කලාවේ නිදහස සහ පාදඩයන්ගේ පඩි කතා

• බුදුදහමේ එන අදහස්වලට පටහැනි හා එම අදහස් විවේචනය කරමින් ලියවුණු පොත් දහස් ගණනක් දැනටමත් ලංකාවේ පොත් කඩවල ඇති බැවින් ආගමට එරෙහිව වචනයක් කිව නොහැකි වීමේ කෙහෙල්මල් ආගමික අන්තවාදයක් ලංකාව තුළ නැත. ඒ තක්කඩි විවේචනය තුළ ඇත්තේ බෞද්ධ සංස්කෘතිය තලේබාන් සංස්කෘතියක් ලෙස හුවා දැක්වීමේ හාස්‍යජනක උත්සාහය පමණි
  
• ආගමක් මතවාදීමය ලෙස විවේචනය කිරීමේ වරදක් නැතත් පොත් විකුණා ගැනීම සඳහා තුච්ඡ නින්දිත යෙදුම් යොදා ගනිමින් ආගමකට අපහාස කිරීමට සමාජ වෛරක්කාරයන්ට නිදහසක් දිය යුතු නැත. වාරණය යනු ලංකාවේ පමණක් නොව ලෝකයේ ඕනෑම රටක ක්‍රියාත්මක වන සහ ක්‍රියාත්මක විය යුතු දෙයකි. 
  
  
• කලාව යනු අන් සියල්ලට ඉහළින් තිබෙන, සියල්ලට වඩා පූජනීය ඉටිගෙඩියක් නොවේ. එයද ආගම, දේශපාලනය, ජනමාධ්‍ය ආදී අන් සෑම තැනක් මෙන්ම තක්කඩියන්, දූෂිතයන්, ගේම් කාරයන් පිරුණු තැනකි. එහෙයින් අන් සියල්ලට හා සමාජ යහපැවැත්මට ඉහළින් තිබිය යුතු කෙහෙල්මල් නිදහසක් කලාවට අවශ්‍ය නැත. 
  
• හෙරෝයින් භාවිතය හෝ ළමා අපචාර ප්‍රචලිත කිරීම සඳහා පොතක් ලිවීමද ප්‍රකාශන නිදහස යැයි යමෙකුට තර්ක කළ හැකි බැවින් කලාවේ නිදහස, ප්‍රකාශන නිදහස යන සෑම නිදහසටම සීමාවක් තිබිය යුතුය. කිසිදු බාධාවක් සීමාවක් නැති වල්බූරු නිදහසක් ලෝකයේ කිසිදු රටක නැතුවා සේම තිබිය යුතු වන්නේද නැත. නිදහස ගැන එවැනි ගොන් තර්ක ඉදිරිපත් කරන්නේ නම් මිනීමැරීමට ඇති නිදහස, ස්ත්‍රී දූෂණයට ඇති නිදහස, කුඩු ගැසීමට ඇති නිදහස වැනි සටන් පාඨද සාධාරණ වනු ඇත. 
  
• රනිල් වික්‍රමසිංහ සංහිඳියාව ලෙස හඳුන්වන්නේ රටේ බහුතරයා අදහන ආගමට තුච්ඡ ලෙස අපහාස කෙරෙන යෙදුම් සහිත නරි නාටක ගුවන් විදුලියේ ප්‍රචාරය කිරීම විය යුතුය. කොටි සංවිධානය පරාජය වීම ලෝක ඉතිහාසයේ සිදුවූ ලොකුම අපරාධය ලෙස සලකන රනිල්ගේ නලාකරුවන් දන්නා සංහිඳියාවද එවැන්නකි. ලංකාවේ කලාකරුවන් යැයි කියාගන්නා ඇතැම් විකල්ප ගෝත්‍ර තක්කඩියන් තරම් නීච අන්තවාදීන් හා ජාතිවාදීන් පිරිසක් ලෝකයේ කිසිදු රටක නැත. 
  
• මේ රටේ බහුතරය අදහන ප්‍රධාන ආගමට හා සංස්කෘතියට එරෙහිව වෛරී සහගත, අපහාසාත්මක ප්‍රකාශ කිරීමට කලා සංස්කෘතික පාදඩයන් කීප දෙනෙකුට ඇති නිදහස සාධාරණ නම් ඊට එරෙහිව නැඟී සිටීමට රටේ අති බහුතරයට ඇති නිදහස ඊට වඩා දශලක්ෂවාරයක් සාධාරණය. ඒ නිසා රටේ යහපැවැත්ම මුළුමනින්ම විනාශ කර දමා කලාවේ නිදහසක් වෙනුවෙන් නරි නාටක රඟදක්වන යහපාලන ඝට්ටැඹියන්ගේ නිදහස පිළිබඳ නරිවාදම්වලට සිහිබුද්ධිය ඇති කිසිවෙකු රැවටිය යුතු නැත

-යුතුකම සංවාද කවය
www.yuthukama.com
https://www.facebook.com/yuthukama