ගෑණියෙක්ද පිරිමියෙක්ද -ඩ්‍රයිවර් කෝ කෝච්චියේ
අනේ අපොයි ඇ‍ඟේ හැපෙයි - පාරේ උන්ට මාරකේ //
දනන්
ට ඇන්ටන් ජෝන්ගේ සිංදුවක් මතක් උනේ කෙටි පණිවිඩ පුවත් සේවාවෙන් ලැබුනු අරුම පුදුම පුවතක් දැකීමෙනි.එනම් ඊයේ අළුයම රියදුරෙකු
නොමැතිව කෝච්චි එන්ජිමක් මාලිගාවත්ත දුම්රිය අංගනයේ සිට රත්මලාන දක්වා ධාවනය වී ඇති බවයි.පුවත කියවූ මුල් වතාවේ දනන්ගේ
සිතට ආවේ මෙය නව නිපයුම්කරුවකුගේ අත් හදාබැලීමක් ද යන්නයි.නමුත් එය එසේ නොවන බව වැටහුනේ මෙයට වගකිව යුතු යැයි කියමින් සේවකයන් දෙදෙනෙකු ගෙදර යවා ඇති බව ඇසූ විටයි.නව නිපැයුමක් නම් දඬුවම් නිවාඩු ලැබෙන්නට හේතුවක් නැත.
ඒ
කෙසේ වෙතත් දනන්ට
රියදුරකු නැති වාහන පිළිබඳ මතකයට නැගෙන්නේ කුඩා කල අල්ලපුගෙදර ටෙලිවිෂනයෙන් කෝපි කඩේ නාට්ටිය බලන්නට ගිය විට ' නයිට් රයිඩර්' කතා මාලාව ගැන යන වෙළඳ දැන්වීමෙනි.'නයිට් රයිඩර්' ගේ කාරයට නම් දුරස්ත පාලකයක් මෙන්ම පිටත සිට මෙහෙයවන්නෙක්ද සිටියා මතකය.එහෙම නැතුව වාහනය තනියම ගමන් නොයන බව ළදුරු විය ඉක්මවන විටම දනන්ට වැටහුණු කරුණකි. නමුත් අද මාලිගාවත්ත කෝච්චි කතාව ඇසූ විට දනන්ට ඒ පිලිබඳ නැවත සිතන්නට
සිත් විය.
සමහරවිට
හෙට අපේ 'පරිනත' අගමැති තුමා පාර්ලිමේන්තුවේදී කෝච්චිය
ඉබේට ඉස්ටාට් වී තම නෑදෑයින් හිතවතුන් බලන්නට ඉබේටම රත්මලානේ ගිහින් යැයි කියන්නට ඉඩ ඇත.එසේත් නැත්න්ම කෝච්චි එන්ජිම 'ගල්කිස්සේ මුහුදු වෙරළේ ඉරිදට ගිහින් බලන්න ' ගීතය අසා ගල්කිස්සේ ගියා යැයි කියන්නටද බැරි නැත.එතුමා හාංකවිසියක්වත් නොදැන එතුමාගේ ලිපි ශීර්ෂය යටතේ කුඩු
කන්ටේනරයක් නිදහස් කරන්නට ලියුමක් රේගුවට ගිහින් තිබූ අපූරුව ගැන සිතෙද්දී කෝච්චි යක් ඉබේට ගල්කිස්සේ යෑම මොන කජ්ජක්දැයි දනන්ටද සිතෙන්නට ඉඩ තිබේ. කෝච්චියට , බසයට , බයිසිකලයට , තිරික්කලයට පමණක් නොව බයිසිකල් බෝලයට පවා වෙනම අමාත්‍යංශයක් ඇමතියෙක් ඇති කලෙක වුවත් කෝච්චි භාර ඇමතිවරයා මතුගම බවලතුන්
නලවද්දී කොලඹ කෝච්චි අයාලේ යෑම ගැන පුදුම වන්නට දෙයක් නැත.
කෙසේ
වෙතත් සේවකයන් දෙදෙනාගේ වැඩ තහනම් වූ විගසම වැඩ තනමට එරෙහිව උද්ඝෝෂණයක් ඇරඹීමට රතු තොප්පිකාර අයියලා ඉක්මන් වී ඇත.ඔවුන්ට අනුව මෙය දුම් රිය බලධාරීන්ගේ වරදකි.ඔවුනට අනුව රාත්‍රියට කෝච්චියේ වගකීම පැවරෙන භාරකරුවා සහ සහායකයා නිර්දෝෂීය
.දුම් රිය සාමාන්‍යාධිකාරිවරයාගේ සිට ඇමතිවරයා දක්වා ඉහළ මට්ටමේ සියලු දෙනා මෙයට වග කිව යුතුය..එසේ කියන්නට
ඔවුන්ට ඒකට පරීක්ෂණ පවත්වන්නටත් උවමනා නැත. සුනාමියෙන් විනාස වූ දුම් රිය මග දින 52න් පිළිසකර කල වීරයන් සිටියේ නිළධාරී කාමර තුල නොවන බව මේ රතු අයියලාම කියනවා දනන්ට මතකය. දනන් ද එයට එකඟය.නමුත් හොඳ වැඩක ප්‍රසංසාව මෙන්ම වරදක වගකීමද එකලෙස භාරගැනීම අවස්ථාවාදීන් නොවන්නන්ගේ ලක්ෂණයක් බව පමණක් දනන්ගේ මතයයි. දනන් 'නයිට් රයිඩර්' කතාව මතක් කලේද මෙය කියන්නටය.නයිට් රයිඩර්ගේ වාහනය දුරස්තව ක්‍රියා කරවීමට කෙනෙකු සිටියාක් මෙන්ම මේ කෝච්චියේද අදෘශ්‍යමාන ක්‍රියාකරවන්නකු සිටින බව දනන්ගේ දැඩි විස්වාසයයි.මේ හැංගිමුත්තම්කරුවන් කවුරුන් උවත් උන් උත්තේජනය ලබන්නේ 'ඕන දෙයක් කලාට දඬුවමක් නැ.ඒ නිසා බය වෙන්නට දෙයක් නෑ" යනුවෙන් අද සමාජය පුරා පිළිලයක් සේ පැතිරෙන පිළිගැනීම නිසා බවට සැක නැත.නිදසුන් සිය ගණනක් ඇතත් කටුගෙට සිද්ධ වුනු සංතෑසිය වුවත් ඒ සඳහා උදාහරණයයකට ප්‍රමාණවත්ය.
කෝච්චිය
නම් අයාලේ ගියාට වෙන පාඩුව නම් මිනිය හැකිය.එහෙත් රටක් .....
- යුතුකමේ
දනන් - www.yuthukama.com
0 comments :
ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .