ඇස් වහක් නොවදින්න
දෙදණ බිම හොවාලා
හිස ඔසවා බලන සඳ
අපි ගත්ත පින්තූරෙ
පොඩි පුතුගෙ පින්තූරෙ
බොඳ වෙලා පෙනෙනවා
මගේ කඳුළක් මැදින් .....
කරකවා බලනවා මීටරය
ගුවන් විදුලියේ
කියන් නෑනේ කවුරුවත්
මේ නම් ලයිස්තුව
මගෙ පොඩි පුතුගෙ නම
ඇසේවි ද ගුවනින්
හිරවෙනවා මගෙ පපුව
වෙවුලනවා මුලු ගතම......
ගැහෙන මගෙ හදවතින්
කරකවා මීටරය
බලනවා මගෙ පුතුගෙ
නම කියාවිද කියාලා
කියන් නෑනේ කවුරුවත්
මේ නම් ලයිස්තුව
විසි හත් දෙනෙක් මැරිලා
වැළිකඩදි වෙඩිවැදිලා.......
-ලසන්ත වික්‍රමසිංහ
යුතුකම සංවාද කවය
0 comments :
ෆේස්බුක් ගිණුමක් නොමැතිවත් මෙතනින් ඔබේ අදහස පළ කළ හැක .