ජාතියේ අනන්‍යතාවයට සිදුවූ දේ ආගමටත් වේද?

1948 දී සුද්දාගෙන් නිදහස ලැබුවද 1957 වනතුරුම රජයේ භාෂාව වූයේ ඉoග්‍රීසි යයි. ඉoග්‍රීසි උගතාට පමණක් නොව කලිසමට තිබුන තැනවත් එදා සිoහල උගතාට තිබුනේ නැත. එවකට විජේවර්ධනලාට අයත්ව වික්‍රමසිoහලා පාලනය කල ලේක්හවුස් ආයතනයේ ඉoග්‍රීසි පුවත් පතක පලවූ කාටුනයක සිoහල උගතා වඳුරෙකුට සමාන කර තිබිණ. රජයේ පමනක් නොව පුද්ගලික ආයතනවල පවා ලිපිකරු සේවයේ සිට පරිපාලනය තෙක් සියලු තනතුරු කොළොඹ ඇතුලු ප්‍රධාන නගරවල, විශේෂයෙන්ම යාපනයේ,රජයේ ආධාර ලබමින් පවත්වා ගෙන ගිය මිෂනාරී පාසැල් වලින් බිහිකල ඉoග්‍රීසි උගතුන්ට පමණක් සීමාවිය. ඔවුන් අතර 'බර්ගර්' හා ද්‍රවිඩ ජාතිකයින්ද ක්‍රිස්තියානි ලබ්දිකයින්ද, රටේ බහුජන කොටස වන සිoහල බෞද්ධයින් අභිභවා කැපීපෙනින. ගමේ ගොඩේ පවත්වා ගෙන ගිය පාසැල් බොහමයක අවසානය අටවෙනි පන්තිය විය. නැතනම් දහවෙනි වසරතෙක් යන 'ප්‍රාරම්භය' යනුවෙන් හැඳින්වූ අවසාන පන්තිය විය.

සුප්‍රකට පනස්හයේ පෙරලියෙන් පසු සිoහල රජයේ භාෂාව කිරීම, විශ්ව විද්‍යාලය අධ්‍යාපනය පුලුල් කිරීම රජයේ ආධාර ලබමින් පවත්වා ගෙන ගිය පාසැල් රජයට ගැනීම වැනි ක්‍රියා දාමයන් මගින් රටේ බහුජන කොටසට යටත් විජිතවාදීන්ගේ පාලනසමයේ සිට වරත් ප්‍රසාද ලබා සිටි පැලැන්තියෙන් සිදුව තිබූ අසාධාරණය කිසියම් ප්‍රමාණයකින් දුරස් වුවද, සිoහල රජයේ භාෂාව කිරීම මෙරට ඊනියා ජනවාර්ගික අර්බුදයේ හේතුවයි පවසමින් ඊට විසදුමක් වශයෙන් 1978දී දෙමළ ජාතික භාෂාවක් වශයෙන් විය්‍යවස්ථාගත කෙරින.

එයින් නොනැවතී 1987දී ඉන්දියාවේ බලකිරීම මත 13වෙනි සංශෝධනය මගින් දෙමළ භාෂාවද රජයේ භාෂාවක් කෙරිණ. ඒ අනුව වත්මන් විය්‍යවස්තාවේ සිoහල සහ දෙමළ රජයේ භාෂාවන් මෙන්ම ජාතික භාෂාද වේ. ඉoග්‍රීසි සන්ධීය (Link) භාෂාව විය. රටේ 74% කට වැඩි ජනතාවකගේ මවුබස සිoහල වන අතර දෙමළ භාෂාව කතා කරණ දෙමළ හා මුස්ලිම් ජනතාව මිලියන 4.7 පමණි. එහෙත් ඊනියා ජනවාර්ගික අර්බුදය තව තවත් තීර්ව වූවා මිස භාෂාව විසඳුමක් නොවීය. භාෂාව අර්බුදයේ හේතුව නම් ඊනියා අර්බුදය එතනින් අවසන් විය යුතුව තිබින.

