe duppath minisunta eda wela kema prashnayak wee ethi namuth , me rajayen Jaathiwadaya ethi padam janathawata laba dena nisaa nuugath game minisa eya thalu maramin gila damaa badaginnata huullana bawai.

      Delete
  3. විමලසේන3/20/2014 1:08 PM

    විදෙස් ආයෝජන මත තබන අති විශාල බලාපොරොත්තුවත් දේශීය ව්‍යවසායකයින් කෙරෙහි දක්වන ඇල්මැරුණු උනන්දුවත් රජයේ ලක්ෂණයකි.
    සමාජයේ වාහන හිමි ඉතා සීමිත පිරිසකට පමණක් සෙත සැලසෙන අධිවේගී මාවත් තැනීම සඳහා යෙදූ ධනස්කන්දය බොහෝ දෙනෙකුගේ හිත සුව පිණිස දුම්රිය සේවය ප්‍රවර්දනය උදෙසා යෙදවිය යුතුව තුබූනි
    මේ ආර්ථික ක්‍රමය ජේ ආර් ජයවර්ධන මහතාගේ ආර්ථික ක්‍රම්වේදයේම දිගුවක් ලෙස සැලකිය හැකිය. මෙම ආර්ථික ක්‍රමවේදයේ ප්‍රතිපලයක් වනු ඇත්තේ තෘෂ්ණාධික නොසැනුහුනු මුනිසෙකු නිර්මාණය කිරීම වන බව අපගේ අවබෝධයයි.

    ReplyDelete
  4. විමලසේන3/20/2014 1:50 PM

    හොඳ නිරීක්ෂණයක්

    "අප ඉහත කී තත්වය නාගරිකයන් කෙසේ වෙතත් සමස්තය අවිඥානිකව දකිනා ගම්මුන් වටහා ගෙන ඇත. ඔවුන් හට මේ කාරණා වචන වලට පෙරලා ප්‍රකාශ කරන්නට නොහැකි විය හැකිය. නමුත් ඔවුනට එය ඉවෙන් මෙන් වැටහේ. පසු ගිය දශක දෙක තුළ විකල්ප උගතුන්ගේ ඊනියා බුද්ධියෙන් මිදී මේ රට දෙකඩ නොවී බේරුනේ ඡන්ද වලදී ගම්මුන් භාවිතා කළ ඒ ඉව නිසා බව ඔවනට කෘතඥපූර්වක වෙමින් සටහන් කළ යුතුය."

    ReplyDelete

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions