12/22/2018

ඉඩම් හිමි වැවිලිකරු ලාල්කාන්තට හිඟන්නෙකුගෙන් ලියුමක්....

කතෘ:යුතුකම     12/22/2018   No comments

මේ කතාව දැන් දින කීපයක් පරණ වුවද පමා වී හෝ ඔබට මේ ලිපිය ලිවීම වැදගත්ය. ඒ ඔබේ දුවගේ උපාධිය ආශ්‍රිතව ඇති වූ කතාබහ ගැන වචන කීපයක් කිව යුතු යැයි සිතෙන නිසාය.

ඔබේම ප්‍රකාශවලට අනුව 2014 වන විට රස්සාවක් පවා නැතිව බිරිඳගේ පඩියෙන් යැපෙන අසරණයෙකු වී සිටි ඔබ 2018 වන විට ඉඩම් හිමි වැවිලි කරුවෙකු බවට පත්ව තිබේ. ඒ ගැන අපට ගැටලුවක් නැත. එසේම ඔබගේ දියණිය පෞද්ගලික ආයතනයකින් උපාධියක් ලබා ගැනීම ගැනද අපට ගැටලුවක් නැත. එදා සිටම රහසේ අඩියක් පුඩියක් ගැසූ ඔබ අද වන විට බොරු පක්ෂ විනය බල්ලාට දමා ඩි්‍රන්ක් දැමීම ගැන ප්‍රසිද්ධියේ වහසි දෙඩීමද අගය කළ යුතුය. විජිත හේරත් මෙන් වාහන හප්පා ලයිට් කණු කුඩු කර බීපු “මිනිහෙක් මාව ඉම්බා” වැනි ඉල ඇදෙන කතා කියනවාට වඩා ඔබේ හැසිරීම යහපත්ය. වැදගත්ම කාරණය වන්නේ ඔබේ මේ සියලු හැසිරීම් ජවිපෙ මහා ප්‍රෝඩාව රටට හෙළි කිරීමට අනියමින් හේතු වාසනා වී තිබීමය. ඇස් රවුම් කරමින්, කට උල් කරමින් කියන බොරු ඔස්සේ රටට හා පක්ෂයේ වහලුන්ට මවා පෙන්වන දේ සහ ඔබලාගේ සැබෑ ජීවිතවල ඇති අතිශය දරුණු පරස්පරය රටට තේරුම් කර දීමට ජවිපෙ දේශපාලන මණ්ඩල සභිකයෙකුම මෙසේ ඉදිරිපත් වී තිබීම කෙතරම් අපූරුද?

ඉඩම් හිමි වැවිලිකරුවෙකු වන ඔබේ නවතම පන්ති විග්‍රහයට අනුව පෞද්ගලික ආයතනවලින් දරුවන්ට උපාධි ලබා දිය නොහැකි දෙමාපියන් හැඳින්විය යුත්තේ හිඟන්නන් ලෙසය. හිඟන්නන්ට බැරි වුවද අනුරගේ පුංචි අම්මාගේ පුතාට, ගලප්පත්තිගේ පුතාට, ලාල්කාන්තගේ දුවට මුදල් ගෙවා හෝ උපාධි ලබාගත හැකිව තිබීම හොඳය. ප්‍රශ්නය ඇත්තේ ඔබලාගේ දේශපාලනය රටේ අනෙක් හිඟන දරුවන්ට ඒ අවස්ථා අහිමි කරමින් ඔබලා වැනි ඉඩම් හිමි වැවිලිකරුවන් පමණක් තනිවම ඒ වරප්‍රසාද භුක්ති විඳීමය. ඒ කෙසේදැයි මඳකට විමසා බලමු.

1. ජවිපෙ දේශපාලන බල මෙවලමක් වන තකතීරු නවකවදය නිසා වාර්ෂිකව සිය ගණනක් තම උපාධි අත්හරිති. ඒ ඔබගේ ඉඩම් හිමි දියණිය වැනි උසස් පෙළ ලකුණු මදිවූ අය නොව උසස් පෙළ ඉහළින් සමත්ව සරසවියට ආ හිඟන දරුවන්ය. ජවිපෙ ඇති කළ ඒ ජඩ නවකවද සම්ප්‍රදාය අද පෙරටුගාමී කල්ලිය විසින් එලෙසම ඉදිරියට රැගෙන යමින් සිටිති. සීයකට මඳක් වැඩි වූ මගේ සරසවි කණ්ඩායමේ හතර දෙනෙක්ම නවක වදය නිසා උපාධිය අත් හැර දැමූහ. ඒ හිඟන දරුවන් හතර දෙනාගේ අධ්‍යාපන අයිතිය ගැන ඉඩම් හිමියෙකු ලෙස ඔබටත් ඔබේ දුවටත් ඇති හැඟීම කුමක්ද?

2. මීළඟට ඔබලාගේ තකතීරු දේශපාලනය නිසා පාසැලේ සිටම අධ්‍යාපනය කඩාකප්පල් කරගත් සිය ගණනක් දරුවෝ රටේ සිටිති. සරසවියේදී උපාධි අතහැර ෆුල්ටයිම් කිරීම මාර වීර කටයුත්තක් බව කියමින් හිඟන පවුල්වල අසරණ නොදරුවන් නොමග යැවීම ඔබේ පක්ෂයේ දෛනික පිළිවෙතකි. ඔබලාගේ වැදි බණ අසා පලක් නැති ධනේශ්වර අධ්‍යාපනය අතහැර දැමූ දරුවන් ලාල්කාන්තගේ දුවගෙන් නැවතත් පන්ති පහ කරගත යුතු නොවේද?

3. මීළඟට නිදහස් අධ්‍යාපනය පිළිබඳ ගල් යුගයේ සිද්ධාන්ත මත පදනම්ව දියත් කරන බොරු අරගල ඔස්සේ ඔබ රටේ තව දැරුවන් දහස් ගණනකට මුදල් ගෙවා හෝ අධ්‍යාපනය ලැබීමට ඇති අයිතිය අවුරා දමා ඇත. ඒ අරගල ඔස්සේ සරසවි සිසුන් සිය ගණනකයේ ජීවිත හා අධ්‍යාපනය අනතුරේ හෙලා ඇත. එය ලංගම රැක ගැනීමට සටන් කිරීම සඳහා ප්‍රයිවට් බස් එකක යනවා වැනි සරල කතාවක් නොවේ. තමාගේ දරුවාට පෞද්ගලික අධ්‍යාපනය ලබාදෙමින් රටේ දරුවන්ට ඒ අවස්ථාව අහිමි කිරීම ජවිපෙ දේශපාලන පැවැත්මේ අනිවාර්ය අංගයක් බව ඔබ දන්නවාද?

රනිල්ගේ ඇබිත්තයන් වී සිටින මෙරට වැලේ වැල් නැති වමේ පක්ෂවලට නිදහස් අධ්‍යාපනය සුරැකීම යනු හුදු එදා වේල සපයාගැනීමේ දේශපාලන සටන් පාඨයක් පමණි. රටේ දරුවන්ගේ අධ්‍යාපන අයිතිය තහවුරු කිරීමේ එකම ක්‍රමය එය රජය මගින් නොමිලේ ලබාදීම පමණක් නොවන බව ඔබ හොඳාකාරවම දන්නා කරුණකි. ඒ ඇත්ත ඔබේ දුවට අදාළ වුවද, ඔබට ඔබේ දේශපාලනය විසින් ඒ ඇත්ත ප්‍රසිද්ධියේ පිළිගැනීමට ඉඩදී නැත. පක්ෂ රෙජීමයට එරෙහිව යමින් අරක්කු බීමේ වීරත්වය ගැන ලොකු කතා කියන ආකාරයට අධ්‍යාපනය ගැනද හිතට එකඟව කතා කළ හැකි නම් එය රටේ හිඟන දරුවන් වෙනුවෙන් කළ හැකි මහත් සේවයක් වනු ඇත.

ඔබ ඔබේ දියණිය සම්බන්ධව කටයුතු කළ ආකාරයට රටේ අනෙක් දෙමාපියන්ට තමන්ගේ දරුවන් සම්බන්ධව කටයුතු කිරීමට ඉඩ දෙන්න. කෙසේ වුවද අද රනිල්ගේ හොඳම යටිතල පහසුකම් සපයන්නා ලෙස ඔබේ පක්ෂය මේ රටට කරමින් සිටින අපරාධය සමඟ සසඳන විට අධ්‍යාපනයට ඔබලා කළ හානිය ඉතා කුඩා එකකි. ඔබලා තවමත් උපාධි කෑලි එල්ලා ගෙන ඡන්දවලට ඉදිරිපත් වන්නේ ඒ නිසා විය යුතුය.
-ඉසුරු ප්‍රසංග -

යුතුකම සංවාද කවය
www.yuthukama.com
Like us on facebook:https://www.facebook.com/yuthukama

ඔබේ අදහස මෙතන ලියන්න...

ඔබේ ෆේස්බුක් ගිණුම භාවිතයෙන් මෙතනින් අදහස් පළ කරන්න.

0 comments :

ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .

Labels

-ලසන්ත වික්‍රමසිංහ "බිල්ලො ඇවිත්" - යුතුකම සම්මන්ත්‍රණය ගම්පහ 1505 2005 සහ 2015 2009 විජයග්‍රහණය 2015 BBS Budget cepaepa ETCA GENEVA NGO NJC Operation Double Edge Political S. අකුරුගොඩ SITP ඉන්දු ලංකා ඊළාම් ඊළාම්වාදී ඒකීය ඕමාරේ කස්‌සප චින්තනය ජනාධිපතිවරණය ජනිත් විපුලගුණ ජනිත් සෙනෙවිරත්න ජයග්‍රහණය ජයන්ත චන්ද්‍රසිරි ජයන්ත මීගස්වත්ත ජවිපෙ ජාතික ආරක්‍ෂාව සාම්පූර් ජාතික එකමුතුව ජාතික ඒකාබද්ධ කමිටුව ජාතික බලවේග ජාතිකවාදය ජාතිය ජිනීවා ජිනීවා යෝජනා ජීවන්ත ජයතිස්ස ඩිහාන් කීරියවත්ත තාරක ගල්පාය තිවංක අමරකෝන් තිවංක පුස්සේවෙල තිස්‌ස තී‍්‍ර රෝද රථ ත්‍රිකුණාමල නාවික හමුදා මූලස්‌ථානය ත්‍රිකුණාමලය ත්‍රීකුණාමලයේ ආනන්ද දකුණු අප‍්‍රිකානු දර්ශන කස්තුරිරත්න දර්ශන යූ මල්ලිකගේ දසුන් තාරක දහතුන දිනාගනිමුද දිවයින දුලන්ජන් විජේසිංහ දෙමුහුම් අධිකරණය දේවක එස්. ජයසූරිය දේවපුරගේ දිලාන් ජාලිය දේශපාලන ධනේෂ් විසුම්පෙරුම ධර්මන් වික්‍රමරත්න නලින් නලින් ද සිල්වා නලින් සුබසිංහ නලින් සුභසිංහ නලින්ද කරුණාරත්න නලින්ද සිල්වා නසරිස්‌තානය නාමල් උඩලමත්ත නාරද බලගොල්ල නාලක ගොඩගේවා නාවික හමුදා කඳවුර නිදහස නිදහස් අධ්‍යාපනය නිර්මල කොතලාවල නිර්මාල් රංජිත් දේවසිරි නිසංසලා රත්නායක නීතිඥ කණිෂ්ක විතාරණ නීතිඥ සංජීව වීරවික‍්‍රම නීල කුමාර නාකන්දල නෝනිස් පරණගම වාර්තාව පාවා දීම පාවාදෙමුද පැවිදි හඬ පුනර්ජි දඹොරගම පූජ්‍ය ඇල්ලේ ගුණවංශ හිමි පූජ්‍ය බෙංගමුවේ නාලක හිමි පූජ්‍ය මැදගම ධම්මාන්නද හිමි පොඩි මෑන් ගේ සමයං පොත් ප්‍රකාශකයන් පොදු අපේක්‍ෂයා ප්‍රකාශ් වැල්හේන ප්‍රදීප් විජේරත්න ප්‍රසංග සිගේරා බණ්ඩාර දසනායක බම්බුව බලු කතා බිල්ලො ඇවිත් බුදු දහම බෙංගමුවේ නාලක බෙංගමුවේ නාලක හිමි බෙදුම්වාදය බෙදුම්වාදී බෞද්ධයා භාෂාව මතීෂ චාමර අමරසේකර මතුගම සෙනවිරුවන් මනෝඡ් අබයදීර මනෝහර ද සිල්වා මනෝහර සිල්වා මරක්කල මහ නාහිමි මහාචාර්ය ජී. එච්. පීරිස් මහාචාර්යය ගාමිණි සමරනායක මහින්ද මහින්ද පතිරණ මහින්ද රනිල් මහිම් සූරියබණ්ඩාර මාදුළුවාවේ සෝභිත හිමි මානව හිමිකම් මාමිනියාවේ ඒ. පී. බී. ඉලංගසිංහ මාලින්ද සෙනවිරත්න මැදගොඩ අභයතිස්ස නාහිමි මැදගොඩ අභයතිස්ස හිමි මිලේනියම් සිටි මුස්‌ලිම් මෙල්බර්න් අපි මෛත්‍රිපාල මොහාන් සමරනායක යටත්විජිතකරණය යටියන ප්‍රදිප් කුමාර යටියන ප්‍රදීප් කුමාර යුතුකම යුතුකම ප්‍රකාශන යුධ අපරාධ රණ විරුවා විජයග්‍රහණයේ දිනය විජේවීර වෙනස සැපද සංගීතය සජින් සභ්‍යත්ව රාජ්‍යය කරා සරච්චන්ද්‍ර සීපා හෙළ උරුමය

පාඨක ප්‍රතිචාර

ලිපි ලියූවෝ

Copyrights © 2014 www.yuthukama.com Designed By : THISAK Solutions