ආණ්ඩුක්‍රම විය්‍යවස්ථාවේ IV පරිච්ඡේද යේ 22 වගන්තිය අනුව උතරු හා නැගෙනහිර පලාත් සභාවල සියලු රාඡ්‍ය ආයතන වල පරිපාලනය කලයුතු වන්නේ දෙමළ බසිනි. දෙමළ බෙදුම් වාදීන් දැනටමත් සිoහල ජනයා උතුරු පලාතින් පලවාහැර ඇති බැවින් හා සිoහල ජනයා යලි පදිoචි කිරීමට ඉඩ නොදෙන බැවින් වත්මන් විය්‍යවස්ථාවම උතරුපලාත ඒකභාෂික (monolingual) කිරීමට මඟ පාදා ඇත.

13 වෙනි සංශෝධනය මුලුමනින්ම ක්‍රියාත්මක කලයුතුයයි අදත් දෙමළ සoධානය, බටහිරයන් හා ඉන්දියාව තදින්ම බලකරන්නේ උතරු හා නැගෙනහිර පලාත් දෙමළ කතා කරන ජනයාගේ ඓතිහාසික නිජබිම් හැටියට හා දෙමළ රජයේ භාෂාවක් මෙන්ම ජාතික භාෂාවක් හැටියට ඉන්දියාව ජේ.ආර්/රජීව් ගිවිසුම මගින් බලහත්කාරයෙන් සටහන් කරවීම, ඊනියා ස්වයo පාලනයකට ගෙන යෑමට ඉමහත් රුකුලක්වී ඇති බැවිනි. ලෝකයේ බොහො රටවල් තම ජාතියේ අනන්‍යතාවය රාඡ්‍ය භාෂා මට්ටමින් පෙන්නුම්කරයි. රටක බහුජාතියේ භාෂාව රාඡ්‍ය භාෂාව වශයෙන් මතුවී අනෙකුත් භාෂාවන්ගේ සාධාරණ භාවිතයට පහසුකම් සැලසීම පිලිගත හැකිවුවද, ශ්‍රී ලoකාව රජයේ භාෂා හා ජාතික භාෂා කිහිපයක් හඳුනා ගන්නා රටවල් අතලොස්සකින් එකකි.

කලක් යටත් විජිතයන් වූ සමහර රටවල් තවමත් ඉoග්‍රීසි, ප්‍රoශ, ජර්මන්, ස්පාඤ්ඤය වැනි භාෂාවන් විවිධ හේතූන් මත තමන්ගේ රාඡ්‍ය භාෂාව හෝ ව්‍ය්‍යාපාරික භාෂාව වශයෙන් තවමත් පවත්වාගෙන ගියද රටක ජාතික භාෂාව විය යුත්තේ එරට ජාතියේ භාෂාව, එනම් එරටේ ශිෂ්ටාචාරය ඇතිකල ජාතියටය. මේ සදහා සිoගප්පූරුව, ලක්සම්බර්ග්, ජපානය, වියට්නාමය, බුරුමය සහ මැලේසියාව උදාහරණවේ. ඒ අනුව අප රටේ ජාතික භාෂාව වියයුත්තේ සිoහල පමණි. එසේ වුවද කිසිදු ඓතිහාසික සාධකය කින් හෝ රටේ ජනමතයකින් තොරව, එක් රැයකින්, හුදෙක් ජාතිවාදී තර්ජන හා විදේශ මැදිහත්වී ම් මත භාෂා දෙකක් රාඡ්‍ය හා ජාතික භාෂා වශයෙන් සමතත්වයේ ලමින් රටේ අනන්‍යතාවය දැනටමත් පාවා දී ඇති ලෝකයේ එකම රට ශ්‍රී ලoකාව වියහැකිය.

එපමණකින් නොනැවතී ඉතා පැහැදිලිවම විදේශීය කුමණ්ත්‍රණකරුවන්ගේ සහයෙන් හා උතුරු නැගෙනහිර මහා පරිමාණ ඡන්ද මoකොල්ලයකින් බලයටපත් ජනාධිපතිවරයා, සිය දොල පිදේනියක් හැටියට රටේ පවතින විය්‍යවස්තාවට එරෙහව යමින් වහාම ක්‍රියාත්මක වෙන පරිදි ජාතික ගීය දෙමළ භාෂාවෙන් ගැයීමටත් ඉඩදී ඇත.

බුද්ධ ශාසන කාර්ය්‍ය සාධක මණ්ඩලය නමින් පිහිටුවාගත් කිසියම් සoවිධාණයක් මගින් මෑතකදී නිකුකර ඇති පුවත්පත් නිවේදනයකට අනුව 13වෙනි සංශෝධනය මගින් අපෙන් ගිලිහී ගිය ජාතික අනන්‍යතාවය පමණක් නොව ජාතික ගීයට වත්මන් ජනාධිපතිවරයා සිදුකරඇති අත්තනෝමතික ක්‍රියාවද අනුමතකරමින් ඒවා නව ව්‍යවස්තාවකට ඇතුලත්කිරීමට යෝජනා කරනු දක්නට ලැබීම ඉතා කණගාටුවට කරුණකි.

ජාතියේ අනන්‍යතාවය එසේ තිබියදී අද බොහෝ දෙනුකු රටේ ව්‍යවස්තාවෙන් ඒකීය භාවයට හා බුද්ධාගමට දී ඇති වගන්ති බේරා ගැනීමට දඟලනු පෙනේ. 13වෙනි සoශෝධනය මුලුමනින්ම ක්‍රියාත්මක වීමෙන් පසු ශ්‍රී ලoකාව තුල බලය බෙදීම ඉන්දියාවේ අර්ධ පෙඩරල් ක්‍රමය අභිභවා යන්නේයයි පැවසුවේ අන්කවරෙකු නොව එහි නිර්මාතෘ රජීව් ගාන්ධිමය.

'ඒකීය' වචනය තුලම 'පෙඩරල්' යන වචනය නොයොදා ඊටත් එහා යන ආණ්ඩුක්‍රම යක් දැනටමත් ලැබී ඇති අපට බුද්ධාගම යන වචනය තිබියදීම අපට සර්ව ආගමික පූට්ටුවක්ද ලැබීම වැඩි ඈතක නොවේ.

-එස්. අකුරුගොඩ
යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 

(Like us on facebook)

https://www.facebook.com/yuthukama

ලකුණු දා ගැනීම හා ලකුණු කැපීම

'ඇවන්ට්ගාඩ් සමාගම' වැටලීම, 'මිලේනියම් සිටි' වැටලීම මෙන් පොලීසිය ලකුණු දා ගැනීමට කලා දැයි සිතෙන බව පාර්ලිමේන්තුවේදී පැවසීම නිසා නීතිය, සාමය හා බන්ධනාගාර ප්‍ර‍තිසංස්කරණ අමාත්‍ය තිලක් මාරපන මහතාට සිය ඇමති දුරයෙන් වන්දි ගෙවීමට සිදුව තිබේ.

'මිලේනියම් සිටි' වැටලීම යනු අතුරුගිරියේ 'මිලේනිම් සිටි' නිවාස සoකීර්ණය තුල පවත්වා ගෙන ගිය රජයේම හමුදා බුද්ධි අoශ ඒකකය, 2001 දෙසැම්බර් මාසයේදී බලයට පත්වී 2002 ජනවාරි 2 වෙනිදා රනිල් අගමැති දුරය දැරූ එජාප පාලනය මගින් කරනලද මහා පාවා දීමයි.

එදිනට පසු එම බුද්ධි අoශ ඒකකයේ සියලුම නිළධාරීන්, එයට සම්බන්ධව සිටි සියලුම ඔත්තුකරුවන් සහ ඔවුන්ගේ පවුල්වල සාමාජිකයින් (දෙමළ හා මුස්ලිම් ජාතිකයින්ද ඇතුලුව) එල්.ටී.ටීය විසින් සමූල ඝාතනය කරන ලදි. රනිල්ගේ එජාප රජය, ඊනියා සටන් විරාමයට බාදාවක් වේයයි යන මතයේ සිටිමින් එල්.ටී.ටීයේ සහ නෝර්වේ ඇතුලු ඊනියා ජාත්‍යන්තර සාම කාක්කන්ගෙන් ලකුණු දා ගැනීමට දෝ එම ඝාතන වැලැක්වීමට කිසිදු පියවරක් නොගත් බැව් පැවසේ.

එවකට පොලීසිය භාරව ඇමතිවරයා වූයේ ජෝන් අමරතුoග වන අතර ආරක්ෂක අoශ භාරව ඇමතිවරයා වූයේ තිලක් මාරපන මහතායි. ලකුණු දා ගැනීමට ජෝන් අමරතුoග ගේ පොලීසිය කටයුතු කල අතර මාරපන ලකුණු කැපේ යයි සිතා කල වැරැද්ද දැන දැනම එවිට නිශ්ශබ්දව ඉන්නට ඇත.

සිතා මතා නොවූවත්, සිතේ පැල පඳියම් වී කාලාන්තරයක් සැගවී සිටි ඇත්ත තමන්ටත් හොරා කටින් ගලිහීම නිසාදෝ මාරපන මහතාගේ ලකුණු අද කැපී ඇත.

තමාට දිගට හරහට මඩ ගැසීමට මාධ්‍යය මගින් ක්‍රියා කළ බැවින්, පොලීසිය විසින් තවදුරටත් කරගෙන යනු ලබන පරීක්ෂණ වලට බාධාවක් නොවන පරිදි ඉල්ලා අස්වීමට තීරණය කළ බව මාරපන මහතා පවසා තබිණ. තවද මාධ්‍යය විසින් එවැනි මඩගැසීම් නොකළ යුතු බවත් ඒ මහතා කියා තිබේ.

වාසි පැත්තට 'හුරේ' දමන අමන දේශපාලකයින් මෙන්ම මාධ්‍යය වේදීන් යයි කියා ගන්නා පිරිස් සිටින රටක මාරපන මහතාගෙන් ඇත්ත පිටවෙන විටත්, රටට හෙන ගැහුනත්, පාලකයින්ගෙන් ලකුණු දාගෙන තම තමන්ගේ බඩවියත් රැක ගැනීමට උත්සුකවීම පුදුමයක් නොවේ.

මේ අතර අධිකරණ ඇමති විජේදාස රාජපක්ෂ මහතා කියා සිටින්නේ විශාල ලාබ ලබන ඇවන්ට්ගාඩ් සමාගම පවරාගැනිමට එක්තරා මාධ්‍යය ආයතනක් හිමි ව්‍යාපාරික සමාගමක් රජයට මහත් පීඩනයක් ඇතිකරන බවත් ඒ අතර සරත් ෆොන්සේකාට කෙසේ හෝ ගෝඨාභය රාජපක්ෂ මහතාව හිර භාරයට ගැනීමට අවශය්‍යව ඇතිබවත්ය. එහෙත් ගෝඨාභය රාජපක්ෂ මහතාව හිර භාරයට ගැනීමට නොගත්තේ ඔහු පවසන පරිදි ඊනියා යහපාලනය නිසා නොව, තමා ඉදිරියේ ඇති කුමන්ත්‍ර‍ණය කලින්ම දැන, ගෝඨාභය රාජපක්ෂ මහතා ශ්‍රේෂ්ඨාධිකරණයෙන් අදාල වාරණ නියෝගයක් ගෙන තිබුනු බැවිනි.

‘පාවෙන අවි ගබඩාවක්’ පවත්වාගෙන යාමට එක්සත් ජාතීන්ගේ අවසරය ඇතුළු සියලුම නීතිමය විධිවිධාන සපුරා පැවති බවත්, අවැන්ට්ගාඩ් නෞකාවේ සේවා කටයුතු හා රක්නා ලංකා සමාගම හා ඒකාබද්ධ කටයුතු සාධරණය කරමින්, ගිනි අවි ආඥා පනත, පුපුරණ ද්‍ර‍ව්‍ය පනත හෝ ත්‍රස්තවාදය වැළැක්වීමේ පනත ආදියෙන් නඩු පැවරිය නොහැකි බවට තමන් පසුගියදා තමන් පාර්ලිමේන්තුවේදී ප්‍රකාශ කළේ නීතපතිවරයාගේ වාර්තාව පදනම් කරගෙන බවත්, එය මුළුමනින්ම සත්‍ය බවත්, නීතිපතිවරයාටද මේ සම්බන්ධයෙන් එල්ලවන චෝදනා පදනම් විරහිත බවත්, හිටපු නීතිපතිවරයෙකුද වන අමාත්‍ය මාරපන සහ ජනාධිපති නිතිඥවරයෙකුද අධිකරණ අමාත්‍ය විජේදාස රාජපක්ෂ මහතුන් ඉතා පැහැදිලිව පෙන්වා දී තිබේ.

රජයේම ඇමතිවරුන් ලක්ව ඇති පීඩනය මෙබඳු නම් රජයේ වග කිවයුතු නිළධාරීන් ඊනියා යහපාලනය යටතේ පත්ව ඇති අසරණ තත්වය අපට සිතාගත හැකිය. මෙවන් තත්වයක් යටතේ තම රාජකාරිය නිසි පරිදි ඉටු කරන නීතපතිවරයාට මුලු මහත් ජනතාවගේ ගෞරවය හිමි යුතුවේ.

වත්මන් පාලකයින් නීතපතිවරයාගේ වාර්තා සහ නිර්දේශ නොතකා තවදුරටත් පොලීසිය මෙහෙයවන්නේ තමන්ට බලයට පැමණවීමට සියලු උපදෙස්, උදවු පදවු හා ගුරු හුරුකම් දුන් පුද්ගලයින්ගේ, මහරාජා වරුන්ගේ හා අනෙකකුත් විවිධ බලවේගවල (දේශීය හා විදේශීය) මනදොල පුරවා ලකුණු දා ගෙන තමන්ගේ පැවැත්ම රැක ගැනීමට මිස රටට වන සෙතක් ගැන සිතා නොවන බැව් දනිනෝ දනිති.

-එස්. අකුරුගොඩ
යුතුකම සංවාද කවය
www.yuthukama.com

ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 

(Like us on facebook)
https://www.facebook.com/yuthukama

නරියන්ට කුකුළන් බාරදීම

මෙතෙක් අප රටේ‍ බිහිවූ බිහිසුණුම පාලනය වත්මන් රඡය බව මානව හිමිකම් ක්‍රියාකාරී හා නීතීඥ වරයෙකු වන කල්ය්‍යානන්ද තිරාණගම මහතා 'බිල්ලෝ ඇවිත්'සoවාදයේදී පවසා තිබිණ.

මෛත්‍රිපාල සිරිසේන වත්මන් ජනාධිපතිවරයා වශයෙන් දිවුරුම් දුන් දා සිටම රටේ ආණ්ඞුක්‍රම ව්‍යවස්ථාව දිගින් දිගටම බරපතල ලෙස උල්ලoඝනය කිරීම, පාර්ලිමේන්තු බලය උදුරා ගනිමින් මහජන නියෝජනය නිහඬ කිරීම සහ විරුද්ධවාදීන් නිහඬකිරීමේ අරමුණෙන් නීතිය දේශපාලන පලිගැනීම් සඳහා යොදවා ගැනීම උදාහරණ වසයෙන් පෙන්වා දෙමින් තිරාණගම මහතා පෙන්වා සිටියේ මේ රජය 2020 තෙක් පැවතුන හොත් රට මුලුමනින්ම විජාතිකරණය වී කැබලිවලට බෙදීගොස් අනන්‍යතාවයද නැතිකරමින් ඉන්දියාවේ ඊලඟ ප්‍රාන්තය වනු නියත බවය.

ආණ්ඞුක්‍රම ව්‍යවස්ථාව උල්ලoඝනය කිරීම, පාර්ලිමේන්තු බලය උදුරා ගැනීම, මහජන නියෝජනය නිහඬ කිරීම, දේශපාලන පලිගැනීම්, විජාතිකරණය, අධිරාඡ්‍ය ගැතිවීම එක්සත් ජාතික පක්ෂය (එ.ජා.ප) පාලනයන් යටතේ අලුත් දෙයක් නොවේ.

1948 -1956 කාලය තුල රට පාලනය කල එ.ජා.පය සුද්දන් අනුගමනය කරමින් පූර්ණ බටහිර ගැති පාලනයක් ගෙන ගියේය. එකදහස් නවසිය හතලිස් අටේ අප සීමිත නිදහසක් බ්‍රිතාන්‍යයෙන් ලැබුවද, පනස්හය තෙක් රට පාලනයකළ එ.ජා.ප ය රටතුල දේශපාලන, ආර්ථික හෝ සමාජමය සැලකියයුතු වෙනසක් කිරීමට අපොහොසත් විය. රජයේ භෂාව ඉංග්‍රීසි විය. ඉංග්‍රීසි උගතාට, කලිසමට, ඉංග්‍රීසි ඉගැන්වෙන කතෝලික- ක්‍රිස්තියානි පාසැල්වලට තිබූ තැන එදා සිංහල උගතාට, සිංහල ගුරුවරයාට, සිංහල වෙද මහතාට, බොදු දහම සහ සිංහල බස ඉගැන්වෙන මූලික ස්ථානයක් වූ පිරිවෙණට, ගමේ ගොඩේ සිංහල බෞද්ධ පාසැලට, ජාතික ඇඳුමට (රෙද්දට-බැනියමට) තිබුණේ නැත. ඔවුනට ලැබුනේ කුඩම්මාගේ සැලකිලිය. නිදහස ලැබුවද ත්‍රිකුණාමල නාවික සහ කටුනායක ගුවන් තොටුපොළවල් බ්‍රිතාන්‍ය හමුදාව සතුවිය. අධිරාඡ්‍යවාදීන් සතුටු කිරීම සඳහා සෝවියට් රුසියාව චීනය සමග තානාපති සබඳතාවයන් පැවැත්වුයේ නැත. එකදහස් නවසිය පනස් දශකයේ මුල්භාගයේ ශ්‍රී ලංකාවට පමණක් දැකගතහකිවූ පුර්ණ සූර්ය්‍යග්‍රහණය නිරීක්ෂණය කිරීමටවත් රුසියානුවන්ට පැමිණීමට ඉඩනොදෙන ලදී. එවකට වෙළඳ ඇමති ආර්. ජි . සේනානායක මහතා චීනයට ගොස් සහල් ලබාගැනීම සඳහා ගිවිසුමක් අත්සන්කලද ඊට එහා සබඳතා පැවැත්වීමට එජාප රජය මැළිවිය. එතරමටම පාලකයින් අධිරාඡ්‍ය ගැත්තෝවුහ. එජාප යේ ජේ. ආර්. ජයවර්දන (ජේ. ආර්) හදුන්වනු ලැබූයේ 'යැoකි ඩිකී' නම්වූ විරුදා වලියකිනි.

සහල් සේරුව දිගටම සත විසිපහට දෙන බවට මැතිවරණයේදී පොරුන්දු වී 1952 දී බලයට පත්වූ විගස එජාප රජය සහල් මිල තෙගුණයකින් ඉහල දැමීමට එරෙහිව පාරට බැසි ජනතාවට වෙඩිතබා ඝාතනය කල සැටිත්, 1965 දී පෙඩරල් පක්ෂය සමග හොර ගිවිසුම් ගසා බලයට පත්වූ විගස එම ගිවුසුම් අනුව කටයුතු කිරීමට යෑමේදී ඊට විරෝදය පෑ පිරිසටද වෙඩිතබා දඹරාවේ රත්නසිරි හිමි ඝාතනය කල සැටිත් අද බොහෝ දෙනෙක් නොදනී. සමහරුන්ට අමතකය.

1977 දී ධාර්මිෂ්ට සමාජයක් පොරොන්දුවී බලයට පත්වූ දිනයට පසුදා සිටම මැතවරණ ප්‍රචණ්ඩත්වයෙන් සිදුකල ජීවිත හා දේපල හානිය, එජාපයේම ඇතැම් නායකයින්ගේ අනුදැනුම මත සිදුකල සුප්‍රකට'1983 කළු ජූලිය' මගින් වූ ජීවිත හා දේපල හානිය, ඊට පසු බෙදුම් වාදීන් ඇරඹි ත්‍රස්තවාදයෙන් සිදුවූ දස දහස් ගණන් ජීවිත හා දේපල හානිය අද බොහෝ දෙනෙක් නොදනී. සමහරුන්ට අමතකය.

එජාපයේම වැරදි විදේශ ප්‍රතිපත්තිය හේතුවෙන් බිහිවූ රජීව්-ජේ.ආර් ගිවුසුම හා එයට විරුද්දවූවන් මර්ධනය කිරීමෙන් ඇරඹි භීෂනය හා එයින් සිදුවූ දස දහස් ගනන් ජීවිත හා දේපල හානිය අද බොහෝ දෙනෙක් නොදනී. සමහරුන්ට අමතකය.

1977 දී ජේ.ආර් රජය පිහිටූ විගසම තම පාක්ෂික මන්ත්‍රීවරුන්ගෙන් දින රහිත, එහෙත් අත්සන සහිත, ලිපි ලබාගෙන පාර්ලිමේන්තු බලය උදුරා ගනිමින් මහජන නියෝජනය නිහඬ කල ආකාරයත්, එමගන් තමනට රිසි පරිදි ආණ්ඞුක්‍රම ව්‍යවස්ථාව, එහි සංශෝධන (13 ඇතුලුව) හා අණපනත් සම්මතකරගත් ආකාරයත් අද බොහෝ දෙනෙක් නොදනී. සමහරුන්ට අමතකය.

1978 ආණ්ඞුක්‍රම ව්‍යවස්ථාව සහ ඒ සමගම ඇතිකල මනාප මැතිවරණ ක්‍රියාවලියේ එක් අරමුණක් වූයේ එමගින්, ආසන මට්ටමින් නොවූවද, තනි පක්ෂයක් ලෙස එතෙක් මැතිවරණ වලදී ඉදිරියෙන් සිට ඇති එ.ජා.පය සදාකල් බලයට ගෙන ආ හැකිය යන්නය. එහෙත් ඒ මැතිවරණ සිතිම තාවකාලිකව පසෙකලා 1982 දී ඊනියා ජනමත විචාරණයක් මගින් 1977 ආසන මට්ටමින් ලැබූ 4/5 පාර්ලිමේන්තු බලය තම පාලන කාලය තුල තබා ගනිමින් බලය අත්තනෝමතික ලෙස පාවිච්චිකල අයුරු අද බොහෝ දෙනෙක් නොදනී. සමහරුන්ට අමතකය.

1977-1993 කාලයතුල මේරටේ විරුද්ධ අදහස් ප්‍රකාශ කරන්නන්ට 'බයිසිකල් චේන්' වලින් පහර දුන්සැටිත්, මහාචාර්ය්‍ය එදිරිවීර සරච්චන්ද්‍ර වැනි අයට පවා කාණු වල දමා පහරදුන් සැටිත්, අධිකරණ තීන්දු ස්වාධීනවූ විටෙක ශ්‍රේෂ්ඨාධිකරණයේ විනුසුරුවන්ට, රාජ්‍ය අනුග්‍රහය යටතේ, අවමන් කල අයුරුත් අද බොහෝ දෙනෙක් නොදනී. සමහරුන්ට අමතකය.

1815 දී සුද්දන්ගේ බසට රැවටී තාන්න මාන්න බලාපොරොත්තුවෙන් රට ජාතිය හා ආගම ගිවිසුමකින් විදේශිකයිනට පවරාදුන් එදා සිoහලේ පාලකයින් සිදුකළ මහාපාවාදීම සිහි කරමින් ඉන් වසර දෙසීයකට පසු අද ද තාන්න මාන්න, සැප සම්පත් හා සුඛ විහරණ වලට දේශපාලකයින් ඇතුලු විවිද වග කියයුතු නායක කාරකාදීන් ජනමතය පාගා දමද්දී රට තුල දියත් වන්නේ විදේශීය බලවතුන්ගේ න්‍යාය පත්‍රයයි. අද අපේ පාලකයෝ එම න්‍යාය පත්‍රයට සියලු පහසු කම් සැළසීමේ දේශීය භූමිකාවට පන දෙති.

ජිනීවාහීදී අපට එරෙහිව ගෙන ආ යෝජනාවන්ට අප රජයම පාර්ශව කරුවෙකු වීමට තරම් නිවට දීන තත්වයකට රට දැන් පත්කර අවසන්ය. අපේ පාලකයින්ම අපේ රට සිoහල බෞද්ධ නොවන බවත්, සිoහල බෞද්ධ ආධිපත්‍යය නැතිකරන බවත් පුන පුනා පවසති.

ජිනීවා යෝජනාවල නිර්දේශ පිළිගැනීම මගින් ජාත්‍යන්තරයේ මැදිහත්වීමට, ඊනියා සිවිල් සමාජය හ රාජ්‍ය නොවන සංවිධාන ඇතුළත් කිරීමට, ජාත්‍යන්තර විනිශ්චයකරුවන් නීතිඥයන් හා වෙනත් අය සහභාගි වන අධිකරණමය යාන්ත්‍රණයක් පිහිටුවීමට, රණවිරුවන් නීති විරෝධී අධිකරණයට ගෙන ගොස් වරදකරුවන්ට දඬුවම් දීමට, සාක්‍ෂිකරුවන් ආරක්‍ෂා කිරීම මගින් ඕනෑම අයකුට බොරු සාක්‍ෂි දීමට, හමුදා කඳවුරු වසා ඉඩම් ආපසු ලබා දීමට, මහජන ආරක්‍ෂක පණත සංශෝධනය කිරීමට, ත්‍රස්තවාදය වැළැක්වීමේ පණත මුළුමනින් ම ඉවත්කිරීමට, දහතුන්වැනි ව්‍යවස්ථා සංශෝධනය ක්‍රියාත්මක කළ යුතු බවට, පළාත්සභා සියළු බලතල සහිතව ක්‍රියාත්මක කිරීමෙන් ඉඩම් හා පොලිස් බලතල පළාත්සභා වලට පැවරීමට හා එක්සත් ජාතීන්ගේ මානව අයිතිවාසිකම් කොමිසම දිගින් දිගට ම ලංකාව සම්බන්ධයෙන් මැදිහත් විය යුතු බවට වත්මන් පාලනය එකඟ වෙයි.

එදා අනගාරික ධර්මපාල තුමා පැවසූ පරිදිම අදත් සිoහලයා පක්ෂ පාට වලට, කුල මල වලට, උඩ රට, පහත රට වශයෙන් බෙදීයද්දී බෙදුම්වාදී මතයෙන් පෝෂණය වූවෝ එකට එක්ව ත්‍රස්තචාදීන් පිලිගැනීමටත් මෙලේච්ඡ එල්.ටී.ටී. මිනිස් ඝාතකයන් ගෙන් රට මුදවා ගෙන රටට සාමය උදාකල රණ විරුවන් හා සේනාධිපතීන් ගෙන් පලිගැනීමටත් අප රට බෙදා වෙන් කිරීමටත් පිඹුරුපත් සකසමින් සිටී.

ඉහත සඳහන් ජිනීවා යෝජනාවන්ට එකඟ වීමෙන් ඉතා පැහැදිලිව අප රටේ ස්වෛරීභාවය නැතිකර ඇත. අපේ බොහෝ දෙනෙකු, ඈත ඉතිහාසය පමණක් නොව, ඉතා මෑත ඉතිහාසය පවා නොදැනීමත්, දැන සිටියත් ඉතා කෙටි කලක් තුලදී අවසනාවන්ත ලෙස අමතක කිරීමත් නිසා අද අපේ රටත් ජාතියත් නරියන්ට බාරදුන් කුකුළන්ට වූ ඉරණමට මුහුණපා සිටිමු.

එබැවින් එම යෝජනා පරාජය නොකල හොත් මේ ගෙවෙන්නේ අභිමානවත් රටේත්, ජාතියේත් හෙල බෞද්ධ උරුමයේ අවසන් හෝරාව බැව් අමුතුවෙන් කිවයුතු නොවේ.

-එස්. අකුරුගොඩ
යුතුකම සංවාද කවය
www.yuthukama.com
ඔබේ මනාපය රට වෙනුවෙන් කැපවුනු යුතුකම සංවාද කවයේ ෆේස්බුක් පිටුවේ ලකුණු කරන්න. 

(Like us on facebook)
https://www.facebook.com/yuthukama